ريوووووقــ الدوامـــــ

[عهود الحب]

رد : ريوووووقــ الدوامـــــ

اهلا وسهلا انا هالقسم 3 شهور ما اعرفه قبل الدوام بجم يوم ادشه


واو اهم شي بالصورة اللبنه والزعتر احبهم يم يم




عهود كل سنه تطلعين لنا بمواضيع حلوه الله يسعدج وين ماتروحين

اهلين رضاب [ سين سؤال شنو معنى نيك نيمج كله استحي اسألج :eh_s(6): ؟ ]

نورتيني اي الصور تشوق والله و انا سويت هالموضوع للريجيم وشكلي بخرب ريجيمكم ! :dddds:


تسلمين شهادة حلوة من واحدة احلى عسانا ما نعدمها يارب


ناطرين تفاعلج معانا حبيبتي :klhfl:​

 

[عهود الحب]

رد : رد: ريوووووقــ الدوامـــــ

وي عاد انا في غصه من هالسالفة

قسمنا كسووولات ما يبون يمسكون القطية بس ياكلون يقعدون يقولون مانعررف نشتري مع انه كل حده فاتحه بيت وعيالهم اطول منهم

جاملت اكثر من مرة ومسكت القطية بس واي ما تلحق زوجي يقول ما صارت جمعية شتاكلون انتوا

واهو عارف اني ماحب الاجبان وان كثر لقمتين جبن فاتعذب ما اعرف شاكل

وان خلصت اغراض القطية عادي صمون مشكل وحلوم كل يوم عورتني معدتي وانتفخت

والله اني توحمت بمطعم من كثر ما يطلبون منه ووعع كرهته

والادهى انه في مطعم ثاني دايم يطلبون منه (( يعني تغيير )) حده معفن الله يديم النعمة تخيلوا اقولهم وسخ والبلدية اكثر من مرة تسكره وانا

بنفسي لقيت بصمونته حديدة اي حديدة وهمن يردون يطلبون منه

بالكورس الثاني قمت ما اكل معاهم مع اني قاطه واضطر اشتري عصير و صمون من المقصف جني طالبة (( لانه كرتون العصير حده يومين عندنا ويخلص ))

وبالاخير صارت فيني انيميا وفقر دم

شكلي ان ما تسنعوا بسوي نفسك وشجعتيني حييل

لا حالتج انتي مستعصية عالآخر


انا مطاعم ما آكل الا سبوااااي مرات بعد عشان عيالي يحبونه


بس باقي المطاعم قاطعتهم وصدقتي في مطاعم نكرهها من كثر ما نشم ريحة اكلهم عند غرفة الابلات


صار جنه وحام استغفر الله


اما سالفة ما يعرفون يشترون اغراض الحطة مافي احد ما يعرف بس شاطرين ياكلون يعني ؟؟


خلاص طبقي طريقة الاستقلالية الذاتية و بنفس الوقت لا تنسين نصايح زميلاتنا العضوات ماقصروا


وناطرين طريقتج :aha:​

 

[عهود الحب]

رد : ريوووووقــ الدوامـــــ

وااااااي شحلاااات الصور عهووووده


كالعااااده جعت بروح اسويلي ساندوتش ههههههههههههههههههه

وبعدين انا مو مسؤولة عن عواقب هالتصرفات الفردية :botetoo:

توني اشوف ردج مساعه من الجوع شفت الصور بس هههههههههههه

خوش صور واهم شي انج دعيتيلي ولج بالمثل ان شاء الله

اي والله ادعي لج

و انصحج ما تاكلين اي شي بالليل الا شغلات محدودة [ روب بخيار / كبتشينو / سلطة خضرا / اناناس وكيوي ]


اي الحمدلله انا شريتهم و دعيت لج واكيد كل واحدة بتستفيد بتدعي لج

وتستاهلين اكثر


ونبي منج اكثر :botetoo:​

 

[عهود الحب]

رد : رد: ريوووووقــ الدوامـــــ

بالنسبة للقلاصات الجاهزه مالت المطاعم تحصلينها بمحلات الجملة مالت تجهيزات المطاعم اللي بشويخ بالضبط ورى سوق لندن اللي بشويخ يعني شارع التمور القديم تلاقين وايد محلات هناك

