لندن .. عيد الأضحى 2009

[<miss botamba>]

السلام عليكم

شلونكم يا صبايا عساكم بخير

الموضوع مثل مابين من عنوانه كان سفرتنا انا وامي وخواتي حق لندن في عيد الاضحى الي فات
وترددت وايد قبل لا اسويه خفت يكون مكرر والا مليق مايعجبكم

المهم قررت اسويلكم تقرير مبسط عن الرحله شامل بالتفاصيل وغير هذا راح احاول اعطيكم جداول رحلات
بس مو مجربه وان شاء الله انا بجربها في رحلاتي اليايه بأذن الله بس بنهايه التقرير

لحد هذي اللحظه انا فقط خالصه من الجزء الاول ويمكن اطول عليكم شوي استحملوا علشان عندي فاينل الصيفي
ادعولي !!!



نبدأ باسم الله والصلاه والسلام على اشرف خلق الله سيدنا محمد عليه الصلاه والسلام


بدايه الرحله كان مخطط لها من فتره قصيره تقريبا باسبوعين اول اقل
وتم الحجز عند سفريات موناكو بحولي في شارع بن خلدون
وكان عندهم عرض 10 ايام شامل الطيران والسكن ب 400 دينار تقريبا

اتكلنا على الله وحجزنا عندهم بعد لويه طويله مع باجي السفريات وبعد الحجز رحنا السفاره وقدمنا على الفيزا والحمدالله طلعت في اقل من يومين وكانت لخمس اشهر ب 43 دينار هالحروة

طبعا الفيزا تحتاج صورتين خلفيه بيضاء تختلف عن صوره الجواز
وراح يبصمونكم ويسألونكم جم سؤال مثل: ( ليش بتسافرون بريطانيا – منو بيدفع لكم التكاليف – شنو تشتغلون ... الخ من الاسأله الروتينيه العاديه)


الرحله كانت من تاريخ 25-11-2009 الى 5-12-2009 قبل الوقفه بيوم
كويت – دبي – لندن – دبي – كويت

الناقل لنا في هذي الرحله
طيران الامارات



http://www.emirates.com/

طبعا مراح اعلق عالطياره وخدماتهم باختصار كامله والكامل الله ...

الرحله كانت الفجر تقريبا الساعه 4



ركبنا واتكلنا على الله وبعد نص ساعه تقريبا عطونا الريوق



الرحله كانت مدتها تقريبا ساعه ونص
وهالمناظر الي ترد الروح وكانت اول واخر مره يكون كرسي يم الدريشه للاسف







وصلنا المطار



طبعا لانا ترانزيت توجها للبوابه مالتنا وقعدنا يمها والي يبي يتمشى يتمشى والي يبي ياكل ياكل المهم نكون عند البوابه بالوقت



فضلت اني اقعد عند البوابه واشوفلكم ذيج الياهل اتهبل ماشاءالله
وقعدت اسولف مع اهلها وكانو انجليز يايين من جنوب افريقيا وبروحون لندن معانا مساكين طاقين درب 14 ساعه ووراهم درب 6 ساعات الله يعينهم !!!!





طبعا عند كل بوابه مثل مكان شحن حق جميع انواع الموبايلات وعند الكراسي بلاكات حق شحن اللاب توب
وكل شي تبونه متوفر قريب مطاعم – قهاوي – محلات – دورات مياه ... الخ

نسيت اقولكم الترانزيت كان ساعتين ونص والحمدالله تقزرو عدل

وحان الوقت ودقت الساعه وفتحت البوابه



ركبنا الطياره واتكلنا على الله متجهين الى لندن

عقب ماركبنا بساعتين عطونا الريوق مره ثانيه



عقب ماخلصت قلت بتمشى عيزت من القعده ومثل ماقلت لكم ماكان كرسي يم الدريشه فرحت ورا عند المطبخ
وكنا واصلين فوق تركيا





وبعدها رجعت ونمت لي شوي الا يايبين لنا سناك

 

[<miss botamba>]

خلصت تابعت لي جم فلم ولعبت جم لعبه بعدها قمت وتمشيت ورحت مكاني السري لوول المطبخ

وكنا واصلين عند فرنسا
طبعا انا بس اقول سبحان الله مناظر عجيبه !!!
ومن البرد شوفو اخر صوره الدريشه شلون فيها ماي ومثلج








شوفوا زحمه الطياره



الرحله كانت تقريبا 6 ساعات وشوي وصلننا تقريبا 3 توقيت غرينيش

 

[<miss botamba>]

