روايتي الاولى ( بدايه حبنا فرحه و نهايه قصتي وياك .. ) !!

[3rbawia 7lwa]

شكر خااص حق عرباويه اللي نبهتني و قلت لها تتعذر بدالي على ما اقدر اشبك و اكتب لكم من نفسي

​

العفوو حبيبتي ما سويت شي :**

 

[شنو نهايتنا ؟]

حمدالله على السلاامه :eh_s(15):

حبيبتي كملي ناطرينج و انشالله تنزلين لنا بارت طويل تعوضينه عن اللي فات

 

[eng.7oor]

اسسفه عالتأخير و هذا عباره عن بارتين و انشالله اذا الله قدرني بنزل اليوم بليل بعد بارتين

و القصه قربت عالنهاايه بس ما ادري والله ليلحين شكثر بقى عليها


البـــارت التاسع عشر

اول شي بنات اللي ببلش قراايه خل يبطل الراابط اول و يقرى البارت ويا اللحن

http://www.youtube.com/watch?v=-EQ6eHeBrhM

طلعت حور برا جوكلت بار و ردت على جابرها

حور : الو هلا حبيبي
جابر : حورووون ما تصدقييييين كلمت اميي اليوم

حور : ..........................

جابر : كلمتها قلت لها يمه انا ابي البنيه و عاجبني و انا ماني ياهل عشان ما اعرف اختار عاد امي قالت يعني شمعنه هذي من بين البنات ؟ قلتلها يمه اعرفها زيينه البنيه نظيفه و كاافي انها عمرها ما جذبت علي الحين بس بقى ابوووي

حور : جابر لا تقولهم خلااص
جابر : ...
حور : جابر انا قلت حق امي اوكي اليوم مو انت قلت لي جذي ؟
جابر : قلتيلها اوكي يعني ؟
حور : أي جبور
جابر : يلا قسمه و نصيب
حور : جبوور ليش جذي احس قلبي يعورني
جابر : حوروني ميحالف يبا يمكن اهو احسن مني
حور : لو الناس كلها احسن منك انا ما يهمني
جابر : بعد عمري .. الحين قعدي معاهم بعدين نتفاهم
حور : اوكي
جابر : لا تفكرين واستانسي لا يضيق خلقج
حور : انشالله
جابر : اوكي حبيبي باي و حطي بالج و لا تتلفتين
حور : اوكي باي

صكرت حور التلفون وقلبها و عقلها مع جابر مهي عارفه شنو تسوي و اللي تسويه صح و لا غلط

رجعت حور داخل عند جنان وخالتها و تصنعت البسمه عشان ما يبين عليها شي عالاقل جدام خاله جنان

خالة جنان أكييله تحب الاكل

خاله جنان : يلا شنو تبوون تطلبوون انا بطلب فوندو و مولتن و سلطه يونانيه و بطاط و بيبسي دايت
حور و جنان : هههههههههههههههههههه
حور : خالتي احنا بعد نطلب كل واحد بروح ولا خلاص طلبتي حقنا ؟
جنان : لاا جانج ما عرفتي خالتي هذا طلبها بروحه
حور : ههههههههههه انا من الطلب شبعت
خاله جنان : وييعه انتو الاثنين قولو لا اله الا الله
حور : تف تف عن العين لا اله الا الله مشالله يبا لا تقولين طقيتج عين
خاله جنان : أي جذي اوكي
حور : خلاص انا ابي مولتن ملك كيك
جنان : انا ابي براوني
خاله جنان : اوكي يلا الحين اطلب

و طلبوو و قعدو ياكلون و حووسه وبعدين سوالف شوي مني منااك ردوو على المغربيه و ردت ضيقه الخلق على حور

ردت حور علطول انسدحت على فراشها و تحس بجسها كله يعورهااا من عوار قلبها .. إلتوت على نفسسسها و دموعها تنزل بدوون صوت و ظلت فتره و تتذكر مواقف ويا جبوور
لما اول مره يشوفها بمركز سلطاان و لما يعصب عليها عشان داايسه و لما يحاتيها يوم تسافر و احداااث بسيطه و فكره ورا فكره غمضت حوور عينها حيل جنها تبي تنحااش من الواقع اللي فيه
مر عليها تقريبا ساعتين على هالحال ملتويه على فراشها و دموعها تنزل و تتذكر مواقف كانت في حاله وعي و لا وعي بنفس الوقت ما تحس بحوالينها بس صاحيه تتذكر اللي يصير لها و اللي صارلها

