انــتوا ويــا الينــانــوه "موضوع للتخريع الخوافين لا يدشون "

[ĎєνiL.ĞιRL]

xXx السلام عليكم xXx

\

/

بما أن من هواياتي اني اخرع الاوادم واعيشهم جو الرعب ..

موضوعي هذا راح ينعرض فيه مواقف الرعب ..

ويه الينانوه او مواقف رعب ما تدرون شسالفتهم لووول ..

أول شي لحد يكمل الموضوع الا واهو يسمع هالمقطع علشان يعيش الجو :eh_s(3): ..

http://www.youtube.com/watch?v=iHYjuaaKBfU&feature=related


الجن مذكورين بالقرآن ..

ويقدرون يتلبسون بأي انسان ..

والطريقه اللي يقدرون يدخلون فيها للإنسان اهي الاحلام ..

الي عرفته ان الي يتحلم ان دش فيه يني .. يعني صج اهو فيه يني ..

فكلكم قبل لا تنامون حرصوا انكم تقرون اية الكرسي ..

لانكم بجذي راح تكونون محصنين نفسكم من كل شر ..

:الموقف الي صارلي:

كنت نايمه بليل كالعاده ..

وسبحان الله هاليوم الوحيد الي كنت نايمه فيه على ظهري ..

انا ماحب انام على ظهري كلش ..

ما حسيت الا واحد قاعد يخنقني وقاعد يزنطني ومو مخليني ابطل عيني ..

قعدت اقاوم اقاوم ابي اتنفس ..

مو راضي يوخر .. فجأأأه قدرت عليه وبطلت عيني ومن كثر ماكان في ضغط على عيني ..

احسها قامت تعورني يوم بطلتها ..

ولا اطالع شي فوقي لابس عبايه وعينه هوااا وطايررر :eh_s(16):..

ولا يختفي فجأه وبعدها فزيت على اذان الفير ..

طبعا انا ماكنت ادري هذا شنو ..

وحدي قعدت ابجي من الخرعه عبالي ملك الموت ..

اخير شي طلع هذا ياثوم ومادري عاد شسالفته لووووول ..

ومن بعدهااا قمت كله اقرا اية الكرسي قبل ما انام ..

واتشهد لووول :eh_s(22): ..


**

الحين الي مر عليه موقف من هالمواقف الي تخرع ..

والي فيها رعب ..

صارتله يذكرها ..

واللي مامرت عليه .. انصحه بأشياء تمنع الينانوه يقربون يمه ..

حافظوا على صلاتكم ..

خلوا القرآن بين فتره وفتره يكون شغال بداركم ..

ولا تجابلون المنظره وايد .. لأن الي يجابل المنظره وايد ..

ويقعد يسولف مع نفسه او يتنح بنفسه ..

يقولون ان الجن يقدر يتلبسهم ..

والنوم على طهاره مهم وايد ..

ولا تكثرون اكل قبل النوم لانه هم هذا مو زين يخلي الياثوم اييكم نفس ما يالي ..

واهم شي اهم شي اية الكرسي ..

للي مو حافظينها :


(( اللّهُ لاَ إِلَـهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ ))


والله يحفظكم منهم ..​

 

[G!RLooNa]

وااااي يمممه اعوذ بالله من الشيطان الرجيم قل اعوذ برب الفلق من شر ما خلق :/

ما عندي سالفه الحمدالله وانشالله ما يصير :/

 

[! بــدويه وآآيــد !]

،


لووول


اول شي اهــلآ انتي وين مختفيـــه ؟


وانا صآآر لي موقف وانا صغيرره كنت نآآيمه بـ المستشفى وظلمه وشفت كآآئن شفآآف عيونه ملونه تخرررع وغصب اختفى وكنت بيبي يعني بـ الأبتدآآئي للحين مآنسيته


سكنهُم مسآكنهُم :|

 

[تنـــاســـانــي]

سكنهم مساكنهم ،، يالله يكافينه شرهم

لا تذكرون الجن يحضرون (( اخرعكم زياده ))

 

[missdreamer]

هـلااااااااااااااااااااااااااااااااااااااااااااااااااااااااااااااااااااااا

طلعتي من ربـعي لوووووووووووووووووووووووووووووووووووووووووووووووووووووووووول

حبيبتي انا مثلج أحب هالسوالف ودووووووووووم قبل النوم بجمعات البنات أقص عليهم قصص اخرش قلوبهم فيها واخرتها يدعون علي لوووووووووووووووووووووووووووووووووووووووووووووووووووووووووووووووووووووول

رفع لعنــــــــــــــــــونج بس صورتج حدها شريره

انتـي شريره ؟ > اتغشمر معاج

واذا تذكرت موقف بحطه لج ان شاللـه

 

[missdreamer]

عاد تدرين انا دووووووووم اتحلم

ويصير فيني جاثوم بعد وااايد >>> خرعتج ؟؟

بس عادي الحياه سعيده d:

واعرف ناس من اهلنا بيتهم من ايام ما اجدادهم ساكنيـن فيه مسكون

بس ما يأذونهم بس يطلعون لهم احيانا

اعوذ بالله من الشيطان الرجيم

 

