عـشـانـا بــ ::مـيـس الـغـانـم:: وغـدانـا ::بالـسـتـيـنـات::

[6moo7]

الخميس القبل اللي طاف
15 يوليـو ..
كان عشانا بـ (ميس الغانم)
طلعنا من البيت بعد صلاة العشـا
وآنا أقولهم ترى ماراح نحصل مكان
اليوم خميس .. معجوءة
مع إني أحب الطلعة اللي تكون بعد العشا
أرتاح نفسياً عشان ماتطوفني أي صلاة
بس لأن يومها كنت مُجازة فما همني لووووول
من جذي قاعدة أستعجلهم

المهم وصلنا المطعم
http://hh7.net

http://hh7.net

ومثل ماتوقعت
حدددده زحمة والعوايل قاعدة تنطر عند الرسبشن
وسطرنا وياهم ..

تقريبا ربع ساعة ووجانا الفرج
ودونا طاولتنا بس حسافة كانت تحت
وآنا أحب الأماكن المرتفعة
بس هم أشوة اللي كانت ع الدريشة

http://hh7.net

http://hh7.net

http://hh7.net

http://hh7.net

اعذوروني الجزء الخاص بميس الغانم ماصورنا (آنا وأختي)
إلا الخرابيط اللي فوق + الحلـو
لأن مثل ما قلت لكم المطعم حددددده مزحوم
فشلة فشلة !!
والله بنات أستغرب منكم ..!
ماشاءالله عليكم كل شي تصورون
واااااي آنا أسرق الصور سرقة خخخخخخ
أحس الكل يطالعني هذا غير انتقادات أمي
شكو تصورون فضحتونا ومن هالحجي ..

المهم طلباتنا كانت ..
آنا (كفتة لبنانية) إذا ماني غلطانة وأختي الصغيرة (شيش طاووق) والعـودة
ريجيم فـ طلبت صحي بس ماعجبها
واخوي جنه كباب وأمي كانت شبعانة بس خربطت من أطباقنا وحتى زاد شكثـر

http://hh7.net
قـهـوة فرنسية لأختي العـودة
كانت مقفلة (مو نايمة بالنهار)

http://hh7.net
وهذا هم لها شوكلت فوندان <<< صح جذي ؟
المهم عجبها

http://hh7.net
والتشيز لأخوي الصغيـر ومعاه كوكتيل ماصورته

وأمي وآنا وأختي الصغيرة ماكااان فيه مجال
بس يوم شفنا الفوندو ما أدري الفوندان تشيشنا
وأختي مدحته ..
جان نطلب واحد ثاني تناصفناه

http://hh7.net

واحنا طالعين شفت الأخ
http://hh7.net
واستأذنته للتصوير واستانس

http://hh7.net
ومن لما كنا بالمطعم قلنا لهم نبي البحـر
بس أمي كانت معترضة :flower:
بس بالسيارة حنينا شوي ورضخت للضغوط :eh_s(9):​

 

[الذهبية]

عليكم بالعافيه

 

[6moo7]

رحنا صوب الأبراج نتمشى شوي

http://hh7.net

http://hh7.net

http://hh7.net

http://hh7.net

http://hh7.net

قعدنا شوي واشتغل أخوي الصغيـر يحن
يبي يرد وأمي بعـد ..
جان نرد بس آنا كنت :lkmnkl:

بقى صور الغدا بمطعم الستينات نطروني
وياريت محد يرد الحيـن .. أفضل

شاكرين لكم حسن تعاونكم​

 

[QT]

رد : عـشـانـا بــ ::مـيـس الـغـانـم:: وغـدانـا ::بالـسـتـيـنـات::

ناطرة



لي عودة

 

[(عروسة حبيبي)]

عليكم بالعافيه

 

[شمووووع الليل]

باااااااالعافية حياتوو

 

[شوؤوق..]

عاآافيه.. والصرآحه ميس الغانم رووعه ..

 

[اللوحه الفضيه]

عليكم بالعافية

 

[nono93]

عليج بالف عافيه

 

[أسيرة_أحزاني]

عليج بألف عافيه

 

[6moo7]

الله يعافيكم تأبروني

وبالذات عروسة

فديت كل القدساوية :hjy5jewf:

***


السبت 17 / 17 يعني بعدها بيومين
كان الغـدا
بمطعم الستينات بحولي ..

طلعنا بعـد صلاة العصـر

وهـالمـرة الطـلـعـة كـانـت نـسـائـيـة بحـتـة
افتكينا من حنة أخوي الصغيـر <<< هم كان معزوم ع الغدا

http://hh7.net
تـرى مـو تـصـويـري


صـــــــخّـــــــــــة
كـان هـالحـزة شـبـه فـاضـي إلا مـن جـم واحـد


كرسـي أمـي قـامـت تـغـسل

وأهـم شـي الإطـالـة علـى قـولتـكم

العيـــن كانت على بيروت
قلت لهم بس نخلص نروح نتمشى فيه

وصلنا للمنيو
http://hh7.net

شتــحبون تطلبون

أنـصـحـكـم بالأخيــــــرة

http://hh7.net








(المرطبات) عندي ملاحظة عليها بقولها بعد شوي



أسعارهم حيييييييييييل مناسبة صح


(ماشاءالله) بس باجر يقلبـــــــون
بس يصير عليهم الدوووس

طبعاً ضيفونا لقيمات بس من غير قهـوة
إلا طلبتها وجابوا الدلـة
شربت فنجان وخاطري بالثاني بس راح صاحبنا لووول
وأمي بعد قالت شتبيـن فيها ..

http://hh7.net
أهـم شي الليمون


شـوربتي اللذيـــــذة (دجاج بالذرة) لاتطوفكم
أختي بعـد طلبتها


وعدس بعـد


شكـو التبولة !