صحت من نوبة الحزن على صوت موبايلها
فزت من مكاانها حست انها ميته من الشووق على صووت حبيبها على صووت روح قلبها على صووت انفااسه و كل شي فيه
مسحت حور دموعها

شالت التلفون

حور ( تحاول ما تبين انها باجيه ما تبي يحس انها كانت تبجي و يضيق خلقه ) : الو
جابر : هاا حبيبي وينج ولهت عليج
حور ( دموعها تنزل ) : و انا اكثر حبيبي
جابر : لو مشتاقه جان دقيتي
حور : كنت افكر فييك
جابر : بشنو ؟
حور : بكل شي من الالف لي الياء
جابر : هههههههه تحبيني
حور : واااااااااي شقد احب هالضحكه
جابر : يالكاوليه
حور : ههههههه انا مو كاوليه

غريبه مع جابر تنسى كل همومها و لا جنه اهو سبب هالحزن اللي اهي فيه ! مع جابر تحس انها كاامله و مو نااقصها أي شي .. مع جابر الدلع يصير منها و فيها ما تتصنعه .. مع جابر تحس الدنيا ليلحيين بخير و ما تبي غير على صوته تغفي .. غريبه الدنيا !

كملو حوور و جابر سوالفهم لما صااار الليل و كاانو توهم بيناامون

جابر : ننام حبيبي ؟ وراي دوام
حور : هممم اووكي حياتي تصبح على خير
جابر : لحظه لحظه هييي تعالي وين بووستي
حور : كاهي موجوده امممموااااااااااه
جابر : ااااااااااخ اتعب اتعب انا
حور : أي اتعب شوراك
جابر : ههههههههه ايا الحيواانه
حور : هههه احلى حيوانه
جابر : فديييييييييتها
حور : ههههه يلا نوم العوافي حياتي لا تتأخر على دوامك
جابر : الله يعافيج قلبي و عمري و دنيتي

و سكتو عشاان يناامون مثل كل مره

بس شلون حور تنام مثل كل مره و اليوم اعطت موافقتها على قبولها على ريال ثاني ! حور ليلحين مو مستوعبه اللي يصير لها تحس انها بغيبوووبه .. تحس اللي يصير كله مو صج و حلم تبي تصحى منه

حور اللي عمرها ما نست شي يخص جابر و لا عمرها حست انها بتكمل حياتها بدوونه


فجأه من غير سابق انذاار

بجت حور .. بجت حبها .. بجت قلبها اللي ينزف من يوم قالت اوكي .. بجت اياامها الياايه .. بجت مثل الياهل
انفجرت بجي

جابر : حوروووني شفيييج
حور : زااد بجييها
جابر : حورووني حبيبي لا تبجين عفيه بس
حور : ااااااااااي جاابر قلبي قلبي يعورني
جابر : والله انا اللي قلبي ذاابحني و راسي بينفجر من التفكير بس ساكت
حور : ماااااقدر جبوور عفيه ما اقدر والله مابي غيرك و لا راح احب غيرك ابيك بس انت

حور كانت منهاااره و قلب جاابر مكسور عليها مو هاين عليه يشوفها تبجي جذي تبجي حرقت قلبها تجي عشااانه اهو بالذاات

