اي استفسار لطلبة الحقوق - جامعة الكويت

[miss disaster]

لووووول اي جنطة مدرسه

انا يمكن اخذ نوت او جنطه كبيره بس مو جنطة مدرسه @@

 

[sarah125]

الله يوفقكم​

 

[miss disaster]

وياج حبيبتي

 

[محتاسـ@]

روح الغلا وسكاي ويمه يادلبي وأميره و ~.ąvȍƈaȚ.~ ومس .. <-- بالجمله لووووول
فديتكم هذا اللي ابيه انكم تستفيدون وتحبون سنة اوووولى لان الكل يقول اهي اخف سنــه واسهل ســنه

وبعدين قلنا مستجدين بس جناااااااااااط مدرسه الله يهداكم !! والله مايحتاااج لا تخرعون عمركم

أصلا مادة أصول ودستوري تآخذونها 3 مرات بالاسبوع وشريعة واقتصاد والاختياري " علم اجرام " مرتين بالاسبوع وقاعة بحث مرة بالاسبوع ... واصول ودستوري قطي الكتاب بالبيت لا تفكرين تآخذينه اعتمدي على النوت

سجلي كلام الدكتور بالحرف الواحد لان البعض يعطيج اسئلة ويعطيج قضايا بالمحاضرة لازم تنوتين معاه

اما اقتصاد اذا انتي عند خالد زغلول ضروري تآخذين الكتاب لان اهو يقرا الكتااااااااب ويقول خططي وحذفي هذا وهذا مهم وهذا مو مهم
وكذلك الشريعة اخذي معاج الكتااااااااب

اما الاختياري اذا كان علم اجرام فلا تفكرين تآآآخذينه روحي اشتري الكتاب وخشيه لا تطلعينه الا وقت الامتحان لوووووول
وقاعة بحث مالها كتاب .. حسب دكتورج في دكاتره يعطونج نوت فيه المنهج والبعض يقولج ماكو منهج بس نوتي كلامي وانتوا وحظكم

وبخصوص الدكاتره مادة أصول قانون يدرسونها هيثم الاثري - رضوان الرضوان - ياسر الصيرفي <-- انا كنت عند ياسر بصراحه قمه ويهبل وشرحه حلووو وامتحاناته لاهي سهله ولا هي صعبه حسب دراستج مايهمه الشفوي انا والكرسي واحد عنده
اما رضوان الرضوان خوش دكتور وشرحه حلو بس نوعه شديد يسأل بالمحاضره شفوي ويناقش ومايحب اللي تسرح واللي تدخل معاه كوفي او ماي لوووول اذكر في وحده دايما تدخل معاها كوفي طبعا الدكتور حط عليها اكس طوووول الســـــــــــــــنه الله يعينها حتى اذا سألته يسفهها
ود.هيثم الاثري خوش دكتور هماً شرحه حلو بس نظامه امتحانات قصيره تقريبا 4 امتحانات الكورس الاول و4 الكورس الثاني وعليهم يحط لج الشفوي انا رفيجتي كرهت عمرها والسبه الامتحانات القصيره لانها دايما قضايا .. وعشان جذي بنات الرضوان والاثري اشطر من بنات الصيرفي بالقضاااايااااا

وطبعا كلهم يآخذون غيااااب وحضووور والتزمييي

وعموما انا اشوف الاحسن ياسر الصيرفي


اما مادة دستوري يدرسونها خليفة الحميده - ومحمد الفيلي- والباز

بصراحه ماعرف عنهم شي بس الكل يقول الفيلي يعقد الامور وشرحه معقد بعد شهر يبدون بناته يعرفون له ويعرفون لشرحه لووووول
اما الباز انا حتى شكله ماعرفه لووووووول
انا خذيتها عند الحميده يهبل خووووش دكتور طيب ونوعه ما يسأل ولا يحط امتحانات قصيره ولا شفويه .. ولا يآخذ حضور وغياب لوووول

اهم شي قصدي ساكته وسمعي شرحه وحتى امتحاناته قبلها يعطيج جم سؤال ويقولج هذيلا اكيد بيجوون بالامتحان .. بس شرحه لج عليه مع انه يحااااول كثر ما يقدر يوصل لنا المعلومه بس للأسف احنا نقفل لوووووووول

اما اقتصاد يدرسها خالد زغلول وبدر المطيري بصراحه زغلول وجوده والعدم واحد لووووول بس بدر المطيري الكل يقول شرحه حلو وامتحاناته سهله بس يهتم بالشفووووي كل يوم يسوي امتحان شفوي ويختار البنات بشكل عشوائي وانتي وحظج ..

