ريوووووقــ الدوامـــــ

[الماسه الفضية]

والله أنا هالسنه مرااااااح ادخل مع اي احد في الريوق راح اسوي رجيم قاسي

فاااااااااا هاللله الله على الشابورررررررررررررررررررررره

 

[عهود الحب]

رد : رد: ريوووووقــ الدوامـــــ

الاحسن انج تاخذين روقج من البيت وتاكلينه بالدوام ..
واي احد يسالج قولي ريجيم

انا هذا الي انا اسويه
مو ريجيم وبس
الا حياة و صحة
اكل المدرسات مطاعم وانا ضد شي اسمه مطعم

أنا بديت في الشهر الفضيل تخفيف الأكل وناوية ان شاء الله

بس طبعا لازم أحط بالقطية ،ما فيني كل يوم دلة شاي وشكر وخرابيط .. هذي منها

بالنسبة لأكلي بكون مكون من
تمر

لبن وروب اكتفيا ،، وفعلا خفت كرشتي واحساس بشبع من وراه يعني بس تمر ولبن اقوم وانا شبعانة اتقولين ماكله غوزي

سلطة بدون صلصات

والتركيز على السلطة الخضره
وطبعا ابتعد عن الأجبان ولو كانت قليلة الدسم لأنها تعبت معدتي ..

هذا ريوقي وبس

ماشاء الله عليج ام علاوي
انا روب اكتيفيا واللبن ماله يتفخ بطني مادري ليش مع انه بالدعاية يخفف البطن والكرش
انتي شايفه انه فعلا زين للمعدة ؟ :eh_s(2):
و بالنسبة للسلطة هل تقطعينها بالبيت ولا تقطعينها بالدوام ؟ و شلون طريقتج بالمحافظة على طراوتها وطزاجتها < :eh_s(4):
الاجبان انا اقللهم بس يا ليت اذا عندج شي ثاني غير الجبن تذكرينه
ومشكووورة
مشكورة عالرد​

 

[عهود الحب]

رد : رد: ريوووووقــ الدوامـــــ

انا مرات حتى الجاي ما افضى اشربه

يعني انتي مثل حالاتي بعض الاحيان خصوصا بأيام الضغط والكراف

وهذا اللي مفكره فيه هالسنه :nbptr:

وصج نسيت اقوولج اذا تحبين الحلو نفسي عليج بروب اكتيفيا اللي معاه فاكهه مثل المنجا ولا الفراوله يهبل

طيب انا روب اكتيفيا يتفخ بطني ويلعب بحسبتي لعب
اخاف بس انا الي اعاني منه
بجربه افا عليج بس من وين شاريته انا ما اشوف الا نوع العادي

والله صج ملينا من المطاعم استغفر الله

يا بايت ولا مذوي ولا بارد ولا متروس ويقطر دهن

ولا شعره ولا حشره وييييييييييييييييييييييييييع

وكله في بطونا الله يزيد النعمه

بقلدج عهود ان شاءالله ..

عندج بالجمعيه سلطات امريكانا او توست امريكانا

كورنفلكس

هم فكرة الروب حلووه

زلابيا طلعتي مثلي من اعداء المطاعم خصوصا مطاعم الريوقات والفطاير

وصاجة كله النظافة لج عليها ولا عامل بالمطعم ومريض انا شنو يضمني !

انا كنت استخدم سلطات امريكانا وتوستاتهم بس شوي تشبعت احس
يمكن ارجع لهم كنوع من التغيير

و الكورن فليكس الي مال الرشاقة حلو

هم افكارج انتي حلوة وناطرين تطبيقج ومتابعتج

مشكورة زلابيا ​

 

[أوكسجين]

اخ على ريوق مامتنه الا اهو
ريوقج وايد حلو تقدرين تضيفين كورن فليكس فتنس وحليب
وبعد لبنه الصغار مع التوست وحطي عليها زعتر
انا اذا مرات بغير اخذ بسكوت بيتي بور مع جاي وحليب
واذا شفت شي يديد برد لموضوعج واقولج

 

[عهود الحب]

رد : رد: ريوووووقــ الدوامـــــ

ريوقنا

شغل ايدنا مو من المطاعم

ريوقكم يهبل ام طلال

هذا مو ريوق هذا دمار للرشاقة ولا عزاء للريجيم :eh_s(2):

حرام عليج احس ببجي :lkmnkl:

