محتره

[أميرة القصر]

رد : محتره

ردي كان متأخر شوي ..

انتي تقولين انج كلمتيه وقالج انه كان بيعطيج 10 بس أبوه اخذ من الفلوس .. معناته انه ما كسر فيج بالعكس .. ويمكن أبوه احتاج هالمبلغ ضروري ماتدرين .. واللي مافيه خير لأهله مافي خير للناس عدل ؟
هذا ابتلاء من رب العالمين بيختر صبرج وإيمانج .. لاتخلين الشيطان يدخل بينكم .. ولاتاخذين الموضوع بعصبيه وسوء ظن ..

عسى الله يسهل أمرج

 

[:: لورا ::]

رد: رد : محتره

ردي كان متأخر شوي ..

انتي تقولين انج كلمتيه وقالج انه كان بيعطيج 10 بس أبوه اخذ من الفلوس .. معناته انه ما كسر فيج بالعكس .. ويمكن أبوه احتاج هالمبلغ ضروري ماتدرين .. واللي مافيه خير لأهله مافي خير للناس عدل ؟
هذا ابتلاء من رب العالمين بيختر صبرج وإيمانج .. لاتخلين الشيطان يدخل بينكم .. ولاتاخذين الموضوع بعصبيه وسوء ظن ..

عسى الله يسهل أمرج

اول شي كان على علم انهم يايين ويايبين 4 وقالها اشكره وبهدوء وخاااااااااااااايف مبين من صوته يدري انه غلط

امين مشكورة

 

[استكانه1]

صج قهر ؟ حبيبتى مالج الا الاستخـــــــــــــــــــــــــــــــــــــــاره

 

[الغلاااااا]

تدرين لو انا منج شنو اسوي.؟؟؟؟؟؟؟؟؟















اكلم زوجي واطلب منه نأجل الزواج شوي على ماترتاح نفسيتج شوي وتتفاهمون وتوصلون لحل وانتو مرتاحين مو بالظروف هذي والسالفه توها صايره اكيد الكل راح يزيد النقد على اهل زوجج وراح يقولون اشياء تزيد حرتج وانتي ماباقي شي وتدشين حياة جديده ومو زين عشانج تدشين هالحياة وانتي مشحونه من هالمواقف وتحسين انج داشه حرب يا أنا يا أهما



والله يوووفقج ياااارب

 

[:: لورا ::]

الغلا مشكورة

واهوا عنده الحين خواته يشحنونه عدل والعرس بكبره مابيه كرهت كل شي خربوا فرحتي بهالحركة

حسبي الله عليهم

 

[ريمي اميري]

رد : محتره

الله يوفقكـ ويسعدكـ
هذا مايعيبكـ انتي حبووووبه ذا الشيء يعيبهم اهم اهل زوجك بالاخص زوجك
انتي حاولي انك تجيبين الاشياء الاساسيه عندنا بالسعوديه يجبون المهر بالملكه والعرس لااااااحقين عليه .. انا عرسي بعد الملكه بسبع شهور
ما اعرف بس احسه عيـــــــــــــــــــــــــــــــب ينحكى فيه عادي الي يجي يكفي ... لانك انتي اكبر من انو تتقدري بثمن .. هذا رايي واتمنى لك التوفيق ..

 

[sodah]

مشكورين بنات

هالمهر معروف بعايلتنا واهم يعرفوووون عندهم خبر ليش اييبون جذيه ؟

والعقد مكتوب 4 لكن احنا نمشي مثل اهلنا كلهم جذي الكل تخيلوا

حتى والله المكسورة ماترضى بهالدزه

انا والله خلاص مابي شي حسبي الله عليهم حتى خربوا فرحتي والحين مابي حتى ادش الصاله بالعرس

اشوف فيهم يوم يارب

حسبي الله عليهم حروا قلب يدتي

الرسول صلى الله عليه وسلم اوصى بمهر المثل
يعني مثل ما خواتج او عماتج او خالاتج ياخذون انتي تاخذين


بس شوفي حبيبتي دام مكتوب بالعقد 4 ماتقدرين تقولين شي

ماتدرين انشالله يكون ولد حلال والله كاتبلج فيه الخير
واستخيري
والله يوفقج

 

[:: لورا ::]

اهم الحين طلعوا رديين ومالهم سنع وخلاص خالتي تقول دامهم جذيه لاتعطينهم ويه وهاللي اسمه ريال لاتردين عليه اذا مايحل ولا يبرط

 

[Geisha]

لا ميزانيتهم اكثر يقدرون بدل ال 10 ييبون مليون

بس رداة الحظ اللي قطتني على هالاوادم

حبيبتي انتوا مابينكم اتفاق؟ حتى لو معروف انه 10 اكو اتفاق؟ في ناس جذي لازم تتفقون معاهم
وبعدين شحادج عليهم مبين عليهم نسورة الله يسهل عليج يارب
والمعرس هم اطباعه جذي؟؟؟؟

 

[لوولووة]

