Over
ماتحسون ان بناتنا صاروا over من ناحية مظهرهم الخارجي عالرغم ان قبل كانت البنت الكويتية مثال لمفهوم الاناقة
للاسف انتهى هالزمن وهل ممكن يرجع؟
اولا اللبس over
عالرغم من ان الفترة الاخيرة صارت ازيائنا ماركات عالمية اي استايل غربي الا لازلنا انشوف وضع اضافات على انها لمسات بس اهي مو مجرد لمسات وانما امور زائدة عن الحد,,
ليش هالكم الهائل من الالوان المتداخلة والكم الكبير من الشوارفيسكي واللمعة سواء اكسسوارات من تلفون مدالية الاحذية الخواتم الحجاب.......كلهم على بدلة وحدة.
مادري هل هالشي له علاقة بالاناقة من وجهة نظر اللي تلبس بهالطريقة؟
اصلا هالطريقة تضيع جمال اللبس او الاكسسوار,,لان تم التركيز على الكم وان كان النوع جيد. بكويت الحمدالله عايشين بنعة بس ليش النعمة صارت سبب ان انشوف ثريات متحركة بالمجمعات!
واللبس الضيج بضيج من فوق لي تحت,,طبعا سواء كانت غير متحجبة او متحجبة اللحين صاروا سواسية باللبس,,
لو تفتحين مجلات الازياء ركزوا شوي وشوفي هل اللبس الانيق المرتب اللي يسر النظر اهوا اللي يكون كله ضيج بضيج ام يكون متوازن,, الناس اذواق بس هم الفطرة تعتبر تقريبا ثابتة بين البشرية,,
يعني اللي اطلع جسمها وبالاخص اذا كان عندها وزن زايد ترى بهالطريقة اكيد قاعدة تبرزين عيوبج يعني الشغلة مايبيلها وقفة تامل,, وحتى الرشيقة ترى اللبس الضيج يلفت النظر بس مو لان لبسج حلو لا يلفت نظر الشباب بنوع خاص اللي من ورا نظراتهم للبسج او بالاحرى (لجسمج) لهم مغزى اترفع عن ذكره,,
كل واحد حر بس لما اذي غيري اهني انا اتخطيت مفهوم الحرية والتحظر,, اللبس وسيلة غايته الاولى الستر وممكن التجمل,,بس الوضع الحالي عندنا لاهو للستر ولا للتجمل بمفهومه المعقول,,صار اللبس طريقة عشان انقول حق الناس تكفون شوفوني,,مادري هل نقدر نعتبر هالسلوك انعكاس عن عقلية بناتنا؟
البعض يقول: انا اللبس هاللبس حق نفسي مو حق غيري؟
ممكن سؤال:بالبيت هل تلبيسن وتتمكيجين بنفس هالطريقة؟
اذا الجواب لا,
فاذن لبسج ماكان بس حق نفسج وانما حق غيرج ايضا.
بس ليش تبين الغير يشوفج بهالحلة..
تبين اهتمام اللى تظنين يكون من خلال تجميع اكبر عدد ممكن من نظرات الناس عليج..
بس اذا ماحبيتي نفسج ومااهتميتي بنفسج بالطريقة السليمة ماراح تعرفين معنى الحب ولا الاهتتمام الى حصرتيه بزاوية نظرات الناس,,
الاهتمام السليم يكون داخلي بحبج لنفسج وماتظلمين نفسج بالاخطاء.
