عيون زوجى وين اتروح

[نور الدنيا_]

:eh_s(12)::eh_s(12):مرحبا بنات ولهانة عليكم ووووايد بنات انا عندى مشكلة صار لها ستة اشهر تقريبن وهذة المشكلة اهى ان انا كلة احط ابالى ان زوجى يخز البنات فى الطلعة بمعنى ان اذا طلعت معه بس اشوف عينة و ين اتروح بس اقعد اراقب عيونة مع ان صالى 15 سنة متزوجة بس ما كان عندى هذة المشكلة بموت من كثر ما اراقب اعيونة و الحين انا فى لبنان مع اهلة وكل يوم يروح بحمدون بروحة ما ينطر احد اكون انا تونى قاعدة مع خالى اهو يروح وفشلة اخليها وقلبى معها شنو قاعد يطالع و اللة ان ما ادرى شنو صالى مع ان انا اصغر منة 12 سنة و شكلى زين بس ما ادرى شنو صالى بش اشك فية

 

[مس كوكا]

امممم بصراحه الريايل مالهم ااماان بس لا تخافين انتي دودهي يعني الريايل نقدر نججذبهم بشياء نخليهم ما يشوف غيرج يعني وانتي عاد فهمي

 

[lovely jojo]

اذا هالشي فيج من زمان صعب يروح بسهولة ..

 

[ام الدرر]

ياقلبي استعيني بالله واستودعيه زوجج
وادعي ان الله يسخره لج ولا يشوف غيرج
واكثري الدعاء لنفسج يصرف ابليس عنج
ترى كل اللي يحوشج من الوسواس الخناس​

 

[غآمضه]

رد : عيون زوجى وين اتروح

لاتراقبينه راح تتعبين دامج واثقه من نفسج ومومقصره وياه بشي خلاص ادعي ربج ان يصرف نظره عن البنات
وبعدين هذول الرياييل لااازززم يطالعون لو حتى كانت الي يطالعها جيكره بس فضول مادري طبيعه فيهم مايقدرون الله يهديهم
وموشرط كل ريال طالع وحده يعني خلاص بكلمها و و موشرط بس صار هالشي يسري ابدمهم
والله يعين الحريم عليهم صراحه

 

[almasiah]

الله يكون بعونج حاولي لمن تطلعين معاه ماتفكرين انه يخز بنات فكري
وحبيبتي خلج حلوه بعيونه تكشخي عشان تثقين بروحج حلوه و عشان مايخز بالبنات

وادعي انه مايشوف غيرج

 

[منوووووله]

اكو ريال مايخز ؟؟

حب استطلاع يختي

 

[حـوريـه]

ياعمري لاتشكين فيه !

لاتخلقين مشكله من لاشيء

الله يوفقكم ويسخر عيونه لج لوول ^.^

 

[خوآطر خفوقي]

يمكن مكثره قرايه عن قصص الرياجيل الي يخززوون ومتآثرهـ . .

ابعدي هالوسواس عنج واشغلي بالج بمواضيع اهمـ ..

واستمتعي بوقتج انتي بـ لبنان شوفي الطبيعه الحلوهـ واقضي وقتج بوناسه . .

لان هالافكار تنكد عليييج . .

 

[نور الدنيا_]

رد : عيون زوجى وين اتروح

مشكوريييين واللة يريحكم مثل ما ريحتونى بنصايحكم

 

[ساندريلا]

حبيبتي ديري بالج ترى الفرق بين الغيره والشك شعره
والشك يقتل العلاقه الزوجيه

 

[أماني الفرحـان]

:eh_s(12)::eh_s(12):مرحبا بنات ولهانة عليكم ووووايد بنات انا عندى مشكلة صار لها ستة اشهر تقريبن وهذة المشكلة اهى ان انا كلة احط ابالى ان زوجى يخز البنات فى الطلعة بمعنى ان اذا طلعت معه بس اشوف عينة و ين اتروح بس اقعد اراقب عيونة مع ان صالى 15 سنة متزوجة بس ما كان عندى هذة المشكلة بموت من كثر ما اراقب اعيونة و الحين انا فى لبنان مع اهلة وكل يوم يروح بحمدون بروحة ما ينطر احد اكون انا تونى قاعدة مع خالى اهو يروح وفشلة اخليها وقلبى معها شنو قاعد يطالع و اللة ان ما ادرى شنو صالى مع ان انا اصغر منة 12 سنة و شكلى زين بس ما ادرى شنو صالى بش اشك فية

حبيبتي انتي ما عندج مشكله أصلا

تقولين حاطه في بالي يعني انتي اللي خالقه هذي المشكله وقمت تفقدين الثقه بريلج على اساس أفكار مو موجوده بأرض الواقع

ودامج باره بخالتج وتقعدين معاها فتأكدي ان حتى ريلج يثق فيج والله سبحانه ماراح يضيع برج بأمه

غيري افكارج الى أفكار ايجابية وثقي بزوجج ووجهي هذه الأفكار الى كيفية بناء أسرة سعيده وتربي أبناء صالحين

مووفقين واستمتعي بإجازتج :nbvppw:​

 

[*_*cute bug*_*]

الله عينينج يمكن بالغلط مو قصده

 

[الجوهرة777]

تعوذي من ابليس

والرياجيل 99% منهم يخزون

خليج واثقة من نفسج

 

[بدورة القمورة]

لاتراقبينه!!!

تعوذي من ابليس شتبين في عوار القلب

 

[al-musk]

ريحي راسج واستودعيه ربج وخلاص وجذي انتي قاعده تدمرين نفسج ومحد يدري عنج..وتذكري شكثر انتي حلوة وطيوبة والأشيا الحلوة والمميزات الي فيج وهي ترفع الثقة..وكل الناس تطالع حتا احنا نطالع ونتطمش..

عادي فلا تكبرين الموضوع

 

[دلع العتبان]

شكلج تعقدتي من كثر ماتقرين عن سوالف الشك


الله يعينج

 

[كويتية 0]

احسني الظن فيه وادعي له

وهذا وسواس تعوذي من بليس

يقول احد العلماء من السلف : "علاج الوسواس ترك الوسواس"
يعني لاتفكرين في هالمشكلة وشوفي اشياء ثانية تطور حياتج معاه بالمستقبل ترى الحياة حلوة وماتسوى مشاكل وانتوا تزوجتوا علشان تستمتعون مو علشان تشكون ببعض تعوذي من ابليس هذي وسواوس من الشيطان

 

[دلوعة أبوهآ]

لاتشكين فيه .. والله يسخر قلبه لكِ ..

 

[M!Ss Smart]

هذي طبيعيه بريايل يخزون البنااات بس شتقولين