*مـتاهـت الدنيـا *.. حقيقية}[ روآيه مسمُوح بهآ ]

[DooLy88]

الظاهر ولدت

 

[جمال رباني]

رد : *مـتاهـت الدنيـا *.. حقيقية}[ روآيه مسمُوح بهآ ]

ناطرينج

 

[غــلآهاا غير]

نااااااااااااطرين ام جسوووووووووووم وينج حبيبتي ؟؟

 

[DooLy88]

بنت والا ولد ؟؟؟؟؟؟؟؟؟؟؟؟؟ بشري

يتربى بعزج

لووووول


نبي البارت عاد << يبي لي صطار

 

[DALLY]

loooool

waiting

 

[فطوم_92]

!!!!!!!

 

[com-teacher]

ناطرينج حبي

 

[غــلآهاا غير]

ناااااااااااطرييين

 

[امـ جاسـم]

طبعا وكالعاده بنطق :$ بس والله النت كان منقطع بس فديتكم تحاتوني :eh_s(7): يالله قراءة ممتعه ..

بسم الله الرحمن الرحيم
البـارت الثامـن عـشـر:-

فجر:سارون عفيا عادي تقطيني
سارة:شدعوة أي عادي ,, يماا
ام يوسف:هلا يماا
سارة:بنقط سارة اوكي
ام يوسف:أي حبيبتي بس خل يوصل يوسف مادري شفي تاخر
فجر تخصبقت:هاا انتو ماراح تروحون بسيارتج
سارة:لا احمد ما يرضى اهوا قاطني وعندا دواام
فجر:امممم
ام يوسف:كاهو وصل يالله
فجر مشت وهيا ساكته ومنزلا راسها ما تبي تشوف يوسف ولا تبي حتن تسمع صوتا .. امن يوسف اول ما شاف فجر ستانس..
يوسف شاق الحلج ابتسامه:هلا والله
ام يوسف:شفيك انته
يوسف وهوا يخز فجر:ساروو صايرة قمر
سارة اطالعا وطالع فجر:انا الي صايرة قمر هاا
يوسف:ها امي
ام يوسف اطقا على جتفا:ايالي ما تستحي على ويهك
يوسف:هههههههه يما اتغشمر حبيبتي انتي القمر كلا بس سارة جزء مناا افا عليج بس
ام يوسف:اخ منك انته امش يالله قط البنيه بيتهم
يوسف:نامي عندنا
فجر تخزاا..
ام يوسف:يوز عن البنت خلص
يوسف:انزين
فجر بقلبها(عبالا بسوالفا هذي برضا)


ريم و خالد ,,
ريم راحت الحمام بدلت ومسحت مكياجها و لبست بجامه .. طلعت لقت خالد قاعد يطالع تلفزيون بالصاله ..
ريم:بنام
خالد:نامت عليج طوفا انا شكووو
ريم:انته قاعد مني وين انام انا ؟؟
خالد:ذلفي داخل ولا اقولج نطريني اخلص عشان تنامن هني
ريم تخزا ..
بعد نص ساعه ,,
خالد:انا بنام
ريم:...............
خالد:ريموووو
ريم:نعم
خالد:ما سمعتي شقلت
ريم:شسوي انا مثلا
خالد:عما بعينج
ريم نسدحت عالغنفه تفكر ( الكتاب باين من عنوانه ,, شلون راح اتعامل معاا اوووف اما الساحرة شسوي فيها وااي يا رب عيني )


فجر:مع السلامه
الكل:مع السلامه
ام يوسف:الله يوفق رييم يا رب ويرزق فجر ولد الحلال والله انها خوش بنت وتستاهل كل خير
سارة:أي والله يما تهبل فجور
يوسف بصوت خفيف:أي والله
وصلو سارة بيتهم و ردو البيت .. يوسف دش غرفتا ودق على فجر ,, فجر توها طالعه من الحمام ..
فجر:اووووف مابي ارد شيبي هذا
رد دق مرة ثانيه ..
فجر ردت:نعم
يوسف:يا لبه هالصووووووت
فجر:اووووف
يوسف:افا فجوورتي شفيج مو بالعتني
فجر:يوسف مليون مرة قتلك انا مو على مزاجك امشي يوم تحبني ويوم تكرهني
يوسف:انتي ليش تحبين النكد
فجر:انا جذي شسوي
يوسف:فديت جذيج
فجر ما قدرت ما تضحك:هههههههه
يوسف:أي أي جذي ضحكي
فجر:بس هم زعلانه
يوسف:افا والله افاا منو الي مزعلج دليني عليه وانا اكفخه
فجر:صج والله
يوسف:أي افا عليج
فجر:انته
يوسف:احم
فجر:هههههههههههه
يوسف:فديت هالضحكه
فجر:اذا عدت الي سويتا مرة ثانيه ؟
يوسف:لا وعد ما عيدها
فجر:خنجووف
يوسف:احبج
فجر:وانا بعد
قعدو يسولفون لي الساعه 4 و نص ..