جابر : حبيبي حورونتي انتي يبا لا تبجين والله دموعج غاليه
حور : اااخ جابر الدنياا اكسرتني والله
جابر : حبيبي شنسوي الشي فوق طاقتنا
حور : تعبااانه حبيبي ابيك يمي جبوووور قوولي اذا رحت عني شسوي برووحي ما اقدر اسوي شي والله ما احب الصبياان بس احبك انت ماابي احد مااااااااابي
جابر : حوروني والله لو يمي جاان المج و امسح دموعج باايدي و لا اخليج جذي تبجين و لاني قادر اسويلج شي لا تقولين جذي يبا كل شي بيد الله اذا انتي لي رااح توقف السالفه لو على اخر يووم والله انا اللي كل يوم اموت عقب ما لقيت بنيه زيينه و حبيتها و دشت قلبي و كلمت اهلي عنها بتروح مني
حور ( قعدت تشااهق عشان توقف دموعها تبي تسكت و تحط بقلبها ولا يضيق بال جابر و لا يشيل همها اللي صار اليوم كان فوق طاقتها و غصبا عليها ) : خلاص جبور ماراح ابجي بابا لا يضيق خلقك .. انا ابجي اليوم او باجر و بعدها بصير زينه
جابر ( عيونه دمعت ) : ادري حبيبي قوويه ما ينخاف عليها
حور : أي انا قويه
جابر : عفيه عليج قومي مسحي دموعج بابا مابيهم ينزلوون مره ثانيه
حور : اوكي

قاامت حور مسحت دموعها و غسلت ويهها و ردت الفرااش
قطت روحها عالفرااش و تحس انهاا كبرت 10 سنين لي جدام كبرت بالهم كبرت بالحزن

http://www.youtube.com/watch?v=04xj_dABbno

اذا ناوي تروح ابفهم وين اروح
تخلني اعيش بعدك بألم وجروح
وذا عنيمشيت واذا غيري لقيت
منو غيرك انا بلقا يروح الروح
يعني ترضاها علي تترك ايدينك ايدي
تنسى منهو عايش عشانك ان كان ميت وإلا حي
اذا نويت تعشق تحب ثاني امانة لاتنساني
لاني احبك موت
طمني عليك اذا
حسيتباي اذى
بتلقاني مع قلبك اذا بكى
منو يحس في انا
اذا ذقت العنا
منو يداري قلبي اذا في يوم شكى
يعني مابشوفك بعد
ولااسمع صوتك ابد
تذكر هالمكان انا وانت زمان
تذكر يوم تسقني حب وحنان
اذا ناوي الغيب ابرضى بالعذاب
خلاص روح الله معاك
وبخليك انا بهواك
واذا خايف انا انساك
انسى روح ماانساك


قامت الصبح حور بدون منبه على موعد قومت جابر حق دواامه

حور : جبوري حبيبي يلا بابا قوم دوام
جابر : همممممم
حور : جبووري جبوري يلا بابا قوووم
جابر ( حده دايخ ) : ها حبيبي قعدت يبا
حور : لا راح ترد تنام يلا قوم جدامي غسل
جابر : هههههه يلا حورون قومي يلا طسي
حور : ترا ليلحين معطتك وي قوووووم قلنا
جابر : زييييييييين قمت قمت
حور : عبالي بعد
جابر : جب تكلمي عدل
حور : ماني متكلمه شبتسوي يعني
جابر : هههه تتحدين
حور : بشووف شاللي تقدر عليه يعني
جابر : مشششكله ما اقدر اسويلج شي
حور : هههههههه عيل مره ثانيه لا تقول شي مو قده
جابر : انشالله عمتي
حور : قول عمتي حور
جابر : يا شين ملاقتج من الصبح
حور : كح كح يلا رووح غسل حبيبي و رد دق علي اول ما تطلع ناطرتك
جابر : اوكي قلبي باي
حور : باي

صكرت حور التلفون من جابر

كانت حور منسدحه على الفراااش تطالع السقف و دموعها تنزل
( ااااااااخ ياربيي كلها جم يوم و بفقده .. مااااااني قادره اعيش بدووونه والله احببه اكثر من نفسيييي بعد والله احببه لييييييش ما تحسوون فييني ليش )