اما بالنسبة لحمسة السلق سهله وايد

تاخذيت تقريبا شدتين سلق تنظفينها وتقصصينها وتخلينها على صوب

وتاخذين بصلة صغيره مفرومة وتحمسينها بزيت زيتون ونص فص ثوم حسب الرغبة وشويه فلفل اسود

وعقب ما يذبل تحطين علية السلق وتحمسينه مع نار هادية وراح يستوي بسرعة ويذبل بسرعة

تسلمييييييين البيداء عالمشاركة

انا عرفت مكانهم و بس اشتريهم راح ادعي لج مليون مرة خمسين ستين مليون مرة


السلق والله طلعت حمسته سهلة انا تصدقين كله اشوفه بس مافكرت اشتريه

اذا جذي بشتريه وبس بطبقه بدعي لج كثر ما ربي يقدرني عليه

مشكووووووورة :klhfl:​

 

[عهود الحب]

رد : رد: ريوووووقــ الدوامـــــ

الله يعينهم
معلمة معتزلة

يعين الجميع يا حبيبتي

ويردج سالمة لديرتج

وين مغتربة ؟

حياج :blueSmCLR:​

 

[أوركيد]

احنا كل اسبوع على ابله ...

بس متفقين ان كله اجبان وتوست وبيض مفيوح وطماط وخيار بس ..

لكن لاااازم يخورون السالفه ويخترب الموضوع لما ابله من الابلات تحب تتفنتق باسبوعها وتسوي حمسات ..وحلو..

واحنا نبلع ما نقول لا ..بس بعد التحلطم <<<الله يهداج يا فلاانه ليش الحمسة !!!

بس والله ودي هالسنة اقضيها على وجبة الاطفال ...

عندنا جم ابله ما تتريق بس وجبه المطعم وما شاالله محافظين وما طاشواا

 

[عهود الحب]

رد : رد: ريوووووقــ الدوامـــــ

ليش ليش عهود تعقدت من ريوق الدوام بزيادة مو كافي الريوق علية ملاحظات شكثر غير سالفة الطاولة والترتيب والله شكلي بقوم عليهم يايتعدلون يا انسحب من ريوقهم <<<<هههههههه تكفين بس


بصراحة الجادل ما قصرت نبهتنا عن اشياء حلوة


بس المفروض الكل يلتزم عشان تقدرين تكملين ساعات والله تملين اذا كنتي بروحج تاكلين اكل غير عنهم

الريوق والطاولة والحوسة وريحة الغرفة كلها امور تساعدني انزل وزني هههههههه

انا ما يخليني اموت جوع الا نفسي المنسدة دايمن من حوسة الطاولة ابلات شكبرنا واخر شي الطاولة جنها ساحة معركة

شدعوة انتوا ما ترضون احد يمر يشوف الطاولة جذي تسد النفس

وانا ما اتريق بروحي دايمن اتريق معاهم على نفس الطاولة بس ريوقي اجيبه معاي من الصبح عرفتي

في موقع ناطرة ينفتح اكل صحي اذا فتح الرابط بسدح الرابط اهنية


بنات بقولكم شغلة ابتعدوا عن السكر حق الريجيم ضررة اكثر من نفعة نصيحة وبعد لااشتهيتوا البيبسي لاتاخذون الدايت السكر اعلى فية غير ساعات يضعف الذاكرة كنت اشربة واشوف ذاكرتي بالنازل وهديتة


وبعد بنصحكم بتفاح يجنن ايطالي حصلتة بجيان شنو لذيذ يلق لق


واللي يحبون الزعتر قبل فترة شريت زعتر من وحدة من افكاري زعتر بالمكسرات طعم جديد

وجربوا بدل ما تستخدمون التوست الكرواسون الصغير كنوع من التغيير الخالي طبعا مو حق الفيصل لا في غيرة لين ورطب مو قاسي ويابس














