~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[عنيّد]

منمن ،، اي والله ذكرتيني انا نااااااسيه الاعشاب ، سويتهم اول يوم بس
انشالله باجر لنا عوده ...... خلاص كفرتي عن ذنبج لووول

زيون ،، انا متابعه المهازل الكويتيه لانه اخواني يطمشون عليها فانا معاهم > زوارة الخميس + مرات اميمه + ساهر الليل وهي احسنهم للحين
اما الي متابعتها من كل قلبي > ذاكرة الجسد


والان صاح الديك كوكو كوكووووووووووووووو
بنام تصبحن على خير :>

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد .. قود نايت
انا انطر الصلاة .. اصلي و انام ان شاء الله

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

المتميزه .. حاولي تنسدحين بفراشج و تطفين الليتات و اتغطين عدل ويكون الجو مهيأ للنوم و ان شاء الله تنامين .
او اخذي حبوب مثل بانادول نايت .. تنوم .

مشكورة حبيتي :aha: ثانكس

 

[mn.mn]

زيون لوووووووول امبلى تحوشني حالة سرحان لكن سرعان ما أرجع للواقع الأليم

عنيد وانتي من اهل الخير

أنا بعد بسكر الحين بروح اشوف هالياهال جود يطخون ينامون وبروح اشرب أعشابي

على طاري المسلسلات زوارة خميس سخييييييييييييييف ومادري ليش كل واحد تصير له سالفة مع الحريم

جنه ماكو ريال بالديرة ماشي سيده ولا آخرتها الأبو يغازل الهام الفضالة صج مسخررررة ترترة على قولة داوود حسين

تصبحووووووون على خير

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

و انتي من اهله من من .. و هالمسلسل يبين ان في بنات يتسلطوون على الرياييل .. و ان الرياييل عشتو قلوب رهيفه كل شي ياثر فيهم .. عموما .. بالنسبه لي الاحداث بارده .. و احس ما اتيمع كل هالشخصيات في عايله وحده !

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صباخ الخير .. صخة مافي احد ا :gr4uu: لكل نايم :ch12::ch12:شكلي انا الوحيدة اللي اتمشى بالمنتدى :RoadRunner: لووووول

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

و انتي من اهله من من .. و هالمسلسل يبين ان في بنات يتسلطوون على الرياييل .. و ان الرياييل عشتو قلوب رهيفه كل شي ياثر فيهم .. عموما .. بالنسبه لي الاحداث بارده .. و احس ما اتيمع كل هالشخصيات في عايله وحده !

بصراحة اسمحوا لي على هذه المداخلة انا كنت اتابع زوا رة خميس جم يوم بعدين حسيت ان بدى يقلب على فيلم هندي لوووول ما ادري الكاتب اشايف الناس مثلا ما يفهمون ما ادري ... وجهة نظر

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

فطورى امس لحم مشوى +سلطه+تمره وحده+لبن خالى الدسم+2 قطايف+صحن صغير هريس

وبعد الفطور شاى اعشاب وماى الزعتر

واكلت صحن صغير محلبيه

وسحور ما تسحرت

 

[بطة رشيقة]

صباااح الخير ...

شلوونكم بنات ..

يوم يديد وامل يديد وربى يثبتنى ..

اليوم ان شالله لى الاحد ما ابى اخربط ولا اتشهى ولا اكسر خاطر روحى الله يثبتنى ان شالله ولا يخسر على التعب ..

وان شالله يتحقق املى واملكم بشوووفه ال70 او 75 وراضيه والله راضيه بال77 اخ يالزمن شوووفوا وين وصلنا !!!!!! :jumpon:

( قولى حق روحج ) :eh_s(13):


الله كريم ...

شلونكم بنات منمن مشالله مشالله خوش قرقيعان عليكم بالعافيه والله يونسكم بالعافيه دوم ولا يفرقكم ابد وفيفى عبده ميخالف هم جو رمضاااانى ويونس بس عسى ما شافت الزل ويت رقصت عندكم على بالها حاطينه حقها خخخخخخخخخخخخخ ويالله شدى الحيل من اليوم وانا وياج والسامع يقول امين كلووولوولوولوووش ..

زيوووون افاااا ليش لالا لا توقفين استمرى ادرى الوضع تعيس بس خل نمسك خيط او اى شى ما ادرى شفينى قاعد نرد قرى .. امس احس ان بدت تطلع لى اشياااء باييخه بجسمى كنت اكرها زوايد وتفسط منى ومناك ليش وصلت لى هالمرحله ليش :cxxxp:

عنيدوووو بالعاافيه الالتزام وان شالله ما تتديرفين الا بين ال66 و70 خوووش رقم الله من يوصله بس انا اول كنت اتديرف بين ال74 و76 والحين علوووووووووووووووووم !!!!!:O_SHH_:

اثماااان شلووونج حبيبتى وعوافى الفطور وربى يوفقج ويتمم عليج ..

