أحلى حشوات للسمبوسة ... شاركونا

[جوري وبنفسج]

السلام عليكم

شلونكم يا أحلى كويتيات

رمضان قرب وأحلى شيء برمضان وبلا منازع السمبوسة والصغار يحبونها قبل الكبار


فحبيت أسوي هالموضوع وأتمنى الكل يشاركنا بأحلى حشوات تم تطبيقها للسمبوسة

ما نبي شيء تقليدي يعني حشوة الخضار المشكلة الكل يعرفها

نبي فنااااااااااااااااااااااااااتق :rerrerek:


وأنا ببتدي معاكم بأحلى حشوات طبقتها قبل يومين وقضوا عليها لوووول


الحشوة الأولى : جبن تشدر مبشور + ذرة معلبة + فلفل جلبينو نقصصه صغار

الحشوة الثانية : جبن فيتا نقصصه صغار ونهرسه + جبن قشقان مبشور أو أذا ما توفر ممكن جبن موزاريلا + بقدونس مجفف + خليط الثوم والأعشاب ( garlic & herb mash )


الحشوة الثالثة : جبن حلوم + زيتون أخضر حلقات + طماط مجفف نفرمه صغار + زعتر + سماق


الحشوة الرابعة : لبنة حامضة >>أختاري اللي تكون ثقيلة علشن تمسك معاج + نعناع


وأكتفي بهذا القدر وأن شاء الله أحط لكم حشوات أكثر بس بعد ما أجربها وتجتازها لجنة الذواقة



يللا أنتظر مشاركاتك وتجاربكم يا حلوين :eh_s(15):

​

 

[<<لمار>>]

يعطيج العافية غلاتى تقريبا استخدم نفس الحشوات بحط اسوى حمسة خضار مع دجاج وحمسة بطاط بفلفل حار

 

[دلوعة وبس **]

تسلم ايدينك

الله يعطيك العافية

 

[كـــكـــاوة]

يعطيج العافية ....
بجرب طريقة سمعت عنها ( جبن سعودى مع كرفت الأزرق مع قطع زيتون )
بس بغيت اسال عن الحلوم ( تبشرينة ولا قطع صغار )؟

 

[البرنسيسه77]

فى بعد حشوة البيتزا تجنن وهى عباره عن صلصه البيتزا وزيتون اسود شرايح وجبن موزريلا جربوها روعه

 

[miss_british]

بالنسبه لي احلى شي فلفل بارد صغار ومشروم وذره واحمسه مع بصل صغار واذا برد احط فوقه جبن مزاريلا وصلصه السويت تشيلي

 

[chocolate milka]

رد : أحلى حشوات للسمبوسة ... شاركونا

نبي بعد حشوات فناتك

 

[[[ عيون جابر ]]]

تسلم ايدج حبيبتي

 

[بــ زايد ــنت]

بنجرب

مشكوره اختي تسلمين

 

[~عشق المطر..~]

ومنكم نستفيد

 

[جارة القمر]

رد : أحلى حشوات للسمبوسة ... شاركونا

مشكووووووووووووووووووره



علي الموضوع

http://q8yat.net/showthread.php?t=44614&highlight=%D3%E6%ED%CA%D2


http://q8yat.net/showthread.php?t=429576&highlight=%C7%E1%D3%E3%C8%E6%D3%C9

http://q8yat.net/showthread.php?t=432003&highlight=%C7%E1%D3%E3%C8%E6%D3%C9


http://q8yat.net/showthread.php?t=58&highlight=%CD%D4%E6%C7%CA


http://q8yat.net/showthread.php?t=73821&highlight=%C7%E1%E3%CE%CF%C7%CA


http://q8yat.net/showthread.php?t=447462&highlight=%D4%E6%D1%C8%E5


http://q8yat.net/showthread.php?t=429576&highlight=%CD%D4%E6%C7%CA


http://q8yat.net/showthread.php?t=409664&highlight=%CD%D4%E6%C7%CA


http://q8yat.net/showthread.php?t=193299&highlight=%CD%D4%E6%C7%CA


http://q8yat.net/showthread.php?t=432003&highlight=%CD%D4%E6%C7%CA

 

[نور النـور]

انا اكثر شي احب
سمبوسة خضراا
الخضرة المجمده فوحيها بماي وحشي السمبوسه فيها
امي بعد تسووي حشوة لحم مفروم
او
جبن فيتا

يعني الحشوات التقليديه احلى شي وطعمهااااااااااااااااااااااااااااااااااااااااااااااااااااااا يجنن

 

[هيبة ملك]

والله كلش ماعرف أطبخ

ونفسي اتعلم

 

[nono93]

يسلموووووووووووووووووووووووووووووووووووووووو

 

[Tulips]

خووووش موضوع

يعطيكم العافيه بنات

 

[loooly love]

يسلموو ~ }

 

[Ameeraaaaaa]

السلام عليكم خواتي

حشوة اللحم المفروم ويا البزيلا لذيذه ( لحم مفروم اطبخه ويا بصل واااايد ومن يقرب للطبخ اضيف بازلاء وشوية فلفل حار )

 

[غنوة ستايل]

والله الحين قاعده اسوي سمبوسه . بس الحين اسوي الحشو وبالليل احشيها على هدوووء
سلقت بطاط . وسلققت جزر وبازيلاء مقطعه وناطره
اسوي الحشوه واصورها لكم

 

[غنوة ستايل]

بنات اللبنه لو حشيتها بالسمبوسه ساعه القلي ما تطلع من الاطراف ؟ اخاف تطلع وتخرب علي

 

[رفرف]

توني مسوية سمبوسة ومثلجتها حق رمضان

الحشوات :

1- بيتزا : صلصة بيتزا ومشروم وجبن موزاريلا
2- جبن فيتا مع زيتون مفروم شوي حار اللي تكون صلصته حمرا
3- لحم مفروم مع حمسة عادية طماط وبصل وثوم وصنوبر ودبس رمان
4- انواع جبن مخلوطة (موزاريلا - فيتا - شيدر) مع بصل مفروم

حشوة البطاط حلوة بس ما مداني اجربها .. حمسة بطاط مع كاري وفي ناس يحطون معاها اجار منجا

وودي اسوي حشوات اكثر بس فريزرنا انترس