طيب السؤال بنات الخبز الايراني خلاص مابية اثارية اللي سمني بالروضة اشوف من عطلت ضعفت

شنو استخدم خبز المطاحن الابيض والاسمر طيب غيرة احس ثقيل

في نوع خبز خفيف غير اللي نشوفة بالجمعيات بمخابز مثلا ؟

مشكورة منورة عالنصايح


انا الكرواسان ما آكله لأنه يمتن متروس دهن وخميرة و بلاوي وانتي ما تحسين

التفاح ابيج تصورينه اذا يسوى العنوة بروح انا ماعمري رحت لجيان انا كارفور ما رحت لها الا مع عيالي وبس


لنفسي ما اعرف اروح واتعنى تقدرين تقولين عندي ولاء موطبيعي لمركز سلطان واحبه وما اتعداه


اما الزعتر انا شريت زعتر سوري من معرض الغذاء وللحين ما كليته ذبحني الريجيم

بس شكلي بفتتحه بالمدارس


اما الخبز ما قصرت الجادل ذكرت لج امير الامراء وترى صاجة خوش خبز عليهم وحتى تلاقين عندهم شغلات حق الريجيم شكثر عدي وخربطي


بس اشتري منه راح اصورلج المشتروات منه


وحياج الله منورة


برايفت [ انتي متى تغيرين صورة الفيمتو ها :23_asmilies-com: خلص رمضان
كل عام وانتي بخير ]


ناطرينج :eh_s(17):​

 

[عهود الحب]

رد : رد: ريوووووقــ الدوامـــــ

انا اكثر شي اكره بقسمي انهم ياكلون وماينظفون وراهم عاد تخيلي الطاولة شلون شكلها وحتى الاغراض مايردونها مكانها عاد تخيلوا المنظر

انا مااحب اشرب شاي الصبح احب عصير تروبيكانا اوسيزر عاد عيونهم فتحت علي حاسديني على العصير والله تعبت معدتي من عيونهم

صدقتي البندري


الظاهر هذي صفة مشتركة بين المدارس


سمي قبل تشربين العصير وان شاء الله ماكو الا العافية :eh_s(17):​

 

[عهود الحب]

رد : ريوووووقــ الدوامـــــ

وااااي ينوس الموضوع


وجعت حييييييييييل

ان شاء الله دوم مستانسة


ممنوع الجوع هني مو يزيد وزنكم وتبلشوني :eh_s(13):


ناطرين ريوقج :33_1185028183:​

 

[عهود الحب]

رد : رد: ريوووووقــ الدوامـــــ

أأأأأب

الله يرفع قدرج و شانج



شاركينا النقاش :dddds:​

 

[عهود الحب]

رد : رد: ريوووووقــ الدوامـــــ

بنات امس رحت لمركز سلطان
وشريت حلوم المراعي مثل اللي بصورة عهودالحب هههه خوش صدفه
والبسكوت اوميغا 3 اخذت الثاني اللي بدون كاكاو وشريت شراب تروبيكانا
وشابوره وتوست أسمر وجبن سلايد لايت

برفع لكم الصور...

لا يكون انتي الي دعمتها بالعربانة و خمطت جيس الرفاعي من جدامي :016:

تريقت منه اليوم وحطيته بعلبه وصورته لكم​

​

بسكوت اوميغا 3 طعمه مو ذاك الزود بس مفيد
باكله غصب لوووووول​

​

حلو طعمه فيه سكر فماحطيت سكر معاه
توني جربته ​

وهذا اللي مثل الكشمش بس لونه على وردي شوي
اللي اسمه غوجي بيري​

اي اانا مثلج شريت توت غوجي و الجبن نوعت انواع منه

وهالحلوم انا دايمن اشتريه لبيتي وعيالي


دايمن اختار للبيت اي شي لايت الا لبناتي الصغار اعطيهم كامل الدسم يعني اطفال ويحرقونه


الشراب هذا بشتريه


ايواااااااا يا ملاك سيري ونحنوووووو من ورائكيييييييي عاشت عاشت :eh_s(21)::eh_s(21):​

 

[عهود الحب]

رد : رد: ريوووووقــ الدوامـــــ

احنا كل اسبوع على ابله ...

