((ظـروفي أقوىى من حبنا)) قصه حقيقيه 100%

[bad0o0ra]

ناطرتج جان بعدين شنوو ؟؟؟

 

[غــلآهاا غير]

جاااااااااان شنوووووووووووووو شصاااار بعدين ناااطرينج

 

[فطوم_92]

شصار بليييز لاتطولين علنا!!!

 

[بيـــشو17]

نبي باااارت

 

[روح الدنيا]

بـ،إنتظارج

 

[q8tya.1]

رد : ((ظـروفي أقوىى من حبنا)) قصه حقيقيه 100%

واااااااااااي عجييييييييييييب الباااااارت يلا يلا كملي كملي

 

[3aBe6a-q8]

بارت <<6>>





<<6>>

وهناك اخووهم راح ركض وخلاهم ..................

جان بعدييييييييييييين .....................................

زينب وحليمه قامو يمشون ويمشوون ويمشووون جان زينب تلمحهم من بعيييييييد

زينب : كاهوو حبيبج ياي
حليمه : اي معاه حبيبج بعد
زينب : اي خير انشالله

وقربو وقربو لمن صارو صوبهم زينب طاحت عينها بعين عبوود وكانت نظراته تسحرها اهيا بسرعه نزلت راسها
لانها ماتبيه يلاجظ انه متنحه فيه
خل اقولكم شكل عبوود اللي اهيا تكلمه (( أبيض وشفايفه توووت وعيونه عسليه وشعره بني فاتح ومو وايد طويل يعني طوله زين وكان معضل وجسمه حده عجيييييييب ))

زينب شافته وكان وقتها كاشخ لابس قميص ابيض وكان كيووووت حده
حليمه : عدل عدل الحب كاشخ عشانج
زينب: بس جب

زينب وحليمه كانو قام يمشون وكان اكو فرع يم الممشا فكانو دايمن يروحونله يشترون ماي وعصير بارد وجذي

دشو حليمه وزينب داخل الفرع وراحو صوب الثلاجات وعبود(حلووم) وعبوود(زنووب) وراهم

راحت زينب صوب الثلاجه وفتحت الثلاجه وخذت ماي ابراج


عبود(حلوم) : هاااااا عبوود شنو تبي تاخذ ؟
عبود (زنوب) : ابي ماي ابراج


جان زينب ترجع الماي ماتبيه وراحت صوب العصير

عبود(زنووب) : لا ولا اقوولك ابي عصير

زينب : افففففف ..

جان تهد العصير وراحت صوب اختها وجتفت ايدها
حليمه : ها شنو تبين
زينب بنفسيه : مابي شي

عبوود (زنوب) : شفيها الحلوه زعلانه ؟

جان تتنهد زينب وتقول حق اختها : يلا خلصي خل نروح
حليمه : انزين انزين لا تطقيني شفييج
زينب : مافيني شي بس خلصي

زينب شافت عبوود ولا شافته شكله كان خاب ظنه وكان جنه متضايق ونزل راسه

حليمه : مو حرام عليج تسوين فيه جذي؟
زينب : شسويت ؟
حليمه : ليش ماتعطينه ويه
زينب: اي مادري
حليمه: خلج طبيعي معاه لا تعاملينه بقسوه
زينب: انزين انزين فوزيه دريع يلا خلصي p:
حليمه : ههههه والله انتي مو كفو نصيحه


المهم شرو عصير وجذي وطلعو من الفرع وردو الممشا يمشون

وعبود وعبوود الثاني وراهم

عبود (حلوم ) : زينب شفيج على عبوود لا تعاملينه جذي شسوالج اهوا
زينب : انزين خلاص سوري والله أول مره جان تلف ويهها وتبتسم بويه عبوود

عبود (حلوم) : خلاص عبود طاح الحطب ... مو قصدها اهيا
عبود(زنوب) : لا عادي ماشلت بخاطر

جان يمد ايده حق زنووب لفت زينب ويهها صوبه ولا ماسك حلاوه على قلب يعطيها
جان تاخذها
زينب : مشكور
عبود: العفو اذا تبين كل يوم اشتريلج وحده