وكبـة كمان من تراث الستينات !
بس عجيــــــبة كانت (كبة البطاط)
الثانية ماجربتها
​

 

[امـ جوجو]

عليكم بالعافيه مطرح مايسري يمري

 

[6moo7]

طلبي

(ربيان بالقسماط)
قهروني لما شفت ايد الربيان ما أدري رجله موجودة ما أحب


مرقوقة


وقبوط


مطبق هامور

وكان فيه مربين بس مالقيت صورته


وعشان تكتمل الأجواء ..
كانوا حاطين أغنيـة
ما أذكر شنو بالضبط
يمكن (آه ياغالي يابو الموجه) :eh_s(6):
المهم من هالطقة :dddds:

بعد الأكل قلت بتّـرطب
فـ كنت محتارة بين لبن ناقة على قولتهم ولبن مزرعة
فاخترت الأخيرة
بس أي مزرعة يقصون على منو
لبـن عادي طعمه جنه مال المراعي ثقيل وماصخ
عاد آنا أحب العكس
فااللي تحب المالح والخفيف لاتطلبه
آنا ماشربته

وفيه شغلة بعد
ترى (ماشاءالله) أطباقهم حيييل راهية
يعني الطلب الواحد ممكن يتشارك فيه ثلاثة إذا مو اكثـر
فلا تكثـرون

وبشكل عام المطعم حـلـو
جديد ونظيف وشرح

وعلينا بالعافية

بس خل أكمل لكم شسوينا عقب

نزلنا قلنا نخطر الشارع ونروح بيروت
جان زين الصجيـة مو المجمع
ولا الهوانم خواتي مايقدرون يمشون خطوتيــــن !
اللي كعب واللي الجـو حار
أمرنا لله ركبنا السيارة وخذينا لفة طويلة عريضة
ووصلنا وقعدنا نحوس بالمواقف وماحصلنا بالبداية
ومشى الحال بعدين

افترينا افترينا
وعقب طلعنا ناخذ برد أو سويت
ماحلينا بالستينات لأن كنا مفولين + ماعندهم تشكيلة

محل البرد كان زحمة مانقدر نوقف جدامه
مشينا عنه


هذا الستينات واحنا طالعيــن


اقترحت أختي نحلي عند


بس أمحق شور


ماعندهم شي



طلبنا أيس كريم
بس ماكان حلـو
مال الجمعية العادي ماكملناه
زائد المطعم يلوع الجبد
وسخ وقمتة وريحة الشيشة خانقة المكان
وكلش كلش مو شي
أختي طلبت فرنسية وبس خلصت
طلعنا وقمنا نتحلطم بالسيارة
قلنا لو طالبين فانيلا كون من ماكدونالدز أحسن
وماجذبنا خبـر
أول ماكدونالدز صادفناه صفطنا خخخخخخ

بس شنو كان زحمــــــة اللي يم سلطان الجملة

حتى منظر السيارات يضحك جنه زفـة

عقب ماكدونالدز مرينا الجمعية
وخذينا جم شغلة
وردينا البيت

وسلامتكم​

 

[مس يو]

ماشاء الله عليكم بالف عافيه ... شكل مطعم الستينات يشووووووووق عاد كان ودي اروحله .. ان شاء الله اجربه قريب...

 

[قصه طويله]

عليكم بالعافيه بس وناسه فراره على اصولها هههه
المطاعم قامت تقلد فريج صويلح قريت مره عن مطعم بعد اسمه ايام زمان

 

[6moo7]

مس يو
الله يعافيج حياتي
يـبـيـلـه ..
آنا بهاليوم أكلت أكل مووو طبيعي
صج خبصت .. لحم سمج ربيان ودجاج بعد
اللي بالشوربة
لوووووول

وبننطر تقريرج

قصه طويله
الله يعافيج
صاجة هبـّوا بالمطاعم الكويتية
بس ماجربت (أيام زمان)

شاكرة لج مرورج العسل

​

 

[QT]

رد : عـشـانـا بــ ::مـيـس الـغـانـم:: وغـدانـا ::بالـسـتـيـنـات::

رووووووووووعة


ماشاء الله عليكم بالعافيه




وين مكانه الستينات هذا ؟

يبي له حجز ؟؟

 

[QT]

رد : عـشـانـا بــ ::مـيـس الـغـانـم:: وغـدانـا ::بالـسـتـيـنـات::

اتصدقين لو ماشفت المنيو كان قلت مطعم فريج بو صويلح

 

[6moo7]

qt

الله يعافيـج

بحولي يم دار الشفاء وقبال مجمع بيروت وبياع الورد

اي خو ناس تقلد ناس
حتى بحركة اللقيمات

جنه ماكو أفكار
بس جنه فريج صويلح أغلى
لااا مايحتاج حجز
​

 

[Johnson]

هلا والله

اول شي عليكم بالعافيه اتصدقين ذكرتيني بطلعاتنا خخخخ احنا جذي نروح مطعم نتغدى وعقب نبي تنمشى

ونحلي ولازم نمر جمعيه


نفسس الطررريقه :