تجمع مسافرات لندن في صيف 2010

[sweet lady]

هلااا فيج يااعمري,, بخير الحمدالله بشريني عنج ؟؟

انا بخييييير دامج بخييير ياحياتي

 

[om l3yal]

كويتية عليج بالعافية حبيبتي استانسي وتشري علي كيف كيفج
ومبروك عليج الفور وايد حلو بس بصراحة انا مافرطت بالثري يعني خليتهم اثنينهم واحد مكالمات وواحد نت نزلت عليه برنامج يخليه مثل الدي اس ال يعني نشبك بالبيت من كمبيوتراتنا علا النت مال الاي فون
واللي سالت عن الفرق الفور في كامرتين واسرع والالوان احلا بس

 

[زوجة جوجي]

sweet lady
الحمدلله حبيبتي بخير
الجو حلو صج يوم نطلع و عشره بالمستشفى بس الحمدلله على كل حال

ام فهد
تسلمين حبيبتي ماقصرتي
والله سوقهم عجبني الصراحه المكان شوي مافيه وايد عرب ومسلمين بس مو لدرجة انه يخرع فيه محلات ملوت تاتو وهالسوالف علشان جذي اشكالهم غريبه بس مالهم شغل فيج وحتى لوتكلمينهم عادي حبوبين بس اذا نوعج تخافين روحي مع ريال احسن
عندهم سوق نفس سوق الاحد كله اكشاك صاير عند محطة الباص بالضبط فيه سوالف غريبه بلوفرات وتيشيرتات وسوالف من الصين شي غريب مو نفس سوالف اوكسفورد والتغيير حلو :eh_s(20):

بنات السوق عجبني اخاف تروحون ومايعجبكم مو تزفوني :j013:

 

[زوجة جوجي]

sweet lady

شوفي الله يسلمج تاخذين باص 16 او 98 باتجاه ادجور رود و تطوفين تحت الجسر الباص يكمل سيده من توصلون عند تسكو تنزلون
بعدين تعبرون الشارع حلو
تكملون مشي شوووويه اكو محطة قطار kilburn اتوقع اسمها وفي محل بالزاويه لافتته خضرا Holland and Barrel اسمه اذا ماني غلطانه تدخلين السكه تمشين شوي في محطة باص تاخذين باص 31
وتنزلين لمن تشوفين جسر ازرق مكتوب عليه camden town جدامج يعني مو تطوفون الجسر لا اول ماتشوفينه جدامج تنزلين جنه المحطه وراها في محل مال ملابس تنكريه
بس من تنزلين عبري الشارع امشي شوي جدام تلقين مكان مسور مدخله فيه مطاعم هذا السوق بو بسطات واذا كملتي سيده الشارع حلو فيه سوالف تشوق


وبس جني قرقت وايد
الا بنات بسألكم انتو لي متى قاعدين هني

 

[قطاوي]

:001:



سارونه
الله يردج بالسلامه





:001:

 

[mr000]

السلااام اشلونكم بنات شخباركم..سوووري ماكان عندي انترنت وتونا اليوم ردنا حطينا انترنت..خل أقولكم بسرعه عن المستجدات لأني حيل تعبانه وريولي تعورني من الهياته..ودايخه بنام..الله يسلمكم امس رحنا برايتون..طبعا من محطة فكتوريا..بس والله عذروني عن ارقام الباصات آنا قاعده اسأل الفندق كل مره أتأكد من اللي مكتوب عندي بالنوته..فموحافظه ارقام الباصات عدل..وفي باصات تغيرت عن النوته راح اقولكم عنها..برايتون حلوه تغيير عن لندن وتسوقنا فيها..ومحلاتها تسكر 5 واليوم رحنا ريدنج من محطة بادنجتون..باص 23 مو 15 والمنطقه مو بعيده تقريبا نص ساعه بالقطار..وحلوه وابرد من لندن العصر صار بررررد وطق مطر فرحنا المحطه تقريبا الساعه 5 لأن هم محلاتها تسكر بس هاديه وحلوه صج تحسين انج مسافره مافيها خليجيين ولاعرب. بس مادري عن ذوقكم يمكن ماتعجبكم آنا احب جذي هدوء واستجمام وتقريبا جنها كنتربيري اللي رحتلها العام..المهم شفنا ي ريدنج مجمع موكبير بس زين لقينا فيه محل تي كي ماكس..ومحل باوند لاند..تسوقنا وتمشينا في عندهم جون لويس ومحلات بره وردينا لندن بال6 الا ربع..وكملنا في اكسفورد..على فكره محل Asda اللي مره قالت عنه وحده من البنات شفته واحنا رايحين برايتون..عند اول محطه وقف فيها القطار calpham junction اذا صار عندي مجال بروحله..

 

[miss_british]

قوة بنات شلونكم
اليوم الجو مطر بس خفيف أنا مارحت مكان الا رجنت بارك وكلنا البط مع اليهال بعدين كملنا في اكسفورد وجربنا المطعم الايطالي الي قالت عنه الدلال وحضاره واااااايد حلو انصحكم فيه

 

[sweet lady]

هلا زوجه جوجي مشكووورة وماقصرتي انشاءالله مااضيع بالوصف بس في وحده اوصفتلي تقول يصير ورا البيكاديلي
بس انشاءالله مااضيع بوصفج
مروووو عليكم بالعافيه المشتريااات وماكو احلى من الجو استانسوا كلها ايااام صج متى ترجعون مددتوا ؟
ام العيال شلووونج حبيبتي

 

[sweet lady]

مس بريتش شلووونج حبيبتي انشاءالله مستانسين
ماقالتيلنا شنووو شريتي شنوو الاشياء اليديده والغريبه عندهم

 

[$$ ام فهد $$]

السلام عليكم بنات شخباركم

 

[$$ ام فهد $$]

شلونج سويت حبيبتي

مس شخبارج انا كل يوم اتريق بالقهوة الي تحتكم وطريجي بالروحة والردة عن السكن معقولة ما شفتج ولا شفتيني !!!!!!!!!!!!!!!