دخل احمد الغرفه لقا سارة نايمه.. قرب وباسها على جتفها .. سارة قعدت
سارة:وصلت
احمد:قعدتج
سارة بتسمت
احمد:باجر بنسافر بليل
سارة:صج والله
احمد:أي نروح 3 ايام منتجع بالبحرين حلووو وايد يمدحونا
سارة:احمد
احمد:عيوناا
سارة ما تبي تخرب الي احمد سوا فسكتت..
احمد:شفيج حبيبتي
سارة:لا ولا شي
احمد:انزين يالله نامي عدل عشان ورانا سفرة
سارة:طيارة ولا سيارة
احمد:لا سيارة
سارة:اوكي مو يوعان
احمد:لا دايخ حدي
سارة:تصبح على خير
احمد:وانتي من اهله

الصبح قامت ريم على رنة تليفونها ما توقعت الي دقت عليهاا ,,
ريم:الوو
رنا:هاااااااااااااااااااي
ريم:ويعاااااااااااااي
رنا:ليش
ريم:ليش ما ييتي العرس
رنا:والله كنت مشغووله روانو مريضه
ريم:يا حياتي شفيها
رنا:ماكو صخونه وجذي
ريم:ما تشوف شر
رنا:شلونج ويا الزواج
ريم:الحمدالله
رنا:أي عاد خالد خوش واحد
ريم:هاا .. وانتي من وين تعرفين خالد
رنا توهقت:ريووم بعد شوي اكلمج روان قامت باي
ريم ستغربت من وين رنا تعرف خالد ...
خالد:منو كنتي تكلمين
ريم:هذي رفيشتي رنا
خالد عصب:رنااااااا
ريم:أي تعرفها
خالد:ان شفت ولا سمعت انج تكلمينها مرة ثانيه ما تلومين الا نفسج فاهمه
ريم:ليش انته من وين تعرفها وشفيها اهيا
خالد تلها من زندها:انا لمن اكلمج لا تراددييني سمعي الي اقووولا انزييييييييين
ريم:انزييين خلاص هدني عورتني
خالد دزها:ناقصني هالاشكال انا
ريم:الله يستر منكم
خالد خزها وطلع .. نزل عند اهلا ..
خالد:صباح الخير
ام خالد:صباح النور وين ست الحسن والدلال
بو خالد:انتي شتبين بالبنيه
ام خالد:ما احبها ما اشتهيها
بو خالد:شسوتلج اهيا
ام خالد:واااي تبط جبدي اهيا واهلها الهيلق
بو خالد:لا حولا ولا قوة الا بالله
حور اخت خالد الصغيرة:هاي
ام خالد:هايات
حور:خلود وين مرتك
خالد يقرا لاجريده:فوق
حور:ليش ما نزلت
خالد:تلبس
حور:اممم
نزلت ريم..
ريم:صباح الخير
بو خالد وحور:صباح النور
ام خالد:ليش مو نازلا ويا ريلج
ريم:اهوا صبقني
ام خالد قامت ..
حور:رييم
ريم:هلا
حور:وين بتسافرون شهر العسل
ريم سكتت
خالد:يالله انا رايح الدوام
ريم:الله معاك
حور حست ان الوضع مو طبيعي فقامت تسولف عن سوالف البنات ..


