تكفون خواتي ساعدوني

[جوهرة الرياض]

الحبيبى بياع حكى ومتعود لسانة على هالكلام عرف نقطة ضعف الى فى البنات وصدقينى الحب الحقيقى هو زوجك وبس هو حياتك ومستقبلك غيرى خطك ورتاحى

 

[درة أهل الطولات]

الحين لانه ما طرش لج مسج مو عاجبج

وانتي تخونينه

وخايفة على مشاعر ريال غريب عنج


:flower:

تبين الله يوفقج ويحنن قلب زوجج عليج

غيري رقمج

من غير مشاكل

اللي كنتي تكلمينه ماراح يموت بفراقج

تذكري انج على ذمة ريال ترضين يخونج

 

[الـهـآم]

مايبيلها غيري رقمج ولا ادقين عليـه ..

 

[DooLy88]

قطعيه خليه يولي

لايدري ريلج ويذبحج ويطلقج ويفضحج !!

 

[أبله كويتيه]

اممم حاسه فيج حبيبتي

بس اول شي تسوينه غيري خطج

وحرام الي تسوينه بنفسج

قاعده تعذبين نفسج وتعذبين حبيبج وبتعذبين ريلج بعدين لانج ماراح تنسين حبيبج الاولي

الله يهديج قوليله احبك وماراح انساك بس اعذرني كل واحد بطريج ولاتسالني السبب مو انت السبب ... دزيه مسج وعلى طول غيري خطج

ومحد قالج انسيه لا تنسينه صعب تنسينه ادري

اذا كان الحب صعب تنسينه

خليه بقلبج حبيبتي وقفلي عليه وعيشي مع ريلج

للاتقصرين معاه وعوديه على عيد الميلاد وهالسوالف

الرياييل اكثرهم مايفهمون بهالسووالف انتي تعودينهم

ديري بالج ريلج يحس ولا يدري ترا لاسمح الله ان تطلقتي لاتفكرين حبيبج ياخذج حتى لو يموت فيج

وان خذاج بيعايرج بعدين .. انتي خنتي ريلج معاي وانا مادري انج متزوجه

واكيد بتخونيني ... يعني خلاص دامج وافقتي عالزواج من الاول انتهيناااا من هالموضوع

وهذا نصيبج

الله يهديج حق ريلج انشاءالله

 

[(100%)]

كما تدين تدان خافي الله بريلج وعيالج وتذكري انه ربج فوق وصدقيني بتوبين اصلا مافيها شطاره غيري رقمج

 

[i'am THE ONE]

قولي لحبيبج انج ملجتي واهلج ملجوا لج غصب وانتي تبين الستر وتبين رضى اهلج قوليله الله يرزقك في بنت الحلال وعلاقه من غير شرع الله وانا بذمه رجال تصير حرام علي فخلنا نبعد الشبهات وكلن بطريقه والله يوفقه وشوفي رده فعله ...وبالنسبه لزوجج كلهم شي ايام الملجه او الاغلب ما يعبروني بس عقب الزواج تشوفين غير

كلامها صح

و بعد ياليت تغيرين رقمك انتي الحين بالسليم لا تتحسفين عقب

 

[بنت فينا]

بدام كان عندج ماضي اسود وعلاقات
ليش ماقطعتي خطج يوم تزوجتي؟؟

مافكرتي يمكن بيوم من الايام يدق عليج واحد من اللي تعرفينهم وانتي حاذفه تلفونج بالغرفه ورايحه الحمام وله تتسبحين وله بالمطبخ ؟ مافكرتي حزتها يمكن ريلج يقرى المسج او يشوف الاتصال؟؟

مافكرتي تبدين حياة يديده وصفحه بيضه وتعيشين مع زوجج باخلاص وبقلب طاهر مايحب الا اهو؟
ماقلتي لنفسج يمكن الله يرقزني الحين واحمل واصير ام وبتصير عندي مسؤليه ؟

مافكرتي ان هالريال امنج على بيته وعلى اسمه وعرضه وشرفه وانتي قاعده تخونين بالسمع والعواطف والمشاعر وبكيانج كله ؟؟؟


