عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[Eyeliner]

انشــــاء الله اجتمع معاكم في تجمع 2011 :$ لان ناويه على امريكا باذن الله السنه الجايه
اكيد بتساعدوووني صح؟

 

[ظلال القرآن]

انشــــاء الله اجتمع معاكم في تجمع 2011 :$ لان ناويه على امريكا باذن الله السنه الجايه
اكيد بتساعدوووني صح؟

ان شاء الله تلحقين خير باذن الواحد الاحد

 

[ظلال القرآن]

هاى ظلال شخبارج انا عندى اقتراح ليش نا تتعرفون على بعض فى الكويت للى لليحين ما سافروا فى قهوه احسن لكم واللى هناك بامريكا يدزون لكم تلفوناتهم وتتواعدون هناك اذا نفس الولايه ومشكوره وايد واانا بعد ما استغنى عنكم:fun:

هلا بالجعده :hjy5jewf:
خوش فكره
احنا الحين نصنا مشو لو ان انحنا منفذين هالفكره قبل شهر وايد احسن
والحين لويه لويه لويه والله العظيم الحين ست جناط فاجين حلوجهم :eh_s(11): وماني قادره اخلصهم واكيد البنات مثلي وزود ان شاء الله اذا ردينا نشوف بعض باذن الله

 

[ظلال القرآن]

ماريوت تايم سكوير حلوو وايد وموقعه حلووو

الله يبشرج بالخير حتن اخوي امس يقولي كشخه كشخه قلت والله ظلمت لؤي فقير وشلت الخشه عليه بعد:bbbiu:
بس خلاص الحين بعطيه ويه:hjy5jewf:

 

[فهههده]

هلا والله صباح الخير
اشوف صبح الخميس مافي الا انا
ايه عرفت الي تداوم والي نايمه
حنا لاء اليوم اجازتنا
كنت بحفلة عرس امس ورجعنا الفجر ونمت ومن شوي عالعشره صحيت متعوده عالدوام
انا الان خلاص ببدي من اليوم شغل الشنط الحامي ماعاد الا خير
ربي يسهل لنا ولكم ولجميع المسافرين

 

[ظلال القرآن]

السلام ..


شلونكم بنات شخباركم؟؟


زين فتح معاي المنتدى


ام بنينو مشكوره على المعلومات الحلوة ...

وماري ماري بالسلامة يارب ..



بنات بليز بليز بليز رجاء حار ارجو انكم تحرصون على عدم الخروج عن موضوع السفر وتبادل المعلومات المتعلقة فيه وتلتزمون فيها من غير التطرق لأمور شخصية .. راح احاول هاليومين امر على التجمعات الثانية وانبههم بعد ..


اذا محد التزم بهالشي مع الأسف راح نلغي سالفة التجمعات كلها من الأساس ..

اتمنى منكم حسن تعاونكم :eh_s(22):


ألقاكم على خير :sfg:
​

ان شاء الله تامرين رونه شنسوي طول التجمع وتعودنا على بعض بس بنحاول كل مشاركه بفائده
والله هالتجمع وايد وايد فادنا انا وحده من الناس دشيته ما اعرف شي عن امريكا وانتي والبنات وايد وايد فدتوني يزاكم الله خير الحين الحمد لله خلصنا كل حجوزاتنا وماقصرتي يالغاليه واخص بالشكر سمبلي بعد بدعت:hearting: بدعت بغايبج بعد قلبي ما يمدينا نحط الاستفسار الا وترد بدقيقتها وكل البنات هنيه صرنا اكثر من خوات حتى ريلي كل ما طرا عليه سؤال يقول بسرعه سألي ربعج بالتجمع:080402ask_prv:

 

[فهههده]

ظلال حبيبتي لاتغيريين الماريوت يهبللللل حلوووو مررره
وانا وياك بالهوا سوى غرقانين داخل الجناط بس ست شنط حق كم شخص
واخذتي مواد غذائيه ولا خفتي

ايه وعندي ولد وبنت بالابتدائي مايوهاتهم ساتره يعني تغطي الركبه متعودين عليها هل وضعهم صح ولا شكلهم غلط واغيرهم بالقصير الي لنص الفخذ

رواانا
هلاوالله بهالطله
مانبي نكدر عليج ونخالف بس
مثل ماقالت اختنا ظلال
كل معلومه ولازم معاها سالفه تلطف التجمع وتعطيه حيويه وطاقه ولا كان عالمعلومات بس بيجلس ايام راكد ومايتحرك
لازم نحركه بشوي سوالف تجرجر المعلومات وتسحبها فسالفه تجر معلومه ومعلومه تجر سالفه وهذ هو ملح التجمع وحلاته والتعلم من خلال السوالف هه







..