بعد 6 اشهر ,,
ريم دخلت بالشهر السابع و كان الحمل وايد حلوو عليها حياتها مع خالد كلها مشاكل ساعات يطقها وساعات يسفل فيها .. ام خالد كلا تضغط على خالد ان يتزوج بنت رفيجتها .. بس خالد مالا خلق سوالف البنات .. ريم حياتها كلا صايرة بالغرفه ما تكلم احد ولا لها شغل باحد ولما تنزل ام خالد تقعد تناجرها ,, وعلى يوم ريم كانت بتطلع ..
خالد:وين رايحه
ريم:عندي موعد مع الدكتور (وهيا مستانسه)راح اعرف اليوم بنت ولا ولد
خالد شوي قام يحن حق ولدا:يبيي معاج
ريم ستانست:صججججججج
خالد:أي يالله
نزلو كانت ام خالد و رفيجتها ام فهد وبنتها رهف قاعدين بالصاله ,,
ام خالد:هلا هلا بولدي خالد هلا والله
خالد:هلا يما
ام خالد:هذي رفيشتي ام فهد الي كلا اسولفلك عنها ويا بنتها رهف سمالله عليها (هذي اهيا البنت الي تبي يتزوجها)
خالد فهمها:هلا والله يالله ريم انا انطرج بالسيارة
ام خالد بنفسيه:وين على الله
ريم:عندي موعد
ام خالد:ايييه
ريم:يالله مع السلامه
الكل:مع السلامه
ام فهد:مشالله جنتج حلوة
ام خالد:الله ياخذ هالسيرة
ام فهد:وي شفيج عالبنت
ام خالد:يا ربي ما اشتهيها
ام فهد:الله يهداج شكلها هاديه البنت
ام خالد:ياما تحت السواهي دواهي
بالسيارة ,,
ريم:خالد
خالد:ها
ريم:انته مستانس ليش بتصير ابوو
خالد:........
ريم:انا ما كنت مستانسه اول شي بس الحين احس اني طايرة من الوناسه
خالد:امم
ريم سكتت ,,

سارة واحمد ... حياتهم شوي متكهربا ليش انها ليلحين ما حملت خايفه من هالسالفه واحمد ضايق خلقا بس ثاعد يبين لها انه عادي ,,
سارة قاعده تبجي..
احمد:حبيبتي شفيج اذا مو هالشهر انشالله الشهر الياي
سارة:انا خايف احمد
احمد:ليش حبيبتي تخافين انشالله مافي الا العافيه
سارة:اخاف ما اييبلك يهال وتتزوج علي
احمد:ههههههههههههه الحين مو خايفه ان ما تيبين يهال خايفه اتزوج عليج
سارة:اووووووه احمد
احمد:لا تحاتين انا بس يهمني انتي ما يهمني شي ثاني
سارة تبجي
احمد:يالله عاد ساروو لا تبجين شرايج نتعشى برا انا وياج وامي وابوي
سارة تمسح دموعها:واقول حق امي ويوسف
احمد:أي حلوو
سارة:انزين تحبني
احمد:امووووووووت فيج اعشقج
سارة:هههههههه
احمد:يالله عاد عن الدلع قوومي يالله قولي حق امج ولبسي
سارة:اوكي