[^حيزبونه^]

اب
اب اب
اب اب اب
اب اب اب اب اب

لعيووونج

يسلمووو ع الموضووع الرررعب

 

[VET-Nour]

اووف يا كثر المواقف

بقولكم موقف يخرررررررع

مره كنت قاعده بداري عادي فجيت الدريشه و اشوف ذاك الرجال اسمممر و لابس دشداشه بييييييييضه و شكله يخرررررررع اخترعت و لما بصكر الدريششه فجأه اختفا يمااه

و مره بيت جدتي القديم كنت قاعده بالصاله بروحي و ظلمه ششفت واحد شعره كششه..! وو لابس دشداشه اسسمر و لابس نظاره بنيه جان يقرب مني و انا مت من الخووف و يسوولف معااي و انا عإإدي اسسولف و طيحت الميإإنه معاه و لما قلت حق امي جان زين ما قلت لها قالت هذا جني واااااي اخخترعت

ووو بس
اذا تذكرت بكتب

 

[missdreamer]

يما (( يا حلاتني )) خرعتيني انا الحين قاعده بداري بالظلمه واخفت

 

[مضيعة برقعها]

ياكثر ماصار فيني هالجاثوم أعوذ بالله من الشيطان الرجيم

 

[MoonDiamond]

يما الموضوع ختيييييييير ويخوف

عاد انا قبل في بيتنا القديم كله اشوف عيوز قصيره وضعيفه تحوس باخر الممر عند دار المخزن وتحن بس مادري شتقول
وماقلت لاحد عشان خواني وخواتي ما يمسخروني

وبعد سنين قالتلي اختي نفس الشي
عاد حمد الله انا بعناها وطلعنا منه

ومره سولفنا على مرة اخوي
جان تبجي وقالت انها شافت نفس الشي بس مو وايد وكان عبالها يتراوالها

 

[MoonDiamond]

http://www.youtube.com/watch?v=zA9Ur6IiaLc

وشوفوا هالرابط

 

[ĎєνiL.ĞιRL]

وااااي يمممه اعوذ بالله من الشيطان الرجيم قل اعوذ برب الفلق من شر ما خلق :/

ما عندي سالفه الحمدالله وانشالله ما يصير :/

لووول ..

انشالله !

ثانكس على المرور ..

 

[ĎєνiL.ĞιRL]

،


لووول


اول شي اهــلآ انتي وين مختفيـــه ؟


وانا صآآر لي موقف وانا صغيرره كنت نآآيمه بـ المستشفى وظلمه وشفت كآآئن شفآآف عيونه ملونه تخرررع وغصب اختفى وكنت بيبي يعني بـ الأبتدآآئي للحين مآنسيته


سكنهُم مسآكنهُم :|

هلااا فيييج :eh_s(22): ..

موجوده بس متابعه لوووول !

اعوذ بالله مستشفياتناا مسكووونه الظاااهر :eh_s(12): !

ثاااانكس على المرور ..

 

[الـــدفـــشـــة]

خخخخ ونااااااااسه خووش موضوع
ايام الغزو سكنا بسعوديه بشقه وكانت الشقه فــــــــــــل جنانوه
المهم كنت نايمه بالارض وعند الباب من سوء حظي
بطلت عيني وشفت الصاله من تحت الباب وله اشوف رجول عنز واااااجد رايحين ورادين ويتمشون بالبيت
ليومكم ماانساها

وحاليا غرفتي احس مرات انه فيها جنانوه صغار وربي يابنات انهم متسلطين على الكلينكس
بسرعه يخلص اصلا يختفي الكلينكس من القوطي والي خلاني اتاكد انهم اهمه الي يخلصونه
اني مرا طلعت من غرفتي حكيت بريك ودخلت بسرعه جان الاقي كلينكس ينسحب من القوطي
هههههههههههههههههههههه طبعا اختفى وظل الكلينكس على وضعه مسحوب جان اصوره عشان اوري لخواتي خخ

 

[الـــدفـــشـــة]

في مواقف واااجد صارت معاي اعوذ بالله مادري شمعنى انا من بد خواتي الي يصير معاي مواقف

 

[أحبه موت]

ونااااااااااااااااااااسه احب هالسوالف وتلقيني انا أول وحده اخاف لووووووووول
بذكرلج سوالف: السالفه الاولى رفيجة اختي ساكنين ابيت ماشاءالله عوووود وعندهم سرداب و مايستخدمونه يوم من الايام اخترب سنترال بيتهم كله الا السرداب شغال فا راحوا كلهم ينامون تحت بالسرداب تقول رفيجة اختي وتحلف تقول قاعده اتقلب مو عارفه انام بمكان مو مكاني تقولي لفيت ويهي صوب الدري تقول جان اشوف عروس بكااااااااامل زينتها بطرحتها ومسكتها ونفنوفها ومكياجها تقول نازله من الدري واطالعني وتنزل شوي شوي تقول اهم تحت الدري بالضبط مسوين نفس غرفه مخزن وداخل غرفه المخزن حاطين فيها حمام تقول اطق اخوي الي يمي ابي يقوم مو راضي يقوم تقول اول مانزلت العروس من الدري جان اتلف ويها علي وتضحك لي وتخترق الطوفه الي فيها المخزن دشت فيها حتى مابطلت الباب يماااااااااااااااااااااااااااااااااااااااااااااي
والله تصروعت لمن سمعت سالفتها وتقول دايما تسمع تحت بالسرداب ليش انهم هاجرينه يهال صغار يضحكون ويلعبون

