خوااتي ابي افتح قلبي لكم ...... حدي مضاايقه :(

[shyoooma]

مساااء الخير يا بناات ..

تقبل الله طاعتك و بالعافيه ..
الصراحه ما ادري وين احط الموضوع ..
ودي احط بمكان كل بنات يشوفون و يردون علي ..

بنااتي ,, ابي افتح قلبي لكم .. والله حدي مضايقه و ساكه فيني الدنياا ..
والله يوم قعدت ابجي و حتى لما اكون بروحي ابجي من غير شي ..

تعبت ابي ارتاح ,, ابي كلام يريحني ..

تدرون اني توني ملجه ..
اصلا الزواج بكبره انا ما كنت ابيه .. لانه من طرف عماتي و اناا عماتي ما ابي اختلط فيهم ومابي شي من طرفهم , لانه قربهم كله مشاكل بمشاكل ,, بس ابوي قالي انتي مرح تحتكين فيهم انتي بصوب واهماا بصوب .. والصبي منه وفيناا لانه مطيري و ما فيه شي زين الصبي و الفال مو زين لما البنت ترفض نصيبهاا ..
انااا عارفه هالحجي بس ابوي الي مو فاهمه , لانه اخت ريلي اتصير سلفة عمتي واهما اثنتين نفس طبع بعض و ينخاف منهم .. يعني ما ادري , تخيلو عمتي شنو تقولي هالله هالله بحماتج قصدها اخته , انا اقولها شكو اهم شي عندي امه و اهوو , تقول لا ما يصير اخت اهمه .. من جذي تضايقت و انغمت وايد ..
واحس انه عمتي تعرف وايد شغلات امي وانا ما نعرفهاا يعني الاخبار توصل لها اهي الاول ..

وانااا ما احب عماااتي , اكرهم .. :0bee2e8d89:

وبعد الي مخليني جذي الريال اناا ما اعرف ودي اكلمه عشان على اقل يرح الخوف الي عايشته و انا اعرفه اهو شلون صاير , عشان ما انصدم فيه لما اكون عنده ..
بس ابوي مو راضي .. وماكو احد راضي يفهمني ..
اناا لو راده علي , ما ابي هالزواج بكبره .. بس الحين ماكو فايده ..
الفات الفوت ما ينفع الصوت

والله يا بنات منغمته حدي , وما ابي عرس , وهم ابوي عادي عنده , بس عمتي الملقوفه راحت قالت لهم انه امها مارح ترضى حتى ابوهاا بعد ..
والحين سمعت تقول عمتي , اهما يبون عرس بس مو الحين الصيف الياي الي اخوه توه ما صارله 3 شهور معرس .
ريلي ما يبي عرس ولا اناا شنو الحل .. الحين ماما تقدر تقولهم ما نبي عرس . شلون الطريقه

بناات عفيه اناا ما فتحت لكم قلبي , الا وانا متاكده انكم راح تساعدوني و تفهموني و تقولون كلام يريحني

اخليكم الحين ..

 

[عشق الكتابه]

رد : خوااتي ابي افتح قلبي لكم ...... حدي مضاايقه

الله يكون بعونك

 

[بنت عريب الجدود]

اللة يكون بعونج حبيبتي

 

[لحظة شوق]

حبيبتي ليش متشأمة من الزواج

ياقلبي الزواج توافيق مو شرط اذا عرفتي كل شي عنه بتوفقين

واذا ماعرفتي ماراح اتوفقين

وخلي علاقتج مع عمتج سطحي

وصدقيني كل بنت جذي تخاف من المسؤليه اذا قدها او لاء

كلنا مرنا جذي عادي اول شي تستصعبين الامر عقب عادي صدقيني

وعسى الله يوفقج يارب

 

[«ღ»Pure Soul«ღ»]