وبعد ما كل واحد يشوفها ممكن ترضي غرورها,,رضيتي الغرور بس مو الضمير,,بس السالفة ماتنتهي الى حد ارضاء الغرور,,اهي سببت باذيت نفسها كونها نمت وزودت هالغرور بجانب انها اذت غيرها وبالاخص الشباب المراهقين والغير مراهقين على حد سواء,, ابسط شي ان بعد هالنظرة عليج تنتقل لنفسيته وبالتالي ينعكس على سلوكه والاحتمال الوارد سلوك غير سوي,,يعني اهي سلسلة بدت من هاللبس اللي اخترتيه بارادتج؟
لا تستغربون اذا قلت ان اللبس المحتشم نوع من التامين الاجتماعي,,
اذا كنتي متزوجة او عندج ولد على سبيل المثال
ومرت وحدة امام زوجج او ابنج الغالي وشكلها الخارجي بلبسها ومكياجها كان over
هل تتمنين وقتها انها لو كانت محتشمة؟
اذا جوابج نعم.
اعتقد من باب الانصاف والعدل
ان نحب لغيرنا اللي نحبه لنفسنا
فايضا في متزوجات تمنوا انج كنتي محتشمة باعتدال لما مريتي جدام ريلها. لان كنتي سبب في انه يقارنج بينج وبين مرته..وبالتالي ينظر لزوجته على انها اقل من المطلوب. فتصدق الزوجة المسكينة وتبدا سلسلة يديدة الا وهي عمليات التجميل اللي هي في اغلب الاحيان دليل نقص في نظرتها لنفسها.
رحموا الشباب شوي, ومو معقولة تطلبون منهم ما يطالعون وانتي لابسة ذاك اللبس اللي حتى احنا البنات واليهال بعد ما نقدر ونقعد نطالع.فما بالج بالمراهقين!
تحطون الزيت يم النار وما تبون نتائج سلبية.
واللي يقول ان اللبس ماله علاقة بشخصية الانسان,, شخصيا اشوف ان اختيار اللبس يعتبر سلوك يعكس جزء من شخصية هالانسان,,وبالاخص اذا كان بارادته يختار,,
ثانيا المكياج over
شنو سر علاقة الحب بين بناتنا ووجه المهرج؟
الكحل الزايد المحدد مايبرز جمال العين بل العكس تماما يخفي جمال رسمة العين الطبيعية ذات الجمال الرباني, والحواجب الجاينيز او الستايل الشيطاني امور تنقرا من عنوانها بانها مالها علاقة بالاناقة بزمنا,, اما الحمرة مافي مراعاة للمكان يعني صار الوضع جدا عادي ان اندش جمعية ولا مستشفى وانشوف الحمرة الحمرة الفاقعة..ولو ان الحمرة الحمرة لها وقتها وموبس وقتها الا ان بعد يبيلها رسمة شفايف معينة لان هاللون قوي ممكن ان يبرز عيوب الشفايف ومايحليها,,اما الكريم الاساس عادة يتم استخدم اغلى الماركات,,ومع هذا نشوف اختيارات خاطئة بالدرجة والسماكة, يعني المفروض ينحط حق المناسبات قاعدين نشوفه ينحط حق الاستخدام اليومي للكلية او السوق, اما عن مكونات هالمواد اللي تنحط طبعا اغلبنا ما نعرف من شنو تتكون, بس زين ان في البعض يعرف انها مضرة وللاسف مع هذا ما يستغنون عنه.
وكانه فعلا اهوا (الكريم ((الاساس)) في حياة المراة) يعني بدونه ما نقدر نطلع برا البيت او نختار نطلع بدون ويه!
واذا اتحسون كلامي فيه مبالغة القي نظرة على اقرب مجمع عندكم وقعدي عدي عدد المهرجين اللي راح تصادفينهم؟
شنو ممكن يصير لو استبدلنا اللي قاعدين نسويه بشي يكون معقول؟عالاقل عشان ضميرنا.
واذا ماحبينا نغير نمط سيرنا شنو بعد ممكن يصير بالمستقبل مع مظهر البنت الكويتية اللي يوم من الايام بتكون ام ؟
هل من المستحيل اني اكون جميلة بدون ما اكون over
اما التعليقات السطحية اللتي تربط اللبس الوسيع بانه اللبس الخاص بالحوامل او غير مرتب او يخفي جماليات الجسم, اعتقد لو فكرنا فيها بشوي تعمق راح نعرف ان الانسان المستور باللبس المعقول اهوا انعكاس لمدى رفعة هذا البني ادم كونه اختار من اللبس طريقة للستر اللي تسر ومن خلالها يحترم ادميته ويحترم شعور الغير.
