(تجمع مراجعات السلام)

[Om NoOoRa]

بنات انا كان موعدي بالسلام يوم الخميس
قلت على ما يوصل رقمي خل افر على الغرف
ومره وحده اعرف الاسعار
غرفة اللولو منزلين سعرها من 550 الى
اللي في الدور 4و5 ب 340 د.ك
واللي بالدور 6 و7 و8 ب 400 د.ك
وان شاء الله انا قررت آخذها
لأنه اهلنا وايد ولازم غرفه كبيره
قلت خل اقولكم عشان اللي ناويه تولد فيها تستانس
لأنه الفرق كبير بالسعر

 

[أميرة طفولتي]

السلام بنات شلونكم ؟
انا حدي محتاره رحت فتريت على غرف السلام ذاك اليوم
بديت من vip
وماعجبني شي بصراحه الا دسمان ااااااااااااااااخ على دسمااااااااااااان
انا بسوي استقبالي بالمستشفى وابي غرفه حلوه جناج السلام والرويال سويت في منهم غرف زوينه وفي منهم يقمتون اثاثهم جلد بني جنه مال مكاتب لاااااااا وقعدت اجكجك واصور الغرف قلت عشان اذا رديت البيت ارد اطلعهم وما انسى
وشفت بعد جناح اللؤلؤه 800 و700 800 حلوه وشرحه بس اثاثها والقعدات موحلوين :×
اممممممم امبي مادري بنات توقعتهم احلى من جذي ؟!

انزين شرايكم اولد بدار الشفا الجناح الامبراطوري ولا اخذ غرفه خاصه بالسلام وثاني يوم حق الاستقبال اخذ جناح دسمان
اممممم اهوا راح يطلع نفس الحسبه والسعر ؟ شرايكم ؟

ويوم واحد حق الاستقبال زين ولا اخليه على يومين بس يعني اهلنا مو وايد !!

 

[Om NoOoRa]

اذا اهلج مو وايد ليش تتبهذلين و تروحين من غرفه الى غرفه
خلج باللولو اريحلج
وسعرها معقول بعد ما نزلوه
يعني ليلتين ب 800د.ك وايد زين
انا بصراحه قررت اولد فيها اريحلي والصبح شرحه و تطل على البحر
و كبيره و غرفة الملابس والحمام تكرمين معزولين
يعني حدها خصوصيه
دسمان وايد كبيره زياده عن اللزوم
و مو كلهم اثاثهم حلو
احس حجمها مبالغ فيه وسعرها بعد زياده عن اللزوم
يعني الجاردينيا في رويال حياة وااااااااااااااااايد احلى منها و ارخص

 

[أميرة طفولتي]

7

7

7

7

ام نوره حبيبتي انا للحين مارحت شفت غرف رويال بس الؤلؤه ماعجبتني وايد حلوه وشرحه صح معاج حق بس اثاثها كلش مو حلو
مو معطي الغرفه حقها كلش حرام وهم مو شويه 400 بالليله عليها !!
امممم انزين انتي مو شايفه الامبراطوري بدار الشفا ؟ شرايج فيه ؟

ووووو انا اذا باخذ دسمان يمكن دسمان 8 وايد حلوه وحجمها حلوه كبر اللؤلؤه تقريبا بس هم محتاره :/

 

[Om NoOoRa]

انا شايفه الامبراطوري بدار الشفا غمته مافيها شراحه
كبيره ودلع ومعامله تختلف عن باجي الغرف
بس اهي كغرفه انا ما حبيتها
حتى المستشفى ما احبه
انا عندي السلام او المواساة احسن شي
وبالنسبه لسعر اللولو انا اشوفه زين
اهون من سعر دسمان
بصراحه سعر دسمان خيالي
بصراحه انا ريلي قالي اختاري اللي تبينه
بس بصراحه الواحد يخاف الله باللي بيصرفه على الغرفه
احس حرام السالفه ماتسوى اقط 900 د.ك على الليله
حراااااااااااااااااااااااااام
الله ما امر بالاسراف

 

[احلى قلب]

رد: تجمع مراجعات الاستشارية د.امل عبدالعزيز الراشد فقط

(((بنتي الغالية)))
الف مبروك والحمدلله على سلامتج
الله يخليه لج ان شاءلله
ما بغيتي تولدين كل مادشيت التجمع اشوفج وقول يالله ان شاءلله تولد بسلامة والحمدلله انج ولدتي بالسلامة :ggdw:
ان والده قبلج في شهر خمسة ويبت بنوته مادري اذا تذكرين ولا لأ:eh_s(4):

 

[Um 5aled]

رد: تجمع مراجعات الاستشارية د.امل عبدالعزيز الراشد فقط

الحمدالله وانا ألأحين قاعده احاتي ولادتي انا البجر وألحين انا بالثامن ابيكم تفيديوني شصير أول شي وشلووون لأني خايفه

 

[رفرف]

