عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

[q8 nono]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

مرحبااااااا بنات


بنات ابي اعرف طريقة الفيزا شلووووووووون ؟؟؟ احس شايلة هم هالسفرة بسبة الفيزا

منو تشرحلي الطريقة بالتفصيل لان الي اعرفه ان في استمارة اعبيها واطبعا من النت و اقدمها للسفارة على اساس يعطونا الموعد عدل ؟؟؟

منو عندها الاستمارة او ايي سايت اقدر اخذها ؟؟؟ و هل فيها صعوبة ؟؟ يعني اقدر اسويها حق نفسي و الا يبيلها واحد خبره بامريككا ؟؟؟؟؟


يا ليت القى جواب و مبارك عليكم الشهر مقدما

 

[DaLa3 BeBe]

السلام عليكم

خواتي بسألكم اللي بنيويورك

هل فيه صالونات للنساء صالونات محترمه

اذا فيه وين بالضبط

وشكرا

 

[semaasem]

السلام عليكم مبارك عليكم الشهر وعساكم من عواده


روونة بسألج بتفتحين تجمع العائدات مثل العام ولا لأ؟

أم خلودي الحمدالله على السلامة وأكيد مافي مثل الكويت شلون سفرتكم عسى استانستوا ووين رحتي بالضبط؟

 

[semaasem]

السلام عليكم

خواتي بسألكم اللي بنيويورك

هل فيه صالونات للنساء صالونات محترمه

اذا فيه وين بالضبط

وشكرا

اي حبيبتي نيويورك متروسة صالونات ومحترمة على قولتج واذا انتي محجبة تقدرين تسألينهم عن مكان خاص يقدرون يسوون

شعرج فيه انا لقيت واذكر اني خذيت موعد عند كذا واحد بس كنسلتهم لاني مالقيت المنتجات اللي كنت ادورها وبالنهاية سويت

شعري بفلوريدا..بالنسبة للوصف ماقدر اوصف لج عنوان بالضبط بس طول ما انتي تتمشين بدواعيس التايم سكوير تلاقينهم

موفقة

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

السلام عليكم
وصلنا اليوم الصبح الحمد لله رب العالمين سالمين غانمين >>>12 جنطه هههههههه

وصلت لديره العز والخير ديره ما مثلها ديره الله يخليها لنا ويعزنا فيها اللهم آمين
والله يوم وصلت الطياره المطار وشفنا اضائه الكويت قرت عيني فيها وغورقت من الفرحه جني شايفه احد من اهلي اه ياحبي الكويت

اخر ثلاث ايام رحنا نياجرا واشوه اني طعت ريلي ورحنا الشلالات شي خيالي بس قاعدين نطالع ونسبح الله صج من عجائب الدنيا
الحمد لله رحلتنا كانت من امتع الرحلات ومثل ما رسمنا خطتها مشت بالضبط
وايد حلوه امريكا ومريحه وشعبها ودود وصج لي قالو امريكا سهلااااااااااات

 

[q8 nono]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

الحمدالله علسلامه كل وصلوا

 

[om l3yal]

ام خلودي ظلال القرآن الف الحمد لله على سلامتكم نورت الكويت بييتكم
ظلال اشوة كل مكان قلت لج عنه حلو عجبج والله العظيم كنت احاتي علشان يعجبج ولا تقولين هذي ذوقها ................
ها السنة الياية على وين ان شاء الله زل ام سي والا امريكا؟؟؟؟؟؟؟؟؟؟؟؟؟؟؟
على فكرة نياجرا انا رحت لها مرتين بالسيارة من فلوريدا ومن تامبا بالذات يعني 24ساعة بالسيارة بس تستاهل العنوة
اذا الله عطانا عمر وياكم السنة الياية ناوية على امريكا ها تخاويني خو صار عندج خبرة الحين بكالي انا اللي خبرتي صفر

 

[حبة خاله]

مبارك عليكم الشهر
وتقبل الله طاعتكم

هلا ظلول الحمد لله على السلامه
السنه اليايه بأذن الله اذا ناوين على أمريكا لازم تاخذين فيزة كندا علشان تشوفين نياغرا من جهة كندا أحلى بوايد وايد وايد واذا حصل لج أتشوفين فانكوفر أي زلمسي أي كابرون أي خباريها بس ما فيها شي غير النقاهه خابرتج أتحبين الصخه والهدوء أدري بتقولين لي ده كان زمان

 

