يوميات حياة ريلي و The.Cancerian مع الدكتور بدر النصرالله

[The.Cancerian]

لا مو خوش خبر اسمعه والله
الف سلامة عليج اختي ما تشوفين شر ويا رب تقومين بالسلامة وتصيرين احسن باقرب وقت

مشكورة وايد على الرجيم
وعلى قولة الدكتور اهم شي تعوضين اللي خسرتيه وانا معاج طول المشوار
بس حبيت اسألج هذا ابدي فيه من متى باجر؟؟​

 

[حبيبي أحمد]

صباح الخير اشلونكم أنا ودي أشارك معاكم لأني أراجع عند الكتور بدر النصرالله
وأنا ألحين بالأسبوع الرابع قبل أمس بديت اسبوعي الرابع

 

[حياة ريلي]

حبيبي احمد : حياج معانا يالغالية , اول شي بياناتج
العمر و الطول و الوزن و الهدف و رجيم الحالي .
ذا كانسيريان : الله يسلمج يالغالية و يبعد عنج الشر .. حبيبتي تبدين الاسبوع الجديد اول ما تخلصين الاسبوع اللي قبله ..
ريوقي اليوم توستة و شريحة جبنة و خيار و عصير برتقال فرش
غداي راح يكون ملوخية لبنانية بدون سناسين و سلطة
العصر تمر و المغرب عصير برتقال
العشاء نفس الريوق

 

[The.Cancerian]

حبيبي احمد : حياج معانا يالغالية , اول شي بياناتج
العمر و الطول و الوزن و الهدف و رجيم الحالي .
ذا كانسيريان : الله يسلمج يالغالية و يبعد عنج الشر .. حبيبتي تبدين الاسبوع الجديد اول ما تخلصين الاسبوع اللي قبله ..
ريوقي اليوم توستة و شريحة جبنة و خيار و عصير برتقال فرش
غداي راح يكون ملوخية لبنانية بدون سناسين و سلطة
العصر تمر و المغرب عصير برتقال
العشاء نفس الريوق

هلا حبوبة
مو المفروض ان احنا بدينا مع بعض والا انتي بادية قبلي؟
انا بديت من الاسبوع اللي طاف بالديتوكس وهالسبت اللي طاف (قبل كم يوم) بديت بالاسبوع الثاني اللي على قولتج نفس الديتوكس بس زيادة عليه توست
على كلامج يوم السبت الياي راح ابدي باللي نزلتيه امس​

 

[حياة ريلي]

معاااناة المنتدى صارلي 3 ايام مو قادرة ادش !!
يالغالية انا كنت بادية قبلج باربع او خمس ايام
اخر وزن لي نزلت نص كيلو مع العلم ان المفروض اللي معطيني اياه يزيد لذلك احمد الله
رجيمي الجديد يمووووووت من الجوع وهو كالتالي :
الريوق :
- كورن فلكس فتنس و حليب
- توستة + جبن
الضحى 1 : 3 تمر
الضحى 2: حبة فاكهة
الغداء :
- مشوي + سلطة
- سندويش مرة بالاسبوع
العصر : 3 تمر
المغرب : 3 شرائح رقي
العشاء :
- كورنفلكس
- توستة + جبن

 

[نهاية دربنا]

الله يوفقكم يارب

 

[The.Cancerian]

معاااناة المنتدى صارلي 3 ايام مو قادرة ادش !!
يالغالية انا كنت بادية قبلج باربع او خمس ايام
اخر وزن لي نزلت نص كيلو مع العلم ان المفروض اللي معطيني اياه يزيد لذلك احمد الله
رجيمي الجديد يمووووووت من الجوع وهو كالتالي :
الريوق :
- كورن فلكس فتنس و حليب
- توستة + جبن
الضحى 1 : 3 تمر
الضحى 2: حبة فاكهة
الغداء :
- مشوي + سلطة
- سندويش مرة بالاسبوع
العصر : 3 تمر
المغرب : 3 شرائح رقي
العشاء :
- كورنفلكس
- توستة + جبن

هلا حبوبة
صح على قولتج المنتدى مادري شنو كان فيه

انا الله يسلمج قياساتي ولبسي مبين اني ضعفانة بس الوزن مادري ما اشوفه متغير مادري الميزان مخرف والا شنو ، شوية اكتأبت بس بظل اكمل

حبوبة شفتي رسالتي الخاصة؟
عفية عندي رفيجتي لوعت جبدي تبي تعرف او اذا ممكن تسالينه ان اهي كانت تراجع عنده ونزلت معاه 18 كيلو ، الحين يمكن زادت 7 كيلوات تبي تعرف لو ردت سوت رجيماته بالتزام تضعف؟
عفية ولا عليج امر اذا ممكن تسألينه سوري بكلف عليج

هذا اسبوعج الرابع صح؟​

 

[حياة ريلي]

