ساعدوني شنو لهجتج اللي تتكلمينها؟؟؟؟؟؟؟؟؟؟؟؟

[HeR HiGHNeSs 90]

شنو يعني مافهمت ممكن تعطيني مثال على كلمه باللهجه واللهجه الثانيه؟
يعني تقصدين الكلام البدوي؟

 

[iron women]

ايرون ومن

مس شيري

هممت

ثانكس على خفة الدم بس جد زعلتوني

وي قلبي ماعاش اللي ايزعلج وانا ماقلت نكته واللي ايطولي عمرج

ترا من صجي مادري ان في لهجات بالكويت ياربي ماكفرت

وهاذي قبلة على جبينج :hjy5jewf:

 

[Mig.MiG]

اخذي راحتج ولايهمج كلام الناس

 

[غزلان]

بعد انتي ماتعرفين تسولفين مبطله موضووع شلون اتحجى بالله هاذي سالفه !!!

 

[بحر الرمال]

وي قلبي ماعاش اللي ايزعلج وانا ماقلت نكته واللي ايطولي عمرج

ترا من صجي مادري ان في لهجات بالكويت ياربي ماكفرت

وهاذي قبلة على جبينج :hjy5jewf:

اي في لهجات حبيبتي منو قال مافي؟ ماعندي مانع اثقفج شوي :icon30:
نعم في لهجات بالكويت..الحضر لهم لهجه و البدو لهم
و من الحضر اهل شرق لهجتهم غير عن اهل جبله
و البدو نفس الشي قبائل الشمال و الجنوب لهجاتها تختلف
في ناس يقولون مثلا "خروف" و في يقولون "خاروف"
في عندنا كلمه "شكر" و "سكّر"
الاختلاف مو بس باللكنه accent هم في اختلاف بالمفردات نفسها
و ترا اللهجه اللي تسمعونها بالمسلسلات و التلفزيون هذي اصلا خليط من وايد لهجات مع الاخذ بالاعتبار ان اغلب الممثلين مو كويتيين بالاصل
و ردا على صاحبه الموضوع اقول..تكلمي باللهجه اللي تريحج او حاولي توصلين للهجه وسط اذا الموضوع وايد محرج

 

[cup-cacke]

وي ياحلينا احنا خلط..نتكلم جميع اللهجات..يعني عادي تلقين مثلا اقط كلمه جذي وكلمه جذي

اللي عاجبه عاجبه واللي مو عاجبه يطق راسه باكبر طوفه

 

[Loutes]

رد : ساعدوني شنو لهجتج اللي تتكلمينها؟؟؟؟؟؟؟؟؟؟؟؟

احسن شيء
تكلمي سعودي وريحي عمرك

 

[درة أهل الطولات]

رد : ساعدوني شنو لهجتج اللي تتكلمينها؟؟؟؟؟؟؟؟؟؟؟؟

لازم يتأقلمون مع بيئة ابوهم

وانتي تعودي على طريقة كلامهم

 

[iron women]

اي في لهجات حبيبتي منو قال مافي؟ ماعندي مانع اثقفج شوي :icon30:
نعم في لهجات بالكويت..الحضر لهم لهجه و البدو لهم
و من الحضر اهل شرق لهجتهم غير عن اهل جبله
و البدو نفس الشي قبائل الشمال و الجنوب لهجاتها تختلف
في ناس يقولون مثلا "خروف" و في يقولون "خاروف"
في عندنا كلمه "شكر" و "سكّر"
الاختلاف مو بس باللكنه accent هم في اختلاف بالمفردات نفسها
و ترا اللهجه اللي تسمعونها بالمسلسلات و التلفزيون هذي اصلا خليط من وايد لهجات مع الاخذ بالاعتبار ان اغلب الممثلين مو كويتيين بالاصل
و ردا على صاحبه الموضوع اقول..تكلمي باللهجه اللي تريحج او حاولي توصلين للهجه وسط اذا الموضوع وايد محرج

لوووووووول ابوي انتي شتثقفين يعمري انا قاموس باللهجة الكويتية انا من جبلة وريلي من شرق والبدليات مادور عندنا مولية


وايد عندي رفيجات بدويات يحلوهم ايتكلمون بالجيم هاذا اللي لاحظته بس الاختلاف بكلام البدو بينهم وبين بعض الصراحة ماعرفه اكيد انتي ابخص وبالنهاية كلنا كويتيين واختلاف الحروف لايفس للود قضية

ويسلموووو حبيبتي عالتوضيح

 

[Miss Cherry]

اما خروف وخاروف هذي كثروا منها

دا علا صاحبه الموضوع ولي يعافيج منو يتكلم عدل الحين بعدين سوال معليش انتي متزوجه من سنة جدي وعندج عيال وليما الحين طريقة تتواصلين فيها مع حمولتج ؟ وبعدين مشتركه بالمنتدا ىبس عشان تسألين هالسؤال ؟ وردي كله بدليات لانه شابكه من فوني

 

[الماسه.80]

الي يريحج,,,

 

[Ms.PeRFeCT]