رد: رد : محتره

اول شي كان على علم انهم يايين ويايبين 4 وقالها اشكره وبهدوء وخاااااااااااااايف مبين من صوته يدري انه غلط

امين مشكورة
ما ندري شنو الاتفاق بالضبط مع امه وابوه وبما ان المعرس عطى ابوه 10 وابوه اخذ منهم وهو منحرج شكل ابوه مو مضبوط لازم تكتبين بالتفصيل حجي الرياييل والحريم شنو كان بالضبط ولا هذا اتفاق بينج وبينه واذا اهله كان في اتفاق شفهي ورجع فيه الاب لازم يبرر ابوه ما يعرف السنع ولا لأ وامه نفس الشي تدري ولدها معطي كلمه بال 10 الاف وهم ردوا بكلمة ولدهم يعني في تفاصيل مفقودة اذا الولد معطيج كلمه وابوه رجع فيها وامه تركيه وشرطي عليه 10اذا يبيج واذا امه وابوه معطينكم كلمه وردوا فيها خليه ما يشوف شر الريال اهم عليه كلمته جدام ابوج وامج موفقه

 

[اللعبه]

ذكرتيني بخالتي بس قبل 20 سنه دزوا عليها 4 الاف وخالتي هذي ماراح اقول عنها بالجمال والسنع والشطاره والدين
صارت سالفة حتى عمتي قالت ردوا المهر فلانه يدزون عليها 4 مع العلم خالتي قبلها دازين 5 الاف مفيش مشاكل .
وفعلا الكل نقد يمكن لان كانوا خاطبينها وايد ناس على مستوى

اصلا جدتي طيبه وتستحي وما رضت تسوي سالفه على فلوس وخالتي العروس كانت ميته من الحره

المهم الان اهيه اكشخ وحده بالعايله من جميع النواحي سواء من مركز الزوج او البيت باي منطقه او الحموات اللي خذوا احسن العوايل والمراكز ...................

فما تدرين شنو المستقبل بس انصحج لا تسكتين كله عايريه فيها وانا متاكده 100% راح يكملهم لج بعد الزواج بس دابما بينيله انج مو راضيه. .......................................وشكرا

 

[miss_q8ya]

حبيبتي سوري بس محد يعطي غير المكتوب بالعقد
باجر لاسمح الله طلاق ولا غيره علي الاقل الريال يضمن حقه انا معطيهاا 10 مو معطيها 4 فاكيييد بيعطونج الي بالعقد

فالغلطه غلطتكم مو غلطة الريال

 

[بيتي بوب بس كويتيه]

الغلطه غلطتكم حبيبتي
اذا تبون ١٠ المفروض مسجلين ١٠
والصراحه مو حلوه تتناجرون على فلوس

 

[:: لورا ::]

حبيبتي سوري بس محد يعطي غير المكتوب بالعقد
باجر لاسمح الله طلاق ولا غيره علي الاقل الريال يضمن حقه انا معطيهاا 10 مو معطيها 4 فاكيييد بيعطونج الي بالعقد

فالغلطه غلطتكم مو غلطة الريال

شفتي انتي قلتيها طلاق يعني الناس يايه منغثه من الاساس ويدورون زعلنا باي طريقة

واهم فاهمين الدنيا مقلوبة ويدرون انه غلط اللي مسوينه بس انا

بمسكها عليهم وبعايرهم فيها

انتي ترضين يصير فيج جذيه ؟ يعطونج الف واهلج كلهم 20 و15 الف ؟ اتوقع تاكلينهم بلسانج

 

[لـك وحـشـه~~~]

رد : محتره

حبيبتي يمكن الناس هذا حدهم

انتي أستخيري ...

 

[:: لورا ::]

لك وحشه

لا مو هذا حدهم للأسف

 

[آهات الليل]

رد : محتره

انتوا المفروض من اول شي تقولولهم وتتفقون عالمهر ياقلبي
واعتقد كل شي ينكتب بعقد الزواج صح اولا؟؟بعقد الزواج اتفقتوا على جم؟؟اذا على 4 خلاص حبيبتي انتوا وافقتوا

 

[Hello_kitty]

حبيبتي اذا مو مرتاحه من البدايه منهم وتشكين من رداهم وقل سنعهم وكارهه العرس وبتدخلين الحياة الزوجيه وانتي تعايرين ريلج بهالسالفه

والله نصيحه لا تكملين انتي بعدج على البر اللي اولها جذي ينعاف تاليها!!

انه حاسه فيج وفاهمه قصدج انتي مو قصدج الفلوس كثر مو حارج عدم التقدير ولا حتى رد سنع يبرد قلبج ويبين انهم شارينج

واذا اهم مو سنعين واهم لي الحين ما خذوج ولا طاحت الميانه فلا تتوقعين انهم بيتسنعون بعدين

 

[:: لورا ::]

اي والله حروني وانا للحين ماييتهم

حارني قلة التقدير ولا رد سنع يبرد القلب صاجة والله

 

[manhattan girl]

الله يعينج حبيبتي صج شي يقهر