تجمع مسافرات سويسرا وفرنسا للصيف....حياكم

[remoo_007]

هلا ريمووووووووووو سلامات حبيبتي ما تشوفين شر ..

شنسوي اشتقنالج يالغاليه ومكتانج مبين

باونتي

غدوره وينكم اليوم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يسلمج حبيبتي

تشتاقلج العافيه


اماااااااانه شخبارج امبيييه متخيله بقى لج يوم وانا يوم تخيلين واااااااااو والله الايام طارت

 

[remoo_007]

باونتي شخبارج؟؟؟


مشتاقين لج

 

[أم@الحلوين]

غدوره : سلامتها الوالده ماتشوف شر وخطاكم السو حبيبتي والله يقومها بالسلامه يارب
ويطمنكم عليها..

 

[احلى عواشة]

غديران الله يقوم الوالدة بالسلامة
حتى انا اختي من يوم السبت بالمستشفى الله يقومهم بالسلامة و يطمنا عليهم
جنيفا
ببلييييز قوليلتا عن الاماكن الحلوة واللي اسعارها مناسبة للاطفال بلييييييييز

 

[remoo_007]

اي والله ياليت جنيفا باسرع وقت ومشكوووورة

 

[remoo_007]

غديران طمنينا على الوالدة

 

[أم@الحلوين]

هلا ريمو انا زينه انتي شلون صرتي انشاءالله احسن

اي شفتي مابقا شي ساعااااااااااات الله يتمم على خير ويوفقنا كلنا

غدور طمنينا عن امج؟؟

باونتي وينها مالها حس عسى المانع خير يااااارب..

 

[dreamer_33]

ليش محد معبرني
:eh_s(4):


خلاص انا زعلييييييييييييييييييييييت :eh_s(2): :eh_s(2): :eh_s(2):

 

[remoo_007]

هلا ام الحلوين

لا الحمد الله احسن


dreamer33 سوري حبي بس للاسف ما اعرف القايد انا اصلا واول مرة مع الوسيط


بس كلا الا زعلج يا حلوة

 

[remoo_007]

جنيفا وييييييييينج؟؟ ناطرينج

 

[In Geneva]

بنات موناسيتكم

كتبت 5 مرات المنتدى يعلق وتروح المشاركة

بحاول اليوم ان شاء الله

 

[In Geneva]

بنات المحلات بصورة سريعة اللي بتكلم عنها بالتفصيل بعدين

لكن عالاقل الاسماء تعبت وآنا اكتب

محل قلوبس بوسط سوق جنيف


محل بونجيني مقابله بالضبط عبرة الشارع بس


مجمع الكونفدرالية فيه محل فولي فولي بعد محل بونجيني يكون على يساركم وقلوبس على يمينكم

تمشون الشارع وتلاقون المجمع من بره في محل كليرز وفي الداخل فولي فولي بمكان صاد


انتبهوا في اثنين كليرز

مجمع البلاكسيرت قريب من المطار

بكمل بالتفصيل بعدين واتمنى ماتروح المشاركة

 

[In Geneva]

نتكلم عن قلوبس

هو محل متعدد الطوابق

طايق للاطفال وطابق للنساء وطابق للرجال يبيع الماركات العملية وغيرها

الارضي قسم مطعم وكوفي شوب وقسم احذية وشنط وسكارفات وقسم التجميل

السرداب جمعية حليوة احبها اجواء هارودز وجمعية مارك سبنسر جذي


نرجع للمطعم والكوفي شوب

ممتاز لاخذ قسط من الراحة وسط التسوق

أو البعض يفضل تناول الغداء فيه على حسب لكنه من رايي انا يعجبني للفطور

غالبا نتريق فيه لاني اروح جنيف مبجر خاصة في ايام الكرنفال

عاشان ما يصير العصر الا وانا خالصة ومنحاشين من زحمة الشوارع طبعا لانه معانا سيارة فنحسب حساب الزحمة



هذا محل قلوبس اللي يطل على الشارع الرئيسي للسوق والناحية الثانية ساحة المطاعم

وبجانبه محل زارا انتبهوا زارا مو على الشارع الرئيسي

أنا زارا ما دخلته ابد على كثر روحاتي لاني في السفرما اروح المحلات الموجودة عندنا نهائيا

باستثناء محلات الماركات هذي اللي اروح لها


لي عودة بإذن الرحمن

 

[In Geneva]

محل بونجيني


محل متعدد الطوابق يبيع الشنط والملابس والعطور وأغلبها ماركات شانيل قوتشي وغيرهم

طبعا شانيل وقوتشي لهم محلاتهم الاصلية لكن يعرضون ولهم كورنرات في بونجيني

ممكن الشنطة ماتحاصلينها عندهم بالمحل الاصلي تحصلينها في بونجيني

ملابس الاطفال في بونجيني ماركات كلوي وبربري وىرماني وديور وماركات ثانية ساعات تحصلين خصومات عليهم


ملابس الاطفال ساعات آخذهم من هالمحل خاصة للاعياد لكنها حظ من كثرة السياح الخليجيين ماتلاقين شي