رد: تجمع مراجعات الاستشارية د.امل عبدالعزيز الراشد فقط

بنات بغيت اسأل عن مواعيد العيادة برمضان ؟! منو تعرف ؟

 

[أميرة طفولتي]

والله يا ام نوره حبيبتي
حدي احترت وضعت مادري وين اولد
انا بعد المشكله ما احبه دار الشفا كلش بس قلت اذا الغرفه تسوى اولد هناك
ويقولون المستشفى الي مو مرتاحه منه وينقمت قلبج لا تولدين فيه مو زين !!
ودكتورتي اساسا من برا ما احاتي هالسالفه بس احاتي سالفة هالاستقبال
انشالله بروح بعد رويال حياة اشوف غرفهم
وعقبها اقرر
يسلموو حبيبتي ماقصرتي

 

[q8msk]

السلام بنات ومبارك عليكم الشهر
انا بالشهر الثامن رحت بسوي سونار ثري دي -فور دي الرباعي عشان ابي اشوف البيبي عدل
ولا يقولي دكتور الاشعة احنا نحاول واذا ماصار نسوي تفصيلي انجيك على الياهل
قلت اوكي بس الحمدلله يقول كل شي طبيعي وخلاص
وانا انبطت جبدي والله كنت ابي السونار الرباعي مادري ليش ما سواه
كنت ابي الصور والسي دي
من يقدر يفيدني؟؟

 

[Om NoOoRa]

السلام بنات ومبارك عليكم الشهر
انا بالشهر الثامن رحت بسوي سونار ثري دي -فور دي الرباعي عشان ابي اشوف البيبي عدل
ولا يقولي دكتور الاشعة احنا نحاول واذا ماصار نسوي تفصيلي انجيك على الياهل
قلت اوكي بس الحمدلله يقول كل شي طبيعي وخلاص
وانا انبطت جبدي والله كنت ابي السونار الرباعي مادري ليش ما سواه
كنت ابي الصور والسي دي
من يقدر يفيدني؟؟

انا كانت مراجعتي الخميس
ومثلج قالولي نفس الكلام
بس ما دخلت
قلت ليش ادفعلهم و اخما ماراح يسوونلي ولافي سي دي ولا صور
على شنو؟
مادري ليش ما يسوون!!!!!!!!!!!

عقدوني

 

[*وردة نرجيسية*]

السلام عليكم
ومبارك عليكم الشهر
بنات منو تراجع عند الدكتور محسن ؟؟؟؟

 

[fofowa_q8]

رد: تجمع مراجعات الاستشارية د.امل عبدالعزيز الراشد فقط

من الساعة 9 الصبح لي الـ 4

 

[q8msk]

السلام عليكم
ام نوووورا حبيبتي انا بالثامن
وانتي؟
انا دكتوري محمد بكري وانتي؟
جان سويتي التفصيلي عشان تتطمين على البيبي على الافل

 

[أمواج^الكويت]

رد : رد: (تجمع مراجعات السلام)

,,,,,,,,,,,,,,,,,,,,,,,,,,,,,
.
.
.
اوف مو عارفه وين اولد !! المواساه ولا السلام ,,

دكتوره من بره ولا من المستشفى ,,

والله حاله

أثنينهم زينين .. إذا انتي تبين تسوين استقبال أنصحج بالسلام أكشخ وإذا مو ناويه تسوين روحي المواساة ولاتحاتين :016:

وأفضلج دكتورة من نفس المستشفى أحسن علشان لاتوهقج حزة الولادة وتطنش وأغلبهم ايوون حزة الحزة مادري على شنو تاخذ فلوس ..​

 

[اميرة المحبة]

السلام عليكم بنات شخباركم ومبارك عليكم الشهر انا ناوية اولد باذن الله بالسلام عند د.عمرو عصام الله يسخره لنا يااااااااارب والحمدلله الكل يقول عنه زين وخلوق وصدره وسيع عالوالدة

 

[احلى من الحلى]

الحمدالله على سلامتج ومبروك ماياج
منو كان موجود بالطوارئ وليش قالولج قيصري؟

الله يسلمج ياقلبى

كانت دكتوره خايسه اسمها اميره وحده اخيس منها اسمها نهى

بعدين يت وحده بس حليوه اسمها معصومه اتهبل

قالو قصريه الراس مو نازله وايد بس الحمدالله دكتوره ليلى انطرت على ولدت طبيعى

 

[احلى من الحلى]

الحمدلله على سلامتج
مبروك ماياج حلى من الحلى

الله يسلمج حبيبتى :jbdwjbd:

 

[ام الكتكوته]

رد : تجمع مراجعات الاستشارية د.امل عبدالعزيز الراشد فقط

لا انا اليوم رحت العياده

واول مره اراجع عند الدكتوره والله شكلها حليوه

ومواعيدها

من الساعه 8 الصبح لي الساعه 2 الظهر

 

[اميرة المحبة]

أحلى من احلى الف الحمدلله على سلامتج حبيبتي يتربى النونو بعزج