بالعااااااافية يارب على قلوبكم

شوفي قلبي ريوقنا بالدوام
اكيد يوميا سلطه + جبن + شاي او قهوه + توست اسمر او خبز عادي للي تحب
يوم ناكل بيض مخلوط بجبن و يوم ناكل فول و يوم ناكل لبنه و زعتر


عاد اجتهادات الابلات يسوون لنا حمسات و لا شوربات
وين و وين
و ما نطلب مطعم الا باخر الشهر او خر السنه



عاد القطيه
كل شهر على وحده تروح
و كل وحده تقول الي تحبه و تبيه
و انييبه

اذا كلش اشتهيت شي
عطيت الفراشه فلوس مرت الفرع و يابته لي



انتي وضحي من الاول
ان صحتج مو ذاك الزود و محتاجه حميه معينه
و شددي على طلباتج من الجمعيه

انا صحتي زي البومب بس ما اتحمل الأكل الي ما اثق بمصدره
ولا اتحمل اشوف طلبيات مطاعم من صباح الله خير
يموتني الوسواس
والجمعية انا اشتري منها لأنه البعض ماهو مكلوف يتعب وهو يحوس بالجمعية يدور الاشياء الي احبها
وخصوصا اكل الدايت وبعدين يقولون انه اكل الدايت غالي ولازم مع الوقت احط دبل

اوكي طريقتكم حلوة بس انا مشكلتي اوسوس وبطني يحوشه مغص لما تصكني الوساوس

و بعدين طريقة زميلاتي عايشين عالبركة و الريجيم كلش مو مهم
انا ما اقدر جذي

ومشكورة عالرد الحلو مثلج

حتى انا قاااااعده افكر بهالشي مابي اقط معاهم مو لاني جعصه بالعكس مافيني هالصفه كلللللش بس لاني ما احب الريووووق كلللللللش وبنفس الوقت مابي اكل عشان ما امتن انا احب اشرب نسكافيه وبس هذا اللي متعوه عليه ومابي امتن

واستحي اقولهم مابي اقط معاكم

شحقه تستحين كلمتن تستحي منها بدها
مافيها حيا والله عادي هذا من حقج ومحد يحرجج
ولا تسمحين لأحد يحرجج وتجاملين لاعادي مافيها زعل

بس ترى على فكرة اهم وجبه باليوم وجبة الفطور
اهم وجبة و الي يتركها ما يقدر يكمل باجي اليوم صح لأنه بيحوشه كسل وخمول

ومشكورة عالرد الحلو يا حلوة​

 

[عهود الحب]

رد : ريوووووقــ الدوامـــــ

اي والله حتى انا زهقت من اكل الدوااام مطاعم وفطاير وحلو واكل دسم دسم حيييل

انا توني متوظفه وقبل ماكنت اتريق الا قهوه او نسكافيه وفجأة بلعه ودسمه بعد تلخبطت معدتي كل يوم والثاني بطني يعورني


ابي شي صحي وخفيف مثلج

الله يعينا وبس

خلاص بندور مع بعض عالخفيف والصحي
و البنات ما يقصرون
بس ترى غلط بس نسكافيه بروحه اكلي عالاقل تمر معاه او بسكوت
موزين للقلب
ومشكورة

اخذي سلطات من دايت كير موجود بالجمعيه

بالنسبة لي ابلة روضة يا دووب نشرب عصير مافي وقت

انا اخذ ككاو معاي ادمان لووول

اي جمعية الي تبيع سلطات دايت كير
انا اسوي سلطاتي بيدي افضل بنظري بس ماعليه منكم نستفيد
لا تقدرين تاكلين حتى اذا مافي وقت
انا اجيب كرواسانتي معاي وعصيري للفرصة او للمطعم حسب الجدول
اما الكاكاو انصحج بكاكاو الريجيم

ولو انه انا لي شهر مو ماكله كاكاو شكلي نسيت طعمه :/
مشكورة ليلاس تحياتي للوالدة

أحنا نظامنا شغل بيت مسوين جدول وموزع الشغل أحسن من أكل المطاعم الله يديم النعمه

وهم الوحده ما تحب تاكل برووحها أسم الله :/



أقتراحاتي لج سويلج كل يوم طبق سلطه
توست حشيه على مزاجج وبالشوايه
بالحافظه شوية شوربة عدس مثلا << تذكري أيام الطفوله ريوق الروضه ههههههههههههههه
نوعي بالعصاير الطبيعيه
بساكيت وسوالف خفيفه مع الجاي أو الكوفي