اقترح:
بكل بساطة ولو بالتدريج,,
نقدر نصير انيقات ولو نبدي شوي شوي,,يعني من يوم ورايح انتبهي لنوعية اللبس اللي راح تشترينه والمكياج اللي تحطونه اذا ماتقدرين تستغنين عنه,,وحتى المحلات وان كانت عالمية ترى تراعي جميع الفئات,,اللي يبي ضيج يلقى واللي يبي المعقول هم يلقى وكلهم بعد بمحل واحد,,الشي اللي تحسينه يلفت الانظار بطريقة مو حلوة ابتعدوا عنه,,والشي الجامع بين الستر والجمال دللي نفسج واشتريه وبالعافية عليج.
انا اتكلم من بعد ما كنت من فئة الـ over
بس الحمدالله عدلت الامور وكافي ان الواحد مو ضامن عمره ولي متى ااجل فكرة تغيير ستايلي.
اللحين مو متحسفة على شي وعالفكرة انا ماتخلصت من ملابسي القديمة وحتى مكياجي انا محتفظة فيهم والبسهم بس مو جدام عامة الناس لا بس حق زوارات الاهل والمناسبات. وممكن بعضهم تتبرعين فيهم.
تدرون احنا البنات نحب الملابس فصعب انج تتخلين عنهم بسهولة, فعشان جذي ااكد على فكرة التدريج والاهم تكونين مقتنعة باللي قاعدة تسوينه مو عشان ارضي احد بس عشان ارضي ضميري..
وكسري القاعدة اللي اتقول ان اللبس المستور مو جميل او حتى مو على الموضة.
ولج الاختيار تبين الـover ولا الاعتدال؟
وحددي موقفج,,
والدنيا بعدها حلوة
ماتحسون ان بناتنا صاروا over من ناحية مظهرهم الخارجي عالرغم ان قبل كانت البنت الكويتية مثال لمفهوم الاناقة
للاسف انتهى هالزمن وهل ممكن يرجع؟
اولا اللبس over
عالرغم من ان الفترة الاخيرة صارت ازيائنا ماركات عالمية اي استايل غربي الا لازلنا انشوف وضع اضافات على انها لمسات بس اهي مو مجرد لمسات وانما امور زائدة عن الحد,,
ليش هالكم الهائل من الالوان المتداخلة والكم الكبير من الشوارفيسكي واللمعة سواء اكسسوارات من تلفون مدالية الاحذية الخواتم الحجاب.......كلهم على بدلة وحدة.
مادري هل هالشي له علاقة بالاناقة من وجهة نظر اللي تلبس بهالطريقة؟
اصلا هالطريقة تضيع جمال اللبس او الاكسسوار,,لان تم التركيز على الكم وان كان النوع جيد. بكويت الحمدالله عايشين بنعة بس ليش النعمة صارت سبب ان انشوف ثريات متحركة بالمجمعات!