قطع حبل افكارها اتصال جابر عليها

حور ( تعدل نبره صوتها ) : هلا حياااتي
جابر : عمري والله حبيبي شفييج تعبانه ؟
حور : لا مافيني شي بس لاني توني قاعده من النوم
جابر ( ما طافت على جابر السالفه و يدري باللي حور تفكر فييه حبيبته و مالكه قلبه شلوون ما يعرفها ) : اممممم يلا عيل حبيبي كملي نومتج و انا وقت اللي افضى بكلمج و انتي اول ما تقومين بعد كلمييني
حور : انشالله يلا دير بالك بالطريج و شوي شوي
جابر : انششالله عمري
حور : اممممممممممممواه باي
جابر : اااااااااااااي قلبي ههههه بااي

صكرو حور و جابر التلفون

حور حسست انها بتمووت من ضيقه الخلق تحس كارهه كل شي حولها ما تبي شي ما تبي تطلع ما تبي تروح الكليه ما تبي تسوي أي شي بس تبي شي يردهاا حق جابر

جابر يفكر بحوور و شلون بتعيش مع غيره و يفكر بحور اللي تغيرت نفسيتها و تعبت مو هاين عليه يشوف حبيبته جذي و مو قادر يسوي شي و اهو بعد صااكه فيه الدنيا و اللي يعرفه رااح يعرف انه مو اهو جابر الاولاني

ناامت حور و كانت تتمنى تطوول نومتها و لا انها تقووم على وااقعها المؤلم

ظل جابر بالدوام مو قادر يشتغل و لا يبي يكلم احد على غير عوايده و طبعه الاجتماعي

بو محمد : شفيييك جابر بيعنا بالسووق
جابر : والله مالي خلق يا بو محمد
بو محمد : افاا والله ما عاش اللي مزعلك قولي يبا يمكن اسااعدك

( بومحمد صارله 3 سنين متزوج و ماخذ مرته عن حب )

جابر : شقووول و شخليي والله احس مخي وقف عن التفكير
بو محمد : له علااقه موضوعك بالحب ؟
جابر : ايي بو محمد البنيه انخطبت و اهلها مصممين عليها تاخذه لان يعرفونه زين و اهي قالت حق امها عني بس الام عبالها انا العب عليها وامي و ابوي صعب يقتنعوون انه اهي غير عن باجي البنات اميي موافقه بس باقي ابووي و انا قلت لها تقول لهم اووكي ما كنت ابي اوقف نصيبها و اخر شي ما اقدر اخذها
بو محمد : امممممم والله شووف يا جابر اهي البنيه اذا من نصيبك بتاخذها بتاخذهاا بس انت حاول تقنع ابووك و اهي خل تحاول تأجل الموضووع و اللي الله كاتبه بيصير بس لا تقعد تحط ايدك على خدك و يضيق خلقك
جابر : انزين شلوون الزواج بنفس الوقت اخاف استعيل عالزواج
بو محمد : والله بالنسبه لي الزواج واايد حلوو و مرتااح مع المره الحمدلله
جابر : انا متاكد اني راح ارتاح معاها والله بس اللي خايف منه المسئوليه و هل انا راح اقدر اتخلى عن شغلات وايد بعد الزواج
بو محمد : انت اذا حبيت الشغله ما يهمك أي شي ثاني بعده
جابر : الله كريم خل ارد اكلمها و اشوف شيصير ادعييلي بو حمود
بو محمد : الله يكتب اللي فييه الخير لكم

....

و بعد ساعه وصل مسسج حق حور من البرناامج و اول ما بطلته و لا مقطع فيديو من جابر

الفيديو جابر مصور نفسه و اهو قاعد يتكلم و يقول : ( حوروني نصيحه مني يبا لا تفكرين لا تفكرين و خلي كل شي بوقته و انشالله كل شي بينحل بس حبيبي لا تفكرين عشان انتي لا تتعبين )

حور شافت الفيديو ما همها الكلام اللي ينقال بس ظلت تعيد عالفيديو مره و مرتين و ثلاث تشووف فييه وييه جابر اللي كان مبين عليه التعب و سوااد تحت عينه و اسلوبه الجااد اللي غير عن كل مره و ظلت تعيد مره تركز على عينه و مره تركز على حركاته و مره تركز على حلجه و اهو يتكلم