وهم بعد اخت رفيجتي كانت ساكنتها ينية ومأذيتها مسكينة واطلعت منها الحين بس بيتهم متروووووووس ينانوة يخرع تقول مسكينة كل ما انام اتييلي ياهل صغيييييييييرة فيها تقريبا 4 سنين وكله تبجي وتبي أمها امضعيتها تقول كل يوم اتييلي تعودت عليها وجم مرة اصورهم ابيتهم وتطلع بالصورة ويه يخرع وراهم واااااي لاتشوفين شصير فينا والله عبالي هالسوالف بس بالافلام والله قمت اصدق كل شي الحين

 

[G!RLY-PAci]

اووف يا كثر المواقف

بقولكم موقف يخرررررررع

مره كنت قاعده بداري عادي فجيت الدريشه و اشوف ذاك الرجال اسمممر و لابس دشداشه بييييييييضه و شكله يخرررررررع اخترعت و لما بصكر الدريششه فجأه اختفا يمااه

و مره بيت جدتي القديم كنت قاعده بالصاله بروحي و ظلمه ششفت واحد شعره كششه..! وو لابس دشداشه اسسمر و لابس نظاره بنيه جان يقرب مني و انا مت من الخووف و يسوولف معااي و انا عإإدي اسسولف و طيحت الميإإنه معاه و لما قلت حق امي جان زين ما قلت لها قالت هذا جني واااااي اخخترعت

ووو بس
اذا تذكرت بكتب

ههههههههه شلون سولفتي معاه؟؟؟
مو علساس يخرع ؟؟
لا وطيحتي اليانه بعد؟؟؟ شلون ؟ هههههه​

 

[فاقده ابوهاااا]

هههههههههههه عادي انا ما اخترع من هالسوالف اصلا انا مع الينانوه ربع وعشرة عمر وسمعوا هالقصص الي حصلتلي واقسم بالله انها كلها صحيحه :_

1. جم مره يني يقعدني على الصلاة ويقولي قومي صلي وعلى هيئة ابوي مع ان الوالد الله يرحمه .
2. مره كنت قاعده ادرس على امتحانات الفاينل ثانويه عامع ( شخباري ) وعايشة الجو قاعده بالحوش ونسكافيه وامبطله موسيقى هاديه وكان الوقت ليل ولا اسمع وحده تغني بصوت وااايد حلوو تحت سدرة الكنار مالتنا جان اقول بقلبي هالشريط مافي اغاني بس موسيقى جان اسكر المسجله ولا للحين قاعده تغني جان اهد كتبي وقطيت قلاصي وطيران لي غرفتي .
3. شفت بعيني واحد في بيت ابوي بالحمام تكرمون ابيض بابيض وملامحه مو واضحه كان يتوضى وطلع من الحمام ومر جدامي وطلع من الطوفه
وفي واااااااااايد بس يبيلي صحيفه علشان تكفي :cxxxp:

 

[لا انام]

ههههههههههههه باقول لكم سالفه صارت لي بين سنة 1988 لي 1990

انا من مواليد 1977 وبسنة 1988 انتقلنا من بيت يدي الله يرحمه وسكنا بشقه

وكل يوم نسمع صوت خطوات بالسقف وصوت اغاني وانا واختي نموووووووووووووت من الضحك ونقول يحليلها الي فوقنا الظاهر قاعده ترقص مع زوجها
ويوم صار الغزو من اول لي سابع يوم الي هدينا فيه الشقه ورحنا بيت يدي نسمع صوت اغاني وصوت خطوات بالسقف حددددددها قويه واقول حق اختي هذي والله فاضيه حتى بالغزو تقعد تترقص والناس ميتين الخوف شهالمزاج هذا ههههههههههه
المهم ثاالث يوم غزو ابوي قال لنا يلا يمعو اغراضكم بنهد العماره ونروح بيت يدكم كل الي بالعماره هدوها حتى الحارس انحاش من الكويت
عاد انا اهني تصروعت جان اساله (والي فوقنا هدو العماره؟) هههههه والا يقول لي هذيل هدو الكويت بكبرها من اول يوم لان الي فوق يشتغل بالداخليه واخوانا عسكريين
انا لا تشوفوني اهني والله مت مت من الخوف وتخيلو ظلينا 4 ايام بالعماره وانا واختي كل ليله نسمع صوت اغاني وخطوات حدها قوووووووووويه والله يمكن اكثر موقف تصروعت فيه بحياتي كلها
تخيلو غزو والعماره فاضيه وماكو كهربا وينانوه بعد هههههههههه والله فيلم رعب
وبعد اسبوع من الغزو هدينا العماره ورحنا بيت يدي