وأنتي بعد مشاء الله حاطه كل الخيارات ما لقيت شي أزيده

نظام شغل البيوت مو دايمن تضمنين مرة تصيب ومرة تخيب
يعني بنكون تحت رحمة خدم البيوت ؟ هم ما اثق !!
و الأكل أأكل مع زميلاتي بغرفة المعلمات شحقه بروحي الطاولة تشرح الصدر

بعد عمري شحقه اتذكر ايام الطفولة

انا ابلة روضة يعني نشوف العدس بالشتا وجها لوجه ههههههههه

اي ابي ابي افكار بعد طمعانين بكرمج حبيبتي :friends:​

 

[عهود الحب]

رد : رد: ريوووووقــ الدوامـــــ

أحنا مسوين قطيه وماسكتها وحده مصريه
شرينا ثلاجه صغيره وكل وحده تقط خمس دنانير بس في الشهر
وماشاء الله عليها كل أسبوع تعبي الثلاجه
زيتون ومخللات وأجبان ومربى ومرتدلا وزعتر ولبنه وزيت زيتون
والخبز فرش كل يوم تجيبه معاها الصبح من المخبز
وعدة القهوه والشاهي موجوده في القسم
وبالنسبه للحلى كل يوم على وحده
وسلامتكم

ثلاجة في وكبيرة و يقطون عشرة ومرات اكثر
انا ما احس هالطريقة صحية لأنه مافي تحديد للكميات
و الخبز الايراني عدو الرشاقة اكرهه انا :bbbiu:
بس مشكووورة حبيبتي

انا طول عمري بالتدريس اييب ريوقي معي

ايام توست اسمر مع جبن وعصير كيدي دي اناناس واخذ على الساعة 11 بسكوتة اولبن

ساعات شابورة مع جبن
بيض اومليت مع حبة فاكهة


بس اخر سنتين قمت اجامل علشان لا احد يقول عني بخيلة بس صار على حساب صحتي طشت حيل ومتنت
وانا من نوعي اذا اول نهاري خربته بالاكل خلاص يومي كله يخرب



علشان جذيه خلااااااااااااااااص من اليوم ورايح ماكو حطة ولا في ريوق بس كافي

انا من نوعي احب البس والمتن يازمني

ويييييييه تعبنا يا الرسامة نجامل

ليش خربتيها على تالي العمر ها :bbbiu:

وفعلا اول النهار اذا اخترب لاتخربين تاليته ديربالج
انا يبطون جبدي الي يقولون احنا بس نتريق ! وغدا و عشا ما ناكل
ليش بالله معقولة هالكلام عاد

نبي نلبس ونبي نحافظ عالوزن

مشكورة عالرد الحلو يا رسامتنا :eh_s(18):

يا حليلكم ذكرتوني بالدووام

خاصه الصور

::

انا الصرراحه احب الكورن فليكس

بس يا كثر ما جاملت ووو وانتفخ بطني من المطااعم

اي احنا متى نسينا الدوام عشان نتذكره :eh_s(2): ورانا ورانا

خلاص بطلي من هالمجاملات ما وراها الا الكروش

مشكورة عالطلة الحلوة:eh_s(21):​

 

[الدلال]

عهووده اذا انتي تعانين من القولون ترى اكتيفيا يتفخ القولون بزياده, انا اعاني من هالشي بس بصراحه احبه ما اقدر اقطعه وايد

ورووب اكتيفيا بالفواكهه تلاقينه بالجمعيات صوب الرووب, انا دووم اخذه من جمعيتنا او كارفور, بصراحه حلووو ولذيذ

والله مرات يمر اليوم ما اشرب غير الماي من الكراف واللويه, والريوق مانقرب صووبه

 

[**مناير**]

انا لما كنت مسويه رجيم اخذ معاي ريوقي للدوام وكان عباره عن شابوره ونسكافيه وبسسسسس
وبصراحه كنت مستمتع فيه حتى البنات قاموا ياكلون نفسي ونزلت حيل
بس بالعطله و آآآآآآآآآآآآه من العطله زاد وزني
والحين بإذن الله برد عالرجيم بس ناويه عالكورن فليكس الدايت طايحه فيه هاليومين بتريقه بالدوام كل يوم
عيبي ما احب انوع مالي خلق احب ريوقي كل يوم نفس الشي

انتي ما ذكرتي الكورن فليكس حاولي تغيرين فيه على يوم والجمعيه مليانه منه اشكال و الوان حق الدايت

 

[قـہۈه فـرنسيـہ™]

عهوود شكلج بووتمبه

أنا عآآدي مافكر بالريووق ...شدعوه عليج 4 تمرات باليوم ...

