تجمع مسافرات لندن في صيف 2010

[الدلال]

كل من راح لندن بالشتا ولا الربيع يقوول جذي, صاجه عز

ودي ارووح بعطلة الربيع بس اخاف على عيالي يستمرضون من البروووده

 

[~ عز ~]

اي مشكله الربيع برد


بس الله يحفظهم ليش تخافين يمرضون .. ماشالله ناس وايد تروح ماشتكوا من الامراض


وبعدين ليش الا الربيع ؟ روحي في ابريل ,, والا ماعندكم اجازه ؟

 

[mr000]

السلام اشلونكم..شخباركم..عز الله يخليلج بنياتج..صاجه دول شرق آسيا مقاساتهم صغيره بعد بنت اختي تقولي شوفي ماليزيا وسنغافوره اكبر مقاس يالله يلبس ام 12 سنه..وهي طويله وكانت عريضه قبل لاتسوي ريجيم تقول جني عملاق بالنسبه لهم..عيل آنا بنتي يصلح لها تروح الصين وماليزيا كلها على بعض نتفه ماجنها دشت ال20كله xs ...الدلال لاتأذين نفسج بكثرة الاغراض ولاتتدودهين اللي ينقصج اخذيه من هناك..بس ترى صج زحمه بهالوقت أمس كنت قاعده اشوف اكسفورد ستريت باللايف كام الساعه 3 العصر زحمممممه ..قلت يمكن اصيد ام العيال طالعه من ماركس سبنسر..لان مبين حريم لابسين شيلات واللي لابسين عبي..بس ماشاءالله عليها المحقق كونان تتخشش ماشفتها..بس صج لندن بشهر 4 كانت روعه..روعه لي ألحين متحسفه اني طوفت سفرة شهر 4 هالسنه..ان شاءالله اعوضها بشهر 9 ..اذا الله كتب

 

[mr000]

لا انتوا لاحظتوا شي ام العيال اول مادشت طلبت هدية عيد ميلادها تالي تذكرت سلمت ههههههه عيل آنا بعد أبي هدية عيد ميلادي كان بشهر 4 بس عادي استقبل الهدايا بأثر رجعي..جوجوا بعد قلبي تقول انها كانت تعبانه بالفتره اللي طافت..ماتشوف شر..مكانها خالي..يلا جوجوا صحصحي السوق ناطرج..لندنيات ماقلتولنا شنو أكو من عطور..مكياج..شغلات يديده..مابي كله هدوم..أوووو تعالوا صج بالله شوفولنا الستريتر مال الشعر اللي يقولون وايد زين..شنو أسمه خل اطلعه بالأنترنت اشوفه. وبكم ومن عنده ...جنه ربوع أو بسمه ماأذكر مره احد قالي عنه..يلا دلول تروحين وتردين بالسلامه ولاتنسينا هناك وافينا بالرساله اليوميه..وكل يوم العصر أوقفي عالرصيف عند سيلفريجز علشان اشوفج بالكاميرا..أم العيال ترى لقيت كاميرا تصور ماركس سبنسر من بره لايف 24 ساعه يعني بس تمرين هناك راح أصيدج...

 

[om l3yal]

لا انتوا لاحظتوا شي ام العيال اول مادشت طلبت هدية عيد ميلادها تالي تذكرت سلمت ههههههه عيل آنا بعد أبي هدية عيد ميلادي كان بشهر 4 بس عادي استقبل الهدايا بأثر رجعي..جوجوا بعد قلبي تقول انها كانت تعبانه بالفتره اللي طافت..ماتشوف شر..مكانها خالي..يلا جوجوا صحصحي السوق ناطرج..لندنيات ماقلتولنا شنو أكو من عطور..مكياج..شغلات يديده..مابي كله هدوم..أوووو تعالوا صج بالله شوفولنا الستريتر مال الشعر اللي يقولون وايد زين..شنو أسمه خل اطلعه بالأنترنت اشوفه. وبكم ومن عنده ...جنه ربوع أو بسمه ماأذكر مره احد قالي عنه..يلا دلول تروحين وتردين بالسلامه ولاتنسينا هناك وافينا بالرساله اليوميه..وكل يوم العصر أوقفي عالرصيف عند سيلفريجز علشان اشوفج بالكاميرا..أم العيال ترى لقيت كاميرا تصور ماركس سبنسر من بره لايف 24 ساعه يعني بس تمرين هناك راح أصيدج...

