احبــكم والله عشان جذي كتبت هالموضوع!!

[ms.al7lwa]

رد : احبــكم والله عشان جذي كتبت هالموضوع!!

هوواي : كلامج عدل حبيبتي انا معاج بكل حرف قلتيهـ ..

 

[Fa6omy]

حبيبــــــتي علــــى الخــــاص


يعنــــي لازم الكــــل يشــــوف قروبنــــا

 

[الصعيريه]

رد : احبــكم والله عشان جذي كتبت هالموضوع!!

الأحسن تنصحينهم عالخااص مو بموضوع

 

[بنت الحساوي]

تسلم ايدج يا كاتبة الموضوع

فعلا لاعت جبدنا من سيرة حليمة آنا ما احبها بس نبي نتكلم بمواضيع ثانية بالحياة مو كله حليمااااااااااااااااااااااا

وعلى قولت البنات حليمة شكلها بتدخل الجنة من كثر ما يتكلمون عنها

 

[miss_q8tya]

رد : احبــكم والله عشان جذي كتبت هالموضوع!!

والله تستاهل فشششلتنا وقعدت الدوول الي يمنا قاامو يعايرونا فيها
ويسبوون بنات الكويت بسبتها
والي تقوول نغاار منها اقوول طيييييييري زين الريايييل اكثر من الحريم ينغثون منها

 

[ToOoTi]

الله يهديها
اٍسات لنفسها ولديرتها
وحتى زوجها وابوها
انا جايني ايميل من قروب خليجي
حاطين صورة ابوها وزوجها تخيلوا شنو كاتين
خرفان العيد !!! والله عورني قلبي عليهم

 

[اليكسا]

تحبينهن أنصحيهن ع الخاص ( بالسر ) و إلا في القروب حقهن

أو نزلي الموضوع من دون ما تحطين روابط و تنبهيـن الناس عليهم

أما آللي سوويتيـه هذا ماهوب نصيحة هذي ( فضيحة ) ,, و البنات ما ينلامون لأن الأخت حليمة بولند زودتها حبتيــن و في الشهر الفضيل

أنـا ما أقول آللي يسوونـه صح بس أقول لكـ ( هذي قوّة ردّة الفعل ) , و فكري زيـن ما طلع منهن مثل هذا الإستنكار إلا لأنهن

مسلمات و ديننا ما فيه وحدة تترقّص ع الشاشة و تغني و لا بعد في رمضان ؟؟ , ديننا دين الستر و الحشمة ,,

:ggdw::ggdw::ggdw::ggdw::ggdw:

 

[shmoo5 2ntha]

رد : احبــكم والله عشان جذي كتبت هالموضوع!!

مو الله يسلمج حليمه فاقعه مرارتهم

إدعولها بالهدايه بدال هالكره

والله يهدي الجميع يارب

 

[> Miss M6ereiah <]

حليمة فشـــــــــلتـــــــــــــــــنا بالاول والاخير راح يقولون الاعلامية الكويتية < هالكلمة مالها قيمة عندكم ولا ترضون يشوفونا نفس ما يشوفون حليمة ؟؟؟؟
لا والله ماراح نسكت وعفية عليج هواي كويتي فديتكم بنات القروب

 

[Flower20]

رد : رد: احبــكم والله عشان جذي كتبت هالموضوع!!

حليمه وحليمه وحليمه

اولا:- انسانه ما حشمت نفسها ولا قدرت عمرها ولا ديرتها والاهم العادات والتقاليد

ثانيأ :_ اي كويتيه تسمح لعمرها تطلع بالحزه اللي ينزل فيها الرحمن لعباده وتقوم تسوي حركات اقول ما ينوصف فيها انها
اغراء.؟!!

ثالثا:_ سمحت لنفسها ان الناس يسولفون فيها هذي كويتيه ولاحد يقول ان كل واحد يشيل نفسه شنو موقف اللي مو كويتيتن اذا شافوها بكل بسااطه بنات الكويت نفسهاا وهذا الوااقع

انا اللي سويت القروؤب ملت من المصخره انا ما اقول يا حليمه اعتزلي وتعدلي بس الحشمه شغله صعبه

وحملتنا تري ولا شي من المله الموجوده علي الفيس بوك

وصل الامر الي ان يمثولون عنهااا

تخيلوؤا

حلقه بطاش ما طاش ان المجونين قاعدين يتابعون حليمه واشكالهم اللي متحطك واللي يصب عرقه واللي فاتح حلقه