فجر ويوسف .. مثل ما اهما يوم يحبها ويوم يكرها فجر تعودت عليه وماقام يهما وشاكه فيه اصلا ..
يوسف:والله احبج
فجر:امممم
يوسف:فجوووور
فجر:ها يوسف ها
يوسف:طاع الحيوانه شنو ها
فجر:اسلوبك لا تسب
يوسف:اووووه طسي عن ويهي زيين ( وصكر التليفون)
فجر:مو شي يديد خل ادق على ريم ابرك
ريم:هلا فجوور
فجر:هلا حبيبتي شلونج
ريم:الحمدالله
فجر:ها وينج شكلج طالعه
ريم:أي رايحه ويا خالد نشوف جنس البيبي وناااسه
فجر:اللله وناااااااااسه واخيرا قررتي تشوفينا
ريم:أي حسيت لازم اعرف
فجر:ههههههه شكثر حنيت عليج انا والدكتورة
ريم:مادري احب المفاجاة بس تذكرت ششتريلا وانا مادري بنيه ولا ولد
فجر:أي زين يالله عيل اخليج لما تعرفين على طول قوليلي
ريم:اوكي باي
فجر:باي
ريم:هذي فجور
خالد:ما سالتج
ريم نقص ويها:.........
وصلو ..
الدكتورة:واخيرا شفناك
خالد:هههه ظروف الشغل
الدكتورة:ما عليه.. ها ريومه شلونج
ريم:زينه الحمدالله دكتورة ابي اشوف بنت ولا ولد
الدكتورة:هههههههه اشوف غيرتي رايج
ريم:أي غيرتاا
الدكتورة:أي يالله ..
نسدحت ريم و بينت بطنها حق السونار .. خالد وايد نشد حق هالمنظر شلون صاير شكل ريم حلو بالحمل وهوا اول مرة يشوف بطنها جذي بدون ملابس حس ان لازم يبدي يغير نظرة بريم و يهتم فيها و بالي بطنها ,,
الدكتورة:مشالله البيبي صحتا اوكي
ريم:صج
الدكتورة:وهذا نبضه سمعو
خالد:طاع شكله ريووم كبير
ريم مستانسه:اييي
خالد:يعني هذا نبضه دكتورة
الدكتورة:ايي
خالد:بنيه ولا ولد
الدكتورة:شنو ودكم في
ريم:بنت
خالد:لا ولد
الدكتورة:ههههههههه ولد ولا بنت الي ايي من الله حيااه الله
ريم:أي صح كلامج دكتورة
خالد:يالله دكتورة شنو ولد ولا بنت
الدكتورة:هههههه اقول ومحد يزعل
ريم:وااي لعبتي بعصابي
الدكتورة:لالا بقول يالله
خالد:أي يالله
الدكتورة:بنت
ريم:هياااااااااااا
خالد:ونااسه
ريم:توك تبي ولد
خالد:المهم ياهل
الدكتورة:انشالله ريم اشوفج بالموعد الياي
ريم:انشالله
الدكتورة:مع السلامه
ريم:مع السلامه
بالسيارة..
خالد:خنروح السوق
ريم:ليش
خالد:عشان نشتري حق بنتي ما بوقا شي وتشرفنا
ريم:ههههههه
خالد:شفيج تضحكين
ريم:الي يشوفك اليوم ما يشوفك امس وانته ادعي عليها وعلي
خالد:ريم خلاص خننسى كل الي صار ونبدي صفحه يديده
ريم منصدمه:ها؟
خالد:صج الي سوينا انا وياج غلط وغلط كبير بعد بس ما يصير نعيش بنتنا ويانا بمشاكل
ريم:ومنو قالك انها بتعيش معاك
خالد منصدم:ها عيل وين بتعيش
ريم:احنا من اول شي متفقين طلقني بس اولد وهذا الي راح يصير
خالد:بس انا ابي بنتي
ريم:توك تعرف بنتك صارلي 7 اشهر شايلتها فبطني عمرك ما سالتني عنها ولا عن صحتها ولا حتن قبل لا اعرف جنسها الحين تقولي تبي تبدي صفحه يديده 7 اشهر وانته تكفخني ما خفت عليها اطيح ولا يصير فيها شي
خالد سكت ما عرف شيقول كل كلام ريم صح
ريم:ودني عند فجر
خالد:انزين بس فكري
ريم:..........
وصلت ريم بيتهم اول ما دشت لقت ابوها ..
ريم:السلام شلونك يبا
بو فجر:هلا وعليكم والله مبين عليج الحمل
ريم:هههههه يبا ما بوقا شي وولاد
بو فجر:أي زين تقومين بالسلامه
ريم:يسلمك يبا عيل وين فجور
بو فجر:فوق
ريم:عن اذنك
صعدت ريم فوق لقت فجر قاعده على الاب ..
فجر قامت لمت ريم:حياااتي شكلج صاير اينن
ريم:هههههههه صج
فجر:أي والله
ريم:فيني بنت
فجر:توقعت
ريم:شلوون
فجر:ايقولون البنت تحلي وانتي صايرة حلوة
ريم:ليش كنت جيكرة اناااا
فجر:ههههههههه لالا
ريم:مالت
فجر:شلون خالد وياج
ريم:ما تصدقين اليوم شقالي
فجر:شقال
ريم:يقولي خل نفتح صفحه يديده و نهتم فبنتنا
فجر:ايييي زين
ريم: ومنو قالج اني ابي
فجر:ها عيل
ريم:انا بطلق مابيي
فجر:ينيتي انتي
ريم:أي ينيت
فجر:ريموو حرام عليج دام اهوا بيتسنع خلاص فكري فبعدين بنتج حرام ليش تعيش بعيد عن حضن ابوها
ريم سكتت
فجر:فكري ريم فبنتج
ريم:وليش ما افكر ان اذا انا عشت معاها بروحنا راح اعيشها احسن من عيشت ابوها مابيها تصير مثلي ابي تطلع غير عني حتن شبه مابيها تشابهني ابيها غير بكل شي مابي اتشوف ابوها وهوا يهين امها ويطقها مابيها تشوف الي انا شفتا بحياتي خالد هدم حياتي مابي يهدم حيات بنتي بعد
فجر سكتت ماتدري شتقول ..