وكلهم يآخذون حضووور وغياب فالتزميييي
وخالد زغلول سبق وتكلمت عنه .. انا بصراحه خذيت عنده وبصراااحه دكتوور مريييييح يحسسج الماده سهله وتافهه لووووول

مادة شريعة يدرسونها عصام العنزي والهاجري والسبيعي كلهم خوش دكاتره ويهبلوووون يعني لا تحاتين دكاترة الشرييييييعة ابداً .. دكتور عصام يآخذ حضور وغياااب

الاختياري حسب المادة اللي تآخذينها انا خذيت علم اجرام وما يدرسها الا عبدالعزيز العنزي انصحكم فيها سهله سهله سهله والدكتور يهبل و يحببج بالماااااااااااده ونظامه امتحان واحد طول السنة عليها 30 درجه ومرات يمشي الاغلاط ومرات يدقق ... بس اذ شاف المستوى حيل واطي سوا امتحان تعويضيييي .. وهذا اريح شي ان طول السنة امتحان وااااحد حده وناسه .. واول السنه كان ما يآخذ حضور وغياب بس لما شاف البنات مايحضور بدا يآخذ حضووور وغياب ويحاسب عليهم

قاعة بحث طبعا حسب الدكتور اللي تآخذين عنده .. انا خذيت عند عبدالعزيز العنزي .. ما طلب الا مرجع وناقشنا فيه طبعا المناقشه 5 دقايق ويسألج لو قلت لج اختاري مرجع ثاني شنو تختاترين ؟! وبس كان الله غفور رحيم .. حده طــــــــــــيب تضمنين عنده الa وعموما اهي ماده خفيفه حيييل عيبه كان يآخذ حضور وغيااااب يعني الماده تافهه مايسوى نداوم .. عشان جذي بدأ يآخذ حضور وغياب .. بس لما شاف الماده تفاهه عطانا أوف من نص الكورس الثاني واحنا الوحييدين اللي عطلنا بقاعة بحث لوووووووول نصيحه اخذوها عند د.عبدالعزيز

وان شاء الله اكون كفيت ووفيييييييت .. وهذا رآيي بالدكاتره اللي أعرفهم وان شاء الله استفدتوا من هذرتي

 

[SKY--NA]

بنات الي ودهم اييون بجنطه مدرسه !!

لااااااااااااااااااااااااااااااااااااااااااااااااا دييرووا بااالكم ولا وحده تسويها فيكم

بلليييييز بلييييييز صدقوووني بتصيرووون مطنززززة الكليييه >> سووري على هالكلمه

وحتى لو بعدين ماقمتي تشيلينها هاللقب والطنااازة ماراح ينسوونها وبتظل معااج لما تتخرجين @@

لااااااااااااتفشلوووون رووحكم

انا عن نفسي اذا داومت وشفت وحده شايله جنطه مدرسه بضحـــك لما اقوول بس وبويهاااا عادي

فبلييز ماله دااعي

ولا تكبروون الامور كلها 5 مواد ... ومو شرط تاخذينهم كلهم بنفس اليوم ممكن يكونون مقسمين

يعني باليوم 3 او 2 على حسب جداولكم

واساسا مو كل المواد تودوون لها الكتب .. يعني من ناحيتي دستوري كنت اشووف الكتاب ماله دااااعي

كنت اعتمد على الدكتور وانوووت معاااه ... اما مبادئ ضروري الكتاب لانه مافي شي بالمنهج زياده او غير

بس خططي .. وشريعه كذلك ... اصول امممم على حسب الدكتور .. والماده الاختياري اذا علم اجرام

من امه ماراح تودون الكتاب هههههههههه اما باجي المواد مادري

وعادي الله ماكثر الجناط الكشخه والكباااار دعسي كتابين فيها ويا نوتج وبتكفييي

الحين اشتروولكم جنطتين قزرووا روحكم فيهااا وشوفوا الوضع

وفي بنات يعتمدون عل فايلات بس قله قليله .. ومع اللوكرات بتنحل مشاكلكم بعد

سووري بنات ترى مو قاعده اتفلسف بس انصحكم من قلبي عشان لاتتوهقون

مووووفقيـــــن

ثانكيوووو ايفااا ماقصرتي

صح كلامج درر درر

 

[مـ سهله ـو]

بنااااااااااااااااااااات مبروكين للي انقبلووووووووووووو والله يعينكم ههههه لا اتغشمر

محتاسه ما نزلت الجداول ! بس صح هذول اللي دايما اولى

بالنسبه لخليفه الحميده اخذوووووووووووه بدون تفكير

اما الباز والفيلي لا يحوووشكم والله بتكرهون الحقوق منهم !!