[فهههده]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

هلا بالكل والحمدلله على سلامة الي رجعوا ام خلود وظلال وام العيال
حبة خاله عسى ريحتوا وضبطت النومه مع انه مب لازم تضبط مع هالرمضان لازم حوسة النوم بالنهار عادي
ظلال القران - بشري برحلة العوده مع الاتحاد عسى ماتعبتوا وعسى اريح كثير من الروحه
وودي اعرف مين الي سكنت ببيت في لاس فيقاس تعطينا العنوان وتليفون وكم كان سعره مدري مين بس قريتها بهالتجمع
وتقبل الله منا ومنكم الصيام والقيام بهالشهر الفضيل

 

[om l3yal]

مبارك عليكم الشهر حبيباتي كلكم وعسا الله يعودكم كل سنة وكل عام بصحة وعافية ويعينكم على صيامه وقيامه ان شاء الله

 

[om l3yal]

شلونج فهدة الله يسلمج حبيبتي تصدقين انا الحين قاعدة اشوف اسعار التذاكر حق امريكا السنة الجاية اذا الله عطانا وياكم عمر على الاتحاد شرايج فيها
اللي حجزت فيلا بفيغاس اهي ظلال

 

[الجوري74]

السلام عليكم
ومبااارك عليكم الشهر...يا الامريكيات منو ناويه باجر تصوم انا وحده ناويه اصوم من باجر والشهر كله ان شاء الله

وييي نسبت لا اقولكم انا امس وصلت والحمدلله على سلامة الجميع
ظلال
حسافه ما صادفتج..على الاتحاد انتي من شيكاغو يايه
فهده
ام العيال
والله الاتحاد ممتازه ما شاء الله خوش طيران انصحج فيه مثل مستوى البريطانيه

 

[الجوري74]

بنات شلونكم مع النومه وقلبت الراس انا اكره شي بسفرة امريكا قلبت الراس "الجت لاق" بس ميخالف كله يهون
يالله متى سيتم افتتاح تجمع العائدات

 

[ظلال القرآن]

رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

مبارك عليكم الشهر
وتقبل الله طاعتكم

هلا ظلول الحمد لله على السلامه
السنه اليايه بأذن الله اذا ناوين على أمريكا لازم تاخذين فيزة كندا علشان تشوفين نياغرا من جهة كندا أحلى بوايد وايد وايد واذا حصل لج أتشوفين فانكوفر أي زلمسي أي كابرون أي خباريها بس ما فيها شي غير النقاهه خابرتج أتحبين الصخه والهدوء أدري بتقولين لي ده كان زمان

هلا والله
جنج تدرين نفس الخطه الي ناويتها السنه اليايه بس ماني متحجيه الحين ريلي يقول بشقق الجواز :eh_s(14):
بسكت لين شهر 12 وبخطط شوي شوي الا جود نسى التعب بعطيه الخطه وبقوله يلا حوبي احجز:33_1185028183:
رفيج ابونا رايح فانكوفر السنه عاد باجر بيشوفه بالدوام ويساله عنها توهم رادين

 

[ظلال القرآن]

رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

ام خلودي ظلال القرآن الف الحمد لله على سلامتكم نورت الكويت بييتكم
ظلال اشوة كل مكان قلت لج عنه حلو عجبج والله العظيم كنت احاتي علشان يعجبج ولا تقولين هذي ذوقها ................
ها السنة الياية على وين ان شاء الله زل ام سي والا امريكا؟؟؟؟؟؟؟؟؟؟؟؟؟؟؟
على فكرة نياجرا انا رحت لها مرتين بالسيارة من فلوريدا ومن تامبا بالذات يعني 24ساعة بالسيارة بس تستاهل العنوة
اذا الله عطانا عمر وياكم السنة الياية ناوية على امريكا ها تخاويني خو صار عندج خبرة الحين بكالي انا اللي خبرتي صفر

هلا وغلا شخبارج ام احمد؟؟

ايه والله يزاج الله خير على النصيحه وايد وايد استانسا

انتي شخبارج ويا لندن ؟؟شريت شانيل من نيويورك تينن وموديلها حيل غريب على شانيل

 

[om l3yal]

رد: رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــ

هلا وغلا شخبارج ام احمد؟؟

ايه والله يزاج الله خير على النصيحه وايد وايد استانسا

انتي شخبارج ويا لندن ؟؟شريت شانيل من نيويورك تينن وموديلها حيل غريب على شانيل

والله استاتنسنا حيل ابونا رجع بنص السفرة وخلانا بس هم استانسنا لندن ما يبيلها ريال
انا بعد اخذت لي شانيل وميو ميو وال في كروس قزرت فيها حق السفر واخذت بول سميث وبربريز ومايكل كروس ومو شبعانة ابي بعد جناط انا مينونة جناط
والحين قاعدة اجيك على التذاكر حق السنة الياية اذا الله عطانا عمر حق امريكا ودي اروح حيل
والحمدلله انج استانستي تراوالي خلاص نووووووو زل ام سي والا شرايج

 

[ظلال القرآن]

رد : عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم !!

