مشكلة غريبة مالقيت لها حل

[ألماسة ثلجية]

اشلونكم حبيباتي؟













حطيت المشكلة هني لأني شفت تفاعل بهالقسم أكثر من غيره باختصار انسانة عزيزة علي تستشيرني بكل شي وعطيتها حل لكل مشكلة إلا هذي مالقيت لها حل قلت مالي غير بنات المنتدى الي لقيت في بعضهم الحكمة


بكر وأصيلة وجميلة وجامعية والخطاب طوابير والأهل من الصوبين راضين مشكلتها صايبتها عين والأعراض واضحة عليها

رقت نفسها ولي الحين مستمرة هالحجي صارله جم سنة(المرض طول) معاها تكيس وانتشرت بجسمها حبوب ودمل لي الحين يطلعولها والآثار كثرت

والأم تبيها تزوج اليوم قبل باجر خايفة تعنس بس هالموضوع رادها ومحد متقبل كلامها


شالحل بنات؟؟ آنا احترت بالحل قلتلها أسأل وأرد عليج

 

[شذى الحب]

تقرا على نفسهااا هذا احسن شىء تسويه تقرا البقره المعوذات

الله يوفقها

 

[انا مو هني]

انصحها تقرا على نفسها
في قراي ماشالله عليه
الكل يمدحه اسمه بو مشعل اذا تبين رقمه اعطيج ياه على الخاص

 

[بطة vip]

الله يفرج عليهـا همهـآآآ ويشفيـهآآ ..
مآدري عليهـا بالقرآن والرقيـة من معوذات وادعيـه ..
وتعالج التكيس اللي فيهـا , وحاولو ترفهون عن نفسهـا شوي وعن الضيـقه اللي هي فيـهـآ .. ولا تخلونهـا حيـل تكتئب وتفكر بالزواج ..
ان شاء بتعالج وتتزوج ومالهـا شـر .. والله ماحبيت ادخـل بدون رد
تقبـلي مروري ..

 

[LA TROO7]

تحصن نفسهااا وتلتزم البقرة يوميا وتشيل من بالهاا سالفه انها محسووده خل تقنع نفسهاا انها مافيها شي يعني تمارس قانون الجذب على نفسهاا وربي يشافيهاا

 

[احلى سماء]

عااادي

تروح طبيب نساء يعالج التكيس

الظاهر درجته عاليه عندها

تروح طبيب نساااء وطبيب هرمونات وغدد

قدامج انا متزوجه وقالولي فيني تكيس وعالجت وراح

 

[احب المنتدى]

رد : مشكلة غريبة مالقيت لها حل

عليها بالقرايه و لاتوسوس

الله يشافيها يااااااااااااااااارب

 

[الاحساس والطيبة]

رد : مشكلة غريبة مالقيت لها حل

ترقي نفسها قبل لاتطلع اي مكان واللة يشافيها

 

[ألماسة ثلجية]

أشكركم عالردود وصلها كلامكم تقريبا كلكم اتفقتوا على الرقية

الله يشفيها

 

[الهندية]

الرقيه وخصوصا تقرأ سورة البقره

 

[pretty sarona]

الفرج من عند رب العالمين ,, الله يسهل دربها و يوفقها بالزوج الصالح

 

[الفدنه]

الله يشفيها ياااااااارب

 

[●|أملي بالله كبير |●]

الله يشفيهاا ياقادر يااكريم عاجلا غير اجلا

 

[تنـــاســـانــي]

اذا هالشي فيها طلع بسبة العين خل ترقي نفسها و تروح عند راقي و اذا تبين راقي مجرب و ماشالله عليه كل شي يسويه لوجه الله ماياخذ ولا فلس (( و هذا اللي يثبت انه لوجه الله و يقرى بنية الشفاء )) راسليني ع الخاص ،،

لان في رقاة زينين بس للاسف ما يقرون بنية الشفاء علشان تظل الناس تروحلهم و ياخذون منهم فلوس ،، والبعض طبعا مو الكل ،،

و اذا هالشي فيها مرض خل تعالج ،،

وعسى الله يشفيها ان شاء الله

 

[حرم_طيار]

رد : مشكلة غريبة مالقيت لها حل

الله يشافيها ان شألله

 

[om MaRyooM]

ليش متأكدين انها عين ؟؟ خل تسوي فحوصات شاملة وتشوف شسالفتها ..

واذا تأكدتو انها عين او مسحورة ولاتقدر تصلي او تيلها نوبات تشنج وتتعب من نفسها بدون سبب وتشوف كوابيس ودايما بظيقة صدر تكون فعلا معيونة والعلاج ياقلبي معروف خل تحاول تلتزم بالصلاة . . ودايما شغلو سورة البقرة بالبيت وبغرفتها
وتشرب ماي زمزم وتمسح فيه على ويهها .. واذكار التحصين مهمة بعد

ولو تروح العمرة وايد بتتحسن ..

 

[الزين 85]

الله يشافيها يارب
خل تقرأ سورة البقرة يوميا
تبعد الحسد والغم وعليها بالصلاة

 

[اميرة-الاحجار]

سورة البقره يوميا وتغتسل بملح او بماي البحر وايد زين .. يقضي على العين
وخل تبخر بالحرمل وعلج البان قبل صلاة المغرب الجن تخاف من ريحته وتطير العين منها ان شاء الله يارب

 

[خليفة العظماء]

ياشين الحريم يحسدون بعض

خليها ترقي نفسها وتروح لشيوخ ثقه يعرفونهم وأن شاء الله تروح العين منها وتطيب

 

[al-musk]

خلها تروح لشيخ معروف وتلتزم بالرقية الشرعية..
والملح والسدر والماي والعسل المقري عليه