حطي زوجج (الضحيه) مكانج
ترضين انه كان له علاقه قديمه .. وردت البنت اتصلت عليه بعدما سمعت انه تزوجج وقام اهو رد عليها وردت المشاعر ورد الحب بينهم وردت علاقتهم ؟؟ ترضين بهالشي ؟ شنو موقفج لو كان صج ؟
عادي عندج يخونج زوجج ؟؟؟ <<~ طبعا لأ ماراح ترضين


عيل شلون رضيتيها عليه المسكين ؟؟؟


لا تظلمين الريال معاج اذا منتي قد الزواج وتربيت الاجيال ليش تزوجتي ؟؟
ليش تعطين جسمج لشخص وقلبج لشخص ثاني ؟

بالنهايه راح تخسرين الاثنين وراح تخسرين سمعتج بعد

اقووول << من الاخر قطعي خطج بعد مايبيله ذكاء
واذا ضايفته عالمسن عطيه دليت من امه

ابدي حياتج بنظافه وشرف لا تبدين بجذب وخداع تخدعين نفسج وتخدعين زوجج

ولا تقارنين بين زوجج والثاني اللي تكلمينه لان اذا قارنتي بينهم ماراح يعجبج ابسط شي يقدمه لج زوجج

قولي هذا نصيبي اللي الله كتبه وانا راضيه فيه ومافي بيت يخلا من المشاكل .. يوم حلو ويوم مر مو معناته اركض اغازل !

وانتي توج عروس يديده .. دوري على مفاتيح قلب زوجج وحببيه فيج مثلما حببتي هذاك فيج

انتي وشطارتج مثلما خليتي هذاك يحبج ويتعلق فيج .. خلي زوجج حلالج يحبج ويتعلق فيج اهو اولى فيج .. لانج توج عروس تقدرين تملكين قلبه وتحتوينه وتحبينه ..

واذا مو قادره تنسين الي تحبينه .. ردي حق زوجج المهر وقوليله يابن الحلال انا اسفه اني تزوجتك و انا مو كفو اكون ام لعيالك ودورلك وحده تصون اسمك وعرضك لاني مو قادره احبك ولا قادره احترم نفسي واوخر عن الماضي اللي ابتليت فيه

وذيك الساعه سوي اللي تبين من غير ماتحسين بتأنيب ضمير او تحسين انج ظلمتي ولد الناس معاج.. :eh_s(4):



حلوه هذي .. عشان مايابلي هديه اقوم احاجي على افاه .. وعشان مايدق علي اقوم اغازل ..


حبيبتي انتي بادري ودقي عليه (على زوجج طبعا) ودزيله كلام حلو وانتي قطي نغزات ان عيد ميلادج بعد جم يوم وشوفي اذا مايابلج هديه

ترى اغلب الرياييل ما يفهمون بهالسوالف وانا ريلي كان جنه من العصر الحجري مايعرف شي اسمه حب وهدايا وخرابيط مايعرف بهالسوالف كللللللش ليمن انا عودته وصار يحبني ومايناديني الا حياتي وصار دايما يهاديني والله مرات من غير مناسبه اييبلي عطر اقوله شلمناسبه؟ يقولي المناسبه انج احلى زوجه لوول صار يعرف يغازل مع ويهه فديته .. لاني كنت ازعل و اقوله انا اييبلك هدايا غاليه واذكرك وانت ماتذكرني حتى بورده ام ربع دينار ههههه وكان ينحرج مني ومايمر يومين الا يايبلي هديه من غير مناسبه اقل شي يدش بإيده وجبه وله عصير وخاشه ورى ظهره يقولي شوفي شنو يايبلج ولمن اشوف انصدم واضحك وبنفس الوقت افرح لان لو قلبج نظيف بترضين بأبسط شي يذكرج فيه زوجج .... و احيانا النغزات تنفع مع الازواج يمكن يكون مو منتبه ان ظروري يهادي زوجته .. في مليون طريقه تقدرين تكسبين قلبه .. وانا الحمدلله قدرت أكسب قلب ريلي واخذه من طوايف طوايفه والحين اي احد من اهله بأمه خير يحارشني او يزعلني شوفي شلون بيدوس ابطنهم عشاني لاني عرفت شلون اكسبه وعرفت مفاتيح قلبه