عورتي قلبي شيوم

تعوذي من ابليس هذي مخاوف كل بنت تمر فيها عاااادي وهذا نصيبج وتاكدي الموضوع كله خيره لج اهم شي انتي استخرتي يوم الخطبه ؟؟
انا تقريبا نفسج ماكنت ابي اتزوج كلش تو الناس بس سبحان الله النصيب حتى امي وابوي كان رافضين فكره الزواج ونفس فتره خطبتي كنت انخطب ونردهم ع طوول حتى من غير مانسال عنهم بس ريلي غيير حتى اسال امي اقول انتوا شلوون غيرتوا رايكم فجاه وشكثر اشيا اتنازلت عنها ليش مادري بس متاكده ان الموضوع كله خيره لي لاني استخرت وامي وابوي واخواني بعد
بس للحين خايفه وساعات اقول لو رفضته مو احسن شلون اتزوج وانا طالبه وخايفه من الزواج والمسؤوليه والريل والحموله خايفه من كل شي ساعات اقول انا صج مينونه ليش مارفضت قاعده عند اهلي مدلعه ومرتاحه وموقاصرني شي لو نطرت بعد التخرج احسن
بس سبحان الله هذا نصيبج ماتقدرين تردينه اهم شي الحين تقتنعين ان الموضوع كله خيره لج والله مايسر لج الزواج من ريلج الا لانه عارف ان الخيره مع ريلج وسعادتج معاه والدليل انج كنتي رافضه الزواج بس الله يسره وتغير رايج
تعوذي من ابليس هذي مخاوف طبيعيه وباجر بعد العرس راح نضحك ع روحنا
وعلى موضوع العرس بعد سنه او اقل ماراح يضرج بشي اخرتكم بتزوجون باذن الله وبالعكس انتي المستفيده عندج وقت كافي تعتنين بنفسج وتجهزين عدل شوفي العرايس اللي تحدد عرسهم بعد شهرين او 3 شهور يكسرون خاطري ماعندهم وقت كلش لا لعنايه ولا لتجهيز

الحين اهم شي الدعاء ع طووووول ادعي وعسى الله يوفقج ويطمن قلبج

>> شيوم عندنا تجمع اللي ماتحدد عرسهم وعندنا تجمع عرايس 2011 شاركينا

 

[طموحه بزياده]

ما عليج من عماتج عطيهم طاف صيري رسميه بكل معنى الكلمه ولا تعطينهم وجه وقللي سوالفج معاهم وخل يدرون انج ثقيله ومالج خلق لأحد وخلي اهتمامج لزوجج وامه والباقي بالطقاق اللي يطقهم انتي عايشه مو عشانهم ولا عشان سوالفهم خل يولون عيشي بروحج لا تحتكين فيهم

 

[نمله معصبه]

عورتي قلبي ..

ღ»Pure Soul«ღ»
ماقصرت كلامها عين العقل..تفائلي ياقلبي..

 

[محبة منتداكم]

رد : خوااتي ابي افتح قلبي لكم ...... حدي مضاايقه

الله يسعدك

 

[≈ ω ђ ṃ]

رد : خوااتي ابي افتح قلبي لكم ...... حدي مضاايقه

^^
ربي يوفقج

ومآعليج مآتدرين يمكن يطلع الولد خوش ولد ومآيهمه لا حجي ولا شي~


واذا آنتي بتسوين الي يمليه عليج ضميرج مآرآح تنغثين ولا شي ~


خلج مع زوجج وآمه هذول المهم

يعني آخت زوجج تجي بالويك آند

هلي ورحبي فيهـآ وعآدي سولفي ولا تخلين عمتج توسوس لج ~


الكل يشوف ويعرف الزين والشين~

وبالتوفيق حبيبتي


ربي يشرح لج صدرج ويسعدج~

 

[كرز حالي.]

رد : خوااتي ابي افتح قلبي لكم ...... حدي مضاايقه

شيوم حبيبتي عماااااااااااتج شكوووو
خل يتكلمون لي باجر وانتي بس قولي ان شاء الله ان شاء الله وبس
يعني طناااااااااااش
وبعدين انتي اذا كسبتي الريال وامه ماااااااعليج من احد
بس مايمنع هذا طبعا ان اسلوبج يكون راقي مع كلللل اهله من قريب وبعيد علشان الكل يمدحج ومايوصل له كلام عنج الا بالزين
اذا حبج الريال ماراح يشوف عيوبج
وعمتج خايفه على نفسها لان حماتج اخت ريلها
واكيد ريلج يدري بهالشي فماراح يسمع منهم كلمة
والله يوفقج

 

[f@rsaq8]

صمخي اذونج عنهم

 

[f@rsaq8]

واهم شي امة و ريلج و لا قعدتي عند حمولتج لا تحجين وايد و ان نشدو عنج و عنة قولي الحمد الله لو كان بينكم زلازل مو معارك و امور بيتج تنقفل معة قفلة الباب لا صديقات و لابنات الدوام و سالفة عرس ماعرس خليها على الله دام زواجكم السنه اليايية يامحيي يامميت ماتدرين شيصير

 

[al-musk]

أنتي توكلي على ربج وتفائلي وخلي ثقتج فيه انه كتبلج النصيب الزين وسوي عرس واستانسي ليش اتطوفينه..