زينب ابتسمت جان تلف ويهها

حليمه واهيا تنغز زينب : اوووب اووووب
زينب : بس عفيه لا تسوين هالحركات

عبوود ( زنووب) : قعدي عن مرتي لا تأذينها
حليمه : ههههه وي عشتو بهالسرعه صارت مرتك ؟
عبود(حلوم) : طاع ويهك انت
زنووب توها تجرأت جان تقول : وشفيه ويهه ؟؟
عبود (حلوم) : اووووب اووووووووووووب
عبود(زنووب) بعبط : وي امبي لا استحي

جان كلهم يضحكووون .. (على فكره اللي صار فوق ترى كله لمن كانت حليمه وزينب يمشون وعبود وعبود يمشون وراهم ويتكلمون .. يعني ماكانو يمشون مع بعض )


المهم من بعيد اشر لهم اخوهم يعني يلا بنرجع البيت وردو البيت

اول ما ردو بدلو ملابسهم وقعدت حليمه وزينب عالنت شابكين

حليمه نطرت شوي ولا عبود شبك وقعدت تسولف معاه
جان زينب تسأله : وين عبود
عبود : كا الحين بيشبك

ونطرت ساعه كامله جان يشبك ...

عبوود : هلا والله
زينب : هلا فيك ليش تأخرت على ما شبكت
عبود : اي على ما ارجع البيت
زينب : وشمعنا عبود شبك بسرعه
عبود : اهوا بيتهم بنفس المنطقه اللي انتو فيها انا لا بعييييييييييييد
زينب : اهااااااا اوكي
عبود : ليش تسئلين ؟
زيب: بس جذي
عبود : بس جذي ولا اشتقتيلي ؟؟
زينب : طاع الثقه بس
عبود : هههههههه فديتج
زينب : تفداك العافيه
عبود: زينب والله يوم عن يوم يزيد اعجابي فيج
زينب : امممممــ .. ثينكس
عبود : والله دشيتي بقلبي بسرعه
زينب : عبود ممكن سؤال ؟
عبود : تفضلي ؟
زينب : في مره حبيت من قبل ؟
عبود : لا ولا مره بحياتي حبيت و ولا مره بحياتي كلمت و ولا مره فكرت اني اكلم بنات انا ماااااااااحب شي اسمه سوالف البنات ومادري شنو ... بس
زينب : بس شنو
عبود: بس لمن شفتج غيرت رايي
زينب : اممممــ .. انزين انت ناوي تكلمني على اساس شنو .. حب ولعب وبس خلاص ؟
عبود : زينب انا نيتي صافيه .. مع الايام بنعرف بعض عدل واذا عرفتج وعرفت انتي شنو راح اخذج على سنة الله ورسوله
زينب : اممممــ.. اهااا اوكي
عبود : زينب انا ادري ان انتي ما تبادليني نفس الشعور انا مو قاعد اقولج حبيني غصب .. بس مع الايام بنعرف بعض اكثر وكل شي بيتغير الاعجاب بيتغير ويصير شي ثاني
زينب: اي انشالله
عبود: اوكي ... زوز انا لازم اروح الحين .. بودي امي بيت يدتي
زينب : اوكي
المهم اهوا فصل واهيا فصلت

راحت زينب دشت غرفتها وقطت روحها عالفراش وقعدت تفكر
معقووله ؟؟ معقووله انا اللي ولا عمري بحياتي حبيت .. و كل الشباب اللي كلهمتهم على لعب وماصدق كل كلمه يقولوونها .. ييلي صبي اصدقه؟ واحبه؟ ويغير حياتي؟؟

آآآآآآآآه والله مادري ... الله كريم ..


واهيا قاعده تفكر نامت .. دشت عليها حليمه

حليمه استغربت

شفيها نايمه مبجر !؟
شسوي انا بعد خل انام

وراحت نامت ...



انشالله يعجبكم

 

[q8tya.1]

رد : ((ظـروفي أقوىى من حبنا)) قصه حقيقيه 100%

يلااااااا حبييييبتي كملييي ناااطرييييييييينج بس حبيييت اسألج... زنووب جم عمرها؟

 

[bad0o0ra]

ناطريييييييييييييييينج

؟؟؟

 

[rayona]

5oosh part mshkoraa 3la el part na6riniich

 

[غــلآهاا غير]

البارت حلوووو ناطرينج

 

[3aBe6a-q8]

زينب عمرها الحين 16 سنه

الحين البارتات اللي قاعده اقولها كان عمرها 13 سنه ...

