مشكلتي ادري انها سخيفة بس متعبتني

[امورةالدوحة]

اخباركم ينات
بصراحة انا صارلي فترة ادخل واقرا المواضيع واليوم قررت اني اشترك لان منتداكم رووووووعة وماستغرب الكويتيات عسووووولات
المهم انا الحمدلله متزوجة صارلي سنتين وعندي بنوتة الله يحفظها
والله استحي اني اقول مشكلتي لنها سخيفة بس متعبتني:eh_s(22):
مشكلتي اني كلش موب واثقة فنفسي
هالشي بدا معاي بعد ماولدت بنتي الله يطول بعمرها لها الحين 5شهور
دايما اجوف نفسي موب حلوة ومرات كريهة
لو اقولكم شي بتستغربون الكل يقول عني حلوة ولمن اتعدل يقولون وايد حلوة وفي اي مناسبة لازم يسالون عني
انا بيضا وماشاءالله عيوني كبيرة وخشمي طويل موب وايد حلو بس راكب علي وشعري حلو ورشيقة وطويلة<<<<<<هههههه جني اوصف نفسي لخطابة
دايما احس ان ريلي يشوفني موب حلوة وانه كله يطالع البنات اي صج انا متعقدة من صدري لنه صغير بس الكل يقول لايق علي لن وزني فالخمسين
بنات والله قبل لا اولد اني كنت واثقة بنفسي حتى وانا حامل كنت اشوف نفسي حلوة مع اني تنفخت ووجهي صار كله خشم ههههههههه
انتظر ردودكم الطيبة

 

[جـــوووبـــا]

حبوبه خليج واثقه من نفسج والله الرجال مثل الجاهل حتى لو مدح وحده وقلتلي والله لو الكشخ والبس بمزاااج لئصك عليها صدقيني مره مرتين خلاص ترسخ الفكره براسه ومدام انتي مو ناقصج شي حبوبه لاتعذبين عمرج الرياجيل جذيه لازم يبص لبره فتره وتعدي طنشي ياعمري ولا تنخلينها سبب تعب نفسيتج ترا اذا ماوثقتي بعمرج ماراح تكشخين وتلبسين لئن المره اذا صارت نفسيتها مو كلش حتى يطلع شكلها مو حلو لو حطت مكياج ولبست اسئليني دايم اذا طلعت مع زوجي وقعد يصارخ عشان تئخرت بالبس اقوله لاتوترني وتعصبني بعدين شكلي يخرب << احسه مو مستوعب السالفه بس ماعليه هههههههههههههه

 

[TbOoLa_77]

ريلج يشوفج بالعين اللي تشوفين فيها نفسج

لو تشوفين نفسج اجمل الجميلات هالشي بينعكس عليج وبتخلينه

مع تصرفاتج يشوفج بهالنظره

 

[حبـ admant ـك]

لازم تثقين في روحج
ولا تطلعين عيوبج لزوجج مثلا الحين اللي فهمته ان ماتحبين خشمج و صدرج
اذا قلتي له ماحب هالأشيا بيقعد يدقق فيج وصج بيكره هالشي فيج
بس انتي كله وثقي من نفسي ولا تبينين له اي شي
دام الثقه قلت عقب مايبتي بنتج هالمشكله مقدور عليها في انج تغيرين لوكج
تمكيجي لنفسج سوي شي تحبينه شوي شوي لين ما ترد الثقه ان شاءالله

 

[امورةالدوحة]

مشكورين حبايبي عالرد

 

[درة أهل الطولات]

لرفع ...

 

[واقعية حـلـم !]

بعد عمري

مسألة الثقة أبدا مو سخيفة


الثقة أساس الجمال


خلج كاشخة دايمااااا و قولي انا حلووووة و بصير أحلى



و اقري عن الثقة بالنفس اشلون تزيد اشكثر في مواضيع عن هالشي بالنت و الكتب


دشي نادي اذا جسمج يبيله شد بعد الولادة





اكيد بعد الولادة الوحدة نفسيتها اتغير و انت الحين تشوفين نفسج أم حنونة أكثر من أنثى جميلة






و هذا طبيعي






و دمتي بود و جمال

 

[حنطاويه_84]

صح كلام البنات انتي اذا كنتي واثقه ابنفسج ريلج بيثق ابجمالج

 

[قلبي ابيض]

شوفي نفسج حلا وحدة واهو راح يحس بهالشي

 

[منيرة خالد]

خلي عنج الوسواس

وخليج واثقه ان الجمال جمال الروح مو الشكل >>> يعني اذا صار عمرج 65 سنه شنو بتشوفين نفسج ؟؟!!


الله يوفقج

 

[امورةالدوحة]

مشكورين حبايبي عالرد

 

[ريماس77]

خليج واثقه من نفسج

 

[وداعيه]

تدرين شنو الي يحلي الوحده .. حتى لو انها كانت عاديه ؟








الثــــــقه بالنفس

 

[أحبه موت]

خلج وااااااااثقه من نفسج لأن ريلج راح يطالعج بنفس النظرة الي تنظرين فيها لنفسج لن هالشي ينعكس على شخصيتج
والله اعرف حريييييم استغفرالله ياربي مافيهم ذرة جمال ورياييلهم مشالله اجمل منهم حتى الكل يقول الحين هذا ماخذ هالشيفه استغفرالله
بس تعالي شوفي شلون طاير فيها ومسويها يادهينه لا تنكتين اتوقعين ليش لأنها واااااااااااااااااثقه بنفسها والله والله لمن تقعد معانا احنا احلى منها مليون مرة بس ما ادري ليش لمن نقعد معاها ننقد على نفسنا وانحس ان احنا اقل منها
لأنها باختصار واااااااااااااااااااااثقه بنفسها

 

[omsalman87]

بعدي عنج هالافكار وخلج واثقه من نفسج.. وبيني حق زوجج انج واثقه من نفسج .. بالعكس كل مرحله بحياتج ولها جمالها سواء قبل الولاده او بعد الولاده...

 

[ديانا سبنسر]

الثقة نص الجمال

 

[الأماكن]

والله أععرف لي وحدة تبط تبط الجبد

جكر و سواد و نفاق و جذب لااااا و المشكلة تتفنتق بعد

بس ماشاء الله عليها

عليها ثقة بالنفس ما شفتها بأي احد

ثقة ثقة مو طبيعية ... دايما تقووول انا حلوة و مزيووونة و الكل يحبني

تعلمي منها

 

[قلبي قطري]

هلابج حبيبتي نورتي المنتدااا وصدقيني اهم شي جمال الروح مب المظهر تعوذي من ابليس حاولي تهتمين بشي اللي مب واثقه فيه كثري الاستغفار واقري سورة البقره يومياااا شوفي حياتج اشلون بتتغير والله

 

[غنج اهلها]

الثقة باي شئ مثل القاعدة

وكل الامور زواياااا تبنينها بثقتج بروحج

مافي شئ اسمة مرآة قبيحة لازم فيها شئ حلو وجذاب

ودام الكل يقولج انج حلوة فدوري عالخلل اللي تحسينة نازع عنج هالثقة وعدلية

واتاكدي مافي شئ يجي بالراحة يعني مثلاااا لو العيب ببشرتج بالعناية تستردينها بس يبي وقت

وهم الكلام لو لجسمج او شعرج

وربي يوفقج ويجملج بعين زوجج دووم

 

[امورةالدوحة]

مشكورين حبايبي على ردودكم