في بارت ثاني اهوا القبل الاخير لانه هذا انا من زمان كاتبته بس النت كان مقطوع ..

مع تحياتي
امـ جاسـم : )​

 

[Miss.blue berry]

رد : *مـتاهـت الدنيـا *.. حقيقية}[ روآيه مسمُوح بهآ ]

ثيـــــــــــــتنكيو ام جاسم على البارت الحلوو
و اممم انا اتوقع خالد يتعدل و يكمل مع ريم ~~
و ناطرين البارت الياي ~~

 

[*احلام*الدجى*]

وناااااااااااااااااااااااسه نزل البارت

الحين وين ما نطقها عويه يوم خالد نوى يتعدل ريم تخرب السالفه !!!

يالله حبوبه وين البارت الثاني ؟؟؟

 

[P!NKia]

ناطرينج
والله يقومج بسلامه

 

[الحلوه وبس]

واااي يارب تردله ويعيشون ااحلى عيشششششششششششششه

وثانكس ناطرين اللي قبل الاخير
تسلميييييييييييييييييين

 

[TAFATEFYTA]

وااااااااااااااو البارت عجيييييييييييييييب

تسلم ايدج ام جاسم ناطرين البارت اليديد

 

[أم@الحلوين]

مشكوووووووووره البارت روووووووووعه

 

[امـ جاسـم]

بسم الله الرحمن الرحيم

البـارت التـاسـع عـشـر:-
بنات قبل ما ابدي البارت هذا البارت تقريبا كلا عن خالد وريم .. لانهم اساس القصه وابي ابينلكم حياة ريم عدل قبل ما اخلص القصه ..
*******************************************************************
ريم و فجر قعدو يسولفون لين صارت الساعه 10 ونص ..
ريم حست بتعب ..
فجر:ريووم شفيج
ريم بالم:مو قادرة اتنفس
فجر مخترعه:ليش شفييج
ريم:مادري الدكتورة قالتلي عادي بالشهر السابع جذي يصير بالمرة
فجر:متاكده ريم مافيج شي
ريم:ايي
ريم كانت تعبانه بس ماتبي تقول حق فجر عشان لا تحاتيها ..
ريم:يالله خل ادق على خالد
فجر:تو الناس
ريم:لا بروح ارتاح
فجر:الي يريحج
ريم دقت على خالد .. بعد ربع ساعه خذاها خالد وردو البيت ..
خالد:ريم
ريم:هلا
خالد:ما فكرتي
ريم:بشنو
خالد:الي قتلج يا
ريم:ماكو شي افكر في لانا متفقين على الطلاق لما اولاد
خالد:يعني اخر كلام عندج
ريم:اي
خالد:اوكي ماشي يا ريم
ريم خافت لا يسوي فيها شي .. خالد هدها ونزل الصاله حق اما ..