بنااااااااات انا قريت روايات وشفت ردوود الصراحه خرعتني ..
بنات القصه ترى للعظه والعبره بلييييييز لحد يسوي اي شي مثل الشخصيات الموجوده

بنات انا كتبتها عشااااااان تستفيدوون لا اكثر

وترى زنووب هذي انسانه عزييييييزة حييييييييل علي هالقصه ترى ليلحين قاعده تصير وانا مادري شنو نهايتها لان هالقصه ليومكم هذا واهيا تصير وكل مره احداث يديده =)

 

[3aBe6a-q8]

بارت <<7>>


<<7>>


اليوم اللي وراه قعدو من النوم وكالعاده راحو الصاله تلفزيوون .. شوي جان زنوب تشبك ولا عبوود(حلوم) شابك

عبود(حلوم) : قوه
زنوب : هلا
عبود(حلوم) : زنوب شفيج على عبود امس بليل كلمني كان متضايق
زنوب : عبوود عفيه والله اول مره اكلم صبي انا اشووفه كل مره .. ومادري احس انه بيغير حياتي
عبود: اي هذي اشياء زينه
زنوب : انا ولا مره صدقت ان فيه شي اسمه حب فحسبت انه قاعد يقص علي
عبود : والله اهوا خووش واااحد ديري بالج عليه لا تضايقينه ماحب اسمع انه متضايق
زنوب : انشالله .. انزين ليش اهوا مو شابك؟
عبود : افا عليييييييج الحين ادق عليه اقوله يشبك
زنوب : ثيييينكس

نطرت خمس دقايق جان يقولها عبود(حلوم)

عبود(حلوم) : كاااااااااك مسكين ناايم قعدته من النوم قلتله يشبك
زنوب : وييييييييي ماكنت ادري انا
عبود : لا عادي احسن

شوي ولا عبود يشبك
عبود(زنوب) : هاااااا يقولون تسئلين عني ؟
زنوب : ايي بعد شنسوي
زنوب : الا صج نسيت اقولك
عبود: خير تفضلي
زنوب : اسفه قعدتك من النووم
عبود : لا عاااااااااادي بالعكس زين قعدتيني عشان اكلمج جم زينب عندي انا .. انا لو ميت وانتي تبين تكلميني اطلع من القبر واكلمج وارد اموت P:
زينب : ههههههههههه
ولا فجأه امها دشت وقالتلها يلا قومي مصختيها قومي بسرعه بسرعه امشي معاي المطبخ ..
حتى ما خلت لها مجال انها تقول حق عبود انها تفصل .. ولا فجأه فصلت بويهه

وحدها تضايقت ...

حرااااام .. قعدت عبوود من النووم بس عشان يكلمني .. ويوم كان يبي يكلمني فصلت بويهه

المهم
دشت المطبخ قعدت تساعد امها اهيا وحلووم ...
بس امها اكثر شي تبي زنوب تساعدها لان زنوب تشتغل بضمير وحليمه نفسييييييه ومالها خلق
ام حمني : حليمه اذا ماتبين تشتغلين بضمير روحي ترى ذبحتيني جني بايقه حلال ابوج
جان تطلع حليمه من المطبخ وتروح الصاله وتشبك وعبود اللي اهيا تكلمه كان شابك

زنوب كانت ضايفه عبود وعبود اثنينهم
أما حليمه كانت بس ضايفه عبود اللي اهيا تكلمه

المهم كانت قاعده تكلمه وتسولف ومعاه وجذي
وفجأه دشت زينب عليها جان تطفي المسنجر
زينب: خو ادري ادري شحقه طفيتيه ؟
حليمه بنفسييييييه : مالج شغل
زين : حلووم شفيج ؟
حليمه : خلاص بس زنوب لا تقعدين تحنين قلتلج مافيني شي بس عاد لا تناجريني ووخري عني
زينب : انزين انزين !!

مشت زينب واهيا مستغربه

المهم صار وقت الفطور الكل تفطر وجذي ودشو الغرفه

زينب : يلا بدلي
حليمه : اليوم مابي اروح ؟
زينب : شفيج ؟
حليمه : مافيني شي
زينب حست بخيبة امل وكان ودها تروح عشان تشوف عبود
زينب : حلوم عفيه
حليمه : اوكي اوكي عشانج

المهم لبسو وراحو وكالعاده اخوهم خلاهم وراح

مشت حليمه ويمها زينب ...

