ســفرتي الى مــكه المــكرمه والمــدينه الـمنوره بـرمضان 2010

[هنـــد]

السلام عليكم ورحمة الله وبركاته

الحمدالله سافرنا للعمره وزرنا بيت الرسول عليه الصلاة والسلام برمضان

وبصراحه كل سنه اروح للعمره بس هالعمره غير اول شي الأجر غير بس زحمه مو طبيعيه جنى حج تعبنا حيل

قعدنا بمكه المكرمه 4 ايام

وبالمدينه المنوره يوم واحد

عدد الأشخاص 5

السفر عن طريق الخطوط الجويه السعوديه

صور الطيران

اهني الوصول الى مدينة جده ( صورة الطياره واحنا نازلين )



تفطرنا داخل الطياره




مناظر مدينة جده من الطياره






اهني الأقلاع من المدينه المنوره ( شحلات منظر الغيوم )





​

 

[أذوب في عيونها]

تقبل الله

 

[نــوره]

تقبل الله حيإتوو ,

 

[هنـــد]

صور الفنادق

مكه المكرمه : فندق ابراج مكه (الهيلتون )

حجزنا غرفه رباعيه + سرير اضافي









المدينه المنوره : حجزنا لما وصلنا المدينه المنوره وكان يوم الخميس وكل الفنادق زحمه وماكو حجز قاعدنا ساعه نفتر ندور فندق والحمدالله حصلنا شقق فندقيه زينه

 

[هنـــد]

تقبل الله

تقبل الله حيإتوو ,

منا ومنكم صالح الأعمال ان شاء الله

 

[أم@الحلوين]

حمدالله ع السلامه وتقبل الله

 

[mngo67]

علــــــــــــــيكم بألف عافية هنودة
الله يتقبلها منكم بواسع رحمته
والفااااااااااااااال لنا​

 

[miss.39loh]

رد : رد: ســفرتي الى مــكه المــكرمه والمــدينه الـمنوره بـرمضان 2010

تقبل الله منكم ان شاء الله ويعودها عليكم كل سنه وشهر

 

[om...al3ess]

رد: رد : رد: ســفرتي الى مــكه المــكرمه والمــدينه الـمنوره بـرمضان 2010

تقبل الله منج انشالله والله يرزقنا انشالله بعمرة

 

[هنـــد]

صور مكه المكرمه

اهني صور للساعه بس مو واضحه حيل



صور من ساحة الحرم








الصور الي اهني بعد ماخلصت من الصلاه (قيام الليل ) قلت خليني اشوف الكعبه عالساعه 3 جذي ولا مشاءالله تبارك الرحمن وايد ناس يعتمرون











اهني صورة لكم من فوق بعد ماخلصنا صلاة الفجر وطالعين شوفو الزحمه بساحة الحرم



اهني صور داخل الحرم على صلاة المغرب





اهني صورت عالصبح جذي يوم الخميس قبل لا اسافر المدينه المنوره







ملاحظه : بالنسبه للصلاه داخل الحرم صعبه حيل لان مشاءالله بعض الدول العربيه ينامون داخل الحرم وحاجزين الاماكن كلها يعني لو اروح قبل الصلاه بساعه او نص ساعه هم ماكو مكان وخاصه صلاة المغرب وصلاة التراويح والله ساعات اصلي بالفندق نفسه لان ينقلون الصلاه مباشره

 

[هنـــد]

المدينه المنوره

طبعا ماقعدنا فيها غير يوم واحد بس

واهني صور للمسجد النبوي







بعد ماصلينا الفجر سألنا متى زيارة قبر الرسول صلى الله عليه وسلم قالو بعد صلاة الفجر وهاذي ثاني زياره لي للمدينه المنوره المره الاولى ماقدرت اشوف قبر الرسول صلى الله عليه وسلم ولا الروضه وهالمره قررت اني ازورهم المهم قالو الساعه 7 قعدت انطر قريت قرأن وصليت ركعتين الشروق وما اطالع الا موظفات الحرم ماسكين يافطه كل يافطه مكتوب عليها دول معينه يافطه دول الخليج ويافطه دولة مصر وسودان ويافطة دول المغرب الخ انا استغربت بس سكت المهم اشوي ولا يدخلون دولة مصر صار صراخ يخرع انا خفت واختي اتقول اخاف اليوم يوم الحساب لوول

المهم بعدها دشينا احنا دول الخليج احنا الوحيدين المرتبين المهم طبعا زحمه حيل والدوله الي قبلنا قعدوو بالروضه مايبون يطلعون وقعدت ساعتين بس عشان ادش المهم دشينا واخيرا ومن الزحمه ماحد يقدر يصلي بالروضه بس قدرت انا واختي انصلي ركعتين الحمدالله لان كانت في وحده ورانا ماسكه الموجودين بعدها بغينا نطلع وصار تدافع حيل قوي واللي تبجي وتصارخ داخل الروضه والي صاعده فوق السور عشان تشوف قبر الرسول عليه الصلاة والسلام فاشفت مناظر بالأحلام ماشوفها علأقل احترام المكان اللي اهما فيه

عشان جذي مقسمين الدول ولا جان صار حرب داخل

المهم واحنا طالعين ولا يصير تدافع قوي حيل انا خفت ولا وحده من الموظفات داخل الحرم اسحبتني تقولي والله الحين يذبحونج لوول

وقدرت اصور لكم مسجد الرسول صلى الله عليه وسلم



ملاحظه : بيت الرسول صلى الله عليه وسلم شي مو طبيعي لما تدشينه تحسين انج بعالم ثاني وقشعريره وقررت ان شاء الله السنه الجايه اذا بروح مكه راح ازور المدينه واقعد فيها عالأقل يومين

 

[هنـــد]

حمدالله ع السلامه وتقبل الله

علــــــــــــــيكم بألف عافية هنودة
الله يتقبلها منكم بواسع رحمته
والفااااااااااااااال لنا​

الله يسلمكم

وحياكم الله

 

[هنـــد]

تقبل الله منكم ان شاء الله ويعودها عليكم كل سنه وشهر

تقبل الله منج انشالله والله يرزقنا انشالله بعمرة

تسلمووون

وحياكم الله

 

[& مــشــايــخ &]

تقبل الله منج

ومنتظرين باجي التقرير

 

[3rosa]

ما شاء الله


تقبل الله ...


والف الحمد الله على سلامه .


:33_1185028183:

 

[أم سلوم الحلو]

مشالله عليكم بالعافيه والله يتقبل منكم يارب

 

[لحظة شوق]

حمدلله على سلامتكم

وعمرة مقبوله يارب

انا قبل رمضان رحت العمرة بغيت ارد بكفني

كان وقتها امبطلين المجال للجاليات الاسيويه

تخيلي صار زحمه وتدافع انا صرت بينهم وماشوف شي

يمة يالمنظر

 

[cutye]

مـــاشاءاللــه تبـــارك الرحمـــــــن
الحمـــدلله علـــى سلامتــــكم وتقبــــــل الله منكم
وعمــــرة مقبــــوله إن شــــــاءالله

 

[محلبية]

تقبل الله طاعتكم

 

[لمسة اناقه]

الله يتقبل منج
مشالله تشرح الصدر الصور