ارفيجتي والمهر....الوهمي....والصدمــة

[أيفونيه]

السلام عليكم ورحمة الله وبركاته
من زماااااان عنكم حمدلله على سلامة المنتدى صارلي 3 شهور عنكم
اولا بنات بفاتحكم بموضوع ارفيجتي الغريب العجيب ونبي نشوف أراءكم

البنت عمرها 25 سنة جامعية وموظفة لكن غير كويتية تشتغل بقطاع خاص لكن معدلة وضعها ومنفصلة
بعد زواج عانت منه ما عندها عيال الحمدلله..
الله كتب انها اتعرفت على زميل لها بالدوام كويتي عمره 30 سنة

علاقتهم استمرت الحين سنتين ونص تقريبا لييييين حييييييييييل تعلقوا في بعض وحبوا بعض وصار صعب عليهم ما يشفون بعض كل يوم
علاقتهم نظيفه حدها مالكم بالطويلة الحين سمعوا السالفه الخطييرة
البنت متحطمة فيه تحبه وتبيه... بس صدمها وقال لها (أنا كويتي وانتي ...وما راح يعطوني ال4 الاف الحكومة فا يا حبيبتي تساعديني باموار الزواج ؟؟)

البنت حيييييل انصدمت وسألته شلووون
قال لها : يعني موضوع المهر والشبكة حيييييل مكلف وانا بجهز شقة واثثها ...الخ

غلطت ارفيجتي ان بينت له ان اهي عندها فلوس وخير وفعلا البنت مشالله تشتغل مع امها ويطلعون خير

فتفق معها ان ييي رسميا لبيتهم ويخطبها لكن تعطية المهر من فلوسها وجيسها ويقدمها لها.....:eh_s(1):

البنت قالت خلاص بفكر واردلك خبر
يعني الصدمة ان اهي تجهز نفسها بنفسها والريال اعتقد استغلها لانها منفصلة وعندها فلوس قلت لها خليقدم اي شي بسيط

قالت ابوي ما راح يواافق واتعرف ابوها ما راح يرضى
تقول اهو يحبني ومو جذي وشاريني واموار المهر والفلوس عادي ما نختلف عليها
وانا ابيه ومن هالحجي حذرته وقلت لها هذي اولها ينعاف تاليها المهم اهو بعد رمضان معزم وجاد بالموضوع لكن الاختلاف وين بموضوع المهر

يعني يتزوجها جذي احس ان البنت مالها قيمة عنده لكن اهو اتقولي حرام انتي ما تعرفينه والله اهو صاج ما راح يعطونه الحكومة لاني مو كويتية ويبي يأثث شقة لنا وابي اتزوج كافي اني منفصله ابيه واحبه وانا بحط مؤخر احتياط لو صار شي...


بنات شسوي معها هل انا فاهمه الريال غلط هذي ارفيجت عمري :0bee2e8d89:
وما شفت الريال ولا اعرفه شنو نيته لكن اهي تقسم وتكفر انه طيب وحنون وكريم معها بس هالموضوع يثبت العكس
شدعو الحين ما عنده الف ولا الف ونص ؟؟ واهي تكفل بالباجي اهو من الاخر شايل ايدة من الموضوع

 

[pusy cat]

بس هم لازم يعطيها مهر لو عالاقل 100 دينار عشان زواجها يتم شرعي عند الله

اهي من صالحها انها تاخذ كويتي عشان عيالها تتعدل اوضاعهم وانا ما اشوفه استغلها اهو اتفق معاها واهو الصاج منين له 4 آلاف هذا غير مصاريف الاثاث والشقه و ... الخ

بصراحه مادري هل اهو زين والا لأ بس انصحي رفيجتج خليها تصلي صلاة استخاره انها تتزوجه والا لأ >> هذا الحل الوحيد

 

[دانة الدنيا1]

والله صراحه الحين البنت اللي قامت تصرف وكل شي تسوي خل تقوله يتسلف يسوي اي شي مو شرط حتى يعطيها 4000 المهم لاااااتعطيه شي خليها تعز روحها مو شرط بكثرة المهر اذا فعلا اهي تحبه لكن عالاقل تكرم نفسها لو 2000 يعطيها لانه والله عقب بتتحسف والله يا بعض الرياييل لو تعطينه جدى عيونج باجر بيطيح كل شي فوق راسج وبيعرف انها تموت فيه وبيعتمد على فلوسها وعقب الزواج راح يخف الشوق والحب والوله وكل واحد بيبين على حقيقته فلاتسوي شي وتندم عليه اهي مو مرا ام 50 سنه وتبي واحد تصرف عليه المهم يونسها ويتزوجها لا توها صغيره ونصيبها جدامها واذا ماتبي الا هذا خل تقوله انت دبر اي مبلغ المهم المهر منك ولا راح ادفع شي والشقه بدال ماياثثها اهوا كلها خل تكون بعض الاشياء هدايا من الاهل عالاقل جذيه مقبوله لكن المهر لا كلش غلط تعطيه

 

[بتبوتااا]

دام انه قال بيأثث ويسوي يعني النص بالنص حلو بس الخوف انه يعتمد عليهاا بعدين ..
وعلى الاقل يقول لهاا ننطر شوي على ما ايمع فلووس ,,