اما شلون تكسبين ريلج وتخلينه يقولج كلام حلو وييبلج هدايا هذي يبيلها حلقه ثانيه


ولا تحطين اعذار وتقولين زوجي مايقولي كلام حلو ولا ييبيلي هدايه وتخلين هالاعذار شماعه حق اغلاطج لان مالج مبرر يسمحلج تسوين هالعمايل
قولي انا اللي مشتهيه اغازل <<
ولا تفكرين بمشاعر اللي تكلمينه بلعنه انجرح وله قعد ماعندج سالفه صراحه شاغله نفسج بمشاعر هذاك ومخليه زوجج حلالج
هذاك لو يبيج وخايف لا تطيرين منه جان طق بابج بس اهو مستانس مقزرها عفوا <<

ولا يهمج ابدي صفحه يديده مع حلالج اتقي ربج ورضى زوجج هو اللي بيدخلج الجنه


سوري على حدة اسلوبي :balo:

الله يهديج

 

[@البتووول@]

بنت فينا عفيا عليج كلامج يبرد القلب

 

[Killer^Girl]

غيري رقمج
ولاتدقين على هذاك كلش من الرقم اليديد
واهوه بيفهم

 

[najdeya]

اول شي ادعي ربي يهديج و يغفر لج

شي ثاني احب اقوله حبيبتي ديري بالج ترى فيها خراب بيوت لو زوجج او احد من اهلج درى!!!!!

و شي ثالث ترى لازم تحشمين الريال اللي اخاترج و رضيتي فيه و اللي سويته انج رديتي على ريال غريب اكبر غلطه

تعتبر خيانه زوجيه !!!!!

اللي لازم تسوينه انج تكونين صريحه وياه و لج مكالمه وحده تصلحين فيها اللي صار و تنهين علاقتح فيه للابد

و حبل الكذب قصير و الكويت صغيره مو حلوه يسمع انج تزوجتي و تطلعين "زوجه خاينه" بعينه

ملاحظه صغيره اكبر غلطه انج تسمينه (حبيبي) و انتي على ذمة ريال غيره

نصيحتي صلي استخاره اكثر من مره و اذا انتي مو مرتاحه مع زوجج و عقب الاستخاره ما ارتحتي انا اقول انفصلي قبل لا

يصير شي بينكم لان راح يصير بينكم زواج مو لعبة يوم او يومين

مابي اطول عليج زياده بس اتمنى انج تصلحين غلطتج و تسوين اللي يرضي ربج و اهلج

و على فكره اكبر غلطه تسوينها انج تقارنين بينهم لان انت اللي بتخسرين

و لو شنو كان زوجج ناشف و ذاك حنون و طيب زوجج الفايز ... تدرين ليش؟؟

لان شافج بنت ناس و ياج من الباب :sfg:

 

[در الـبحـور]

السلام عليكم

الله يهداج أختي ما يصير هالشي اللي قاعدة تسوينه هذا زوجج جنتج و نارج و انتي عرضه و شرفه

انتي توج عروس و العمر إن شاء الله جدامج أغلب أزواجنا ما يعرفون يهادون و لا يدزون مسج

ما خرب عقلية بعضناإلا الأفلام و المسلسلات علبالهم الزوج بكون بقمة الرومانسية لمن تتزوجة لا يا قلبي في رجاجيل إنتي تعودينهم

و تربينهم على إيدج و الرجال على ما تعودينه سبحان الله

شوفي يا قلبي إن كنتي صادقة بكلامج فعلا في إنج تبين تصلحين الأمور فتوبي لله توبة نصوح

توضي و صلي ركعتين و استغفري عن ذنبج و ابجي لرب العالمين لأن اللي سويتيه مو شوية هذه خيانة في عرض و شرف زوجج

و من بعدها نصيحتي لج غيري خطج على طول من غير مقدمات و لا خاتمات حق اللي تكلمينه و عسى الله يهديه و يصلحه

عسى الله يصلح بنات و شباب المسلمين اللهم آمين و الحمد لله الذي عافانا

و الله يضيق صدري لمن أقرى جذي مشاكل

 

[كويتيه قطوه]

