خريجة رياض اطفال ..وين تقدر تتوظف غير الروضة ؟؟

[فرووتي]

السلام عليكم ...


شلونكم كويتيات

انا جامعية و خريجة رياض اطفال .. وين اقدر اتوظف غير الروضة ؟؟

اي وزارة تقبلني ؟؟ عندكم خبرة عن خريجة رياض ومتوظفة بغير الروضة ؟؟

ياريت تساعدوني ...
ماقدر عالروضة صدمت بالميداني:eh_s(2):.

وهل لازم اقعد سنتين بعدبن اتوظف ؟؟

وجزاكم الله خير

 

[*أم*خالد*]

أول شي اتييبين ورقة اسمها " عتق رقبة " لوووووووول من التربيه انها مستغنيه عنج وماتبي خدماتج

السبب : كونج تحملين شهاده تربوية فأنتي صرتي امة عندها

ثاني شي المكان الوحيد الثاني اللي نتوظف فيه بشهاداتنا الفولاذية .. دار الأيتام التابع للشؤون الله يرحم حالهم

وبس هالحجي انا رايحه بنفسي مع اخوي وسألنا واحد يشتغل بالخدمه المدنيه لا تدورين ولا تلفين

أو بواسطة قوية تصيرين ادارية في أي وزارة ؟ صح التربية اجابة صحيحه

وحياج الله تعالي زورينا كل يوم

 

[فرووتي]

هههههههههههههههههههه ام خالد ايي والله عتق رقبة

مادري ليش متمسكين فينا !!

مع ان ماعليهم نقص .. اكثر وزارة عليها دوس !

دار الايتام ..
حلووو .. بس الا واسطه والا عادي ؟!

 

[معلمة العاصمة]

منو يقبلنا ويا شهادتنا الله ارحم بحالنا يا ابلات الروضه

 

[*أم*خالد*]

مادري عاد عن الواسطه اتوقع مايبيلها واسطه لأن المكان مادري شلون ماتوقع احد يبي يتوظف هناك
او ينطبق علي المثل " كل من يرى الناس بعين طبعه "

المهم دام البديل راضيه فيه سئلي عنه اول وروحي شوفيه قبل لا تقررين تتوظفين هناك والله العالم انا بس دريت هونت وقلت امسك ارضي ابركلي

 

[فرووتي]

الله يعين بس

ومشكورة ام خالد عالرد ماقصرتي حبيبتي

 

[عهود الحب]

تقدرين تروحين للأوقاف السراج المنير

بس هذي يبيلها واسطة من النوع الارض جو

و تقدرين تشتغلين سكرتيرة او ادارية بأي مكان تبينه


اذا عندج نفس هالواسطة الارض جو

والله يوفقج

 

[فرووتي]

اجمعين ان شاءالله

ايي بشوفلي من واسطه الارض جو هذي واخنار الوزارة اللي ابي

ومشكورة عهود الحب ماقصرتي

بس انا اقصد بدون هالواسطه وين يقبلوني ؟؟

 

[3so0ola]

عندج ٣ اختيارات
الروضة
الروضة
الروضة
وانتي تدللي واختااري
حبيبتي خلااااااص تدبستي طوال عمرج
مبروووك

 

[قلبي تركواز]

حبيبتي اخذي شهادتج نقعيها وشربي ماااااااااااااااااايها
وتحسري على سنين عمرج اللي راحت
واقعدي ابجي وانا اببجي معااااااااج

وتفضلي اخذي كلينكس
مسحي دموعج وقولي (( ياليـــــــــــــــــــــــــــــــــــــــــــــل مااطولك))

ماراح يقبلونج الا بوزاره الشؤون سكرتيره واحمدي ربك

 

[قطوطه حلوه]

رد : خريجة رياض اطفال ..وين تقدر تتوظف غير الروضة ؟؟

حرام عليكم بنات شنو هالكلام البنت داشه تبي حل مو أحد يزيد همها

 

[أم حمد 4]

حرام ليش عقدتو البنت انا اقول مدام للحين ما توضفتي في الاوقاف السراج المنير ومسجد الكبير بس لازم واسطة مثل ما قالت عهود يمكن من البداية احسنللك

 

[عهود الحب]

رد : خريجة رياض اطفال ..وين تقدر تتوظف غير الروضة ؟؟

من البداية اذا ماتبين رياض اطفال لاتروحين للتربية
ترى الداخل مفقود والخارج مولود

احنا ما نعقدها
احنا نقول الصج
الحق ينقال الوضع لا يطاق و كل ماله الى اسوء
المفروض الي ماتبي الروضة ما يتمسكون فيها حيل لأنه بتكره روحها و دوامها
و بالنهاية الضحية شعرها وبشرتها وصحتها العقلية
:23_asmilies-com:
أو يعدلون الوضع بالرياض اطفال :nocommint:

 

[أم حمد 4]

صح لسانش يا عهود

 

[غزلان الكويت]

رد : خريجة رياض اطفال ..وين تقدر تتوظف غير الروضة ؟؟

يابنات اتكلو على الله واحسنو الظن فيه وانشالله الامور تمشي بدون واسطة اعرف وحده جاااااااابت واسطات الدنيا وسبحان الله تروكض ومانفع ووحده ثانية والله ماجابت لاواسطة ولاشي قالت بتكل على الله وبسعى واذا ربي كاتبها لي بيرزقها لي بدون منة الناس وسبحان الله وصلت للي تبيه اتكلو على الله

 

[برقوقة]

صدقتي يا أخت عهود ،الداخل مفقود والخارج مولود ،أنا لي 15 سنة خدمة في رياض الاطفال،وما زلت انتظر الإشراف ولم ياتي ،لذلك فانا افكر بتغير الوظيفة الشاقة التي أخترتها ،دون ان اعرف خاتمتي 0:eh_s(2):

 

[Om_Ksha]

الله كريم

 

[عزتي مالها حد]

رد : خريجة رياض اطفال ..وين تقدر تتوظف غير الروضة ؟؟

هذا موقع ديوان الخدمة المدنية شوفي تخصصج اي وزارة تقبلها
وهذي بعض الرموز المختصرة
ت = تربية
ط = طب
ع = علوم وهكذا

http://www.csc.net.kw/pub_11.asp?t=132

 

[فرووتي]

حبيبتي عزتي مالها حد ما قصرتي

 

[أميره بلا قصور]

الله ييسر امرج وتنحاااشين من السجن الي احنا فيه