رد: حابه تعرفين اكثر عن منتجات ماك .. حياج .. متجدد {{ 2 }}
شلونكم بنات ؟؟؟
مبروووك اللي شرو من الكولكشن اليديد وعليكم بالعافية ..
انا بالاصل ما شوقني وايد بس قلت بشوف بلش hipness لأني ادمان بلشرات وثاني شي كنت بشوف حمرة lazy day مع القلوس مالها .. والبرش 131 قلت شكلها حلوة حق البلش والهايلايتر فقلت باخذها ..
سوالف البرونز انا مو وايد معاها يمكن 5-6 مرات بالسنة استخدمها فعندي اللي يكفيني ..
المهم شلت بناتي وقلت نتريق بمرينا .. ومريت ماك 10ونص انا عندهم ..
طبعا هايلايتر المارين لايف ماكو بح
عليكم بـألف عافية انا ماكنت باخذه بس مشوقني وقلت بكحل عيني بشوفته على الطبيعة ما حصلي الشرف ..
البلش ما عجبني وايد .. اهوه حلو الصراحة بس حسيت عندي الوان تشبهه فما حسيته مست هاف ..
الحمرة ليزي داي صج وايد تشبه ليدي قاقا ماكو فرق يسوى بس انا وايد استخدم هاللون فقلت اوكي ابيها .. قالتلي ماكو الا المعروضة تبينها !! قلت لها نعم ؟؟ اخذ التستر اللي الناس مجربينها ؟؟ قالت لا تونا فاتحينها ! قلت فاتحينها 10 ومجربتها 100 وحدة قبلي ولا شلون عيل نص الاغراض مخلصة لو محد ياي ومجرب !! امبيه تقولي محد مجربها والحمرة مأكولة وملغمطة مجربتها 100 وحدة ويع شكو اشتريها ؟؟ انا بالمحلات لو شنو ما اجرب حمرة الا على ايدي تلوع جبدي ولو احد يستخدم حمرة من ملوتي بس تطلع من خاطري ماشتهي استخدمها !!
الحمدلله والشكر بره يوزعون سامبلات وهني حتى التستر يبيعونا اياه ..
عاد تذكرت موقف توني موصية ريلي ابي بيجمنت الروز قولد طبعا اهوه برو بس قلت يمكن يحصله بره .. ما لقاه عندهم بس عندهم تستر جان يحطونله اياه بالسامبل جار ويعطونه اياه يدون ما يشتري شي من المحل حتى !!
اي ونسيت حصلت البرش اخر وحدة المعروضة بس قلت برش مو مستخدمة اكيد فخذيتها .. وخذيت القلوس الوردي .. وبس سلامتكم هذا اللي شريته اليوم
تايقر ..
انشالله ولا يهمج اشحن كاميرتي انشالله واحاول اصورهم باسرع وقت عاد وايد والله اغلب مكياجي ماك ..