 

[أم ملاك الكون]

رد : تجمع مسافرات لندن في صيف 2010

صباح الخير اشلووونكم وكل عام وانتم بخير ومن العايدين


حنا رايحين علاج لبنتي وزوجي معانا رايحين مستشفى بورتلاند بدايه شهر اكتوبر منو عنده فكره عن المستشفى والمنطقه اللي قريبه منه

حنا ما نعرف الى الان كم راح نجلس شنو ناخذ معنا من الكويت طبعا غير الاساسيات

 

[miss_british]

أهلين ام أنا كل يوم الصبح ارح اكسفورد بروحي والظهر اكون مع ريلي
مو أنا وايد أشوف بس مادري استحي اسأل بس جني قبل امس شفتج في محل ديزني

 

[miss_british]

سويت ليدي أنا احلي شي عجبني المحل اللي بره مكاين خياطه في رجنت ستريت اليوم شريت تونزات ومكرم السامع بوتات وشريت من سلفرجز اليوم عطر ترش واللوشن وعجبتني جنطه كروس من ألفي بس ماشريتها يمكن بأجر

 

[miss_british]

البوتات شريتهم من بريمارك

 

[$$ ام فهد $$]

هلاوين مس حبيبتي لاوالله مارحت دزني!!!!!!!!!!!!!!!1ياجماعة مايصير جذيه كل الوقت تخمين في تخمين والله كل ماشفت وحدة اقول يمكن مس ولايمكن كويتية ولايمكن فونا ولا مرووو!!!!!!

وعيالي يقولون شفيج ماسكة الاغراض وتفكرين------يعني هذي حالة فوق التعب والشقى تخميييييييييييييييييييييييييين

اليوم رحنا متحف الشمع وبعدين رحنا الهايدبارك وبعدين تسوقنا بالاكسفورد

 

[mr000]

هلاوين مس حبيبتي لاوالله مارحت دزني!!!!!!!!!!!!!!!1ياجماعة مايصير جذيه كل الوقت تخمين في تخمين والله كل ماشفت وحدة اقول يمكن مس ولايمكن كويتية ولايمكن فونا ولا مرووو!!!!!!

وعيالي يقولون شفيج ماسكة الاغراض وتفكرين------يعني هذي حالة فوق التعب والشقى تخميييييييييييييييييييييييييين

اليوم رحنا متحف الشمع وبعدين رحنا الهايدبارك وبعدين تسوقنا بالاكسفورد

اشلونكم مس برتش وام فهد وسويت ليدي شخباركم..ام ملاك والله ماعندي فكره عن المستشفى ولا المنطقه والله يشافي بنيتج..ام فهد آنا اليوم أول مافتح بريمارك بال9 وشوي رحتله عن الزحمه شريت بعض الشغلات بس باجر برد منهم..وهذي حالتنا يوم نشتري وثاني يوم نروح نردهم..وبنتي تروح تشتري يروحها مادري شنو تشتري تالي بالليل تهون عنهم باجر الصبح بتروح تبدلهم..تالي نشوف وين بنروح يمكن بلووتر مع ان اللي بالفندق قال ترى المجمع عادي مايسوى تتعنون له..بس آنا مليت من اكسفورد واحب اشوف اماكن يديده..يمكن نروح كوفنت غاردن..اليوم لما رحنا ريدنج..طلعت يمها منطقة سويندون اللي فيها آوت لت.. بس مامدانا نروح له..وطق مطر والجو بارد استبردنا..فرجعنا لندن

 

[mr000]

سويت ليدي أنا احلي شي عجبني المحل اللي بره مكاين خياطه في رجنت ستريت اليوم شريت تونزات ومكرم السامع بوتات وشريت من سلفرجز اليوم عطر ترش واللوشن وعجبتني جنطه كروس من ألفي بس ماشريتها يمكن بأجر

مس بريتش هالمحل اسمه all saint واليوم المغرب محل أل في في سيلفريجز يينا بندش إلا طابور وموظف عالباب يسجل الاسامي مادري شيسجل

 

[mr000]

شلونج سويت حبيبتي

مس شخبارج انا كل يوم اتريق بالقهوة الي تحتكم وطريجي بالروحة والردة عن السكن معقولة ما شفتج ولا شفتيني !!!!!!!!!!!!!!!

أم فهد الساعه كم تروحين تتريقين يمكن وآنا ماره اشوفج..آنا اطلع مبجر بال9..مس بريتش انتي في كمبرلاند؟؟ عاد تصدقين حصلت فيه غرفه بس كنسلتها وحجزت زياده في ثيستل مع انه حسبلي الغرفه وااايد غاليه فوق ال300 باوند الليله..بس لأن مالي خلق نقلة الاغراض والجناط على 4 ايام..بس لو حاجزه استوديو في نفس مكان ام فهد وايد اوفر..هني الغرفه طلعت بسعر شقه..مالت عليهم..

 

[mr000]

يلا تصبحون على خير..ورانا طلعه باجر..خلاص طفيت من التعب