لازم 7 تمرات الصبح طبعا هذي قبل الفطوور مقدمات بس ...

والريووق عاادي آآكل من الموجود مافكر برجيم ...بس ما أكل ليما انغث ولا أقعد جووعانه ...

 

[عهود الحب]

رد : رد: ريوووووقــ الدوامـــــ

وعليكم السلام

وكل عام وانتم بخير يا ابلات


انا ما تفخني الا ريوق المدرسه

حنا قليل نطلب مطعم بس مسوين جدول كل يوم وحده عليها الريوق تسويه في بيتها وتجيبه لنا

حمسات سلطات فول وما الي ذلك

ونقط للثلاجه ماي وعصير و صحون بلاستيك

بالاول التزمت معاهم بعدين خلاص فرشت عدل

صرت اجيب معاي ساندويتش انوع بحشواته وعصيري من البيت وانسحبت منهم

وبسكوت اوميغا3 كوجبه خفيفه

بس يوميا لدوام مطاره الجاي والقهوه اخذها للكل ومن فتره لي فتره اجيب طبق سلطه تكون الصلصله دايت

و اشتري كراتين ماي وعصاير لان فشله انا ما اقط معاهم

وعلى قولتج اذا مليت اكو ساندويتش بمركز سلطان مال دايت كير اطرش الدريول يجيبلي

او اسوي طبق سلطه صحيه اوديه معاي او حمسه خفيفه بزيت الزيتون

بس اعرف وحده ما شاء الله ضعفت

مع انها تاكل بس تقول صرت اكل كل شي بالقفشه قطعت الحلو والخبز والصمون والتوست

لبنه جبن حمسه بيض فول

كله تاكله بالقفشه

وبس انا حدي جعت بروح اسويلي ساندويتش لوووووووول

وينه بسكوت الاميغا3 انا اسمع فيه ولا عمري صادفته بالجمعية عاد جمعيتنا انا مسميتها الفقيرة

والله طريقتج حلوة وذربة مثلج

بس وين بمركز سلطان سلطات دايت كير انا كله اتسوق هناك بس ما لاحظتهم

والماي والعصير روتين يومي وزين تسوين تشترين كراتين

طريقة رفيجتج جربتها فترة فعلا تضعف بس غلط

لابد من النشويات يوميا انا ابي جسمي ما يفقد شي من الاحتيااجات الطبيعة

و2 توست الصبح مافيها شي بالعكس احتياج طبيعي خصوصا انه احنا ما نقعد نشتغل ونتعب

ناطرة ردج وناطرة بعد سلطاتج واكيد بكون شاكرة لج مليون مرة يالغالية :nbptr:

عليج بالعافيه

الله يعااااااافيج يا لوتس حياج :eh_s(17):

هلا عهود حياتي
يا زينج ويا زيـن وجبـاتج ..


بصراحـه احنا ما عندنـا قطيـه
بصراحه قبل سنتيـن صارت سالفه بين البنات ..
وخلاص ما حبيت سالفتهـم ..

ومن سنتيـــــن ..
صرت اخذ معاي .. أغراضي .. أحسن لي ..

بس هالسنـه ..
ناويـه ما اخرب الدايت تبعي ..:n2006107:

فـ ناويـه أخذ معاي ..

روووعه .. و 60 سعره حراريـه بس ..

شاي أخضر بالنعناع

وبسكوت دايت عشان اذا جعت أخذ لي جم حبـه ..:cxxxp:




وريوقي اخذ يوميا من اليبت ..
توست أسمر مع جبنـه سلايت دايـت .. أو خبر اسمر مع بيضـه مفيوحـه
أو وحده من السندويشات الجاهزة من دايت كير أو من أمريكانا ..



هذا اذا كليتـه أصلا ..

عاد عهود تدريـن ..
مرات أرد البيت ريوقي معاي ما كليت منه حبـه ..
من كثر ما أكون مشغولـه ما عندي وقـت .. أو أنسى اني أكل أصلا ..