حتى محلات هيرمز وشانيل يدخلون ياخذون كل شي من دون تفكير كأنهم داشين الجمعية يشترون بطاط وكاكاو و كولا

ما تلحقين تاخذين الا القليل


السنة اللي فاتت كان متوفر عطر ترنش ماكفوي اللي يبيعه السلفردج بلندن بالطابق الارضي لكن السنة ما أدري



بكمل إذا الله كتب بعدين

 

[In Geneva]

محل لادوريه

وأشهر وأحلى محل يبيع الماكرون

نصيحة لا تطوفونه

مع انه وايد يعرفونه

موجود كافيه لادوريه في باريس

موجود لادوريه في هارودز بلندن



اما بسويسرا فموجود المحل الرئيسي في سوق جنيف مقابل ستار بكس


وفي كاونتر صغير عربة صغيرة في محل بونجيني

لكن أنصح بالمحل الرئيسي

وموجود بعد في سنتر مدينة لوزان


طبعا المحل يبيع أنواع الماكرون لكنها لذيذة جدا واحلى ماكرون جربته من وجهة نظري

يبيع أنواع من البسكوت والشوكولاته لكنها عادية أحلى شي عندي الماكرون


ساعات تكون عنده الجناط النايلون او البلاستيك اللي يبيعها هارودز اكيد تعرفونها

لكن أنا أحب جناط لادوريه لانها مو منتشرة مثل هارودز واساسا موكل مرة موجودة هذا غير الاكواب والاشياء الثانية

 

[In Geneva]

ألحين دور المطاعم

بعطيكم جم مطعم وهم معروفين عند الخلجييين بصورة عامة


المطعم الايطالي مولينو أكله حلو

مكانه موجود بساحة المطاعم بسوق جنيف مقابل تقريبا قلوبس


وموجود بعد في مونترو في مجمع فورم على البحيرة وبجانبه الماكدونالدز


وبجانبهم في مونترو مطعم إيراني لكنه غالي شوي



في جنيف في مطعم لبناني في فندق البرزدنت ويلسون وهو من الفنادق الغالية في جنيف على البحيرة والمطعم غااااالي بعد


في مطعم كازانوفا على البحيرة بجنيف ومعروف لكن ما صدف ويت الفرصة وجربته لكن اشوف فيه خليج وايد

 

[In Geneva]

مجمع البلاكسيرت قرب المطار

مزيته إنه مسكر للي يبي ينحاش من الحر




فيه سوبرماركت مشهور بسويسرا

اسمه ميقروس


بنات دائما نشتري العصاير والسلطات والسندويتشات اللي مكتوب عليهم ميقروس


سبحان للجوع في نص الليل للكبار والصغار

طبعا السوبرماركت ضخم وكبير ومعروضاته متنوعه ويبيع الخبز اللبناني


طبعا أنواع الكريم كراميل والتشيز كيك بالارفف عجيبة







محل المانور موجود قرب محطة القطار كورنيفين

محل متعدد الطوابق يبيع ملابس الاطفال والكبار لكن موكل مرة تعجبني معروضاته وساعات يعرض اشياء حلوة على حسب خاصة للاطفال



الدور الارضي في تشكيلة من الشوكولاته العادية من مصانع سويسرية


بنات تخيلوا كل الاجزاء اللي فاتت كتبتها جم مرة وتنمسح لما يعلق المنتدى

فكتبتها على أجزاء

 

[In Geneva]

المناطق والرحلات اللي نحب نزورها ونرتاح لها

لكن في منها لازم سيارة معاكم



قرية مجييف فيها تلفريك وزحلاقية وسوق صغير بس يونس للتمشي وممكن تاخذون جولة بعربة الخيول
مجييف لازم سيارة


آنسي نستانس فيها الكبار والصغار وسوقها دواعيس لكن تطلعين منه باشياء حلوة صراحة لكن اذا معاك صغار ما يتحملون المشي الزايد

آنسي الوقت يطير فيها بسرعة وهذي تروحون لها عن طريق الباصات شركة الكي تورز أو السيارة


مجمع ويست سايد وهذا بعيد عن جنيف لكن هادي ونفس المحلات بجو ثاني وفيه حديقة ألعاب مائية وفندق وهذا نروح له بالسيارة


والباقي انتو عارفينه ايفيان ولوزان ومونترو وفيفيه القرية الصغيرة




وإذا تذكرت شي برجع واكتبه ولا تنسوني من دعائكم
اتمنى رحلة سعيدة للجميع

 

[غديران]

رد : تجمع مسافرات سويسرا وفرنسا للصيف....حياكم

صباح الورد

حبايبي الله يسلمكم من الشر

الوالدة والله نقص بالأكسجين بالدم

تختنق كل ما تحركت

الله يقومها بالسلامة يارب

وأسافر وأنا متطمنه عليها

 

[أم@الحلوين]

صباح النور هلا غدوره شلونج حبيبتي؟؟

ماتشوفر شر الوالده وخطاكم السو ويااااااااارب الله يقومها بالسلامه ويطمن قلبكم عليهم وانشاءالله ما فيها الا العافيه..

واللحين شلون صارت؟