المتميزه حياج الله وان شالله قدرتى تنامين وترتاحين ..؟

ستيلا حبيبتى شلووونج

وعلى المسلسلات انا ما اتابع الا زواره خميس والباجى يعنى اللى يطلع لى اشوفه .. بس زواره خميس يعنى فيها مبااااالغاااات وايد وعلى قولتكم يعنى مو معقوله كل ريال بالدنيا بتى مره وتبووووقه من زوجته وانا الحين قمت اخاف ان ريلى يطلع بالسكه تتحبل له وحده خخخخخخخخخخخخخخخ الله لا يقوله .. وكله بصووب والدين اللى قامت الحجيه توكله لقيمات وحركه امس ان زوجته نايمه يمه ومو قادر .... ؟؟؟؟ وى وى شدعوا وين وصلنا وحاطينه معرق وحالته حاله وانلعمليه ال ... فاشله ومرته زعلانه !!!! ابيه الصراااحه وايد وايد جريئين صايرين ولا يقولها بعد لان من زمان فالظاهر ان مو قادر هووووووووووووو شدعوا ....؟؟؟؟ بس عموما اهم يبون يورون يعنى حياه العايله ويحاولون يحطون من كل شخصيه بالمجتمع بالعايله هذه بس شجوون انا وايد كاسره خاطرى احس وايد قلبى معورنى عليها اقصد بدوورها بالمسلسل وهذا طوفه ما يحس موديها عشان تنقى جنطه حق حبيبته واهيا تحبه مسكينه .... وما يندرى ننطر ونشوف الاحداث بس عمووووما اهيا فيها قطات وكلمات تنوس يعنى بين الجناين واشياء تصير يوميه وكله بصووب وام نصيب بصووب خخخ نكته يحليلها ..

بس الصج الصج كلهم صااايرين يهبلوووووووووون لميااء طارق تينن صايره ناعمه وحلوه ولبسها يونس وكلهم والله بثينه الرئيسى زوغه والرشااقه مقطعها عمرها مشالله على كيفهم متى ما يبون ضعفوا ومتنوا ... الله المستعان ..

بس بس بطه تكفين سكتى قرقتيناااااااااااااااااااااااااااااااااااا :O_SHH_:​

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صبوحه .. يعطيج الصحه والعافيه .. ما عرفتينا على بياناتج ؟


رشيقات المستقبل .. شكلكم تقرقعوووون اليوم .. كلكم غاطين .. لوووول

نشوفكم تالي الليول

لووول حاظرين من عيوني ..
اسمي صبحووووو
عمري 19 سنة .. متزوجة صار لي ثلاث شهور الحمدلله
كنت طالبة بالجامعة بس ما قدرت أكمل عشاان الظروف <<قبل الزواج
اماراتية :eh_s(8):
أموت في الحلويات << شيخصه
و أحبكم كلكم :33_1185028183:

 

[بطة رشيقة]

حياج الله حبيبتى صبووحه وحيا الله اهل الامارات ومبروك الزواج وربى يوفقج وما قلتى لنااا جم وزنج ..؟


مرحبااااااا السااااااااع

 

[اثمان]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هلا والله بطوط

الله يعافيج يا قلبى

وانتى بعد شدى حيلج

اما عن التلفزيون

اشوف ملودى دراما ونايل كوميدى صراحه يونسون

احب المسسلات المصريه ومليت من صراخ االمسلسلات الخليجيه وطقهم

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

هههههههههههههههههههه اي والله و انتي الصاجة بطبوطة
صدق اجسامهم وااااو ..
انا انصدمت لما شفت هدى حسين و الهام الفضااالة
:eh_s(22):محلوين و الضعف باااين عليهم
الله يرزقنا (الضعف الطبيعي) ان شاء الله بصحة و عافية .. لوول
--------
اي صج بنات ادعولي الصبغى اللي شعري تنفع (صبغة الكركم و النسكافيه)
قلت أجرب في شعري قبل العيد عشاان لا اتوهق اذا ما طلعت حلوة :nocommint:

 

[ْ{صبّوحه}ْ]

رد : رد: ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

حياج الله حبيبتى صبووحه وحيا الله اهل الامارات ومبروك الزواج وربى يوفقج وما قلتى لنااا جم وزنج ..؟


مرحبااااااا السااااااااع

مرااحب هلا والله بالطش و الرش مشكوورة الغالية ما قصرتي ع الترحيب شرواتج << يعني حلو :eh_s(22):
انا وزني كاان 67
و الحين الحمدلله 64.3

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صباح الخير

شلونكم ؟

انا الحمدلله بخير .. و ان شاء الله الامور تمشي اوكي اليوم .