وعام دراسي ناجـح للجميـع يارب :hjy5jewf:

حلوى و رهش نيك نيمج يهبل غير صالح يذكرني بطفولتي لما كنا ناكل ومحد يطق ايدنا ويقول بح خلاص :eh_s(16):

تصدقين فعلا مشاكل الريوق تطفر وتكره مرات بالنعمة استغفر الله


المشروب الي حاطته تخيلي عمري ما فكرت اشتريه

كله حاطة ببالي طعمه شكر وكاكاو

شلون طعمه وشكلي بشتريه للتجربة وان ماعجبني احوله لبناتي

البسكوت يهبل بدوره


اما سالفتج فأانا تصير معاي مرات انه مايكون لي خلق مرات وما اتريق
وارد البيت اغراضي هي هي ولا بطلتها


وخدامتي تعصب علي مادري شيزعلها الظاهر تبيني احلل فلوس التوسته والحليبه


مشكورة حبيبتي وناطرين اضافاتج الحلوة مثلج :s142:

حياج اي وقت :nbptr:​

 

[عهود الحب]

رد : ريوووووقــ الدوامـــــ

امبيه جعت لووول

احنا نقط قطية ونشتري اغراض للريوق وكل يوم على وحدة اتجهزه

ريوقنا كل يوم نفس الشيء نادرا نغير الا اذا جبنا شيء من البيت

نسوي سلطة يونانية بسيطة
معاها صحون لبنة ومربى وزعتر وشاي او حليب او عصير على حسب كل وحدة واللي تشتهيه معدتها

في وجبات خفيفة خلال الدوام من شيبس وكاكاو وعصيرات
بس انا اكتفي بالعصير ومع هذا وزني يزيد ولا ينزل

اعذريني انا حاطته عشان نشبع مو نجوع :eh_s(2):

مثل شنو ريوقكم الي تجهزونه يوميا

السلطة اليونانية مرات اسويها فريش ومرات اشتريها من امريكانا جاهزة بس نادرا ً أحصلها كله مخلصه

ليش وزنج يزيد ؟ شوفي الخلل وين وغيري طريقة اكلج

مشكورة حبيبتي عالاطلالة الحلوة :eh_s(21):

واااااي بنااات دستوو على الجرح

امبيييه انا الكورس اللي فات ميداني

والروضه اللي انا فيها ريووقهم اجرااام

كل اسبوعين على وحده وكل يوم مسأعه فوول بالزييت بيض وحلوووم حمسة بيديااان تننننق زيييت

وشنوووو الادهى والامررر؟؟؟؟؟؟؟؟ خ ب ز ا ي ر ا ن ي خبز اييراااااني امبييييه شي يتفخ مثل البمب

بنات ماخلص الكووورس الا وانا زايده اذا 6 كيلوو شويه
بدلاتي صكت عليي

وقمت احاتي من الحيين الوظيفه بعد جم اسبووع وفشله يديده ومايعرفوني وما احط
عاد قلت اذا جذي احط معاهم اقولهم انا رجيم بس حق الماي والجاي والعصاير

وانا اجيب معاي ريووقي

بس اخاااف اقط واكل معاهم لاني ما استحي حالي من حالهم قااطه
ههههههههههههههههههههههه
وودي ما اقط علشاان استحي على ويهي وما اقرب من اكلهم
بس فشله مو حلووه نظرت الناس حق اللي ماتقط معاهم

محتااااااااره

ستة كيلو بكورس واحد الله يهدااااااااج لا لا وقفي ستوب :23_asmilies-com:

نصيحة انحااااااشي من اولها الوضع متعب وصعب معاج

الخبز الايراني فاقدته واحشني بس لأ لأ مو الحين مو وقته

خ نقول مرة بالشهر نص خبزة ايرانية ديربالج ترى يحطون فيه خميرة

والله لا فشلة ولاشي الفشلة لما تلاقين عداد الميزان يمشي ويضرب بالعلالي والسبة كلمة فشلة

حيااااااج الله :friends:

وعليكم آلسسلآإم ورحمة آلله وبركآتهوو هوو هوو < تقلد آلطآلبآت :d

من نآحية آلريوق آنآ هم نفسج آقط ولآ آكل معآهم حصتي كآملة آخذ شي بسيييييط

مآحب سوآلف آلمطآعم

كل يوم مطعم بس آلمطعم مرتين بِ آلشهر تغيير ذبحتنآآ عيشتهم

آنآ من رآآيي تجتمعون وكل وحدة تقول شنو تحب تآكل وتكتب بِ ورقة وتجيلون لـ آلقسم

حسآفة آقترآحي مآصآر آلآ على نهآية آلسنة

بعد مآقمت آجيب لي توست وجبت توستري معآي وحطيتهم بِ آلثلآجة آللي مآدري ليش حآطينهآ بس حق آلمآي وآلعصير !