اصول هيثم اينن وياسر الصيرفي .. الرضوان نفيسه ما حبيتوا :\

واللي تبي اي مساعده تقولي او اي استفسار او اي شي بروح ثالثه حره

 

[مـ سهله ـو]

بنات على سالفة الجناط منو مخترعه هالفكره هاااااااااااع اصلن الكتب ماله داعي تيوبونهم شرح الدكتور كافي وتنوتين معااه ما يمديج كتاب واللي بتيييب الكتاب راح تضيع بين شرح الدكتور والكتاب الكتاب خلوه كقراءه وفهم قبل وبعد المحاضره عشان المعلومه تتيمع بس وكلها 5 كتب الله يهداكم وما تاخذونها بيوم واحد عادي يصدف لج ماده وحده باليوم على حسب جدولج :>

 

[L a w y e R]

رد : اي استفسار لطلبة الحقوق - جامعة الكويت

شلونكم بنات عساكم بخير ؟

سوري كلش مو قاعدة اجابل الموضوع ودي افيد الكل والله بس تعبانة ادعولي :/

الجو بديع وكلش مايمرض الحمدلله على كل حال

بنات انا ياتني وايد استفسارات عالخاص بخصوص المقابلة الشخصية

انا قلتها قبل هالمرة وارد اقولها :

اللي قابلوني د.الفارسي وحبيب الشعب د.عبييد المطيري <3

مقابلتي كلها ابداع لوول

سالوني عن هواياتي ومنو الفنانين اللي احب اسمع لهم ؟

احب توم كروز والا لأ ؟ ولما قلت لأ قالولي غريبة !! لانه حلوو لوووول

اهي مسألة حظ ترى وعلى حسب الدكاتره

والحمدلله الدكاتره اللي قابلوني ونيسين وخفيفين طينه

ماسالوني ولا شي عن القانون

بس سالوني اذا في احد بالعايله دش الحقوق قبلي ؟

وارد واقول ..

دام نزلت اساميكم بالجرايد خلاص انتوا حقوقيين رسمي

والمقابلة شكلية بس عشان يشوفون منو اللي داشه الكلية مغصوبه ومهي حابتها ؟

وسلامتكم وتعيشون

 

[SKY--NA]

هههههههههههههههههههه مو سهله

اي والله انا اخر شي باخذ نوت وبقسمه على عدد المواد

وبس لمن ارد بيت اضبط الكتب وانوت عليهم

 

[SKY--NA]

لوير
ماتشوفين شر حبيبتي وما الومج الجو صج مايجشع

وان شاءالله تعدي المقابله على خير .. انا مو خايفه بالعكس حيل متشوقتلها لوول

 

[zain 3la zain]

مبرؤوؤوك لكل اللي انقبل بـ الحرم الجـآمعي بـ الاخص كليتنـآ العزيزهـ :fun:

ومبروؤوك عليهم لقب مستجدآإت :eh_s(22): < للحين تبيه :eh_s(13):

اي استفسـآر عن اوؤلي حـآإضرين ولوؤ نسااعد زميلاتنـآ الحقوؤقيـآت =))

< الله يـ الدنيـآ اللي يتمشى بـ قروبنـآ قبل 100 صفحه تقريبـآ كنت اسال والحين جـآيه اجـآوب هههههههههه :27d66a9c24b146327bf

واولى سهله لا تحـآتوؤن الامؤور طيبه واحنـآ بخيرر بس شدؤو حيلكم شوؤيه ^_^

وبـ التوؤوفيق ​

 

[eva beach]

محتاسه

تصحيح مهم للغااايه

عبدالرحمن الرضوااان

والدكتووور وااااااااااااااااايد ايننننننن شررررح مو طبيعي .. والي يمشي معاه سيده وعلى نفس النظام الي يبيه

مايحوووشه اي طشااار او اي شي انا خذيت عنده مادتين اصول + تشريعات

واموووووووووووووووووت فيه فدييييته فديييييته >> وين انجلينو خل اتيي اتعااضدني خخخخخ

