تجمع مسافرات لندن في صيف 2010

[كويتيه ذربه]

انا بقدم اجازه حق السفره الحين لازم اقدم قبل العيد ب 3ايام لي بعد العيد باسبوع يعني فتره العيد تصير من ضمن الاجازه

 

[كويتيه ذربه]

الذين تشاهدون محتوى الموضوع الآن : 4 ( العضوات 2 والزائرات 2) ‏كويتيه ذربه, ‏om l3yal

هلا ام العيال اشلووونج

 

[$$ ام فهد $$]

كويتية انا قدمتها اول رمضان بصراحة خفت لان الكل يطلع العشر الاواخر

ايام العيد ماتدخل مع رصيد الاجازات

 

[كويتيه ذربه]

انا كنت اساسا اجازه اسبوعين وتوني هالاسبوع داومت

والله يستر بس ويوقعون اجازتي

 

[$$ ام فهد $$]

ان شاءالله تسهل قدميها باجر احسن

 

[كويتيه ذربه]

كلمت مسئولي قال قدميها الاحد
سويتله فيلم وبروح اراجع طبيب هناك حق كسر ريلي
وبوريه التذكره وان شاءالله يوقعها
لان دوامي قمه النحاسه بالاجازات
العام حجزت ووقت السفره ماوقعها واضطريت اخذ طبيه

 

[$$ ام فهد $$]

عاد هالدوامات الصج مايمشي معاهم ابد

اللف والدوران اهوا اللي يمشي معاهم

الله يسهل امورج ان شاءالله

 

[كويتيه ذربه]

تسلمين حبيبتي

 

[على الدنيا سلام]

هلا والله

انا مسافره ان شاءالله قبل العيد بيومين

بالنسبه للاجراءات اهم شي صوري صوره يديده

ولازم الاشخاص اللي بيسافرون يحضرون شخصيا حتى اليهال

وتبصمون وبصمه عين

و اتوقع على كل فيزا 33 دينار

كويتيه اخوي يقول الصوره لازم بسفاره لان يبون صوره تكون الخلفيه بيضه وتصوير حراري الصوره ؟؟ عادي اصور بالمصور ولا لازم سفاره .....

 

[كويتيه ذربه]

كويتيه اخوي يقول الصوره لازم بسفاره لان يبون صوره تكون الخلفيه بيضه وتصوير حراري الصوره ؟؟ عادي اصور بالمصور ولا لازم سفاره .....

والله انا صوروني بالسفاره
تخيلي عند الطوفه وكاميرا عاديه
والصوره تضحك
من رايي انتي صوري احتياط صوره خلفيه بيضه
واذا مارضوا صوري هناك
بس اتوقع عادي تودين صوره معاج
انا مارضوا بالصوره اللي موديتها لان نفس صوره الجواز بس خلفيه بيضا
ولان طاف عليها اكثر من 6 شهور

 

[كويتيه ذربه]

متى سفرتج؟؟؟

 

[على الدنيا سلام]

والله انا صوروني بالسفاره
تخيلي عند الطوفه وكاميرا عاديه
والصوره تضحك
من رايي انتي صوري احتياط صوره خلفيه بيضه
واذا مارضوا صوري هناك
بس اتوقع عادي تودين صوره معاج
انا مارضوا بالصوره اللي موديتها لان نفس صوره الجواز بس خلفيه بيضا
ولان طاف عليها اكثر من 6 شهور

امبيه عاد انا مقروده بالصور عمي يقول بالمصور تطلع عليكم ارخص بالسفاره دبل السعر واحنا وايد انا قلت للوالد ابي اصور بسفاره :eh_s(13): ...........

متى سفرتج؟؟؟

19 - 9 يوم الاحد انشاء الله على الكويتيه انتي متى ...