واللبس الضيج بضيج من فوق لي تحت,,طبعا سواء كانت غير متحجبة او متحجبة اللحين صاروا سواسية باللبس,,
لو تفتحين مجلات الازياء ركزوا شوي وشوفي هل اللبس الانيق المرتب اللي يسر النظر اهوا اللي يكون كله ضيج بضيج ام يكون متوازن,, الناس اذواق بس هم الفطرة تعتبر تقريبا ثابتة بين البشرية,,
يعني اللي اطلع جسمها وبالاخص اذا كان عندها وزن زايد ترى بهالطريقة اكيد قاعدة تبرزين عيوبج يعني الشغلة مايبيلها وقفة تامل,, وحتى الرشيقة ترى اللبس الضيج يلفت النظر بس مو لان لبسج حلو لا يلفت نظر الشباب بنوع خاص اللي من ورا نظراتهم للبسج او بالاحرى (لجسمج) لهم مغزى اترفع عن ذكره,,
كل واحد حر بس لما اذي غيري اهني انا اتخطيت مفهوم الحرية والتحظر,, اللبس وسيلة غايته الاولى الستر وممكن التجمل,,بس الوضع الحالي عندنا لاهو للستر ولا للتجمل بمفهومه المعقول,,صار اللبس طريقة عشان انقول حق الناس تكفون شوفوني,,مادري هل نقدر نعتبر هالسلوك انعكاس عن عقلية بناتنا؟
البعض يقول: انا اللبس هاللبس حق نفسي مو حق غيري؟
ممكن سؤال:بالبيت هل تلبيسن وتتمكيجين بنفس هالطريقة؟
اذا الجواب لا,
فاذن لبسج ماكان بس حق نفسج وانما حق غيرج ايضا.
بس ليش تبين الغير يشوفج بهالحلة..
تبين اهتمام اللى تظنين يكون من خلال تجميع اكبر عدد ممكن من نظرات الناس عليج..
بس اذا ماحبيتي نفسج ومااهتميتي بنفسج بالطريقة السليمة ماراح تعرفين معنى الحب ولا الاهتتمام الى حصرتيه بزاوية نظرات الناس,,
الاهتمام السليم يكون داخلي بحبج لنفسج وماتظلمين نفسج بالاخطاء.
وبعد ما كل واحد يشوفها ممكن ترضي غرورها,,رضيتي الغرور بس مو الضمير,,بس السالفة ماتنتهي الى حد ارضاء الغرور,,اهي سببت باذيت نفسها كونها نمت وزودت هالغرور بجانب انها اذت غيرها وبالاخص الشباب المراهقين والغير مراهقين على حد سواء,, ابسط شي ان بعد هالنظرة عليج تنتقل لنفسيته وبالتالي ينعكس على سلوكه والاحتمال الوارد سلوك غير سوي,,يعني اهي سلسلة بدت من هاللبس اللي اخترتيه بارادتج؟
لا تستغربون اذا قلت ان اللبس المحتشم نوع من التامين الاجتماعي,,
اذا كنتي متزوجة او عندج ولد على سبيل المثال
ومرت وحدة امام زوجج او ابنج الغالي وشكلها الخارجي بلبسها ومكياجها كان over
هل تتمنين وقتها انها لو كانت محتشمة؟
اذا جوابج نعم.
اعتقد من باب الانصاف والعدل
ان نحب لغيرنا اللي نحبه لنفسنا
فايضا في متزوجات تمنوا انج كنتي محتشمة باعتدال لما مريتي جدام ريلها. لان كنتي سبب في انه يقارنج بينج وبين مرته..وبالتالي ينظر لزوجته على انها اقل من المطلوب. فتصدق الزوجة المسكينة وتبدا سلسلة يديدة الا وهي عمليات التجميل اللي هي في اغلب الاحيان دليل نقص في نظرتها لنفسها.
رحموا الشباب شوي, ومو معقولة تطلبون منهم ما يطالعون وانتي لابسة ذاك اللبس اللي حتى احنا البنات واليهال بعد ما نقدر ونقعد نطالع.فما بالج بالمراهقين!
تحطون الزيت يم النار وما تبون نتائج سلبية.