امبيه بنات انا مالي ويه والله ادري انا مااستحي والله بس من اليوم راح اسوي الي قلتوه وصح انا المفروض مااسوي جذي
واليوم بهد الي اكلمه وبسكر جهازي وبقول حق امي بغير خطي والله والله صج صج مشكووووييين ارتحت واايد من كلامكم
وسامحوني انا غلط والانسان مو معصوم عن الغلط

 

[@البتووول@]

امبيه بنات انا مالي ويه والله ادري انا مااستحي والله بس من اليوم راح اسوي الي قلتوه وصح انا المفروض مااسوي جذي
واليوم بهد الي اكلمه وبسكر جهازي وبقول حق امي بغير خطي والله والله صج صج مشكووووييين ارتحت واايد من كلامكم
وسامحوني انا غلط والانسان مو معصوم عن الغلط

عفيه عليج ربي يثبتج ويتمم عليج:yaaaaaarb:

 

[بنت فينا]

عفيا عليج حبيبتي

اعتبريها زله وروحي استغفري ربج ولاتكررينها ولا تضعفين جدام الشيطان ودوسي على قلبج وابدي من يديد

وانتي توج عروووس يعني قاعده تمرين بأحلى ايام حياااتج لازم تكونين الحين مشغوله بالتجهيز مو بسوالف اللي قلتيها ..

خلي مخج الحين هالفتره مع التجهيز والصالونات والسوق مو مع ابليس وربعه.. لان بعد العرس بيكون مخج مع زوجج انشالله بتنسين الماضي اذا كان قلبج نظيف واذا فعلا كنتي تايبه

كلنا زعلنا عليج لان معتبرينج بنتنا منا وفينا مانرضى عليج بالشينه لو انج اختي جان طراقات هههههههه

يلا الحين قومي دقي على زوجج وسولفي معاه لي الصبح تغزلي فيه لين تشبعين هذا حلالج وصدقيني اذا بادرتي اهوا بيسوي نفسج واكثررر بس المسكين يمكن مايبادر لانه حسباله ان مستحيه منه اوقاعد يستثقل عليج

هالفتره احلى فتره والللللللله العظيم فترة الملجه فتره تعارف وااااااي ذكرتيني لمن كنت اسولف مع ريلي اول ما ملجنا لي الصبح كنت احط راسي تحت المخده وغصصصصصصب انعم صوتي وادلع عليه ليمن جبت راسه خخخخخ

عيشي فترة الملجه بالعسسسسسسسسسسل وراح تنسين طوايف اللي كنتي تحاجينه وانتي بنفسج بتندمين بتقولين ظفر ريلي بالحلال يسوى كل اللي تعرفت عليهم قبل

ومبروووك الزواج ومبروووك لان ضميرج صحى من الغفله هههه

موفقه خير

 

[بنت فينا]

بنت فينا عفيا عليج كلامج يبرد القلب

:eh_s(7): :eh_s(7): :eh_s(7): :eh_s(7):


:wqedqw:



:e3:



:balo:

 

[دانة الخير]

استغفر الله من غضبه

 

[ام الذوق]

الله يثبتج

 

[روحي ابوي]

امبيه بنات انا مالي ويه والله ادري انا مااستحي والله بس من اليوم راح اسوي الي قلتوه وصح انا المفروض مااسوي جذي
واليوم بهد الي اكلمه وبسكر جهازي وبقول حق امي بغير خطي والله والله صج صج مشكووووييين ارتحت واايد من كلامكم
وسامحوني انا غلط والانسان مو معصوم عن الغلط

الله يثبتج ويبعد عنج عياااال الحراااام

 

[أم غمازات]

لازم تقولين لحبيبج عشان مايحقد عليج ويسوي شي لج والا لنفسه

انتي بطريقتج قوليله خطبني واحد وابوي عطاه كلمه قبل ماياخذ رايي ووافق وانا عشان ابوي ماقدر اكسر كلمته ومن هاالكلام لين يقتنع وسوي روحج مغصوبه

وبعدين قوليله انج ملجتي توج

وعلى شوي شوي هديه يعني عوديه على فراقج كل يوم قوليله حددو العرس بسرعه

ومشغوله بالتجهيز عشان يتعود واتركيه

حرام عليج انتي على ذمه واحد الحين

تركيه ماراح ينفعج حبيبج اذا يبيج خطبج من الاول