تحجي لغه عربيه فصحى وارتاحي

لوول لا اتغشمر بس عادي يعني قولي اللي تقولينه اهم شي توصل المعلومه خلطي مني مناك
سوي قرقيعان بالحجي عااااادي كلش مو قضيه فديتج

 

[ASOMA]

رد : ساعدوني شنو لهجتج اللي تتكلمينها؟؟؟؟؟؟؟؟؟؟؟؟

تكلمي عادي يعني بكلامج انتي

 

[من يشابه ديرتي]

رد : رد: ساعدوني شنو لهجتج اللي تتكلمينها؟؟؟؟؟؟؟؟؟؟؟؟

اتكلمي بالطريقة اللي تحسين انها قريبة منج و ارضاء الناس غاية لا تدرك ما راح تقدرين ترضينهم كلهم

اللي يبي يتحجى عليج مالج شغل فيه لا تصيرين حساسه حيل طنش تعش

لو انا مكانج راح اتكلم باللهجة الحضريه احسن و اذرب

يعني من راي حضرتـج ان لهجتنا البدويه تنقصها الذرابــه؟؟
لهجـات الكويت (ع قولتكم ) الي يفرقها حرف الجيـــم
والذرابـه أنا اشوفها بأسلوبج بالكلام مع الناس أكثر ماهي بأي لهجه تتكلمين

 

[عسوله المزيونة]

مشكوووررين حبايبي اللي ردوا علي المؤدبات والمحترمات :33_1185028183::33_1185028183:


ايرون ومن **هممت **مشكوورين على الرد وانا الحين رضيت خلاص وهذي مني لكم:fun::fun:



غزلان اقولج كلمة وحدة ( كل اناء بما فيه ينضح) وماله داعي تعبين عمرج وتردين على موضوعي!!!!!!

مس شيري ترى انا ما اشتركت بالمنتدى علشان ها الموضوع وبس

اشتركت علشان استفيد وافيد وماله داعي تستخفين باللي جدامج في شي اسمه احترام

وانا لو شايفه ان الموضوع مايهمني جان ماكتبت عنه

ونفس الشي اقول لج اذا الموضوع مو عاجبج لاتردين علي من الاساس

واقول نفس الكلام حق كل وحده تبي ترد ياريت خواتي اللي يعجبها الموضوع وعندها راي مفيد تحطه واللي مو عاجبها

الموضوع لاترد ولا تتطنز

تحياتي :hjy5jewf::hjy5jewf:

 

[Dr.Nouf]

رد: رد : ساعدوني شنو لهجتج اللي تتكلمينها؟؟؟؟؟؟؟؟؟؟؟؟

ســوي نفســي .. أكلــم كل شخـص نفس لهجتــه

حتى مع المصري أتحجى مصـري و مع الهندي هندي .. ههه مو هندي هندي بس يعني جذي : انت لازم روهي جمئيـه

ههههههههههههههههههههههههههههههههههههههههههههههههههههههه :dddds:

















انا اشوف عادي تتحجين كويتي صجي ، احسن ، حتى نظرة الناس تكون احسن لمن تتحجين عادي يعني

:eh_s(8):

 

[أميره بلا قصور]

اتكلمي بالطريقة اللي تحسين انها قريبة منج و ارضاء الناس غاية لا تدرك ما راح تقدرين ترضينهم كلهم

اللي يبي يتحجى عليج مالج شغل فيه لا تصيرين حساسه حيل طنش تعش

لو انا مكانج راح اتكلم باللهجة الحضريه احسن و اذرب

لا صج والله يعني اذا لويت حنجي اصير ذربه

الحمدلله والشكر بس

صج العقل نعمه

صاحبه الموضوع خلج ع لهجتج

 

[غربــــة اِحساس]

الكويت صغيرونه وينها ووين اللهجات حسرتي عليها

قصدج كلام البدو ( بالجيم ) والحضر ( بالياء)

تكلمي بالي انتى متعودة عليه

انا اتكلم بالجيم واثرت على رفيجاتي وقلبوا الياي جيم خخخخخخ

عادي ماقلبت لساني ولا عوجته

وكل من يتكلم باللسان الي متعود عليه

وتبقى الكويت حره ابية <<<< شكو خخخخخ

 

[غربــــة اِحساس]

لو انا مكانج راح اتكلم باللهجة الحضريه احسن و اذرب

اممممم اذرب ؟!!!!!!!!

ليش الجيم فيها تكفخ وتمجع شعر خخخخ

الله يهديج بس

 

[عسوله المزيونة]

د نوف شكرررررا

اميرة بلا قصور شكررررررا

وياحبيباتي اللي يردون ماله داعي الزعل وكل وحدة ترد على الثانية

يعني انا من الاساس ما حددت اللهجات عشان ماتصير في حساسية وزعل بالموضوع

بدو ولا حضر كلنا اخوان واهل وكويتين

وعلى قولة وحدة من الاخوات الذربة ذربة باسلوبها وشكلها سواء بدوية او حضرية

تحياتي للجميع