لمن وصلنا كنا حاجزين سياره تستقبلنا وانصحكم بالشركه هذي لانها ارخص من التاكسي الاسود العادي الي سعره 80 باوند من المطار الى داخل لندن
والسياره كلفتنا تقريبا 50 باوند والدفع عند الوصول

الشركه اسمها
Alpha Airport Cars
http://www.alphaairportcars.com/

طريقه الحجز جدا سهله وبحطها لكم بالخطوات

اول ماتفتحون الموقع راح يطلع لكم هذا



عندكم الذهاب الى والذهاب من
هذول حسب اذا انتو تبونه ياخذكم من المطار تحطون المطار عند الى واذا تبون تروحون المطار تحطون المطار عند من عرفتو ؟!
طبعا في مطارات ثانيه بس انا حطيت هيثرو
والجهه المقابه تحطون حسب انتو وين بتروحون داخل لندن والا خارج لندن
مثال: انا بروح مارلي بون, ماي فير, سوهو داخل لندن فاختار الرمز مالها
وبعدها تختارون اي سياره تناسبكم وتناسب عدد الجناط
وتضغطون على Book Now الي موجوده فوق عند السعر

راح يفتح لكم هالصفحه



بالجزء الاول مذكور التفاصيل مالت الصفحه الاولى
تحتها راح تذكرون معلوماتكم الشخصيه كامله ومعلومات الرحله



هني تفاصيل العنوان وعدد الجناط واذا تبون كراسي للاطفال

بعدها تضغطون تحت على Preview
راح يطلع لكم التفاصيل مره ثانيه كامله وفي تحت



اذا بتغيرون شي Edit واذا بس نويتوا تحجزون Book Now
راح يطرشون لكم ايميل في هالتفاصيل وبس
تروحون وتلاقون السايق واقف ينطر بالاستقبال ومعاه لوحه باسمكم

السايق كان في قمه الادب واخذ منا العربانه وصعد الاغراض بروحه وحليو
اسمه كان Sewa

اكتفي بالقدر هذا لان جد اول مره اسوي تقرير ومن الصبح بس اسوي edit على الصور وصج حسيت بالي يسوون تقارير شكثر التقارير متعبه
ان شاء الله اكمل الجمعه لان مثل ماقلت لكم عندي فاينل وبشوف تحمستوا والا لا ..

استودعكم الله

 

[على الدنيا سلام]

مشششششششششكوره حبيبتي تقريريج ياا بووقته ......

ومتااااااابعين .....

 

[مسك81]

ماشاءالله مبين ان تقريرج مشوق وانا في انتظار باقي التقرير
عليكم 60 عافيه

 

[إيمي1987]

رد : لندن .. عيد الأضحى 2009

مشووق تقريرج


لووول اهم شيء وجبه الريووق عوافي

ناطرينج بالمزيد

 

[<miss botamba>]

مشششششششششكوره حبيبتي تقريريج ياا بووقته ......

ومتااااااابعين .....

العفو وحياج الله :blueSmCLR:

متى مسافره ان شاءالله؟!

 

[<miss botamba>]

ماشاءالله مبين ان تقريرج مشوق وانا في انتظار باقي التقرير
عليكم 60 عافيه

الله يعافيج :eh_s(17):

 

[<miss botamba>]

رد: رد : لندن .. عيد الأضحى 2009

مشووق تقريرج


لووول اهم شيء وجبه الريووق عوافي

ناطرينج بالمزيد

ههههه مو يقولج تريقي مثل الملوك وتغدي مثل الوزراء وتعشي مثل الفقير

:e3:

 

[ملكة زماني]

رد : لندن .. عيد الأضحى 2009

عليكم بالعافيه

يالله ناطرين باجي التقرير

 

[<miss botamba>]

رد: رد : لندن .. عيد الأضحى 2009

عليكم بالعافيه

يالله ناطرين باجي التقرير

الله يعافيج :hjy5jewf:

ان شاء الله قريب بس على ما اخلص الفاينل

دعواتكم :yaaaaaarb:

 

[& مــشــايــخ &]

الله

كملي

انا بحجز لي كرسي ووبقعد بنطر التقرير

 

[sweet lady]

عااااد انا اموووت على تقارير لندن يا بوقته
كملي احنا معاج

 

[<miss botamba>]

الله

كملي

انا بحجز لي كرسي ووبقعد بنطر التقرير

عااااد انا اموووت على تقارير لندن يا بوقته
كملي احنا معاج

:nbvppw:


حـــيـــــاكـــــــــــــــــمـ اللـه

 

[<miss botamba>]