واللي يقول ان اللبس ماله علاقة بشخصية الانسان,, شخصيا اشوف ان اختيار اللبس يعتبر سلوك يعكس جزء من شخصية هالانسان,,وبالاخص اذا كان بارادته يختار,,
ثانيا المكياج over
شنو سر علاقة الحب بين بناتنا ووجه المهرج؟
الكحل الزايد المحدد مايبرز جمال العين بل العكس تماما يخفي جمال رسمة العين الطبيعية ذات الجمال الرباني, والحواجب الجاينيز او الستايل الشيطاني امور تنقرا من عنوانها بانها مالها علاقة بالاناقة بزمنا,, اما الحمرة مافي مراعاة للمكان يعني صار الوضع جدا عادي ان اندش جمعية ولا مستشفى وانشوف الحمرة الحمرة الفاقعة..ولو ان الحمرة الحمرة لها وقتها وموبس وقتها الا ان بعد يبيلها رسمة شفايف معينة لان هاللون قوي ممكن ان يبرز عيوب الشفايف ومايحليها,,اما الكريم الاساس عادة يتم استخدم اغلى الماركات,,ومع هذا نشوف اختيارات خاطئة بالدرجة والسماكة, يعني المفروض ينحط حق المناسبات قاعدين نشوفه ينحط حق الاستخدام اليومي للكلية او السوق, اما عن مكونات هالمواد اللي تنحط طبعا اغلبنا ما نعرف من شنو تتكون, بس زين ان في البعض يعرف انها مضرة وللاسف مع هذا ما يستغنون عنه.
وكانه فعلا اهوا (الكريم ((الاساس)) في حياة المراة) يعني بدونه ما نقدر نطلع برا البيت او نختار نطلع بدون ويه!
واذا اتحسون كلامي فيه مبالغة القي نظرة على اقرب مجمع عندكم وقعدي عدي عدد المهرجين اللي راح تصادفينهم؟
شنو ممكن يصير لو استبدلنا اللي قاعدين نسويه بشي يكون معقول؟عالاقل عشان ضميرنا.
واذا ماحبينا نغير نمط سيرنا شنو بعد ممكن يصير بالمستقبل مع مظهر البنت الكويتية اللي يوم من الايام بتكون ام ؟
هل من المستحيل اني اكون جميلة بدون ما اكون over
اما التعليقات السطحية اللتي تربط اللبس الوسيع بانه اللبس الخاص بالحوامل او غير مرتب او يخفي جماليات الجسم, اعتقد لو فكرنا فيها بشوي تعمق راح نعرف ان الانسان المستور باللبس المعقول اهوا انعكاس لمدى رفعة هذا البني ادم كونه اختار من اللبس طريقة للستر اللي تسر ومن خلالها يحترم ادميته ويحترم شعور الغير.
اقترح:
بكل بساطة ولو بالتدريج,,
نقدر نصير انيقات ولو نبدي شوي شوي,,يعني من يوم ورايح انتبهي لنوعية اللبس اللي راح تشترينه والمكياج اللي تحطونه اذا ماتقدرين تستغنين عنه,,وحتى المحلات وان كانت عالمية ترى تراعي جميع الفئات,,اللي يبي ضيج يلقى واللي يبي المعقول هم يلقى وكلهم بعد بمحل واحد,,الشي اللي تحسينه يلفت الانظار بطريقة مو حلوة ابتعدوا عنه,,والشي الجامع بين الستر والجمال دللي نفسج واشتريه وبالعافية عليج.
انا اتكلم من بعد ما كنت من فئة الـ over
بس الحمدالله عدلت الامور وكافي ان الواحد مو ضامن عمره ولي متى ااجل فكرة تغيير ستايلي.
اللحين مو متحسفة على شي وعالفكرة انا ماتخلصت من ملابسي القديمة وحتى مكياجي انا محتفظة فيهم والبسهم بس مو جدام عامة الناس لا بس حق زوارات الاهل والمناسبات. وممكن بعضهم تتبرعين فيهم.
تدرون احنا البنات نحب الملابس فصعب انج تتخلين عنهم بسهولة, فعشان جذي ااكد على فكرة التدريج والاهم تكونين مقتنعة باللي قاعدة تسوينه مو عشان ارضي احد بس عشان ارضي ضميري..
وكسري القاعدة اللي اتقول ان اللبس المستور مو جميل او حتى مو على الموضة.
ولج الاختيار تبين الـover ولا الاعتدال؟
وحددي موقفج,,
والدنيا بعدها حلوة