 

[ظلال القرآن]

بس عاد عفيا رونه لا تصكون التجمع والله نضيع من صجي :eh_s(11):

احنا متواعدين ندش من امريكا نسال ونفيد بعض:080402ask_prv:

عاد يالله رون شغلي واسطاتج جنج ما تشوفينا :hjy5jewf:

 

[ظلال القرآن]

ظلال حبيبتي لاتغيريين الماريوت يهبللللل حلوووو مررره
وانا وياك بالهوا سوى غرقانين داخل الجناط بس ست شنط حق كم شخص
واخذتي مواد غذائيه ولا خفتي

ايه وعندي ولد وبنت بالابتدائي مايوهاتهم ساتره يعني تغطي الركبه متعودين عليها هل وضعهم صح ولا شكلهم غلط واغيرهم بالقصير الي لنص الفخذ
..

هلا فهده لا لا ما راح اغير ماريوت هذا اختيار حوبي الاول والاخير ما اقدر اغيره :hjy5jewf:

بالنسبه للمايوهات لبسيهم ميوهات على كيفج انا اول العام في سويسرا عيالي ينزلبون المنتجع بمايوهات لي الركبه والبنت ميوها ساتر ولا احد يتكلم ابداااااااااااا
الاكل ما راح اخذ غير قهوه عربيه لاني ما اعيش بدونها وتمر
وجبن كرافت وبسسسسسسسسسس

 

[Simply_The_Best]

ممكن عنوانهاا :hjy5jewf: حسيت انها عجيبه
بس الرينيون فيها تنظيف نفس نظام الشقق الفندقيه؟

مـوقع الريونيونhttp://www.reunionresort.com/

عنـوانهم

7593 Gathering Drive, Reunion, FL 34747
Resort Info: 407-662-1000
Formerly Ginn Reunion Resort, Orlando, Florida

إي مثل الشقق الفندقيـه

 

[Simply_The_Best]

السلام عليكم بنات

انا اسفه قطعت عنكم الفتره اللي طافت

بس كان عندي ضروف امنعتني وكل ما احاول ادش يكون معلق المنتدى

او يشبك معاي بس مااقدر اشارك اكون بلويه

وصراحه ولهت عليكم كلكم واشكر كل اللي اسالو عني

واللي سافرو الحمدالله عالسلامه وتتهنون ان شاء الله

هـلا شعـوره إن شاء الله المـانع خيـر ... و المنتـدى إنتي و حظـج

والله على البـال إنتـي مع إنـي مـا أعرفـج يعني ما قط شفتـج بس سبحان الله تيون على بالي

شصـار معاكم بتروحون الكامبيـنج ؟

 

[ظلال القرآن]

سمبلي اي اسم شارع الفقمات الي فسان دياغو بالانجليزي علشان الجارمن

 

[Simply_The_Best]

سمبلي اي اسم شارع الفقمات الي فسان دياغو بالانجليزي علشان الجارمن

1398
coast Blvd
la jolla , ca 92037

أم أحمـد شـوفي خريطـة Bing في أمـاكن أوضح من الجوجـل

 

[ميسوره]

مرحبا بنات اشلونكم وشخباركم مع السفر
اتروحون وتردون بالسلامه يارب
وتمنياتي للكل بقضاء عطله صيفيه سعيده داخل او خارج الكويت

رووونا شخبارج واشلون بناتج على فكره كنتي طالعه حلوه بالعرس كلج ذوق واناقه

سمبلي شخبارج خبرينا عن نتايج اعيالج انتي معاي هالسنه من الصامدون :080402ask_prv: ؟


ادعولي بنات ان الله يقومني بالسلامه دخلت شهري وباقي على موعد عمليتي اسبوعين
ودعوة المسافر مستجابه :yaaaaaarb:

 

[سبكهاوا]

بنات في احد منكم ريلها او اخوها ماعطوه فيزا ليلحين او طولو لين عطوه الفيزا وشكثرر طولو ؟؟؟
باجر سفرتي ولي لحين ماكو خبر ((

 

[Simply_The_Best]

مرحبا بنات اشلونكم وشخباركم مع السفر
اتروحون وتردون بالسلامه يارب
وتمنياتي للكل بقضاء عطله صيفيه سعيده داخل او خارج الكويت