اساله ولا يهمج
هذا اسبوعي الرابع اي طبعا اول اسبوع نزلت كيلو الثاني نزلت كيلو الثالث نص كيلو و الحين الرابع بخلصة يوم الاثنين
يومياتي :
الريوق : كورن فلكس فتنس كوب واحد مع كوب حليب خالي الدسم مع سبلندا
الغداء راح يكون : ربيان مشوي بالفرن مع سلطة

 

[حياة ريلي]

عندي سؤال : اذا ما اكلت سناكات الضحى اقدر احولهم المغرب و لا يصير وايد ؟ يعني بدال ما اكل 3 تمرات مرتين اكل 6 مرة وحدة و بعد الرقي المغرب اكل حبة فاكهة لاني امووووت يوع و بعدين بالليل قاعدة اخربط شوي
يعني امس بالليل اكلت 5 حبات بطاط مقلي و سمكة بالبقسماط
زفوووووووني

 

[حياة ريلي]

حبيباتي توني راة من مراجعتي نازلة كيلو و لله الحمد مع العلم اني خربطت تخربط عدل الاسبوع اللي طاف
عطاني هالاسبوع ديتوكس معدل :
الصبح:
شاي اخضر
الافطار:
تمر + 5 مكسرات
الضحى:
حبة فاكهة
الغداء :
مشوي سلطة
مشوي شوربة
مشوي خالي
العصر:
3 تمرات
المغرب:
حبة فاكهة
العشى:
2 حبة فاكهة

 

[حياة ريلي]

اليوم طبعا الغاء فري : مجبوس لحم و فقع
العشى بيكون شي خفيف سلطة او شوربة و من باكر ببدي .. قاعدة احاول ادش المنتدى كثر ما اقدر بس وايد صاير عسر ما يرضى يفتح
حابين نسمع اخباركم الطيبة ان شاء الله.. ذا كانسيريان اخذيها حبة حبة نزلي شوي شوي ما ورانا شي و حاولي تسوين رياضة طبعا الجو ما ينبغى لذلك يا تسوين بالنادي يا بالبيت اشتريلج ترنبولين و ناقزي عليه

 

[حياة ريلي]

على فكرة سالته و قال خل تجيني و اعطيها رجيم يناسبها و تضعف

 

[The.Cancerian]

هلا حبوبة
انا معاج بالطريق نفسه وبالنسبة للرياضة لا تحاتين انا 3 ايام بالاسبوع عندي تمرين ساعتين لاني لاعبة منتخب فمن هالناحية لا تحاتين كلش :eh_s(15):
بشريني عنج كم كيلو باقيلج وكم نزلتي؟

ومشكورة وايد انج سألتيه ، اعتقد بتروح له لان بالنهاية لما يقول خل تييلي يعني مصرف فلوس
انا عموما قتلها ردي سويهم تضعفين والدليل انا معاج ، انا قاعدة اسوي بعض من رجيماتي القديمة ومعاج الحين وحاسة بالضعف :rerrerek:​

 

[حياة ريلي]

انا يالغالية اهو يقولي يبيلج كيلوين الى اربع بعد بس داحرته لما رضى ينزلني 9
و بعدين قاعدة اسوي عنده نحت بالليزر غالي بس زين
فجسمي قاعد يترتب
شنو الرياضة اللي تلعبينها ؟

 

[ام عزيزان3]

هاااي
ممكن ندش معاكم...انا مره سويته الديتوكس بس ماطولت فيه4ايام بس احس ويهي انصفق وحيل حسيت باليوع,,ودي اتشجع واسوي وياكم وخصوصا اني زايده 5او4كيلو
اذا انا اقعد متأخر..ب2تقريبا بس ضروري اشرب نسكافيه (كوفي ميت خالي الدسم)يصير اكل حبة فاكهه قبل واكنسل وجبات الضحا
وبالنسبه للمغرب او العصر 3تمر اقدراخليهم5بدال الي كنسلته((متحسفه عليهم))
وبالليل اسهر مانام مبكر شنو اكل اذا يعت هم متحسفه علي المكسرات اكلهم نص الليل......
والفاكهه الي قبل العشا لازم قبل ولاعادي مع وجبة العشا,,والعشا الي فهمت خيارات صح ولالا
ردوا علي لاتطنشووووني....لاني ببدي باجر

 

[The.Cancerian]

انا يالغالية اهو يقولي يبيلج كيلوين الى اربع بعد بس داحرته لما رضى ينزلني 9
و بعدين قاعدة اسوي عنده نحت بالليزر غالي بس زين
فجسمي قاعد يترتب
شنو الرياضة اللي تلعبينها ؟