هذاا شنوو قولي لي

وليش ما طلعوها بصوره حلوه غير انها اغرااء

لان هي حطت عمرها اغراااء

وبس انا ملكه جمال المذيعات

لا قدرت هـ الشهر الفضيل

ولاقدرت ديرتها المحترمه

ولاقدرت عاداتها وتقاليدها

ولا قدرت اهلها وجماعتها

ولا قدرت هـ الحزه المباركه

ولا قدرت الاهل واللناس الاطفال والبنات والشياب والشبااب بلبسها زكلامها وحركاتها

ولا .. ولأ

ابحافظ عـ البنت الكويتيه انها مو كوؤبي من حليمه

احنا اكبر من دلع ومن حركاتهاا

احنا اللي صج ينقال عنا فخر الكويت

ومعلومه اختي الكريمه اشكرج علي الموضوع بس اذا صج بتنصحين علي الخاص

واحنا صارلنا بالضبط 3 ايام واللي معانا 42 شنو تفسرين هالرقم الكبير

بكلل سهووله "_ غيره بنات الكويت علي ديرتهم وعاداتهم وتقالديهم

قلتي اللي بقلبي:eh_s(7):

 

[جوك احلى جو]

يعني شنو ذنب حليمه انها جميله !!!

والله فشله معقوله الجمال يخلي بعض البنات متعقدين نفسيا @@

ولا بعد برمضان بدال مايدعون لها بالهدايه ينظمون حملات وهل الحمله راح تردع حليمه عن التقديم !!! صج بلاوي الله يهديهم ويعقلهم لان لو يدرون شنو عقوبه الحش العن من القتل

 

[*احلام*الدجى*]

وييييييييه اشفيييكم عالبنت هههههههههههههه اقوولج شي نص بنات المنتدى يغاارووون منهااااا هههههههههههههههههههه والدليل الضجة اللي سوووها بالمنتدى ويغاروون من ميساء بعد هههههههههه يبااااا سوووو رجيييييم وتعلمووا عالدلع منهم احسن من انكم تسبووونهم لانهم احلا واكشخ واذرب منكم هههههههههههههه<<< هالكلام موجه للي يغارون منهم مو الكل طبعا ,,,,,, صرااحه محد ينكر انها جمييله ودلووعه وواايد قلبها طييب بس مصختها شوي .. بس مو لدرجه انهم يسبوونها هالسب حرااااااام شكوو فشلتنا مافشلتنا@@ ههههههههههه انتوا شكوو فييها اهيه انسانه لها عقل وحره بتصرفاتها اللي مو عاجبه يغير القناة وكان الله غفوور رحييم ..

ما بقى الا حليمه انغار منها انا وحده اقول بكل فخر اكرهها وطاااايحه من عيني مو غيره انا احسن منها بمليون مره على الاقل انا اخلاقي ارفع من مستواها واذا على الجمال اخاف بس !!! ليكون طبيعي الله يعافي الدكاتره اللي سنعوها ولا نسينا ما كلينا صورها قبل ما تبين من الزقاديد المتطشره وبعدين يا قلبي انتي مثل ما قلتي انتوا شكو فيها اهيه انسانه لها عقل وحره بتصرفاتها وانتوا شكو بالقروب اهم ناس لهم عقل وحريين بتصرفاتهم .. وشنو ما فشلتنا الا فشلتنا ونزلت راسنا بالقاع يعني بتقنعيني ان بنات الكويت جذي ؟؟ يعني احنا نتمشى بالافنيوز بنفنوف حفله ومكياج عروس وتسريحه و ندلع عسى ما يطيح نصنا وحاشين روحنا بقطن


حبوبه اتمنى انج ما تزعلين من ردي بس صدمتني كلمة يغارون منها وتقبلي وجهة نظري

 

[ڕۆۆحــي ڣــڍااگ]

ترانيم القصيم
>
> اعجبني ردج يا الغلا


هواي كويتي
>
> يمه فديتها بنت الكويت انا

 

[ضايعه بهدنيا]

انا لي ما حبيت برنامج ما اطالعه
بعض البنات يسوون العكس لي ما حبو برنامج ولا شخصيه يتابعونها وينقلون اخبارها اول باول شسالفه :eh_s(12):

 

[توته f]

رد : احبــكم والله عشان جذي كتبت هالموضوع!!

ويع قطيعه على شنو نغار منها من قوقها لي تحتها كله تركيب ويع ويع صوتها قثيثما اشتهي اسمعه ويع عليها

 

[سعودية واضحه]

ادعو لها بالهدايه ومحد يدري ممكن في يوم وليله تهتدي كل شي بيد الله سبحانه ..,,

مشكووووورة على الموضوع الهادف ووحشتيينيييييييييييييييييي مووووووووووووووووووت ..,,

 

[Media]

انا بعد الصراحه استغرب من البنات الي مسوين ضجه على حليمه

شدعوة وبعضهم يقولون مو غيره

شلون مو غيرة وحاطين بتوقيعكم ان جمالها كله صناعي

كانت معاي بالجامعه قبل لا تسوي تجميل تينن اصلا انا بنت وكان يشدني جمالها فاحس السالفه غيره لا اكثر ولا اقل مع احترامي لكم ولوجهات نظركم يمكن مو الكل بس الغالبيه يعني اسمحولي