لييييييش مآتآكلين معآنآ قلت معدتي تعبت من آكل آلمطآعم ومستحية منكم آقولكم مآبي مطعم وآنتم حآبين جذي

آثآريهم مآلهم خلق يرتبون آلطآولة

مآلومهم وآلله كل وحدة نصآبهآ هـ آلقد ومنآوبآت مآيمدينآ نآكل

عزت علي حآلتنآ بعد 3 آيآم

صعبة مطيرية تتحكمين بالعالم وتمشينهم على طريقة الريجيم

لأنه في ناس تحب المطاعم مقطوط سرها بالمطاعم

و في ناس تحب اكل معين مثل الحمسات

فصعب صعب


اول التغيير انه الواحد يغير نفسه وبس بقعد اعدل الناس محد يتبع احد

ومافي وقت :/

انا اكثر شي يغثني الطاولة لما تكون حوسة ومافيها ترتيب ولا نظافة وكأن الي تريق اطفال مو أبلات كبار

مشكورة مطيرية عالرد الحلو حبيبتي

:edbf4317b9:​

 

[عهود الحب]

رد : ريوووووقــ الدوامـــــ

يعطيكم العافيه يا قلبي
انا قسمي ما يحطون حطه لانهم ما يتيمعون على الريوق
كل وحده تبي شي اتييبه تاكله
بس انا اكل صمونه و اشرب كبتشينو وعلى الساعهى 12 احلي بكاكاو وبس

صاجة احيانا ما نشوف بعض واذا ريوق جماعي تصير حوسة عالطاولة والاكل مو مغطى
مادري

طريقتج حلوة

عليج بالعافية


:edbf4317b9:

جبتيها عالجرح ,,, أنا طفارتي أكل المطاعم والفطاير ,,, كل مره ينبح صوتي وانا اوقول ياجماعه خلونا نقطع المطاعم تنفخنا ونرد البيت والاكل للحين بالمعده رغم الحركه اللي بالمدرسة ,,, حتى العام ايام انفلونزا الخنازير قالوا خلاص تم مانبي نطلب ,,,
الله وكيلج يومين بس والثالث طالبين مطعم ,,,<<< ماكو فايده ,,,
بس إحنا نجيب للثلاجة أجبان وقيمر وهالسوالف بس مو وايد وإلي يبي يحط
بس تعرفين مرات يادوب تلحقين تريقين خاصة اذا وراج حصص ورى بعض فتاكلين الموجود عالسريع

لااااااا حالتكم مستعصية

نصيحة وقفي من اكل المطاعم واذا ريوقج انتي مجهزته من البيت

تقدرين تاكلينه عالسريع أحسن من الصمون والفطاير والخرابيط هذي


ناطرينج مرة ثانية اذا طبقتي وسويتي ريوقج على طريقة جديدة

حياج حبيبتي:eh_s(17):

انا كل يوم اخذ جنطة الاكل (للحين بالروضة ) واحط فيها شاي لخضر بمرامية -علبة السلطة الخضرا- بيضة -او جبنة سلفايد -توستة سمرة- حايب خال الدسم-عصير انناس-او اكتفي بشابورة الرجيم .
وهم ما ينزل الوزن ثابت وصامد .

ليش ما ينزل وزنج اكيد في خلل يمكن بالبيت تخربطين او يمكن مافي حركة

و لا يمكن يبيلج تكسرين الريجيم بتغييره عشان ينزل الوزن

انا مرة شفت على برنامج نصيحة انه عشان تكسرين ثبات الوزن مومشكلة تاكلين طبق نشويات بس مو تثقلين

و بجذي المعدة يختلف عليها الوضع و تخدعينها وتحرق كالوريات اكثر بس طبعا لازم رياضة

خوش ريوق ريوقج

:edbf4317b9:​

 

[عهود الحب]

رد : رد: ريوووووقــ الدوامـــــ

شنو نتفق نطلب معاهم معاهم

عليكم بالعافية

الله يقوم اختج بالسلامة يارب

لها وحشة

بلغيها السلام :klhfl:

وعليكم السلام والرحمه

عيدج مبارك يالحبيبه

خوش موضوع

احنا كنا نسوي جدوول كل يوم على وحده تسنع السفرة من جبن لمكدوس هالخفايف بس الكورس الثاني خربناها يوميا مطاعم مللللللللليت من الفطاير والحلووم والمشكل

شكلي بغصبهم نرجع نفس قبل اخف لنا

هلا حبيبتي ايامج سعيدة يارب

الجدول حلو بس مكدوس لألألألألألألألأ الا هالمكدوس متروس دهن من صجج :/

ارجعوا نفس أول وخلوا المطعم بوقت الزنقات بس :dddds: ولو اني ما أأيييده كلش

بس مرات تنجبرين اذا انتي معاهم

حياج الله:68_asmilies-com:

والله انا ما اكل وياهم بس ساعات يعزموني القطلي جم لقمه ولا ما اقعد وياهم صراحه نبي ننزل صراحه الدوام يتفخ

عليج بالعافية

و صدقتي فعلا الدوام واكله يتفخ لأنه مع السوالف ما تحسين بروحج

ومشكورة عالمرور الحلو :klhfl:

ان شاء الله ما يطبقون اطالة الدوام قولي آمين :gathering:​

 

[عهود الحب]

رد : رد: ريوووووقــ الدوامـــــ

عن نفسي هالسنة بغير


الحين صيام قضى وشوال الله يقدرنا عليه


بعدها ماراح اكل شي من الدوام

ملينا من الاكل

مطارتي بتكون معاي وشايي وحليبي واكلي بيكون سلطتي وتوست

واذا جعت بيكون معاي شي زايد جبن مرتديلا

اي شي

والله يقدرني واوريكم اياه بالصور


.

بالمدرسة بس بللللللللللللللع في بلع

حتى لو ريجيم تاكلين غصب


الحمدلله على النعمة

اللهم لك الحمد

بس احنا ما نبي نبلع احنا مو عايشين عشان ناكل

احنا ناكل عشان نعيش :eh_s(2):

الله يتقبل طاعتج وناطرين الصور حبيبتي

وما قصرتي يالغالية :eh_s(21):

والله أنا هالسنه مرااااااح ادخل مع اي احد في الريوق راح اسوي رجيم قاسي

فاااااااااا هاللله الله على الشابورررررررررررررررررررررره

غرامي انا الشابورة مسمتها فك الأزمات

بس ديربالج نوع عن نوع يفرق حبيبتي وفي انواع صج تنزل الوزن

موفقة حبيبتي لكل خير

اخ على ريوق مامتنه الا اهو
ريوقج وايد حلو تقدرين تضيفين كورن فليكس فتنس وحليب
وبعد لبنه الصغار مع التوست وحطي عليها زعتر
انا اذا مرات بغير اخذ بسكوت بيتي بور مع جاي وحليب
واذا شفت شي يديد برد لموضوعج واقولج

اي انا مرات كورن فليكس فتنس بس مو هالكثر مع طعمه

اللبنة امها تقول انها تمتن وتنفخ نفخ وترى اهي اصلا من الدهن الي بالحليب فتمتن

عشان جذي انا علاقتي فيها جدا قليلة بس ما يمنع مرات

ناطرين ردتج اكيد بتجيبين الخير كله معاج :e3:​

 

[عهود الحب]

رد : رد: ريوووووقــ الدوامـــــ

عهووده اذا انتي تعانين من القولون ترى اكتيفيا يتفخ القولون بزياده, انا اعاني من هالشي بس بصراحه احبه ما اقدر اقطعه وايد

ورووب اكتيفيا بالفواكهه تلاقينه بالجمعيات صوب الرووب, انا دووم اخذه من جمعيتنا او كارفور, بصراحه حلووو ولذيذ

والله مرات يمر اليوم ما اشرب غير الماي من الكراف واللويه, والريوق مانقرب صووبه

اي الظاهر اعاني منه مادام اهو ما يتفخ الا امهات القولون خلاص اجل انا قولون ونص

يبيله كارفور نشوف شعنده قسم الدايت والروب

اي احنا نكرف كراف اللهم يا كافي بس ترى الأكل الخفيف ينشط اكثر من الثقيل


انا استانس اذا حسيت بقرصة الجوع اخر النهار

لأنه تحرق سعرات حرارية

مشكورة عالرد يا حلوة :33_1185028183:

انا لما كنت مسويه رجيم اخذ معاي ريوقي للدوام وكان عباره عن شابوره ونسكافيه وبسسسسس
وبصراحه كنت مستمتع فيه حتى البنات قاموا ياكلون نفسي ونزلت حيل
بس بالعطله و آآآآآآآآآآآآه من العطله زاد وزني
والحين بإذن الله برد عالرجيم بس ناويه عالكورن فليكس الدايت طايحه فيه هاليومين بتريقه بالدوام كل يوم
عيبي ما احب انوع مالي خلق احب ريوقي كل يوم نفس الشي

انتي ما ذكرتي الكورن فليكس حاولي تغيرين فيه على يوم والجمعيه مليانه منه اشكال و الوان حق الدايت

فعلا صدقتي انا مرات لما اكل جذي رفيجاتي يقولون تصدقين صار بعيننا الشابورة احلى

اما التغيير انا احب التنويع وناوية هالسنة احط لي نظام جديد مليت خلاص

الكورن فليكس راح اشتريه واصوره لكم

ردي عالدايت عشان الوزن يرد مثل اول

موفقة

عهوود شكلج بووتمبه

أنا عآآدي مافكر بالريووق ...شدعوه عليج 4 تمرات باليوم ...

لازم 7 تمرات الصبح طبعا هذي قبل الفطوور مقدمات بس ...

والريووق عاادي آآكل من الموجود مافكر برجيم ...بس ما أكل ليما انغث ولا أقعد جووعانه ...

مو 4 تمرات 3 الى 5 تمرات هذي عاد شنسوي من سنين الطواعين متعودة جذي

قهوة فرنسية يعني الموجود صحي ؟؟؟

انا عاد افكر بأكلي شنو نوعيته

لاتحبطيني :denya:

فديتج حبيبتي ​

 

[عهود الحب]

رد : ريوووووقــ الدوامـــــ

بنات انا لما كتبت الموضوع


كنت ابي منكم تساعدوني بطريقة جديدة منكم للريوق


مو علشان الي مسوين ريجيم و بس


في ناس يحبون الأكل الصحي لا أكثر


مو بالضرورة يكون شي تقليدي الي عندي فكرة حلوة وجديدة وجربتها او قرتها يا ليت ما تحرمنا ردها


و بندعي لها


انا مرات اسوي صمون حلوم بالبيت و مرات انواع سندويشات


وتعلمت شغلة من برنامج امريكي أنه الانسان يخدع مخه ويترس السندويشه

خيار وطماط وخس وبينهم قطعة مرتديلا او جبنة او اي شي


المهم يترس الفراغ بشي صحي


كمثال هالصورة

و بدال الروتين اليومي بسكوتة او كاكاوة


جم حبة فاكهة نحبها مثل الفراولة

و هذا بسكوت الاوميغا 3 مثل ما قالت الجادل

و طبعا ما نستغني عن

​

 

[* jorry *]

والله احنا نظامنا بالقسم حلوو
والحمد الله ارتحنا عليه ومو ناوين نغيره

:ggdw:

حطتنا شهريه وكل وحده تمسك بالشهر (يعني بالكورس مره وحده انا امسك الحطه) واتابع النواقص أول بأول
نحط ورقة وقلم ونكتب اللي نبيه بحيث نوفر كل شي بالقسم
من أكل عادي ودايت وماي وشاي وقهوه وسناك وكلنكس ومعطرات وصابون ..إلخ
أما اعداد الريوق الثلاجه موجوده وكل وحده مسؤولة عن نفسها
والمطاعم ما نعرفها الا حزة الاختبارات وبث

:eh_s(21):

.​

 

[marsooma]

بالعكس ريوقج وايد حلوووو

 

[مطيريه ماركه]

رد : ريوووووقــ الدوامـــــ



عهود تدرين آنآ عمري مآتبعت رجيم ولآ أفكر أتبع آذآ فيه شي يمتن عطينيآه عمو لووول

شوفي يآقلبي آنآ مآكرهني بِ آلآكل مع آلآبلآت آلآ شغلتين مطآعم وآلطآولة حوسة جنه جهآل آللي يآكلون مثل مآقلتي

ولـ آن صعبة تجبرين مجموعة على طبعج آثرت آكل آللي يعجبني ولآ أحرجهم وأضيق عليهم