زينب : شفيج حلوم
حليمه : اففففففف ... تهاوشت مع عبود زيييييييين
زينب : ليييييييييش
حليمه : بس زينب خلاص ولا شي

المهم كانو يمشون ويمشون ولا ييي عبوود وعبوود

يووم ييو جدامهم حليمه خزت عبود اللي اهيا تكلمه وعطته ظهرها وقالت حق زينب امشي زينب استغربت بس طاحت عينها بعين عبوود اللي اهيا تكلمه ابتسم بويهها ومشوو


وراحوو بعييييييييد عنهم

عبود(زنوب) :شسالفه شصاير ؟
عبود(حلوم) : عبد ولا شي لاتحن
عبود(زنوب):زين لك الحين ماشووف زنووب ؟
عبود(حلوم) : مومشكلتي
عبود(زنوب) : اقووووووووول لا تسوي مصايب وبالاخير يطيحون براسي
عبود (حلوم): شلون بيطيح براسك بالله
عبود(زنوب) : انت تدري انا شكثر اعز زنووب وابي اشوفها الحين انت تسوي سوالف وانا انحرم منها .. تصالح مع حليمه وبلا هالحركات
عبود (حلوم) : اييييييييه يصير خير


المهم مشو وزينب كان ودها تشوف عبود بس اختها ماكانت تبي تروح صوبهم

ومشو برووحهم ولا كان اكو بنت قاعده ومتييييينه وتارسه ويهها مكياج وعطرها واصل لي اخر الفريج وعالرغم من متنها كانت لابسه ضييييييييج وكان شكلها مؤرف حددده وكانت لابسه اسود بأسود وكانت كل يوم تيي الممشا

كانت زينب وحليمه يسوولفوون ويضحكوون وجذي ومرو صوب البنت
جان تقوول : قطططع

زينب لفت ويهها صوبها
زينب : خير اختي ماسمعتج عدل قلتي شي؟
البنت : قلت قطييييييييييييييييعه
زينب : تقطعج وتاخذج و... جان تنغزها حليمه يعني بس سكتي
زينب : حلووم طاع ويهها هذي تقولنا احنا قطع .. منو انتي اللي تقولينلي انا قطططع
البنت : ومنو انتي
زينب : انا اسوا طوايفج وطوايف امج بعد
حليمه : زنوب خلااااااااص بس

((حليمه طبعها وايد تستحي وتخاف وماتتجرأ على عكس اختها ))

المهم حليمه قعدت تسحب اختها وتقولها خاص هدي
زينب وهيا قاعده تمشي : مااااشي يالبطه السوده انا اعلمج هيييييييين ايام الله وايد

زينب كانت تدري ان هالبنت كل يوم تيي هناك عشان جذي قعدت تهدد وتهدد

المهم اشر لهم اخوهم من بعيد يعني يلا بنرجع البيت رجعو البيت دشت حليمه وزينب الغرفه بدلو
وقعدت زينب عالكمبيوتر وحليمه عالكمبيوتر الثاني
شبكت حليمه ولا كان عبود شابك ما كلمته ..

شوي ولا عبود الثاني يشبك ... زينب حست بطنها يعورها وصار فيها قشعريره اول ما شفاته شبك .. ما كانت تدري شنو اللي قاعد يصير لها

اهيا كانت قاعده تجرب الحب اول مره بحياتها فماكانت تدري شنو هالشعوور

عبود(زنوب) :هلا وغلا
زنوب: هلا فيك .. عبوود شفيه عبوود ؟؟ شصايرله اهوا وحليمه ..
عبود : مادري انا سئلته ماقالي شصاير انتي ما سئلتي حليمه ؟؟
زنوب : سئلتها بس ما ردت علي
عبود : نطري نطري الحين انا اعلمهم