باختصااااار كااااانت مينووونه بجابر و خصوصا حست انها فتره و رااح تخسره

http://www.youtube.com/watch?v=MMwI3e3nOBo&feature=related



لمني بشوق واحظني
بعادك عني بعثرني
صلبني في صقيع الموت
و رداني لهجير الشوق و ذوبني
تعال طفي النار الي تسعر

لمني بشوق و احظني
غرقني ببحر عينك
نسيني الالم كله
تقرب و العتب خله
اغسل كل شقى سنيني
و امسح دمعتي بعيني
تراها جرحت جفني

لمني بشوق واحظني
سكن رجفت ظلوعي
كل خوفي من رجوعي
ولا تطري سنين الظيم
ذكر فرقاك يرعبني
و لي لمني دفا حظنك
و غفت عيني على صدرك
احلفك لا توقضني احلفك لا توقضني

مر اليوم عادي تلفوونات بين حور و جابر كلام شووق و حب و سوالف عاديه و شووي بجي و خوف من البااجي

بعد يومين كان اول يوم دواام حق جنان و حور بالكليه

داومت حور غير عن كل مره بدون كشخه بدون نفس و بدون ميك اب مو هاامينها الناس و لا شكلها جدامهم دام جابر مو معاي بالكليه شنو ابي بالكشخه .. وقتها جذي كانت تفكر

جنان دقت على حور

جنان : حورووووووون وينج يا كلبه مشتااقتلج تعالي بشووفج
حور : هههههههه يا بعدهم والله انتي لو بس في منج نسخه ذكريه جان زواج علطول
جنان : ههههههههههه ويعه يلا وينج خست بالحر
حور : انا بمبني 14 داخل صوب الكلاسات تعالي
جنان : يلا كاني يايه


دشت جنان المبني و شاافت حور بعييد قاعده عالكرسي و سرحاانه

جنان : يااااااااااااااا شقووول ويين الكشششخه ليش مو لاابسه بس انسى يبا
حور : ههههههه عادي ما فيني شي بس مالي خلق اكشخ بالحر
جنان : من متىى و لحظه تعالي لايكون متعوده طول عمرج على جو اورباا طول عمرنا حر
حور : هههههههه كيفي يبااا مابي البس مو مزاجي
جنان : انا بشووف مزاجج هذا لي متى

قعدت جنان يم حور و قعدت تسولف وياا حسن
حور كانت تطالعها و تتذكر يوم اهي كانت تكلم جابر و جنان تكلم حسن و يتحرشون ببعض لان جابر و حسن بنفس الدوام و حور و جنان بنفس الكليه

حور ( ااااااخ ياني بفقد هالايااام )

جابر طرش مسج حق حور
( قلبي شنو قاعد يسوي الحين )
( بالكليه و الجو خايس وييع )
( عيل احنا شنقوول كرااف من الصبح درسي يبا و انتبهي عدل ابيج متفوقه )
( انشالله عشانك بس )

دشو الكلاس حور و جنان كانت كلاسااتهم كلها ويا بعض
حظروو 3 كلاساات ورا بعض

بعدهاا جنان اقترحت على حور يتمشون بالسياره يغيرون جو

حور : جنون مالي خلق اسوق هااج السويج انتي سوقي
جنان : يلا اوكي

ركبو السياره و حور مالها خلق شي تبطلت على اغنيه كاانت تحب تسمعهاا و تدق على جابر عشان يسمع الاغنيه معاها

http://www.youtube.com/watch?v=PpexP7J6uF4

عمرك سمعت بطير ويحب سجانه
من شافك انت نسى وش تعني جنحانه
انا تراني طيرك اللي يحبك موت
لو حب قلبي غيرك بدعي عليه يموت
في قربك انت نسى انه ياعمري طير
ماتشد عينه السما ولا يريد يطير
هذا الغلا و الحب من الله سبحانه عمرك سمعت بطير ويحب سجانه ؟
انت الوحيد الذي احيا علشانه
انت زرعت الوفا و امسيت هدانه
انت زرعت الوفا اومسيت هدانه
انت وانت الوحيد الذي احيا علشانه
ما اقدر اعيش بدونك يادنيتي والكون
والله وغلات عيونك ما انسام مهما يكون
قربك لقيت الدفا لأنك يا حبي غير
كل ماحلمت بوفا القاك له تفسير
هذا الغلا والحب من الله سبحانه عمرك سمعت بطير ويحب سجانه ؟
قبلك فؤادي انا غرق في احزانه
واليوم حبك ترى نساه حرمانه
يا تاج راسي محبك يا تاج فوق الراس
تحلا الحياة في قربك يا سيد الإحساس
ما عمر قلبي شكى في دنيتك تقصير
مهما يا ذخري حكا يعجز عن التعبير
هذا الغلا والحب من الله سبحانه عمرك سمعت بطير ويحب سجانه؟