^^^

Sky—na

ولو ماسويت شي

ويقولج خذوا الحكمه من افواااه المجا... هههههههههههههههه

^^^

موسهله

هههههههههههههههههههههههههههههههههههههههههه

انتي فصله فصله عجييبه حددج شيخووو

من زمااان عنج والله

ولكم ولكم تو مانور التجمع

وبالنسبه للرضوان احلى مافيه نفسيته يمااااااااااا فديته ههههههه

^^^

لوير

اهليييين

ماتشوووفين شر حبيبتي

ماتنلاااامين حبوبه اهم شي صححتج .. والبنات بالتجمع مو مقصرين

فدييييتج لج وحششششه


^^^

زيوووون

هلا هلا بالقااطعه ولكم ولكم عيني

 

[~.ąvȍƈaȚ.~]

لاااااا مو من صجكم فكرة الكتب لوووووووووول

عاد واااااااااي حدددي مالي خلق أنوت <<< بدينااا

بس صج الكورس اللي طاف رحت فيها مادتين كنا نعتمد فيهم بشكل كامل عالتنويت و كانوا يتحجون بسرعه وما يعيدون الكلام كلش

و مادتين نفس الشي بس بشكل اقل...و انا اكرره ما عندي الكتاابه وااي بس شسووي مضطره

الله يعين الجميع

 

[MiSs_CRaZya]

رد : اي استفسار لطلبة الحقوق - جامعة الكويت

وااااي فديتكم حدكم تيننون ساعدتونا وايد

حدي متحمسه بداوم

 

[L a w y e R]

رد : اي استفسار لطلبة الحقوق - جامعة الكويت

لووول مافي احلى من التنويت

بس اللي تاخذ عند د.عبيد راح تكره عمرها لوول

ياحلوه هالدكتور وياحلو شرحه

ماشالله سرييييع ومايمدج تكتبين معاه

اللي من كثر ماهو سريع مانكمل الجمل

نطمر عالسطر اللي وراه وندخل بشي يديد لوول

نوتاتنا كانت ابداع ومو كامله ، كل وحدة كاتبه سطر

كنا حدنا متوهقين لاننا كنا فاهمين غلط :/

د.عبيد ستايله فهم بالدرجة بالاولى

يعني مو بالضرورة كوبي بيست من كلامه ، المهم الفكرة الرئيسية

ياحلوها من ايام والله

 

[eva beach]

لوير

ههههههههههههههههههههههههههههههههههههه

وانا اشهــــد

اي والله النوت نصه فراغات اخلي مكان الكلمه واكمل اقول بعدين اشوفها من رفيجاتي

والطامه الكبرى !!!! القى رفيجاتي مو كاتبين الي كاتبته واهما بوادي 2 خخخخخخخخخخخخ

يبووووي مو صج مو صج نوت عبيد معنه في واايد نواقص بس عجييييب كله فهم

انا كنت افهم عليه وانوت الي افهمه وحتى لو مالحق الحمدلله فاهمه


وشكلج ماخذيتي عند دكتور يسري العصااار الله يذكرره بالخير ههههههههههههههههه

يبوووووووووووووي يبوووووووووي النوووووت صيده مصيده

معروووف يسري انه مو سريع الا طيااااااره ومايعيد خخخخخخ

كنت اكمل من البنات الي يمي .. واهما يكملون مني حالتنا حاله كانت

بس حرااام مرات لما يقولوله يضحك ويعيد

فديييييت هالدكتووووووووووور جان زين يرد مره 2 يدرس بالكليه

وااااي صج احبه اييننننن شررررح وتعااااامل عسسسسسسسسل وربي

 

[L a w y e R]

رد : اي استفسار لطلبة الحقوق - جامعة الكويت

لوووول اي عبيد عجيب عجيب عجيب

حتى رفيجاتي مسميني محامية عبيد لووول ما ارضى عليه

من القلة القليلة اللي يدخلون القلب بالكلية

وبخصوص يسري سمعت عنه ووايد مدحوه ماشالله

انشالله ايينا اللي نفسه واحسن انشالله

 

[مـ سهله ـو]

احم احم اللي بدشون ثانيه انا عند ويهكم دارسه الدكاتره عدل وكلهم ابداااااااااااااااع

واذا نزل رشيد العنزي اخذوا عنده وانتو مغمضين

 

[روح الغلا]

صج بنووووتاات ..

قالولي 9\8 في لقااء ارشاادي حق الحقوووق ..
شنو بيكوون فيه ؟؟

 

[3ian-el7r]

هآآي

بنات انا عندي مشكله هههههههههه

مااكتب بسرعه مادري

المهم الله يعين ع تنويت

يعني ماتعطونا نوت عندكم جاهزه ومجهزه ههههههههههههههههههه

المهم عن المقابله انا مستانسه وخايفه

انا استفسرت قبل جذي ومالقيت رد

انا ساقطه بالانقلش القدرات اخذ تهميدي؟