بس متفقين ان كله اجبان وتوست وبيض مفيوح وطماط وخيار بس ..

لكن لاااازم يخورون السالفه ويخترب الموضوع لما ابله من الابلات تحب تتفنتق باسبوعها وتسوي حمسات ..وحلو..

واحنا نبلع ما نقول لا ..بس بعد التحلطم <<<الله يهداج يا فلاانه ليش الحمسة !!!

بس والله ودي هالسنة اقضيها على وجبة الاطفال ...

عندنا جم ابله ما تتريق بس وجبه المطعم وما شاالله محافظين وما طاشواا

اهلييييييين اوركيد

اول شي بقولج ترى توقيعج يعور قلبي والله يرحمك يالربعي صراحة توقيع يثير الشجون


اما الريوق انا شنو قص ظهري وضيعني الا الحمسات


بلاااااااااها ريوق متروس دهن ويسمونه حمسة مع العلم انه المفروض يكون وجبة غدا


والواحدة لي قامت تدنوخ جنها ناقة سكرانة من الكوليسترول والضغط


لا انا لي تقريبا 7 سنين موقفة شي اسمه حمسات وخرابيط الريوق

ينزل الوزن ولا يرتفع لا عودة للحمسات


وو وجبة المطعم ما فيها شي انا مرات اذا جعت اخذ منهم التفاحة ولا الموزة والعصير شحلاته واللبن


و فعلا انا لاحظت الي ياكلون الوجبة ما يمتنون صاجة

بس شا الله حادكم


غيري طريقتج وحتى لو يجيبون حمسة



لاتقربين صوبها نصيحة


والله الموفق :q8:


نورتيني :aha:​

 

[^^ريهام^^]

لووووووووووووووووووووووول

موضوعكم مو صج

أنا عن نفسي ما احب اتريق بالمدرسة

بالبيت اشرب حليب وبيضة مسلوقة ولبنة وخبز

بالمدرسة عادة انا عندي الحصة الأولى فا ما يمديني آكل

اشرب شاي وآكل مكسرات وبعض المرات روب بفواكه

وكل هذا علشان الرجيم , ونظافة الاسنان , لاني ما احب افرش اسناني بالدوام

بس الأبلات اللي معاي عرفوا طبعي , كانوا بالأول يقطون نغزات بس ما عطيتهم ويه فسكتوا وصار علي الشاي والقهوة

وحدة منهم صارت مثلي ما تاكل وايد

بس الباقي أكلهم مو صج

مشلتت , قشدة , فطاير لحم , جبن كرافت , فلافل

وي تعالى عاد شمي الريحة

وييييييييييييييع , كرهوني بالفطاير

شكرا على موضوعج

 

[*أم*خالد*]

آآآآآآآآآآه ياقلبي آآآآآآآه
وازين البيديان زينااااااااااااه آآآآآآآآه

شفيكم يابنات شفيكم ؟؟

شفيكم على البيديان والبطاط والزهر والحمص والمسبحه والمتبل وهالسوالف السنعه

ليش كل هالحقد والحسد عليهم @@

حرام عليكم راجعو نفسكم وعدلو حساباتكم

شنو شابورة .. شنو توست اسمر .. شنو وشنو وشنو

ان ماحصلت هالصمونه المدلـله اللي كلها مقالي
ولا كلش كلش اضعف الايمان
اضعف الايمااااااااااااااااااان
خبزة ايرانيه مع بيضة

الله كريم

احم عقب هالمقدمه اللي ادري بحصل الرشاش منكم لوووول

انا قرقرت
اني اسويلي سندويشه خفيفه لأني ناويه اهتم بجسمي .. انا الحمدلله ضعيفه بس ضعف مرض مو صحة
يعني جسمي مو قوي وعضلاتي مو قوية .. تخيلو اني اخاف من اليهال يدزوني .. الحقيرين مره سووها فيني
صف درسته بأولى .. يوم راحو ثانيه شافوني بالكورنر جان يتيمعون حوالي اول شي مسوين روحهم ولهانين علي ومشتاقين والكل لامني
جان وحده اسم الله عليها تقول تعالي صفنا .. ما اشوف الا كلهم يدزوني ودخلوني صفهم
لوما ابلتهم فكتني ولا جان انا ليلحين بالصف