 

[بناتي زينة حياتي]

صباح الخير ,,,,,,,,,,

شلونكم يالغوالي شخباركم ,,,

على الدنيا سلام ,,, شارع أكسفورد كأنج تتمشين بالافنيوز ,,, نفس المحلات لحد يقولج مو نفس البضاعه ,,, نفسها بالضبط اختي رايحه بعطلة الربيع وشاريه من دبنهامز ونزلوهم عقب فتره بالافنيوز وانا خميت لبناتي منه توقعت ما راح احصلهم من كثر ما اقرى البضايع غير ,,, وقبل امس شايفتهم نفسهم وتقريبا نفس الاسعار ماكو فررق ,,, حتى الاكسسوارت محل اكسسواريزز اللي اخذته موجود هنيه بالضبط ,,, واللي اكثر صدمني محل احذية رياضيه له فرع باكسفورد ماني ذاكره اسمه ,, حصلته بالافنيوز نفسسسس البضاعه

روحي ويست فيلد محلاته شوي مميزه لبدل الاطفال ,,, واذا تبين شالات للشتا انواع واشكال روحي شبردبوش ,,,جنب ويست فيلد
البجامات القطن تحصلينهم في بريمارك ,,, وعندهم شغلات حلوه من ملابس اطفال واحذيه ,,
محل ديزني بشارع اكسفورد عندهم ادوات مدرسية ونعال للبيت لليهال وبيجامات على شخصيات ديزني ,,
مجمع جون لويس ركن الأحذيه بتحصلين عنده شغلات حلوه خصوصا للبنات ,,

ما ابي احبطج بس اذا رحتي وشفتي اسواق لندن اللي يقولون بتتذكرين كلامي ,,, ماكو شيء غريب ويسوى

واعيد وازيد اللي يروح لندن يفلها سياحه ووناسه ,, واللي يروح مطعم ask لازم يجرب الباستا لانها شيء خيالي

وتروحين وتردين بالسلامه

 

[كويتيه فدعاا]

رد : تجمع مسافرات لندن في صيف 2010

السلام عليكم ورحم الله وبركاته
اخيراً فعلوني كللللللوووووووووش
بنات انا كنت وياكم من اول صفحه بس ماقدرت اشارك المنتدى مدري شصاير فيه , نكي القديم كلش ما اقدر ادش فيه ولا اشارك فيه
وسجلت بنك ثاني والحين الحين فعلوه
والحين فرحانه حدي بشارك وياكم
البنات كلهم سارونه مرو حضاره الدلال ربوع الحلوه كويتيه ذربه ام العيال ام فهد جوجو miss-british فونا بسمة الم على الدنيا السلام
وكل البنات اللي ماذكرت اسمائهم صج يعطيكم العافيه استفدت منكم
وسوالفكم اتونس
واعتبروني من اليوم وحده منكم وفيكم
مرو _ الحلا كله تروحين وتردين بالسلامه انشاء الله وننطر تقريرج
حضاره _ يعطيج العافيه على تقريرج الحلو
الدلال _ الله يعطيج العافيه عل التقرير الروعه والف الحمد لله على سلامة ولدج ومايشوف شر انشاءالله وعليج بالعافيه مشترواتج الحلوه صج ذوق
ام العيال _عليج بالعافيه كل مشترواتج مشاءالله ذوق روعه
ربوع الحلوه _ الف مبروك على النجاح
كويتيه ذربه _ تروحين وتردين بالسلامه
فونا _وانتي بعد تروحين وتردين بالسلامه
وكل البنات اللي ماذكرت اسمائهم يعذروني ماشاءالله من كثركم نسيت

 

[بناتي زينة حياتي]

صباح الخير ,,,,,,,,,,

شلونكم يالغوالي شخباركم ,,,

على الدنيا سلام ,,, اول شيء اليهال اللي اقل من 5 سنين مايحضرون السفارة ولا لهم بصمة ,,, مجرد صورة شخصية حديثة خلفيتها بيضا ,, ولج انتي بعد صورة ,,,المكان اللي يقعدونج فيه قبال شاشه صغيره ووراج طوفة هذا حق بصمة العين مو يصورونج ,,, ويبصمون الاصابع وبسسس


و شارع أكسفورد كأنج تتمشين بالافنيوز ,,, نفس المحلات لحد يقولج مو نفس البضاعه ,,, نفسها بالضبط اختي رايحه بعطلة الربيع وشاريه من دبنهامز ونزلوهم عقب فتره بالافنيوز وانا خميت لبناتي منه توقعت ما راح احصلهم من كثر ما اقرى البضايع غير ,,, وقبل امس شايفتهم نفسهم وتقريبا نفس الاسعار ماكو فررق ,,, حتى الاكسسوارت محل اكسسواريزز اللي اخذته موجود هنيه بالضبط ,,, واللي اكثر صدمني محل احذية رياضيه له فرع باكسفورد ماني ذاكره اسمه ,, حصلته بالافنيوز نفسسسس البضاعه