مرووووووو انا شريت الستريتر من سلفرجز خذيت الفير ب90 وعطتني السترتر ابلاش قالت اخذي اثنين واعطيج الستريتر كنت مع رفيجتي قلت لها يعني نتهاوش علي الهدية عطينا كل وحدة واحد قصينا عليها

 

[om l3yal]

ايييييييييي تعالي بقولج بروح الحين ماركس بنسر وعقبها بروح بيور وافل
يلا جكيني

 

[om l3yal]

الدلال يلا وينج ناطرتج ابي كيكة الفستق بالهايدبارك

 

[om l3yal]

عز شلونج يالصينية انا ام العيال اللندنية ولهانة عليج
بعرف شلون تتعاملون معاهم خو اهما حجيهم كله
ماوناوكاوهاو
غيره مافي

 

[om l3yal]

بسومة وينج ولهنا عليج يالغالية غطيتي والله ماتنلامين
من لقا احبابه نسا اصحابه
الله يتمم عليج ويراويج كل خير يالغالية

 

[الدلال]

اي مشكله الربيع برد


بس الله يحفظهم ليش تخافين يمرضون .. ماشالله ناس وايد تروح ماشتكوا من الامراض


وبعدين ليش الا الربيع ؟ روحي في ابريل ,, والا ماعندكم اجازه ؟

عيالي اسم الله عليهم راعين صدر وربوو وماكو مناعه كلش

وما اقدر اروح في ابريل والسبه الدوامات,انا مدرسه وعيالي مدارس ومايعطلون الا على نص 6 تقريبا

 

[الدلال]

مرووو نطريني كل يوم راح ارتز جدام سلفرج وبشيل بأيدي ورده حمره علشان تشووفيني بالكام ههههههههههههه

ام العيال يايتج انشالله يوم الاربعا ومعاي الكيكه ههههههههههههههههههه

 

[mr000]

السلاام اشلونكم ..دلول بس لاتحرووووووووني..لاتقعدون مع بعض يالهايدبارك..انزين ام العيال شسم الستريتر ماركته شنو آنا أذكره كان بدبنهامز ب99 باوند..أول ماتجربينه قوليلي إذا يسوى وإلا لأ..لندنيات ليلحين محد فيكم راح الآوت لت مال بربري؟؟عفيه اللي تروح تقولنا اشلون راحت واشلون بضاعتهم..أم العيال مالج نيه تروحين..ولا أي آوت لت ثاني؟؟نبي معلومات عن أماكن يديده..

 

[mr000]

أم العيال كتبيلي رقم كل باص تركبين فيه ووين وداج ..آنا ألحين بطلت مابي الاندرجراوند..أبي الباصات بتعلم عليهم..أدري ألحين أم العيال بتزفني تقولي مكتوب عندج بالنوته..بس اشلون اعرف إذا الباص اللي متجه يمين أو يسار ومن وين آخذه..أبي تكتبون لي بالتفصيل..

 

[الدلال]

مروووووو يالله هانت الايام تركض وانشالله تسافرين وتستانسين

اتصدقين مادري شفيني كثر مانطرت السفره وابي الايام تركض كثر مو اليوم مغلقه مادري شسالفه؟

 

[mr000]

لا اسم الله عليج الدلال ليش مغلقه ان شاءالله تسافرين عقب باجر وتستانسين.و ترى كلنا تحوشنا حالة القلق هذي قبل السفره..بعد لو تشوفيني آنا أزيد منج العام اشكثر بجيت على بنت ولدي أحاتي اشلون بهدها..ومن ألحين قاعده أوصي امها والخدامه عليها وامها بتاخذ إجازه كم يوم وقت سفرتي....وهم أحاتي ولدي بهده وعنده مدرسه....يعني لو ما علشان بنتي جان هونت عن السفر وايد أريح لي نفسيا..طبع موزين هالقلق الزايد متعبني..