السلام عليكم

بالبدايه احب اشكر الخوات

على الدنيا سلام
مسك81
إيمي1987
ملكة زماني
& مــشــايــخ &
sweet lady



ويلااا هلم بنــــــا




هذي سيارتنا اللطيفه الي انقلتنا




طبعا نسيت اقولكم او تناسيت بالاحرى احط لكم الفندق عشان اشوقكم
وفندقنا كان




http://www.thistle.com/en/hotels/united_kingdom/london/thistle_marble_arch/index.html

الفندق وايد موقعه ممتاز بدايه الاوكسفورد وقريب عند الاجوارد رود حق الي حاب يروح له بس انا ما انصح فيه
موظفين الفندق حبوبين والكونسيرج متعاونين وايد وعندهم موظف مصري عند الباب حليو
عند دخله الفندق في مثل محل يبيع ماي وجرايد مثل بقاله ما شفت اسعاره بس اتوقع اغلى من بره
وبجانب الفندق محطه باص

كنا حاجزين غرفتين دبل
الغرفه كل شي فيها ( صندوق الامانات – اوتي – اوتي كبس – سشوار – غلايه مع شاي وقهوة وسكر وفناجين تلاقونهم بالكبت تحت التلفزيون – تلفزيون بلازما مع قنوات عربيه)
الغرفه مثل ماتشوفون شرحه وفيها مكيف
وفيها كبتين واحد عاليمين والثاني عاليسار مقابله
عيب الغرفه بالنسبه لي صغر حجم السرير لاني متعوده على الكوين سايز

حياكم

 

[<miss botamba>]

العيب الثاني بالفندق
الممر الطويل للاصنصيرات لان الفندق وااااااااااايد كبير لا يغركم صغر حجمه من بره
وكنا نمشي هالممر كل يوم





طبعا لمن وصلنا اول شي سوينا غسلنا وصلينا واتفقنا ننزل نكتشف المكان ونروح ناكل لقمه
اختي الكبيره نامت ونزلنا انا وامي واختي الثانيه مع وحده رفيجتنا كانت واصله قبلنا لندن مع بناتها
ورحنا اول شي بقاله مقابل الكمبرلاند اسمها Food & News

هذي صورتها من قوقل ماب



وشرينا 4 خطوط ليبارا دفعنا عالواحد 5 باوند مع تعبئه 20 باوند و كل 20 عليها 10 مجاني



http://www.lebara.com/

نبذه بسيطه عن الخط هذا:

يعتبر ليبارا الارخص وتقدرون تاخذونه بلاش من الشركه نفسها او بسعر رمزي من البقالات
ينباع بالبقالات اما ب 5 باوند او 10 باوند وفي ناس يحصلونه ب 15 باوند
نظامه نفس نظام فيفا
من خط ليبارا الى ليبارا مكالمات ومسجات مجاني
المكالمات الدوليه وهذا هو المهم تكلفتها قليله جدا وماتأثر عالرصيد
عشان تكلمون رقم ارضي بالكويت الدقيقه ب 10 بنس والموبايل ب 11 بنس والمسج الدولي ب 10 بنس

عيبه الوحيد الي عنده بلاك بيري ويبي يشغله مراح يشتغل

حق البلاك بيري خط Orange او O2


المهم بعد ماخذينا الخطوط شرينا كرتون صغير ماي واتجهنا الى



بعدها رحنا سوبر ماركت السانزبيري تلاقونها بعد الماكدونالدز
وهذي صورتها من قوقل ماب



بعدها تمشينا شوي ودخلنا بريمارك وحسنا فيه شوي وسكر

وبعدها رجعنا الفندق ننام لأنا ورانا يوم حافل

اتوقف الحين بهذا القدر وان شاء الله نطروني بالجزء الثالث
وراح يتضمن :
بطاقه الاويستر
الباص السياحي Big Bus
متحف الشمع
مطعم ألونك

استودعكم الله

 

[الماسه.80]

ذ\كرتيني فندق ماربل ارج لله على هالايام

 

[miss-winter]

لاطولين

 

[حضاره]

ماشاءالله عليج00شوقتينا بالتفاصيل الحلوه 00جني هنااااااااااااااك

الله يهنيكم يارب00بس بليز نبي تفاصيل عن الجو أكثر 00انا تقريبا بسافر بنفس وقتج قبل العيد وقاعده احاتي الجو00

كان في غيم 00كان في مطر 00مطر خفيف ولا قوي 00<<<<لايفتر راسج من اسئلتي هههههه انا توني راده منها وكانت حاااره

 

[*وردة نرجيسية*]

وينج امتابعينج واي واي واي تقريرج يرد الروح والله حيل فرحت فية كملي واحنا معاج يا وناسة احب لندن حيل