 

[cat^q8]

في شي اسمه قرض وماظنتي في واحد ماعليه قرض

البنوك يالله من فضلك حتى اللي معاشه 500 تعطيه 10000

وهو على ماقلتي قطاع خاص يعني لو شهادته ثانويه معاشه بيصك الالف مع دعم العماله وهالسوالف

اذا صج جاد يدبر نفسه

وبعدين بصراحه الريال مو حلوة تطلع منه هالحركة كلش

حتى لو مشتها الحين راح تظل بقلبها على طول

 

[حبيبي وبس]

يتشاركون بالتاثيث
لكن المهر كله عليه لاترخص بنفسها من الاول الحب مايوكل عيش بهالزمن

 

[قطوووة]

للاسف هذا يستغلها
لو يحبها مثل ماقالوا البنات لو 100 مهر
مومعقول عجزان عن فلس

شدعوااااااااااا !!

انا لو مكانها مااوافق من اولها مايبي يدفع مهر ؟ باجر يجحدها ويمكن مايجنس عياله يعد ويقطها هي والعيال ع صخر

 

[غلا ستايل]

البنت تقول ابوها ما يرضى الف وهالسوالف
انا اقول اذا كنتي منفصلة من قبل هذي فرصتج وتوكلي على الله اذا اهو يبي يأثث الشقه بنفسه وانتي جهزي نفسج بنفسج ما فيها شي
اصلا بتكبرين بعينه واهو كويتي وهذا لمصلحتج...
ما ادري انا اشوف جي
واذا الحكومة ما تعطية ما ينلام تأثيث وحفلة العرس والصالة والعشا والبوفيه منو بيدفع اصلا ما ينلام
اذا صج يحبون بعض تاته تاته حبه حبه وانشالله الاموار تيسر​

 

[الاسطورة]

ما ادري
بس مو حلووه
احس باجر بيعايرها
اي انتي عطيتيني فلوس علشان
اخذج
كلش مو حلووه


خل تقوله انته تقدم والي تدفع زين
واذا على الشقه والتجهيز
انا بحط معاك
بس انها تعطيه فلوس ويردهم مهر
مو حلوه بحقها


ذكر بالمثل
خذ من جيسه وعايده

 

[ام كوشه منكووشه]

رد : ارفيجتي والمهر....الوهمي....والصدمــة

خليها تعز نفسها عنه والله باجر بعايرها ويشوف نفسه عليها دام سوت هالحركه
وهذا شي راجع لها اذا اهي تقبل الوضع هذا على نفسه خل تاخذه

 

[the-one]

رد : ارفيجتي والمهر....الوهمي....والصدمــة

خل تستخير عشان ماتندم

 

[ساندريلا]

لاترخص نفسها تساعده ميخالف بس مو كل شي عليها واهو ياخذها بارده مبرده
واهي حره هذي حياتها بس اهم شي خل تستخير

 

[Ms. hypnotic]

ولله انا مع البنات مومعقوله مايعطيها ولا فلس
اصلا شرعا حراااااام في حديث عن الرسول عليه الصلاة والسلام بما معناه لاني ناسيته حرفينا ان اذا الريال ماعنده فلوس حتى لو يعطيها خاتم من حديد كمهر يرضي فيها العروس
مومعقوووووله كويتي وقطاع خاص وعزوبي مايقدر ايمع على الاقل 1000
ترى متعة التسوق بالمهر غيييييير يعني اشتري من مهري الي من ريلي احس اني صج عروس اما من فلوسي احس عادي
انا اقول ختقوله ينطرون اشوي
معاش على معاش صار 1000 وزود بعد
خل تفكر بالموضوع عدل وتستخير وربي يكتب الي فيه الخير ان شاء الله
وانا من رايي ان تقوله عطني المهر والشقه والعرس انا معاك بنتقاطط

 

[bint_q8]

خل تستخير والله يكتب اللي فيه الخير

 

[جوري 2007]

السالفة كلش ماتطمن

يحبها ويموت عليها ومايرزها ويعزها

عمره 30 ويشتغل بقطاع خاص ماعنده 3الاف او حتى الفين؟

لاترخص بنفسها وبعدين تلوم روحهااااا

خل يتسلف من ابوه او اخوانه

 

[قطوووة]

اللي يدش ع مرته بدون مهر نفس الزاني

 

[غلا ستايل]

ما يندرى

 

[Stylista_Q8]

أمبيه هذآ من أولهآ جذي!

شآيل إيده موليه مآدري منو الريآل اهوه ولا إهيه @@

لآ ويقول يحبهآ بعد عيل لا كرههآ شنو بيقولهآ تسوي ،،

يعني جد أحسهآ حيييل مو حلوة تتزوج بدون مهر! شنو يعني مو كويتية ؟

ع الاقل ألف ولا ألف وشي تسآعدها

خل تستخير أحسن

والله يجدملها إللي فيه الخير ،،

 

[[[ عيون جابر ]]]

حده غلطان
اشلون ما طاح من عينها عقب هالحجي @@

 

[lovely jojo]

هذا بينهب فلوسها؟؟؟؟