 

[الدلال]

اي والله مروو مادري شفيني , حتى ريلي تناشبت معاه اليوم مسكييين والسبه هالغلقه ههههههههههههههههه

ويحليلج مروو حنوونه

امي جذي لما نبي نسافر لازم تبجي لانها تقريبا كانت كله مجابله ولدي الكبير,من يوم طلعت من الاربعين ومن داومت وانا اقطه عندها واروح الدوام وللحين
ماتقدر على فرقاه

 

[om l3yal]

بسكم تبجبج انتي وياها ( مرمورة ودلولة ) يلا عاد
دلول عاد انا حدي الحين مشتهية الكيكة
مرووو افا عليج لا ماراح ازفج اقولج بالتفصيل اي باص ومن وين ووين رايح
بنات هذا ثاني يوم اروح حق الوافل ويكون مسكر قلت اذا رحت مرة ثالثة وهم مسكر خلاص ماراح اكل منه
اليوم شريت جنطة بول سميث من سيللفرجز
وخذت بجامات حق اليهال من ماركس بنسر صج صج تهبل

 

[~ عز ~]

هلا والله مرووو .. تضحكني سوالفج .. عيل ام لعيال كونان و تتخشش هههههههههههههههههههه

عز شلونج يالصينية انا ام العيال اللندنية ولهانة عليج
بعرف شلون تتعاملون معاهم خو اهما حجيهم كله
ماوناوكاوهاو
غيره مافي

ني هاااو <<< يعني السلام عليكم هههههههههههههههه

هلا والله هلا

نتعامل بالاشاهره و بالاله الحاسبه و مرات ناخذ مترجم اذا استدعى الامر

مروووووو يالله هانت الايام تركض وانشالله تسافرين وتستانسين

اتصدقين مادري شفيني كثر مانطرت السفره وابي الايام تركض كثر مو اليوم مغلقه مادري شسالفه؟

هلا والله الدلال .. اسم الله على عيالج راعيين ربو ياغربالج عيل

انا الحين اختي معاي اهنيه وولدها فيه ربو و هم مغتثيه .. يستخدم البخاخ مرات خنت حيلي

وانا مثلج لم انطر الشي و احن عليه بعدين ازهده وامل و يييني شعور مو حلو اعوذ بالله


والحين هالايام مزاجي مو شي كلشششش لان الرده جربت و افكر في الطياره


ادعولنا نوصل بالسلامه بناااات

 

[om-3abodey]

مرو بعد عمري ما قصرتي
شلونكم بنات
وعلى الاستريتر في مجمع صغير يصير صوب بريمارك اذكر شفته يبع هناك وفي معاه الي يسوي الكيرلي حتى قالي يبي يجربه علي هههههههههههه يتله خزة من زوجي

 

[الدلال]

بسكم تبجبج انتي وياها ( مرمورة ودلولة ) يلا عاد
دلول عاد انا حدي الحين مشتهية الكيكة
مرووو افا عليج لا ماراح ازفج اقولج بالتفصيل اي باص ومن وين ووين رايح
بنات هذا ثاني يوم اروح حق الوافل ويكون مسكر قلت اذا رحت مرة ثالثة وهم مسكر خلاص ماراح اكل منه
اليوم شريت جنطة بول سميث من سيللفرجز
وخذت بجامات حق اليهال من ماركس بنسر صج صج تهبل

هههههههههههههههههههههههه ام العيال اليوم قاعده من الصبح وريلي قايلي اذا ييت من الدوام ومالقيت الجناط خالصه ترى راح اقلص عدد الجناط من 6 الى3 وانتي كيفج عاد هههههههههههههه عاد جابلت الجناط عدل وسكرتهم وافتكيت

وعليج بالعاافيه اللي اشتريتيه وبجايم ماركس سبينسر كد ومد يهبلووون