رووونا شخبارج واشلون بناتج على فكره كنتي طالعه حلوه بالعرس كلج ذوق واناقه

سمبلي شخبارج خبرينا عن نتايج اعيالج انتي معاي هالسنه من الصامدون :080402ask_prv: ؟


ادعولي بنات ان الله يقومني بالسلامه دخلت شهري وباقي على موعد عمليتي اسبوعين
ودعوة المسافر مستجابه :yaaaaaarb:

هـلا ميسـورة شخبـارج ؟؟؟ شعلـومـج ... الله يسهل عليج و يقـومـج بالسـلامـة إنتـي و البيبي يـارب العالميـن

مـا في مجـال طبيعي لازم قيصريـه ؟

نتـايـج عيـالي الحمد الله زيـنـه

أنـا كنت من الصامـدون بس الحيـن صرت من المسـافرون ههههههه أبـونـا كـان كلش!!مو مـوافق بس طنقرنـا عليـه كلـــنـا لووول و نحـاول فيه هنـاك و هنيـه و لحسن حظنـا عطـوه كـورس بسـان فرانسيسكـو الحمدالله :yaaaaaarb: أنقـذنـا هالكورس و إلا جـان مـا في سفـرة مـوليـه !

المهم بشرينـا عنـج و قولي لنـا أخبـارج و إن شاء الله كلـها أخبـار طيبـة بحـول الله و لا تقـاطعيـــن :blueSmCLR:

 

[UM M&M]

بنات انا الحين متوهقع بكهربتهم
اللاب توب يوم كامل و ماشحن الا شخطه !!

شنسوي ؟؟

اخاف تطفي علينا التلفونات بعد و مانقدر نشحنها !!



و بنات كاليفورنيا اذا تبون خطوط تشغلون فيها خدمة البلاك بيري اخذوا من شركة T mobile

--

أمس رحنا الديزني ريزورت
خيااااااااال خياااااااااال خيااااااااااال
لا يفوتكم عرض الالعاب النارية الساعه 9 بالليل شي ولا بالأحلام فجينا حلوجنا و احنا نطالع
و انصحكم روحوا قبلها بساعه و نص حجزوا مكان تقعدون فيه لان الشارع يفول حده بعدين ماتشوفون شي


نشوفكم على خير

 

[Simply_The_Best]

بنات في احد منكم ريلها او اخوها ماعطوه فيزا ليلحين او طولو لين عطوه الفيزا وشكثرر طولو ؟؟؟
باجر سفرتي ولي لحين ماكو خبر ((

بـاجـر السفـرة و منـو الي حاجـز تـذكرة و مـا عنـده الفيزا ؟ زوجـج ؟ المفروض ما تـدفعـون و لا فلـس ! إلا لمـا تكون الفيزا جـدام عيـونـج ... انزيـن مـا كلمتيهم أو اســتعيلتـوهم ؟؟ على أسـاس إنكم دافعيـن فلوس

 

[Simply_The_Best]

بنات انا الحين متوهقع بكهربتهم
اللاب توب يوم كامل و ماشحن الا شخطه !!

شنسوي ؟؟

اخاف تطفي علينا التلفونات بعد و مانقدر نشحنها !!



و بنات كاليفورنيا اذا تبون خطوط تشغلون فيها خدمة البلاك بيري اخذوا من شركة t mobile

--

أمس رحنا الديزني ريزورت
خيااااااااال خياااااااااال خيااااااااااال
لا يفوتكم عرض الالعاب النارية الساعه 9 بالليل شي ولا بالأحلام فجينا حلوجنا و احنا نطالع
و انصحكم روحوا قبلها بساعه و نص حجزوا مكان تقعدون فيه لان الشارع يفول حده بعدين ماتشوفون شي


نشوفكم على خير

عـادي أنـا كـل مــرة ! آخذ معاي مـوبيلي من الكويت والشـاحـن و يشتغـل ... ما له عـلاقـة بكهربتهم
حتـى اللاب تـوب و الشـاحـن من الكويت و يشحـن عـادي .... يمكن البـلاك الي بالطوفه فيه شي ؟ حـاولي تغيريـن النقــطة

و عليكم بالعافــيـه الجــراغيـــات تهبـل صـح ؟

 

[ميسوره]

سمبلي انشاءالله كل سنه يعطونه كورس بحزة الصيف وبامريكا بعد
بتمرين على لوس انجلوس ولا لكم مخطط ثاني
تروحون وتردون بلاسلامه