هلا بالكل والحمدلله على سلامة الي رجعوا ام خلود وظلال وام العيال
حبة خاله عسى ريحتوا وضبطت النومه مع انه مب لازم تضبط مع هالرمضان لازم حوسة النوم بالنهار عادي
ظلال القران - بشري برحلة العوده مع الاتحاد عسى ماتعبتوا وعسى اريح كثير من الروحه
وودي اعرف مين الي سكنت ببيت في لاس فيقاس تعطينا العنوان وتليفون وكم كان سعره مدري مين بس قريتها بهالتجمع
وتقبل الله منا ومنكم الصيام والقيام بهالشهر الفضيل

هلا فهده شخباركم مبارك عليكم الشهر
رحله العوده وايد اريح بس احنا ردينا من نيويورك مباشر بوظبي
بس ديري بالج ترا مطارات امريكا يبيلها من 3 الى 4 ساعات تروحين قبل موعد الطياره بصراحه على كثر ما سافارت ماشفت مثل هالتعسف ضد العرب يعني حيل حيل يدققون معانا وهذا غير طوابير على البوردينج وتفاجانا لما وصلنا وبناخذ البوردنج ولا يقولون اخذوا شناطكم ودوها بنفسكم الشحن ولا طابور ثاني شطوله :rgewrg:
وتعالي قطي الجوتي >>الحذاء على قولتكم وتفتيش ذاتي والله يرحم الحاال بس المهم روحي بدري
لان احنا بطلعتنا من اورلاندو لين نيويورك وصلنا المطار قبل ساعتين ونص واسكتي على الي صار فينا لقينا على البوردنج طوابير لها اول مالها اخر ويوم خلصناه بقى على الطياره نص ساعه ولا نشوف دخول البوابات ولا طوابير اطول منها انا شوي وابجي لان خلاص بقى دقايق واحنا ما طلعنا من البوابه وكلم ابونا الشرطي علشان يطلعنا من الطابور قال ابدا حالكم حال غيركم:lkmnkl: وقفت قلوبنا والله لو تشوفين اشكالنا وحنا نركض بعد ماطلعنا من البوبه تموتين من الضحك والحمد لله لحقنا قبل لا تطير الطياره بشوي والله ركبنا اتوقع سكرو باب الطياره

بالنسبه لفلا لاس فيقاس انا سكنت بفيلا اعطيك موقعها على النت

 

[ظلال القرآن]

رد : رد: عــــدنــــا بــقــوة ؛؛ مســـافرات أمــــريــــكـــــا 2010 ؛؛ حيــــــاكم

السلام عليكم
ومبااارك عليكم الشهر...يا الامريكيات منو ناويه باجر تصوم انا وحده ناويه اصوم من باجر والشهر كله ان شاء الله

وييي نسبت لا اقولكم انا امس وصلت والحمدلله على سلامة الجميع
ظلال
حسافه ما صادفتج..على الاتحاد انتي من شيكاغو يايه
فهده
ام العيال
والله الاتحاد ممتازه ما شاء الله خوش طيران انصحج فيه مثل مستوى البريطانيه

هلا والله جوري الحمد لله على السلامه

انا راده من نيويورك مو من شيكاغو

 

[أم بنوته]

مبارك عليكم الشهر و عساكم من عواده
شلونكم بنات و االله لكم وحشه
أم لعيال
أماني
حبة خاله
ظلال القرآن
أم خلودي
الحمد الله على سلامتكم تو ما نورت الكويت
فهده يا حياتي شلونج ؟ الله يعينكم على الصيام هناك و الله يسهل عليكم يا رب
روونا وينج فاقدينج من غير شر ؟؟؟؟
:33_1185028183:

​

 

[أم بنوته]

الجوري آسفه يا قلبي نسيتج
الحمد الله على سلامتج و مبارك عليج الشهر :hjy5jewf:​