روحي ويست فيلد محلاته شوي مميزه لبدل الاطفال ,,, واذا تبين شالات للشتا انواع واشكال روحي شبردبوش ,,,جنب ويست فيلد
البجامات القطن تحصلينهم في بريمارك ,,, وعندهم شغلات حلوه من ملابس اطفال واحذيه ,,
محل ديزني بشارع اكسفورد عندهم ادوات مدرسية ونعال للبيت لليهال وبيجامات على شخصيات ديزني ,,
مجمع جون لويس ركن الأحذيه بتحصلين عنده شغلات حلوه خصوصا للبنات ,,

ما ابي احبطج بس اذا رحتي وشفتي اسواق لندن اللي يقولون بتتذكرين كلامي ,,, ماكو شيء غريب ويسوى

واعيد وازيد اللي يروح لندن يفلها سياحه ووناسه ,, واللي يروح مطعم ask لازم يجرب الباستا لانها شيء خيالي

وتروحين وتردين بالسلامه

 

[بناتي زينة حياتي]

المنتدى يعلللق ,,,,

 

[بناتي زينة حياتي]

حياج الله كويتية فدعااا ,,,, نورتي

على الدنيا ,,, اضفت لج تعليق بردي الثاني مكرر اقريه بخصوص الفيزا

 

[mr000]

السلام لندنيات اشلونكم..(على الدنيا سلام)ترى عادي تقدرين تصورين بأي مصور بره بس قوليله صورة الفيزا البريطانيه..تكون الخلفيه بيضا هذا أهم شي..وإذ تبين تصورين عندهم بالسفاره كيفج..بناتي ..اشلونج شخبارج..شوفي آنا العام بصراحه تجنبت إني اشتري من المحلات اللي أكو منها بالكويت..يعني مادشيت h&m وbhs ومذركير ودبنهامز.. رحت سيلفريجز وهاوس اوف فريزر وجون لويس وفينيك ومحلات ويستفيلد مول وبستر فيليج وشريت من برايتون ومن منطقه بره لندن اسمها كنتربيري ..يعني تلاقين محلات ماكو منها بالكويت..وعندج الجواتي تكرمين أغلب محلاتهم موموجوده بالكويت..وبعدين محلات الرياضه مثلا في برايتون الجواتي نص سعر الكويت..هو كلامج صح أن أغلب محلاتهم موجوده بالكويت..ويمكن الملابس ماتفرق الأسعار وايد بس بالجناط الماركه مثلا آنا شاريه جنطتين أقل من الكويت ب50 و70 دينار كان عليهم سيل هناك وهني يقولي هذي يديده..لا ومتى عقب سنه ..

 

[mr000]

كويتيه فدعا..حبيبتي حياج الله معانا.:ggdw:.بس والله سوووري لاتنطرون تقريري.:ssssso:.لأني ماأعرف أنزل صور مثل البنات..وبنتي بترد وتداوم على طول..ولو أنقز ماراح تطاوعني وتحطلي الصور أو تساعدني بالتقرير:eh_s(14): وماأعتقد هناك راح أصور لأن راح نكون آنا واياها بالسوق :j013: بناتي والله أحسن خل تروح بنتي وتشوف إن كلشي موجود بالكويت آنا أبي السفره تكون استجمام :27d66a9c24b146327bf أبي البراد يكفخني عدل..بس مادري يمكن أغير كلامي هناك :O_SHH_: يعتمد على وضع السوق :jbdwjbd:

 

[كويتيه فدعاا]

رد : تجمع مسافرات لندن في صيف 2010

بناتي زينة حياتي تسلمين ياقلبي
مرو الله يحييج ياقلبي تسلمين وتصدقين انا مثلج بعد كلش كلش لو تذبحيني
ما قدرت انزل صور
انا اقول حق بنت اختي واهي اتضبطني
على الدنيا السلام اخذي وياج صوره عاديه خلفيتها بيضاء احلى من صورتهم
ترى عادي وهم بعد يصورونج بس مايحطون الصوره بالفيزا