بعدين شدعوة الحين لا شافت تواقيعكم والا حملتكم راح تغير من اسلوبها وطريقتها

اهي اصلا من طلعت عالتلفزيون وووايد ناس انتقدو اسلوبها وما حبوه ومع ذلك استمرت فيه وزادت ما همها ولا راح يهمها

كلام احد طالما لها معجبين وعاجبها اسلوبها

يا اخي خلو البنت بحالها واذا بتسئ بالدرجه الاولى فلنفسها

ودعو الخلق للخالق حبيباتي ​

 

[miss_q8tya]

رد : رد: احبــكم والله عشان جذي كتبت هالموضوع!!

يعني شنو ذنب حليمه انها جميله !!!

والله فشله معقوله الجمال يخلي بعض البنات متعقدين نفسيا @@

ولا بعد برمضان بدال مايدعون لها بالهدايه ينظمون حملات وهل الحمله راح تردع حليمه عن التقديم !!! صج بلاوي الله يهديهم ويعقلهم لان لو يدرون شنو عقوبه الحش العن من القتل

اي جمال صلي على النبي بس انتي شوفي توقيع العضوه انت جراحي الي فوقج وانتي تعرفين انا شقصد
وبعدين من ياب طاري جمالها على قولتج
القروب اسمه " لا لمصاخه حليمه " مو لا لجمال حليمه
ونتحجى فيه عن حركاتها وغمزاتها ومياعتها جدام الكاميرا الي مفشللللتنا جدام الدوول وللاسف ينقال عنها اعلاميه كويتيه
واهيا اصلا ماتشرف الكويت بحركاتها الي تفشللل
واخر شي اقولج اياه الجمال بدون اخلاق مايسووووى شي
يازين حصه اللوغاني بس ادب ذوق واسلوب وثقل هذي الي تشرررف الكويت

 

[تيوليب]

نغاار منهاا

حبيبتي قولي

نغار من الدكتوره

نغار من المهندسه

نغار من البرفيسوره

نغار من اللي رفعت اسم الكويت

مو من انسانه صارت رمز للأغراء والمياعه

واحنا اكبر من اننا نغاار ببساطه والجمال مو داايم

خلااص جم عمليه وبوتكس واسفنج واصير كوبي لهاا

بس احنا اكبر منها ومن تصرفاتها اللي كلش غير لائقه

ييمكن الخليج يعرفون منو بنات الكويت اللي تربوا علي الحشمه واللي لا يمكن يطلعون بالصوره هذي

بس اللي ورا حدود الخليج هم نفس التفكير

ما أظن

واكرر احنا ما نغار من انساانه اكبر فخر لها ملكه جمال الاعلاميات

صج الشغله مضحكه افتخارها بالجمال دليل انها انسانه سطحيه وتهتم بالمناظر فقط
​

هلا فدييتج .. حبيبتي صح كلامج انا ماادافع عنها .. بس اللي قريته وشفته من بعض بنات المنتدى يدل انهم يغارون منها ترى انا ماعممت .. وصح انا بعد اشووف انها سطحيه وتهم بس بالمظاهر ..:friends:

 

[تيوليب]

ما بقى الا حليمه انغار منها انا وحده اقول بكل فخر اكرهها وطاااايحه من عيني مو غيره انا احسن منها بمليون مره على الاقل انا اخلاقي ارفع من مستواها واذا على الجمال اخاف بس !!! ليكون طبيعي الله يعافي الدكاتره اللي سنعوها ولا نسينا ما كلينا صورها قبل ما تبين من الزقاديد المتطشره وبعدين يا قلبي انتي مثل ما قلتي انتوا شكو فيها اهيه انسانه لها عقل وحره بتصرفاتها وانتوا شكو بالقروب اهم ناس لهم عقل وحريين بتصرفاتهم .. وشنو ما فشلتنا الا فشلتنا ونزلت راسنا بالقاع يعني بتقنعيني ان بنات الكويت جذي ؟؟ يعني احنا نتمشى بالافنيوز بنفنوف حفله ومكياج عروس وتسريحه و ندلع عسى ما يطيح نصنا وحاشين روحنا بقطن


حبوبه اتمنى انج ما تزعلين من ردي بس صدمتني كلمة يغارون منها وتقبلي وجهة نظري

هلا حبيبتي .. انا قلت البعض مو الكل كلامي واااضح فدييتج ووجهة نظرج حلووه وعسل مثلج لان اسلووبج رااقي بالحواار مو مثل غيرج واتمنى غييرج يتعلم منج الاسلووب