،،،ــــــــــــلام ..
شباب الديوانيه 4 و انا الخامس كلنا متزوجين و معيلين
لكن اللي استغربه اربعتهم يخونون حريمهم !!
انزين ليش ؟؟
كل احد يتيمعون عندي و كل احد كل واحد فيهم يسولف عن رفيجاته و كل احد انا اقعد افكر ليش شنو قاصرهم ؟؟
صار الاحد و انا ناطرهم الا اسألهم شسالفتهم ليش يخونون حريمهم ؟؟
سولف بوحمد عن رفيجته ،، و صدته
انا : بو حمد ،، الحين ماتقولي شلي ناقصك ؟؟ ليش تخون مرتك والله حرام عليك شمقصره فيه بنت الحلال ؟
بو حمد : والله مو مقصره بشي بنت الحلال بس الله يهداها زعووووول وايد تزعل من ادنى الدون و مسويه نفسها حساسه ،،
انا : حلو المره تكون حساسه ليش مضايق ،، لا تسوي اللي يضايقها و اكسر الشر
بو حمد : و انا مسوي جذي .. كاسر الشر وموقاعد اضايقها ،،
انا : بس انت تخونها @@
بو حمد : شوف يا طويل العمر انا ريال غشمرجي و انت تعرفني عدل ابي مره تضحك و تسولف و ماتزعل من الغشمره ابي لي ضحكت اضحكت و لي تغشمرت اضحكت و تطنزت اضحكت و هالشي مو موجود بمرتي رحت و دورته برى و لقيته ،،
و مو من زود محبتي لها قاعد اكلمها و اخون مرتي علشانها بس هالبنيه ونييسه من اقول الوو اضحكت و لو انا احبها ماشفتني قاعد اسولفلك عنها ،، بس لاعت جبدي من النكد اللي بالبيت على كل كلمه و الثانيه زعلت وقعدت تبجي ،،
بو فيصل : احمد ربك مرتك مو مثل مرتي ،، انا مرتي دمها خفيف و اهيه اللي تتطنز و سنعه و جميله و ماعليها قصور بنت ناس و النعم فيهاا بس اااخ ااااخ ،
انا : وانت شفيك بعد دامك تقول هالحجي عن مرتك شحقه تخونها ؟
بو فيصل : ياخوك من كل شي مرتاح الا بالفراش .. تبط جبدي كله مستحيه وجنه عيب تبينلي شهوتها زين انا ريلج تستجين شحقه تزوجتي !
انا : تخون مرتك لانها تستحي @@
بو فيصل : لا تبقق عيونك .. حياها ماصخ ماينبلع صارلنه سنيتن متزوجين لي متى بتستحي ،، ابي المره تكون جريئه معاي بالفراش .. تتحرك ..تطلب .. تقول .. ابي الليت يتشغل مليت من الظلمه ..الله وكيلك اللي اعرفهم ما اكلمهم الا علشان انام معاهم .. ولا مافيهم اللي جميله مثل مرتي ولا فيهم اللي سنعه مثلها ،، بس فيهم جرأه مالقيتها بمرتي ..
بو خالد : و شفايدة الجريئه و اللي دمها خفيف بس على طولت لسان و مو مخليه احد بحاله و طول ما انا قاعد و اهيه لوك لوك لوك لوك ،، يااااااااااااابوووووووووووووووووي ،، تسندر راسي بالحجي و على شي تافه فلانه قالت و فلانه سوت و فلانه حطت .. زين انا شكوو خلفتهم و نسيتهم يعني ,, زهقتني
انا : تشكي لانها تسولف معااك @@
بو خالد : مستغرب هاا اللي ايده بالنار مو مثل اللي ايده بالماي .. اهيه تسولف اهيه تقرق و على الفاضي ماعندها شغل الا تحش بالناس مافي شي مفيد من اللي تقوله و ماغير ييب و هات و وود بس و اتحداك اسولف معاها سالفه و ماتقطعها ،،
لازم كل ما اسولف معاها تنقطع سالفتي 100 مره ،، لوعت جبدي .. حلاتها رفيجتي اقول سالفتي و اهيه كلها اذان صاغيه تسمع و لي خلصت تحجت ،، و ما عمرها حشت من عرفتها كله سوالفها بالاشياء اللي احبها ،، جنها واحد من ربعي بس على انوثه و دلع و خفة دم ثقييله مو مثل هالرقله اللي عندي ،،
انا : و انت يابو فهد شعندك على مرتك علامها بعد ؟
بو فهد : انا مرتي سنعه من كولو ،، من سنع و من خفة دم و من ثقل ،، بس مكشوفه
انا : مكشوفه شلون يعني ..
بو فهد : يعني خبز ايدي كتابها بيدي ماكو شي يديد ،، اعرف عنها كل شي ما تخش عني شي ،، مقدسه حياتها علشاني جنه ماكو احد بهالدنيا غيري /
انا : عيل ليش تخونها @@
بو فهد : انا اقولك .. ماحس بالمتعه و انا معاها ماكو شي يديد مافيها سر علشان اركض وراه و اعرفه ،، كل شي تقوله و كل شي اعرفه انا احب المره الغامضه ،، اللي لها دنيتها ا شنو هذا ماغير كل دقيقه داقه وينك و شنو قاعد تسوي و قاعده احاتيك و شنو تبي تاكل جني ياهل ،، ماكو شغل غيري يعني .. كاهي رفيجتي اركض وراها بعرف شنو عندها و شنو ما عندها حياتها لها مو حق احد ثاني ،، مثل ما انا مهم بحياتها في اشياء ثانيه مهمه مو هالدلعه اللي عندي ..
انا : والله امركم عجيب ،، و اسبابكم تافه
بو حمد ،، بو فهد ،، بو خالد ،، بو فيصل : زين انت قولنه ليش ما تخون مرتك ..
انا : اخون نفسي بس ما اخونها ،، انا مرتي ذكيه و تعرف تتصرف
مرتي حبوبه و دمها خفيف يابو حمد لمن اضغطها تضغطني و لمن اضحك معاها تضحك معاي عمرها مازعلت من الغشمره صرت انا ازعل من غشرمتها ،،
و انت يابو فيصل ،، مرتي ماني متكلم عنها بالفراش عيب هالحجي ما ينقال اللي قلته بس مرتاح و فيها حيه مثل ما فيها جرأه
و انت يابو خالد : انا مرتي ما تلوك مثل مرتك بس ما هم بعد ما تسكت ،، كلمتها مدروسه و موزونه وما تقول شي فاضي و لا ما تعرف معناه استانس معاها اكثر من معاكم ،،
و انت يابو فهد .. صارلنه 5 سنين متزوجين بس كل يوم اكتشف فيها شي يديد ،، غامضه و لها سرها و انا شريك حياتها مو كل حياتها ،، اهلها يهمونها و رفيجاتها يهمونها و عيالها يهمونها بس انا اهمها اكثر ،، بس مقسمه وقتها ومعطيه الكل حقه
بالله ما تقولولي ليش اخونهاا ؟؟
منقول للفائدة ،،:eh_s(21)::eh_s(21):
شوفي انتي منو ؟؟
مرت بو حمد ولا مرت بو فيصل ولا مرت بو خالد ولا مرت بو فهد ..
و حاولي تغيرين من نفسج و خلج نفس مرت أنا اللي ما عرفنه اسمه
:aha:
التعديل الأخير:
