فريق Kickboxing للبنات

[Kuwait 1]

مساكم الله بالخير
ومبارك عليكم الشهر

حبيت اقول للبنات اللي مهتمين بالفنون القتالية
الحين ولاول مرة بالكويت تدريب لعبة الكيك بوكسينق للبنات
طبعا لعبة الكيك بوكسينق لعبة فتالية من فنون السترايك والستاند فايت
كلاسات خاصة بالنساء والبنات من عمر 8 سنوات
لعبة حلوة وايد وتمرينها ممتع والقروب وايد حلوو


التمرين باشراف الماستر اسماعيل رضوان
مدرب معتمد من الاتحادات العربية والدولية للساندا ومواي تاي وملاكمة وكيكوشنكاي

وانا كابتن الفريق اللي يحب يستفسر عن اي شي انا بالخدمة



اللجنة الاولمبية الكويتية
حولي
تلفون : 22612492


​

 

[A9A9-Q8]

مشكورة اختي ،

بس حبيت استفسر عن الاشتراك ..

 

[Kuwait 1]

رد : فريق Kickboxing للبنات

الأشتراك في الشهر 25 دينار
وللمستمرين أكثر من 3 اشهر يبدا السعر ينزل
لانه نبي نقوي الفريق ونخلي الكل يستمر معانا

 

[A9A9-Q8]

متى نقدر نبلش ونشترك ؟

 

[A9A9-Q8]

والتدريب يوميـا والا ايام معينـه بالاسبوع ،
سوري على الاسئله اذيتج

 

[Kuwait 1]

رد : فريق Kickboxing للبنات

تقدرين تشتركين بأي وقت وأي يوم يناسبك
النادي مفتوح برمضان يوميا من ال 7.30 إلى 12

وبالسنبة للتدريب أيام رمضان سبت واثنين واربعا الساعه 7.30
وايام البطولات يكون يوميا

اذا حابة تحضرين يوم السبت "باجر" وتشوفين التمرين وتشاركين اول يوم مجانا

 

[broor]

في سن معين للقبول؟

 

[A9A9-Q8]

العنوان : النادي الصحي الي عند بوابة اللجنة الاولمبية الكويتية

 

[حبيبي أحمد]

إلي يدربنا ريال ؟

 

[A9A9-Q8]

اي ريال

 

[لذه السكر]

مشكووورة بس ماكو نادي نسائي فيه ؟؟

 

[Kuwait 1]

رد : رد: فريق Kickboxing للبنات

في سن معين للقبول؟

من 8 سنوات

 

[Kuwait 1]

رد : رد: فريق Kickboxing للبنات

العنوان : النادي الصحي الي عند بوابة اللجنة الاولمبية الكويتية

بالضبط :eh_s(17):

انتي اشتركتي معانا؟؟

 

[Kuwait 1]

رد : رد: فريق Kickboxing للبنات

مشكووورة بس ماكو نادي نسائي فيه ؟؟

النوادي النسائية اللي فيها مو متخصصين
هذا مدرب عالمي وشهاداتج تحصلينها من الاتحاد العالمي عن طريق المنتخب
وفريقنا اول فريق بالكويت

 

[A9A9-Q8]

لا والله ما اشتركت طليت عليكم طـله
اقول ، متى تبدون ومتى تخلصون، تدريبات
لان بيتنا طريج شوي عن حولي عشان جذي ترددت
وهل استفدتي ؟

وبخصوص الفريق هل معترف فيه او في خطه للاعتراف فيه ، ؟

 

[Kuwait 1]

رد : رد: فريق Kickboxing للبنات

لا والله ما اشتركت طليت عليكم طـله
اقول ، متى تبدون ومتى تخلصون، تدريبات
لان بيتنا طريج شوي عن حولي عشان جذي ترددت
وهل استفدتي ؟

وبخصوص الفريق هل معترف فيه او في خطه للاعتراف فيه ، ؟

حتى انا والله بيتنا باخر الدنيا
بس لاني حبيت اللعبة وحبيت التمرين اول وحده اكون هناك وماغيب ولا اتأخر
استفدت وايد من ناحية اللياقة والتقنيات
احسن من اي نادي صحي
لانه النادي الصحي ملل وماكمل واغيب
اما هني فريق كلنا نسأل عن بعض وفيه حرص من المدرب على الحضور فهالشي يخليج تكملين وتستمررين
وماتحسين بملل وتعب

برمضان نبدي 7.30 ونخلص 9 الاربع او 9
والفريق قريب يكون معترف فيه وله لجنة خاصة نسائية متفرعه من لجنة الكيك بوكسينق

 

[A9A9-Q8]

انزين الحين الي بينظمون راح يكونون متأخرين عنكم يعني بالتقنيات الي تعلمتوها

فـ شلون ؟ مثلا انا لو ادش تلاقين المدرب يشرح لكم اشياء مثلا بمراحل متقدمه اكثر مني عرفتي قصدي؟
الاساسيات شوي يمكن تطوفني او لا ؟

 

[Kuwait 1]

رد : فريق Kickboxing للبنات

مايطوفج شي
الكابتن يعرف يقسم قروبات ويعطي التقنيات حق الكل بطريقة عادلة
واحنا اساسا كل مرة نعيد التقنيات ونضيف عليها حركات متقدمة فماراح يطوفج شي

 

[فانيلا]

رد : فريق Kickboxing للبنات

يصير اعمار كبيرة 30 وفوق ؟

وبكم الاشتراك ؟

 

[فانيلا]

رد : فريق Kickboxing للبنات

وسوؤال ثاني الكيكبوكسنج بيكون ملاكمه للاشخاص والا بس على مالت البوكسنج المعلقه ؟