اول ما اشتغلت الاغنيه جنان حست بحور انها راح تتضاايق لان تدري انها تحب هالغنيه وايد و تذكرها بجابر لان كانت تغنييله هالمقطع

انا تراني طيرك اللي يحبك موت
لو حب قلبي غيرك بدعي عليه يموت

ما اقدر اعيش بدونك يادنيتي والكون
والله وغلات عيونك ما انسام مهما يكون

جنان كانت تغني ويا الاغنيه و بعدهاا طالعت حور كانت مسنده راسها عالكشن و دموعها تنزل

جنان : حورووون حبيبتي لا تبجيين ميخالف انتي سويتي اللي عليج و زياده و الباجي عليه اهو
حور : بس دموعها تنزل بدون ما تتكلم
جنان : حوروون والله ماراح اقدر اسووق سكتي بس ( تمسح دموع حور )
حور ( سندت ايدها على جامت السياره و غطت عينها و قعدت تبجي بصوت مسموع ) : جنون ماني قادره عفيه قوليلي شسوي تعبت والله
جنان : بس حورون انتي ما تسوين شي الحين .. الحين دوره اهو الريال
حور : جنون انا من الحين بس اتذكر انه بنفترق قاعده اشتاقله والله معنه اهو ليلحين معاي شلون اذا صج ما قدرت اكلمه انتي مستوعبه انه خلااص من اتزوج طول عمري بعد ماكو جابر
جنان : ادري صعبه حبيبتي بس خلااص مو بيدج الشي ( قعدت تمسح على ظهر حور عشان تهدى )
جنان : يلا قووليلي بسرعه وين تبين نتغدى ؟؟ من زمان مو طالعين طلعه مثل الاوادم
حور : ههههههه روحي المكان اللي تبينه حبي انا مابي اكل والله و هالزفت شفيييه يطالع جذي اول مره يشوف وحده تبجي يعني
جنان : ههههههههههه بعد قاعده تبجيين اكييد بيتطمشوون
حور : واي عاد صج مالي خلق احد يلحق و لا يسون شي
جنان : استغفر الله وقت اللي كاشخين محد يطل بويوهنا وقت اللي مهلقين و مو كاشخين العموم يلحقنا
حور : هههههههههه انزين امشي لينوتر البحر
جنان : يلا اووكي بس تمكيجي اول عشان يمكن تتعدل نفسيتج
حور : زييييييين زيين بتمكييج يمممه
جنان : ههههههه أي غصبا عليج
حور : اوكي :$

راااحو حور و جنان المطعم و قعدو ياكلون و يسولفووون

التكمله الباارت الياااي

نهااية البــــــــــارت التاسع عشر

بانتظار الردوود و التعليقات ​

​

 

[eng.7oor]

رد: رد : روايتي الاولى ( بدايه حبنا فرحه و نهايه قصتي وياك .. ) !!

ماعـليج من احد حووور ولله ضااق خلقي عليج

ماتشووفين شر ياربي لله يقومج بالسلامه ويبعد عنج الطلاق والمشاكل واهم شي راحتج ولله مو مجامله مافيها شي لو نطرنا وصبرنا الصبر حلوو ولله يعطيج العافيه

الله يعافيج ويخليج لي يارب

مشكووره عالنطره والله ما قصرتوو :**

دعوااتكم بس

 

[eng.7oor]

رد: رد : روايتي الاولى ( بدايه حبنا فرحه و نهايه قصتي وياك .. ) !!