ترى السالفه صج لوووول بعد شسوي الكثره تغلب الشجاعه .. انا ابله مو بورسلي

المهم فـ انشالله ناويه ابدي تمارين خفيفه وجذي .. ليلحين ماقررت نادي ولا مو نادي امبيه مو جني هذره لووووووووووووووووووووول
قلت قصة حياتي

المراد

انا ناويه اشوف كتاب المطاحن مال الصندويجات .. واطبق منه
يعني صمونة بيض
صمونة لبنه وطماطم
واكو طريقة انصحكم فيها

توسته محمصه فيها جبن كيري وشرااايح رقييييييييقه حيل عشان ماتتفخ الصمونة .. خيار وطماط وفلفل اخضر
حطوها شوي بالضغاطه او الشوايه على قولتكم الحمدلله والشكر ماتعرفون تتحجون " شفيها اللي بتتهاوش "
او يمكن اخلي الخدامه تضبطني بصندويجات فول

بس السؤال اللي يركض يركض ويطمر ويتكوكس تالي يسدح نفسه
الخبز الفرنسي اللي يسير طويل

من وين واللي تقولي اسويلها بيض طماط مع خبز ايراني

 

[*أم*خالد*]

عشان خاطر عويناتكم السود

سويت سيرج بس بالاجنبي لأن العربي اتوقع معروف ويبت جم طريقه

احم ترى الأكلة ثقيله بس انتو ضبطوها وشيلو الزبده منها

صاند ويشيي " سندويشة " بيض مع جبن

اول شي شريحه التوست المحمصة تدهنينها بقليل من الزبده الطريه تالي مسحة مايونيز " عهود بتطقني ادري "
تالي تسدحين شريحة الجبن الامريكي مادري شنو هذا ولا وين نحصله .. السنعه اللي تعرفه تورينا صورته ومن وين نشتريه
تالي تحطين بيضة عيون وعقبها شريحة توست اتوقع بعد مدهونه بالزبد والمايونيز مادري مافهمت شنو مكتوب لول

 

[ملاك-77]

عهودالحب لا انا مو سلطان حولي انا رحت اللي بسوق شرق والله العظيم 10 مرات هههههه
والا يحصلي الشرف بشوفتج

وشريت امس تبروير بس مالقيت اللي من داخل مقسم مثل اللي كان عندي العام اختفى مالقيته
وماحط بذمتي يمكن خدامتي اللي سافرت أخذته والا ضيعته ..عليها بالعافيه هههه المهم اخذت لي واحد عادي لاني مالقيت اللي ابيه....

انزين شنو اشتري سكر امس احترت وطلعت مو عارفه شنو احسن نوع؟ انا مجربه سكرين وتروبيكانا اللي على ذرة بس مايمدحونهم عاد ابي همتكم معاي بالنوع الزين

 

[ملاك-77]

ام خالد حرام عليج شنو هالاكل تبيننا ننغث زبده ومايونيز ومادري شنو

انضمي لنا ونصير باذن الله رشيقات وماتجي عطله نص السنه الا الوزن خف والجسم سمبتيك يالله من فضلك لوووووول والصمون الفرنسي انا اخذه من مركز سلطان

 

[*أم*خالد*]

ملاك ياعمري .. انا رشيقه الحمدلله بس ابي اكل يعطيني صحة وقوة .. البيضو مفيدون للجسمي

حياج

فديتك يالبيكون

 

[*أم*خالد*]

اول شي عسى الله يرزقنا انا وملوكه الرياييل الصالحين الرومانسيين اللي يطبخون لنا وبعد ملاك تطرش لي نقصة مني مناك لأني ماحب المطبخ

ثاني شي منقول من منتديات عروس العضوة عروس جذابة => اخاف بس

اليوم جبت لكم طريقه للفطور زوجي وايد يحبها....
اهي في منها جاهزه بس أنا أحب اسويها بيدي .. وايد أحسن وأنظف والحلو أني اقدر أضيف لها أي شي احبه..
والأحلى أني أقدر اسوي منها كميه وأحطها في مرطبان علشان أستعملها بأي وقت..

