السلام عليكم أحلى كويتيات
يايتلكم بتقرير أتحدى أي وحده سوت مثلي
كل هذا لأنكم تستاهلون
أول شي التقرير عن سفرتي إلى دولة إيران مشهد وإجراء عملية تجميل حق نويزي
أدخل بالتفاصيل...
أول شي حجزنا التذاكر والسكن من الكويت من حملة ذو الفقار من سيد مرتضى بالتحديد ورقم تلفونه حق اللي يحتاجه : +96567646625
حجز لنا على طيران آسمان والسكن في فندق الغدير من السبت – السبت 8 أيام أي 7 ليالي بسعر = 150 د.ك للشخص الواحد...
والفيزا استخرجها لنا من الكويت بسعر = 21 د.ك للشخص
من تاريخ 26\6\2010 – تاريخ 3\7\2010
رحت أنا وزوجي وبنتي الحلوة بغرفة أم 3 أسرره
وخواتي ال 2 بغرفة أم سريرين
المهم
توجهنا للمطار وركبنا الطيارة...
وهذي صورة المقبلات...
أما الوجبة الرئيسية وجبة الغدا عبارة عن جوجه كباب ( يعني كباب دياي )
وصلنا بالليل وركبنا التاكسي وتوجهنا لفندق الغدير
ترى محد فينا يعرف يتكلم فارسي بس ركبنا التاكسي وقلناله غدير هوتيل
ياخذ منكم 4 ألاف تومان
وصلنا الفندق وهذي صور غرفتنا...
ثاني يوم توجهنا لبازار طرقبة للتسوق وبازار يعني مول
وتغدينا في مطعم ( عين داري ) عجييييب " الجلو الكباب والجوجه كباب والسبزي والشيش ليك يعني الريش " يام يامي
طبعا كل الأماكن السياحية والمولات والمطاعم مكتوبة عند باب فندق الغدير وكل مكان مع السعر ذهاب وإياب وانتظار لمدة ساعتين مجانا
وبعد عند باب الفندق يبيعون خط الموبايل وكروت التعبئة
شوفوا الصورة...
وكل اللي يشتغلون بالرسبشن يتكلمون عربي
بعدها قلنا حق التاكسي يودينا حق دكتورنا دكتور أنف وإذن وحنجرة واهو امهر دكتور في مشهد ونمبر وان
والإيرانيين اللي بمشهود يعتبرونه أمهر من الدكتور لطفي زاده وأمهر من الدكتور بور صادق
وأهو دكتور حيل معروف ويسوي عمليات بأمريكا والشيك
أسم الدكتور : محمد نعيمي
وعنوانه حق التاكسي : مشهد - شارع أحمد أباد - ملا صدر - 4
رقم الدكتور : 00985118449888
وهذي صورة باب الكلينك...
سعر الدخول للدكتور = 13 ألف تومان للشخص
لحد يقاطعني عفيا لين أخلص... يتبع ...