 

[زهراء الركابي]

رد : خوااتي ابي افتح قلبي لكم ...... حدي مضاايقه

الله يوفقج ويسعدج ويهديه لج


خلج بروحج ولا تسمحين حق احد يتدخل بحياتج

 

[princess89]

رد : خوااتي ابي افتح قلبي لكم ...... حدي مضاايقه

مساااء الورد ~~

أولا : أأأأأألف مبروووووووووووووك حبيبتي والله يوفقج .


ثانيا : عمااااتج عسى الله يهديهم ماالج شغل فيهم طنشيييهم مويعني مااتسلمين عليهم لا اذا سمعتي منهم كلمه او نغزه طنشي كاان مااا سمعتي .


ثالثا : بالنسبة للخووف شي طبيعي كل بنت تخاااف لانهاا راح تبدي حيااة جديده .


رابعا : أهم شي خااالتج وعمج خليهم بعيوونج وهم زوجج عشان تكسبينهم واذا كسبتيهم ماالج شغل بأحد .


وناااسه عرسج معااي بالصييف :eh_s(9):

 

[شقرديـه عالطل]

توكلي على الله وتفائلي بالخير ومالج شغل بعماتج

 

[الحلا توته]

الله يوفقك ياقلبي ويهنيك بعرسك
سووي عرس واستانسي وعماتج مالهم دخل فيك يعني هم بعاد عنك واهم شئ الولد وامه وابوه

 

[نوور]

عورتي قلبي شيوم

تعوذي من ابليس هذي مخاوف كل بنت تمر فيها عاااادي وهذا نصيبج وتاكدي الموضوع كله خيره لج اهم شي انتي استخرتي يوم الخطبه ؟؟
انا تقريبا نفسج ماكنت ابي اتزوج كلش تو الناس بس سبحان الله النصيب حتى امي وابوي كان رافضين فكره الزواج ونفس فتره خطبتي كنت انخطب ونردهم ع طوول حتى من غير مانسال عنهم بس ريلي غيير حتى اسال امي اقول انتوا شلوون غيرتوا رايكم فجاه وشكثر اشيا اتنازلت عنها ليش مادري بس متاكده ان الموضوع كله خيره لي لاني استخرت وامي وابوي واخواني بعد
بس للحين خايفه وساعات اقول لو رفضته مو احسن شلون اتزوج وانا طالبه وخايفه من الزواج والمسؤوليه والريل والحموله خايفه من كل شي ساعات اقول انا صج مينونه ليش مارفضت قاعده عند اهلي مدلعه ومرتاحه وموقاصرني شي لو نطرت بعد التخرج احسن
بس سبحان الله هذا نصيبج ماتقدرين تردينه اهم شي الحين تقتنعين ان الموضوع كله خيره لج والله مايسر لج الزواج من ريلج الا لانه عارف ان الخيره مع ريلج وسعادتج معاه والدليل انج كنتي رافضه الزواج بس الله يسره وتغير رايج
تعوذي من ابليس هذي مخاوف طبيعيه وباجر بعد العرس راح نضحك ع روحنا
وعلى موضوع العرس بعد سنه او اقل ماراح يضرج بشي اخرتكم بتزوجون باذن الله وبالعكس انتي المستفيده عندج وقت كافي تعتنين بنفسج وتجهزين عدل شوفي العرايس اللي تحدد عرسهم بعد شهرين او 3 شهور يكسرون خاطري ماعندهم وقت كلش لا لعنايه ولا لتجهيز

الحين اهم شي الدعاء ع طووووول ادعي وعسى الله يوفقج ويطمن قلبج

صاجة كفت ووفت تعوذي من بليس كلنا نفسج كثري الدعاء وخلي امج تكلم امه واتفقوا مادام انتو اثنيناتكم ماتبون عرس ماراح تختلفون الله يشرح صدرج

 

[mi corazon]

حياتي والله شيوم

صلي عالنبي ضيجه وتروح

اهو دايما الخوف من الأقارب .. بس انتاي بسنعج تسكتين اللي ما يسكت .. ماعليج اختي كانت خايفه من زواجها من ولد خالتي لأن امه شريه

بس صج ماخلتلها فرصه .. ما تطلعلها إلا الطبع الزين وحايفه ولدها حوف .. فا مالقت عليها شي

واللي بيحقد عليج ويطلع حجي ماراح يلاقي من يداريه لأنج ام السنع

يارب يريح بالج ويصلح بينكم ويقر عينج بزوجج

وادعي دايما اللهم سخر لي خلقك وعبيدك يارب

موفقه حياتي

 

[فرفوقه]

الله يعينج
وصدقيني الزواج نصيب هذا الله كاتبه الله لج محد يقدر يرد حكم الله
واتمني من كل قلبي لج راحت البال