يالله زين تسوين
كرة سلة

هاااي
ممكن ندش معاكم...انا مره سويته الديتوكس بس ماطولت فيه4ايام بس احس ويهي انصفق وحيل حسيت باليوع,,ودي اتشجع واسوي وياكم وخصوصا اني زايده 5او4كيلو
اذا انا اقعد متأخر..ب2تقريبا بس ضروري اشرب نسكافيه (كوفي ميت خالي الدسم)يصير اكل حبة فاكهه قبل واكنسل وجبات الضحا
وبالنسبه للمغرب او العصر 3تمر اقدراخليهم5بدال الي كنسلته((متحسفه عليهم))
وبالليل اسهر مانام مبكر شنو اكل اذا يعت هم متحسفه علي المكسرات اكلهم نص الليل......
والفاكهه الي قبل العشا لازم قبل ولاعادي مع وجبة العشا,,والعشا الي فهمت خيارات صح ولالا
ردوا علي لاتطنشووووني....لاني ببدي باجر

هلا حبوبة
حياج الله معانا نعين ونعاون ونشجع بعض
بالنسبة لج بما انج تقومين متأخر حزة غدا فاختنا حياة ريلي ذكرت باول الموضوع ان بهالحالة نشيل وجبات الضحى الثنتين يعني بس الريوق بعدين نطري ساعة ونص ساعتين بعدين تغدي
العشا صح خيارات والفاكهة انتي بتاكلين حبيت بس بروحهم بدون شي

بالنسبة لانج تزيدين التمر ما يصير وبالليل اذا يعتي اكلي خس غير جذي ولا شي ثاني التزمي معانا وشدي حيلج
:eh_s(15):​

 

[حياة ريلي]

ذا كانسيريان ما شاء الله انا كنت العب طائرة بالبحري كم سنة و بعدين دخلت منتخب تجديف بس حلوا فريق البنات
كم طولج ؟
ام عزيزان حياج الله معانا كل ما زاد العدد زادت البركة
بالنسبة لسؤالج جاوبتك ذا كنسيريان اكلي ريوق و نطري ساعة و نص ساعتين و تغدي و بالنسبة للسناكات العادة اذا قاعدة مبجر الصبح و ما اكلتيهم عادي تاكلينهم مع سناكات العصر و المغرب بس حق اللي يقوم متاخر و ما يحوس وايد و يسهر بالليل ما يصير لان بالليل الجسم يخزن بالذات التمر لان كله سكريات و المكسرات لانها دسمة
عموما لا تتحسفين لان بيني و بينج ما ياثرون وايد هم بنموت جووووع

 

[ام عزيزان3]

ذا كانسيريان ما شاء الله انا كنت العب طائرة بالبحري كم سنة و بعدين دخلت منتخب تجديف بس حلوا فريق البنات
كم طولج ؟
ام عزيزان حياج الله معانا كل ما زاد العدد زادت البركة
بالنسبة لسؤالج جاوبتك ذا كنسيريان اكلي ريوق و نطري ساعة و نص ساعتين و تغدي و بالنسبة للسناكات العادة اذا قاعدة مبجر الصبح و ما اكلتيهم عادي تاكلينهم مع سناكات العصر و المغرب بس حق اللي يقوم متاخر و ما يحوس وايد و يسهر بالليل ما يصير لان بالليل الجسم يخزن بالذات التمر لان كله سكريات و المكسرات لانها دسمة
عموما لا تتحسفين لان بيني و بينج ما ياثرون وايد هم بنموت جووووع

مشكوره ماقصرتي
خنقولج انا شبسوي,,,اقعد بال1 اوبال2 اذا قدرت اكل 1فاكهه,,عقب الرضعه((النسكافيه))
وعادي لواقعد 3ساعات يالا اتغدي ماعندي مشكله,,والغدا بروتين+سلطه
وعقبها بساعتين ونص اوثلاث,,,قهوه عربيه مع 3تمرات ويمكن اخليهم 5((سلف مالت الضحا))
وبالليل عشاي نفس النظام وقبل النوم ب3ساعات اكل5حبات يوز ني((المطوع يعطيني جذيه بالليل والكميه اكثر استكانه))لانها مالت الضحا وبدلها لي بالليل بس اهم شي تكون نيه لانها اذا محمصه تمتن حيل
انا اقولج سويت هالنظام قبل اسبوعين 4ايام ونزلت 1ونص,,وانا نزولي موبسهوله

 

[حياة ريلي]

ام عزيزان : الله يوفقج بس على فكرة الالبان بكل انواعها ممنوعة بالديتوكس يعني ما يصير نسكافيه مع كوفي ميت حتى لو لايت ..

 

[حياة ريلي]

هللو يا بنات
امس تريقت تمر و مكسرات
تغديت ملوخية دجاج
و نمت بعدين حست بالسوق لان عندي عروس هالاسبوع
المغرب اكلت جوافة و برتقالة ( ضميت سناك الصبح و العصر)
العشى رقي
اليوم قمت نازل وزني كيلو عن يوم الاثنين
و انتوا يا بنات شتاكلون ؟ شلون الرشيقات الخفيفات الظريفات ؟