تجمع البنات الي ولدو او ناوين يولدون في مستشفى السيف...وابرة الظهر عندهم

[غالية22]

بنات اللي يراجعون في مستشفى السيف او ناوين يولدون في او وولدو فيه او يعرفون احد ولد فيه لو سمحتو قولولنا رايكم


خصوصا عند الدكتورات هناك ....اسيا وروبينا وغيرهم


وشلون ابرة الظهر ودكاترة التخدير هناك؟؟؟

 

[كوكاكولا]

انا ودي اولد هناك .........

بس للحين موعارفة الدكاتره زينين ولا لا ...

كل ما سألت عن دكتور وحده تمدحو ووحده تذمة .........

بصراحة ما أدري .....

انا ولادتي شهر 11 ان شاء الله ........

باجر ان شاء الله بروح وبفتح ملف عند أشرف مرسي ......

 

[غالية22]

انا جربت دكتوره روبينا بمستشفى السيف اهيا استشاريه وكانت بمستشفى السلام 5 سنين وراحت المواساة والحين اهيا بالسيف ماشالله عليها دقيقه بالمواعيد وايد شاطره وحبوووبه ونفسيتها حلوه وخبره بالولاده والسسترات ماشالله عليهم 24 ساعه عندي وقبل مااطق الجرس القاهم كلساعه يجيكون علي وعالياهل والخدمه ممتازه والغرف شرحه وحلوه تطل عالبحر والمنظر يفتح النفس وفي شاشه علشان اتتابعين الياهل وهو عندهم يعني كلشي كان اوكي الحمدلله

 

[3so0ola]

رفيجتي توها والدة عندهم
ووااااااايد تمدحهم من عناية واهتمام
وانا ماوية الولد عندهم وبأخذ إبرة الظهر اكييييد مابي احس بعواار
بس مادري عن دكاترتهم صراحة

 

[Om_il3ubed]

روعه ابره الظهر اخذتها انا ايد الدكتور خفييييييييفه ونفسيته حلوه

ولدتي دكتور جعفر قناوي قيصريه وهم ايده خفيفه وتينن

احبها المستشفى لول.. انا ماجربت مستشفيات غير لاني بجر بس ما افكر اولد الا هناك لان عنايتهم عجيييبه وسستراتهم يهبلون ودكاترتهم احلى واحلى بعد

 

[pink Flamingo]

انشاء الله انا ناويه افتح ملف عندهم و اراجع عند دكتوره روبينا
ولي راجعت الحين خل اتفيدنا

 

[shojoon]

جم اسعارهم ؟؟ و شنو الغرف الحلوه اللي عندهم ؟؟ و عندهم وحده حق تقديم ولا مافي ؟؟؟

 

[جنا2008]

مرحبا حبيبتي
انا ولدت هناك عند الدكتوره نادين ماشالله تهبل والسسترات مايخلونج دقيقة ونفسيتهم حلوه وانا اخذت ابرة الظهر عند الدكتور عادل ماشالله انسان فاهم بس انا عطاني الابرة خفيفه يعني حسيت بالعوار حزت طلعت الياهل والخياط انتي اذا حسيتي بالعوار لاتنطرين نفسي طلبي يزيد لج اياها
اما المستشفى حلوة والغرف شرحه وتهبل
والله يسهل على كل حامل

 

[shojoon]

جنا 2008اي غرفه خديتي ؟؟ و جم كلفتج الولاده؟؟؟؟ و عندهم وحده حق تقديم ولا مافي ؟؟؟؟

 

[جنا2008]

الغرف انواع في standard و vip و vvip و royal
ومن كل نوع في نموذج A , B
وعلى حسب ولادتج طبيعية ولا سزيريان وعلى حسب الدكتور من عندهم ولا من بره
يعني اذا من عندهم الدكتور وطبيعي يبدا الستاندرد من 650 و vip من 940 وvvip 1250
وترى ماعندهم وحده حق التقديم ولاحق المكياج اذا تبين صالون اهم ادقون على صالون ليلى جاليري وتحاسبين المستشفى بعدين
بس عندهم تصوير البيبي

 

[جنا2008]