بعد يومين ..
ريم حاسه بعوار مو قادرة تستحملا ..
ام خالد:شفييج
ريم بالم:مادري
ام خالد:دلع بنات
ريم قامت تبي تصعد فوق ..فجأة:اااااااااااااه
حور:امبيه شفيج
ريم:امممممممم اااااه مو قااادرة
ام خالد:روحي دقي على اخوج لا تموت علينا
حور:انشالله انشالله
خالد يا البيت بسرعه خذا ريم وطار على المستشفى ..
الدكتورة:لازم نولدها لانه جيس الياهل انفجر
خالد:شنو يعني دكتورة
الدكتورة:يعني لازم نولدها الحين
خالد:مافي خطورة عليها وعلى الياهل
الدكتورة:كل شي في ايد الله سبحانه و تعالى ادعولها
خالد خاف من كلام الدكتورة ولاول مرة قام يدعي ربا ..
بعد ساعتين .. الدكتورة طلعت
خالد:هاا دكتورة بشري
الدكتورة:الحمدالله على سلامتها وسلامت البيبي
خالد بيطير من الوناسه:ولدتتتتتتتت
الدكتورة:صج الولادة كانت صعبه بس الحمدالله
خالد:الحمدالله الحمدالله يا ربيي
ام خالد و حور وصلو ..
ام خالد:هاااا شصار
خالد:ولدت ولدت صرت ابووو
ام خالد:زيييين مبروك بس شلون ولدت بالسابع
خالد:اي اي المهم ولدت يمااااا
حور:ههههههههه مبروك حبيبي
خالد:يبارك فيج
الدكتورة:تتربى بعزكم انشالله بس البنوته بنحطها بالشيشه ليمن نطمن انشالله عليها
خالد:ليش فيها شي اهيا
الدكتورة:مافيها شي بس الياهل ساعات اذا نولد قبل وقتا ما يقدر يتخلص من السوائل الي في الرئتين مما يسبب اتهاب حق الطفل بس ماكو خطورة انشالله اسبوع وتاخذونا معاكم
خالد:اكيد دكتورة ماكو خطورة
الدكتورة:قول انشالله بس
خالد:وريم شلونها
الدكتورة:الحمدالله بس لازم شوي تتعب لانها والدا ولادة مو طبيعيا
خالد:مشكورة دكتورة
الدكتورة:ولو واجبي عن اذنكم
خالد:اووووه نسيت ادق على اختها
فجر:الو
خالد:شلونج فجر
فجر:ريم فيها شي
خالد:ريم ولدت
فجر مستانسه:صجججججججججججججججججججججججججججججججج
خالد:ههههههه اي يالله تعالي
فجر:ثواااااااني
بعد ساعه ريم صحت من البنج ..
خالد:حمدالله على السلامه
ريم مو مستوعبه
فجر:حياتييييي صرتي ام
خالد:مولايق هاا
فجر:لا كلش هههههههههه
ريم:فجر
فجر:عيونهاا
ريم:وين بنتي
فجر:النتفه هذي بالشيشه
ريم:ليش فيها شي
فجر:لا حبيبتي بس لانها مو طالعه بموعدها لازم الشيشه
ريم:اكيد
خالد:اكيدين
فجر:تهبل البنيه تشابهج بس عيونها عيون خالد
ريم:صج
خالد:لا بلا ضاع مستقبل البنت
ريم:ههههه ليش عيونك حلوة
خالد بطفرها:لا قصدي لانها تشابهج
ريم:لااااااااا
خالد وفجر:هههههههههههههههههه
سارة دخلت:حياتي حمدالله عالسلامه
ريم:هلا هلا
فجر:الفال لج
سارة بلهفه:انشاللللللله
ريم:ما انصحج تعب تعب
فجر:ههههههههههه
خالد:شنو بنسميها
ريم:اكيد بسميها رونق
خالد:خير
ريم:رونق
خالد:شهالاسم
ريم:حلو شفييي
خالد:لالا مو عاجبني
ريم:يالله عاد انا ابي رونق
خالد:افكر
ريم:خااااالد
خالد:ههههههه انزين انزين رونق رونق
ريم ابتسمت ..

بعد اسبوع طلعت رونق من الشيشه الكل مستانس فيها الي يشيلها والي يبوسها والي يلاعبها وريم ميته عليها
وماترضى عليها لو بنص كلمه .. وبعد الاربعين
ريم:خالد
خالد يلاعب رونق:هلا
ريم:متى راح اطلقني
خالد خزها
ريم:شفيك تخزني خلاص انا ولدت وطلعت من الاربعين يعني لازم اطلقني الحين
خالد:ماني مطلقج انا
ريم:انا ما اقدر اعيش معاك
خالد:والله انا قتلج خنغير حياتنا نفتح صفحه يديده نعيش مثل اي زوجين انتي ما تبين
ريم:لاني اكرهك
خالد قعد يطالعها بحسرا ..
ريم نزلت راسها
خالد:انا طالع تبين شي
ريم ما تكلمت
خالد:مع السلامه
طلع خالد راح البحر..
خالد يكلم نفسا ( معقوله حبيتها بس شلون احبها لا مستحيل انا اكيد بس عشان بنتي .. هههههههه اقص على روحي والله ريم مو مو مثل ما كانت تقول عنها الجلبه رنوو بس انا شدراني مثل ما تقول ولا لا وانا تزوجتها عرفي وكان مبين عليها على نياتها وبس ادور رضاي حتن الحين وانا مو معطيها ويه ويبتها بيتنا انا غرفه وهيا غرفه .. يا ربي تعبت بس الي انا متاكد منا اني ابي ريم مابي اضيعها من ايدي شلون وهيا تكرهني يا رب والله تسنعت انا تغيرت ساعدني يا ربي )

ريم تسولف ويا سارة ..
ريم:مابي مابي
سارة:ياهله انتي شنو مابي مابي
ريم:مابي يعني
سارة:ليش مو تقولين تغير
ريم:بس انا ما احبا
سارة:عليييييينا
ريم:او ساروو اكلمج بعدين نونو قاعده تبجي
سارة:عيارتج
ريم:باي
سارة:باي
(ريم اوووووووووووف احبا بس هم مابي ..)