المقادير...
جبنه بيضاء ويفضل إلي تحصلونها مع الماء (انا اخذها من كارفور أو جيان او ميدوي) يعني الي تجي كميات كبيره وانتي تقولين له كم كيلو تحتاجين... انا اخذ نص كيلو او كيلو..
زيتون أسود وأخضر شرايح (أو نوع واحد بس) لكن انا افضل اللونين احلى
زيت زيتون
زعتر
لبنه
جبنه فيلادلفيا ( موشرط)
فليفله خضراء مقطعه قطع صغييييره جدا
جزر مبشور
خبز لبناني

الطريقه...
تقطعين الجبنه البيضاء قطع صغيره جدا وبعدين
تحطينها في وعاء كبير وتضيفين جميع المقادير عليه وتخلطين جيدا و اذا حسيتيه جاف كثري شوي من زيت الزيتون....
و الجزر اذا ماتحبينه ممكن تستغنين عنه بس اهو يطلع احلى معاه....
و بعدين تاخذين الخبز وتحشينه بخلطتنا و بس بالهناء والشفاء ومطرح مايسري يمري...
وخلي الي يزيد في مرطبان وسكري عليه زين.. واستعمليه اي وقت تبينه واذا حسيتيه جف شوي ضيفي عليه زيت زيتون....
تره الطريقه سهله وحلووووووووه وايد ولذيذه وصحيه في نفس الوقت... ومفيده للأطفال => وزعوا على اليهال بالروضة والطالبات بالمدارس

 

[سـكـر زيـادة]

رد : رد: ريوووووقــ الدوامـــــ

اول شي عسى الله يرزقنا انا وملوكه الرياييل الصالحين الرومانسيين اللي يطبخون لنا وبعد ملاك تطرش لي نقصة مني مناك لأني ماحب المطبخ

ثاني شي منقول من منتديات عروس العضوة عروس جذابة => اخاف بس

اليوم جبت لكم طريقه للفطور زوجي وايد يحبها....
اهي في منها جاهزه بس أنا أحب اسويها بيدي .. وايد أحسن وأنظف والحلو أني اقدر أضيف لها أي شي احبه..
والأحلى أني أقدر اسوي منها كميه وأحطها في مرطبان علشان أستعملها بأي وقت..

المقادير...
جبنه بيضاء ويفضل إلي تحصلونها مع الماء (انا اخذها من كارفور أو جيان او ميدوي) يعني الي تجي كميات كبيره وانتي تقولين له كم كيلو تحتاجين... انا اخذ نص كيلو او كيلو..
زيتون أسود وأخضر شرايح (أو نوع واحد بس) لكن انا افضل اللونين احلى
زيت زيتون
زعتر
لبنه
جبنه فيلادلفيا ( موشرط)
فليفله خضراء مقطعه قطع صغييييره جدا
جزر مبشور
خبز لبناني

الطريقه...
تقطعين الجبنه البيضاء قطع صغيره جدا وبعدين
تحطينها في وعاء كبير وتضيفين جميع المقادير عليه وتخلطين جيدا و اذا حسيتيه جاف كثري شوي من زيت الزيتون....
و الجزر اذا ماتحبينه ممكن تستغنين عنه بس اهو يطلع احلى معاه....
و بعدين تاخذين الخبز وتحشينه بخلطتنا و بس بالهناء والشفاء ومطرح مايسري يمري...
وخلي الي يزيد في مرطبان وسكري عليه زين.. واستعمليه اي وقت تبينه واذا حسيتيه جف شوي ضيفي عليه زيت زيتون....
تره الطريقه سهله وحلووووووووه وايد ولذيذه وصحيه في نفس الوقت... ومفيده للأطفال => وزعوا على اليهال بالروضة والطالبات بالمدارس

يماااااااه لذيذة ، عاد صايمة

وشكلها لذيذة