بطبط .. فعلا حلقة امس فيها جرأه .. ما حابيت هالجرأه اشكره .. عسى الله يستر من الياي .
و على الريجيم .. ما ادري و انا صايمه و خفيفه شزيني .. و على الفطور اكون نص و نص .. بس تالي اخور الاولي و التالي .
و المشكله هالايام عندي جم زواره ورا بعض ..ولابد فيهم تقديم و اكل و باجر غبقه .. الله يستر .
رمضان الريجيم فيه جهااااااد جهاااااد !

اثمان .. بالعافيه ما كليتي .. ما شاء الله تمام .. الا سالفة السحور .

صبوحه .. حياج الله .. ومرحبا مليوووون .. شحالج ؟ و مبروك الزواج ياعروسه

 

[بطة رشيقة]

ربى يوفقنى ويوفقكم هلا هلا زيووووون وان شالله كل يوم احسن من اللى قبله وموفقين كلنا

وصبووحه حياج الله ويانا

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بطبط .. ان شاء الله يا ربي
شلون اجواء القرقيعان ؟

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

مرحبا ملايين و لا يسدن .. الله يبارك في حياتج يالغلا زينه
تسلمين :tek:
أنا على السحور ما اشتهي لأني أكون مخلصة كل شي قبل السحور بشوي .. لوووووول
--------

هلا بطبوطه .. الله يحييج و يبقيج يالغالية و يقوي إرادتج قولي آمين​

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

قرض الزواج 8 آلاف.. وآخر للزوجة الثانية

من جانب آخر وفيما أعلن النائب سعد الخنفور أنه سيقدم مع بداية دور الانعقاد المقبل مقترحا لزيادة قرض زواج الكويتي من كويتية من أربعة آلاف دينار الى 8، كشف النائب فيصل الدويسان عن تبنيه لمقترح منح الكويتي منحة أو قرض زواج ثان لمن يرغب بالزواج من زوجة ثانية بشرط أنت تكون كويتية.
وقال الدويسان في تصريح لـ«الوطن»: سأتبنى مقترح اعطاء الكويتي منحة زوجية لمن يرغب بالزواج من زوجة ثانية بشرط ان تكون الزوجة الثانية كويتية، للمساهمة في القضاء على مشكلة العنوسة بين الكويتيات مؤكدا ان الفكر التغريبي يحاول ان يظهر مساوئ تعدد الزوجات.. وهذا غير صحيح لافتا الى ان هذا المقترح يعود بنا الى أصالتنا «فكل آبائنا وأجدادنا كانوا لديهم تعدد زوجات».
وعودة لمقترح الخنفور فقد أعلن في تصريح لـ«الوطن» أنه سيتبنى مقترحا لزيادة المبلغ المخصص من الدولة للكويتي الذي يرغب بالزواج من كويتية من أربعة آلاف الى ثمانية آلاف مشيرا الى ان المبلغ المخصص حاليا مضى عليه أكثر من ربع قرن وأقر في زمن قديم كانت به الأسعار معقولة والمبلغ يكفي آنذاك أما في هذه الأيام فأعتقد ان الموضوع بحاجة لاعادة النظر حتى لا نرهق الشباب الكويتي في أول حياته الأسرية ونثقل كاهله بالديون بسبب زواجه.







يعني الوطن هذا عنوان من الصبح ؟

و هالنواب .. يعني الناس وصلوهم علشان هالسالفه ؟!
الحمدلله و الشكر .

انا شخصيا مع زياده قرض الزواج .. لان فعلا الدنيا تغيرت .. بس مو مع الاقتراح الثاني يعطون بعد قرض للي يتزوج ثانيه كويتيه لعدة اسباب :
يفتح المجال بالمستقبل يعطون بعد قرض للي يبي الثالثه و الرابعه .
يفتح المجال للزواج الوهمي .. الناس تزوج عياله و بناتها وهمي و الابو و الريال يتقاسمون القرض بالنصيفه تالي يطلقون البنات و يردون يزوجونهم و السالفه هذه الحين منتشره شلون تالي ؟
الشي الثاني الزواج الثاني للمقتدر .. و اللي يقدر .. مو الدوله تساعده بقرض و يلا اخذ الثانيه .. انزين و اذا ما قدر على المصاريف و انتهتالحياة الزوجيه شنو استفدنا.

بصراحه هالنواب هدوا التنميه .. من مستشفيات .. مناطق سكنيه يديده .. مدارس و تعليم راقي .. معالجة الرواتب و غلاء المعيشه .. مشاكل البدون و الاجانب المقيمين .. و شافوا هالسوالف اللي لا تودي و لا اتييب .

انا قاطعت الانتخابات الاخيره .. و باظل مقاطعه .

 

[بطة رشيقة]

وى وى وى هووووووووووووو غبراااااااااااا شالخبر خل يولووووووووووووووووووووووووووون والله احتريت !!!1