فجر كانت رايحه بتسوي حق يوسف مفاجاة راحتلا الدوام وكانت بتحطلا ورده ورساله على باب سيارتا بس يوم راحت اكتشفت شي عمرها ما كانت تتوقعا ..
يوسف كان بالسيارة ويا وحده وكانو بمنظر .. ما ينوصف ..
فجرعيونها كلها دموع .. (ليش ؟؟ ليش يوسف )
ركضت السيارة وقعدت تبجي منقهرا ليش يوسف يخونها شسوتلا اهيا هذا الي حبتا ما تعتقد كلش ..
بعد نص ساعه دق عليها يوسف..
فجر:نعم
يوسف:وينج حبيبتي
فجر تحاول تكون طبيعيا:طالعه
يوسف:اشوفج
فجر:اي طبعا
يوسف:اوكي روحي مصافط بحر مرينا
فجر:اوكي
راحت فجر وكان يوسف ناطرها..
يوسف:هلا هلا
فجر ودموعها تنزل:ليش؟
يوسف:شفيج ؟؟
فجر:شفتك وياها
يوسف:ويا منو
فجر تصرخ:ويا الي كنت وياها شفتك شفتها بحظنك شفيك يوسف ليش كل هذا ليش انا شسويت شنو قصرت معاك في قوليي اصلا انته واحد حقير ما تستاهل حبي وتضحياتي اكرهك اكرهك
قام اطقا على صدرة و يوسف منصدم ..
فجر:خلاص يوسف بليز بليز وخر عني مابي اشوفك ولا اسمع صوتك مع السلامه يالغالي
يوسف ليلحين منصدم متحسف بجى ليش بجا يحبها بس ما عرف قيمتها هذا جزا تصرفاته ..


ريم كانت منسدحه على ظهرها و منومه نونو على بطنها دخل خالد عجبا شكل ريم .. راح صوبها ونسدح على جمبا عطاها ويها .. مسح على ظهر نونو ..
ريم:ييت
خالد:اي
ريم:اممم
خالد:نونو نايمه
ريم:اي ادري كانت قاعده تبجي يالله قبل شوي سكتت
خالد:الله يعينج
ريم ابتسمت
خالد:يالله عاد ريموو
ريم مستحيا اول مرة خالد يكون جذي قريب منها من اول ما تزوجو ..
خالد:ما طاح الحطب
ريم شالت نونو:لا(حطتها بسريرها)
خالد لمها:اششششششششش
ريم استسلمت لانها تحبا لو شيسوي ..

الصبح قامو من النوم لبسو ولبسو نونو وطلعو يبون يتغدون برا ..
خالد:شرايج نطلع من هالبيت
ريم:وين نرووح
خالد:يعني نروح شقه او دوور بروحنا
ريم:يعني
خالد:عشان امي تبطل شوي من سوالفها
ريم:امممممممممم
خالد:ها شرايج
ريم:اوكي
خالد:عيل انا ادور ونلقيت اقولج
ريم:انزين ودني بيت ابوي
خالد:من عيوني
ريم بقبها (سبحان الي يغير ولا يتغير وبتسمت ) ...

فجر حالتها كانت حالا .. دخلت عليها ريم وشافتها نايما قعدت بالصاله الي فوق ولا يطلع ابوها ..
بو فجر:اووووه طاعو منو هني
ريم:شلونك يبا
بو فجر:هلا اشوف هذي بنتج
ريم:اي
بو فجر:تشبهج يوم كنتي صغيرة
ريم:هههههههه اي الكل يقول
بو فجر:ريم
ريم:هلا يبا
بو فجر:يعني يبا بس بغيت اقولج عندج فلوس
ريم ابتسمت:جم يبا محتاج
بو فجر:انتي ومدت ايدج
ريم بطلت بوكها:يبا بس عندي الحين 70 انشالله بس اخذ اجار الشقق راح كل شهر اعطيك منهم اوكي
بو فجر:عفيا على بنتي حبيبتي
ريم:شدعوة يبا انته ابوي
بو فجر:يالله عن اذنج
ريم:اذنك معاك
طلعت فجر من الغرفه ولمت ريم وقعدت تبجي..
ريم:شفيج فجوور
فجر:تعبانه ابي اهج ابي اسافر
ريم:وين تسافرين الله يهداج شصاير
فجر:ريم انا فيني شي فيني عيب
ريم:سمالله عليج تهبلين
فجر:عيل ليش ليش
ريم تمسح على راسها:حبيبتي لا تبجين تدرين ما احب اشوف دموعج
فجر:ساعديني
ريم:قولي شفيج
فجر متردده بس قالت لها كل شي ..
ريم:صج ان حقير ومايستاهلج
فجر:ريم انا اسفه
ريم:حبيبتي انتي شتتاسفين عليه اصلا احمد ربي اني نسيتا
فجر تبجي ..
ريم:بس عاااد انا يايبتلج اخبار حلوة
فجر تمسح دموعها:شنو قولي
ريم:انا وخالد ردينا مثل اول
فجر:صجججج
ريم:ايي
فجر لمتها:حبيبتي مبروووك
ريم:هههههههه