وطبعا كل شي بفلوس
ابرة الظهر بفلوس
زيارة الدكتورة بعد الولاده لج بفلوس
زيارة دكتورة التغذية بفلوس
زيارة دكتورة الاطفال لج بفلوس
يعني حطيلج تقريبا 300 دينار زيادة عل ىرسوم الولادة

 

[نورا 1977]

رفع رفع رفع

 

[booba]

انا رفيجتي توها والده هناك
الصراحه غرفهم ال vvipوايد حلوة
بس المستشفى فاضيه
وحسيت بعد ما عندكم الدكاترة المعروفيين يمكن هذا السبب

 

[نورا 1977]

المشكلة موضوع السيف انطرح اكثر من 20 مرة بهل منتدى و كل حزه عنوان مختلفة
و كل مرة نفس المشاركات 3 او 4 اسماء

 

[Rou7y Te7eba]

انا اراجع عندهم عند دكتوره سابين
بس خيافه وايد من سالفة ولاده قيصريه لانه نص الي ولدوا اهناك قيصريه ماادري شنو المشكله هل اهما ماينطرون على الوحده
وله يبون فلوس ؟ وهذا الي امخوفني
انا شهر 11 ولادتي وحيل خايفه
بس عنايتهم الكل يمدحها والمستشفى نظيف وذرب وهدوء

 

[غالية22]

بنات نبي مشاركات اكثر.........معقولة ماتعرفون احد جرب الولادة هناك؟ ولا دكاترة التخدير؟

 

[Om_il3ubed]

انا اراجع عندهم عند دكتوره سابين
بس خيافه وايد من سالفة ولاده قيصريه لانه نص الي ولدوا اهناك قيصريه ماادري شنو المشكله هل اهما ماينطرون على الوحده
وله يبون فلوس ؟ وهذا الي امخوفني
انا شهر 11 ولادتي وحيل خايفه
بس عنايتهم الكل يمدحها والمستشفى نظيف وذرب وهدوء

انا شخصيا عن تجربتي.. طلقت 14 ساعه بس رحمي ما رضى يفتح وكانوا صابرين بس اخر شي بنتي تعبت ونبضها بدى يقل الي صار فيني نفس الافلام يركضون بالممر لي غرفة العمليات ايميرجنسي سي سكشن جذي كانو يقولون

وحتى على ماجهزوني حق العمليه الدكتور اسمعه كان يزف السستر وين نبض البيبي بسمعه حطولي السونار خل اسمع.. وايد كان يخرع الوضع بس الحمدلله بعد بسرعه بسرعه سوولي العمليه وطلعوا بنتي حبيبتي كانت تعبانه بس الحمدلله ما كانت تحتاج شيشه


الله يسهل عليج.. توكلي على الله دكتوره سابين اهي الي كنت اراجع عندها.. كان ناطره افتح 6 عشان تيي بس لما شافت اني طولت مسكينه ياتني بهدوم الطلعه مالتها وظلت واقفه على راسي لين ولدوني قيصريه

 

[Om_il3ubed]

بنات نبي مشاركات اكثر.........معقولة ماتعرفون احد جرب الولادة هناك؟ ولا دكاترة التخدير؟

انا بالعمليات طلبت بنج غير ابرة الظهر لاني اخاف مابي اكون قاعده.. ياتني وحده شكلها روسيه جذي شقره وايد حليوه عطتني شي بالدرب.. وقالي دكتور جعفر لا تخافين قولي توكلت على الله 3 مرات... مره مرتين الثالثه قمت على صوت دكتور الاطفال يقولي قومي ولدتي

 

[كوكاكولا]

للرفع .............

بنات بليز ..........
منو أحسن اشرف مرسي ولا جعفر قناوي ؟؟؟؟؟؟

 

[مس أسد]

للرفع .............

بنات بليز ..........
منو أحسن اشرف مرسي ولا جعفر قناوي ؟؟؟؟؟؟

أنا أعرف الدكتور أشرف كنت أراجع عنده لما كان في مستشفى الهادي خوش دكتوور ونفسيته حلوو وشاطر وانا اتفائل فيه حيييييييييل