عبود سوا محادثه وضاف زينب وضاف عبود وقال حق زنوب انها تضيف حليمه

وصارت محادثه جماعيه وزينب وعبوود يسولفوووووون ويضحكوون وجذي وبالاخير تصالحوو
زينب : اييييييييي نسيت اقولكم عبوود وعبوود
عبود(حلوم) : شنو بعد
عبود(زنوب) : تفضلي حياتي
زينب : شفتو البنت البطه اللي كانت لابسه اسود ؟
عبود(زنوب) : اي اي شفيها بعد ؟
زينب : اليوم كنا انا وحلوم قاعدين نمشي وقاعده تقط كلام وجذي واليوم انا تهاوشت معاها
عبود(حلوم) : شنو قالتلكم ؟
زينب : مرينا جدامها جان تقول قطع
حليمه : عاد لا تشوفون زنوب شلون كلمتها والله بغت تفصخ الجوتي وتطقها
عبود(زنوب) : عدل عدددددل حبيبتي طالعه علي رامبووو صايره
زينب : اي اي انا لا اطلع ويهي الثاني p:
عبود(حلوم) : لوووووووول
عبود(زنوب) : حليمه؟ .. زنوب حبي ؟؟
حليمه : هلأ
زينب : آمر تدلل
عبود(زنوب) : انا وعبود قررنا شي
حليمه : شنو ؟
زينب : شنو شقررتو بعد ؟
عبود(حلوم) : قررنا ان نتعرف على اخوكم ونصير ربع عشان نمشي معاه وانتو ورانا عشان مايشك كل يوم ان نيي
حليمه : لا من صجكم لا لا مايصير
زينب : امممـ مادري انا اللي تشوفه حليمه
عبود(زنوب) : حلووم والله احسن انا قاعد احس ان اخوج قام يشك فعشان لا يشك نتعرف عليه .. واحنا خلاص قررنا باجر بنصير ربع
حليمه : مممم كيفكم كيفكم بس وخرو عن المشاكل ولا تسوون سوالف ولا تخربون اخوي
عبود(حلوم) : افااااااااااا ااناا اخرب اخووج ؟
حليمه : لا انت مو بس تخرب اخوي انت تخرب ديره
زينب : هههههههههههه

المهم دشت عليهم امهم وقالتلهم بس خلاص قومو بسكم كمبيوتر وقامو عن الكمبيوتر
زينب : والله اعلمها هالبطه السوده ماراح اخلي احد ماقوله عنها
حليمه : اي اي تستاهل روحي قولي حق حمني بعد
زينب : اي والله يلا امشي خل نروح نقول

زينب دشت غرفة حمني ووراها حليمه وصكو الباب
حمني : خييييييير شصاير بعد

وقالتله اسالفه كلها من الالف لي الياء

حمني : ماااااااشي اعلمها انا باجر
زينب : هههههه شنو بتطقها ؟
حمني : لا لا انا ما اتعامل بالايد انا بس اتعامل بالكلااااااام مواهاهاهاهاااااا p:
حليمه : ههههه ياعيني عليك
زينب: امشي امشي هذا مينون والظاهر يبي ييننا معاه
المهم طلعو من غرفته وراحو غرفتهم وقعدو يسولفون عن عبود وعبود وجذي لييييييييين نامو



انشالله يعجبكم =):yaaaaaarb:

........................

 

[contessa]

3jeeba el 8esa yaala kamli
bas 7bebti 3ndi ente8ad basee6 enshala eta8blena
el8esa wyd 7elwa
bas eli m5rb 3leha
chan chan chan
lo tsheln el klma ra7 tkon 7elwa
l2na lama tktben chan chenech mo g3da tktben chench etsolefen
y3ni chan tgol zenab 7g 7alom
bas ktbi zenab: o 76i neg6ten yam elkalam o ktbeh
o enshala t8ablen kalami b ra7abt 9adr
:tek:

 

[3aBe6a-q8]

لوول .. انا هالكلمه على لساني 24 ساعه لووووووووووووووول ووايد ناس لاحظوها فيني

راح احاول اخفف من هالكلمه عشان عيوونج حبيي ~Pp;

 

[الحلوه اوصلت]

يسلمووووووووو حبيبتي على الروايه سوري انا كنت اتابع من وراء الكواليش سوووووووووري

 

[كويتية بحتة]

الرواية عجيبة
بليز حطي البارت اللي وراه

 

[Miss.NoNo Q8]

نـآيسس
عجييبيه آلقصه
نـآطريينج حبيبتي

 

[3aBe6a-q8]

لووول حبايبي ما توقعت بتنال القصه اعجاااااابكم

بس خووش والله =)

نطروو بنات ترى كل بارت احلى من الثاني ..

انت صبرووو عفيه شوي شوي علي p:

 

[rayona]

KaaaaaaaaaK wnasaa 3jbtni ZANOB Lmn te5anegat M3ah hal mtenaaa ee wallah shaku etgolohom g6e3aa MALt --> cheni wayed mt2thra
Ee oo mashkora 7abibtii 3La iLpart Oo n6ra eL part el yay 3la nar b3rf shesawee 7amnii bl Ba6aaaa