بليل ..
يوسف دق على فجر ..
فجر ردت تبي تحطلا حد: نعم
يوسف:ليش ماتردين علي
فجر:هه وليش ارد قتلك كل شي انتهى
يوسف:فجر فهميني انا
فجر قاطعتا:لا تقول شي خلاص انا شلتك من بالي وراح انساك انشالله الي مثلك ما يستاهل يحب ولا ينحب مع السلامه
يوسف من صكرت فجر التليفون نهار حس الدنيا تصكرت بويها متحسف متحسف متحسف بس عقب شنو لي فات الفوت ما ينفع الصوت ..


** خيانه وانتهت اخر سوالف عشقي المجنون
سوالف عشق ياما الناس قالتها وعادتها
حكوا عني وحكوا عنها وعن الحب ملا هالكون
وصاروا يحلفون بحبنا وصدقي وطيبتها
وكم واحد تمنى لوخذا من لون حبي لون
وكم وحده تمنت لوتشابهنا حكايتها
انا وياها كنا حلم بالمعنى وبالمضمون
لكل اثنين قصه حبهم تعلن بدايتها
وفي الليله بكى فيها الوفا من ظهره المطعون
بدايتها جروحي والوفا مات ابنهايتها
في ذيك الليله كان اهون علي احيا بدون اعيون
ولا اشوف الي شفته من حبيبه قلبي ساعتها
بعيني شفتها وياه تضحك له واهو مفتون
سعادتها في قربه تشبه في قربي سعادتها
واهو طاير ابفرحه ولايدري بأنها تخون
يمكن يدري وساكت ولاتهمه حقيقتها
ابعيني شفتها ماهو حكي واشي وخيال وضنون
بعيني ليت عيني عمرها مايوم حبتها
وقفت لسان حالي تقول ليه ومن متى واشلون عسى ألقى سبب واحد يبرر لي خيانتها
وادور للجريمه ثغره في كل مذهب وقانون
لكني عجزت ألقى عذر يغفر لي جريمتها
خيانتها عطت حجه لكل الي يبي يخونون ومن هالليله كل خاين يتعذر ابقصتها**


http://www.youtube.com/watch?v=a2B0t9w07BI


نطروني في البارت الاخير انشالله بكون وايد طويل ببدي اكتبا من الحين ..
تصبحون على خير .. :*:*
مع تحياتي
امـ جاسـم : )​

 

[أم@الحلوين]

مشكوووووووووووووره ام جسووووووم ع البارت روووعه
وريم وخالد انشاءالله دووووم مستانسين
وفجر مسكينه ما تستاهل ويوسف مالت عليه
وناطرين البارت الاخير على نار

 

[Miss.blue berry]

رد : *مـتاهـت الدنيـا *.. حقيقية}[ روآيه مسمُوح بهآ ]

ثينــــــــــكيو على البارت ام جاسمـ~~
و مثل ما كنت متوقع ريم و خالد ردو حق بعض
و الله يرزق فجر بولد الحلال لوول~~
اممم و شراح يصير على ساره و احمد احس ان احمد وراه شي ~~
ناطرينج ام جاسم لا تطولين علينا ~~

 

[حنطاويه عسل]

واااااااااااااااااي انا اول رد ونااااااااااااسه
ميرسي حبيبتي عالبارت
وناطرينج بالبارت الاخيييير
حدي متشوقه لووووووووووولز

 

[حنطاويه عسل]

ويي كنت بدز اول وحده سبقتوني ههههههههههههههههههههه