الحمدالله سلامتج
والله يبعد عنكم الحسد ويبعد عنكم الطلاق
لااااااااااا مانبي اختصار
نبي نعرف كل شي بالتفاصيل
ومـــــشكووووره حبيبتي ع القــصه الي اكثــــر من الرووووعه.....:sfg:oster_av1:

الله يسلمج ويخليج يارب :**

الله يسمع منج

العفووو حيااج الله

و انشالله بحاول ما اختصر و اكتب لكم بارتات وايد و ما اطول عليكم

 

[eng.7oor]

اب لعــــــــــيــــــــــــونـــــــــــــــــج:nbvppw:

بعد عمري والله :**

تسلميين

 

[eng.7oor]

رد: رد : روايتي الاولى ( بدايه حبنا فرحه و نهايه قصتي وياك .. ) !!

الحمدلله على السلامه حبيبتي والله يبعد عنج الطلاق انشالله والمشاكل يارب ترى والله اهم شي راحتج شتسوي القصه تكتبينها وانتي مضغوطه اهم شي راحتج ترى وحطي بالج على نفسج ترى انتي غاليه عندنا وانشالله تتحسن امورج يارب​

والله الضغط اللي علي مو شويه

انشالله و ترا نزلت بارت لعيوونكم حبياايبي

تسلمييين عمري عالنطره :**

 

[eng.7oor]

حمدالله على السلااااااااااااامه .......... Miss u

و يبعد عنكم الطلااق ان شالله


يلا حبيبتي ناطرينج

الله يسلمج و يخلييج

يارب الله يسمع منج :**

انشالله البارت نزلته ناطره تعليقااتكم :**

 

[eng.7oor]

حمدالله على السلاامه :eh_s(15):

حبيبتي كملي ناطرينج و انشالله تنزلين لنا بارت طويل تعوضينه عن اللي فات

الله يسلمج و يخليج يارب

ايي كا البارت نزلته لكم و انشالله يعجبكم :**

 

[بيـــشو17]

تعور القلب حور بس الله يوفقهم مع بعض
البارت رووووووعه ماقصرتي حبيبتي:tek:
وناطرينج بأي وقت على راحتج:33_1185028183:

 

[3rbawia 7lwa]

ما ادري شقوول
عورتي قلبي و الله
حبيبتي خلااص هاذا نصيبج ما تقدرين تغيرينه اذا لج نصيب بجابر بتاخذينه انشالله
ادري تعذبتي واايد و انتي تكتبين الباارت الله يقويج انشالله
يعطيج العافية :**

 

[sweet.sanfoora]

thnq ;;*

 

[Miss.blue berry]

رد : روايتي الاولى ( بدايه حبنا فرحه و نهايه قصتي وياك .. ) !!

waaay abeeh g3dt asma3 al.song o0 agra bchet m3haaa
laish chthey waay eli y7boun b3a'6 9ij m alhum n9eeb
alah ywfgech 7oor o0 ymkn elii 5a6bch b3ad ykoun zean
o0 eli alah katba b9er enshalah
na6ren al.part ak.yay

 

[βεŧŧy βσσρ]

حرآآآم كسرت خاطري حور
جآبر مو من صجه لما قال لها تزوجي كلم اهله
بآآط جبدي
نآآطرين البارت الياي

 

[Babya Doll]

انا توني اطيح على الرواية
حدها رووعة
وااي شهالحظ لما عطت اهلها الموافقة يكلم اهله

الله يجمعكم

 

[mouza]

رد : روايتي الاولى ( بدايه حبنا فرحه و نهايه قصتي وياك .. ) !!

اول شي تومانور المنتدى بالبارت الديد وبصراحه كنت انا واعتقد الكل متشوقين ونبي نعرف ونقرا بارت يديد بس ما الومج ياقلبي انه ظروفج ماسمحت لج وهل شي محد يقدر يعترض عليه وانتي بأيدج ماتكملين الروايه وبايدج تكملينا واتنمى انه ماتوقفين وربي يسهل عليج انشالله ويفتح عليج ابواب رحمته والي فيه الخير انشالله بيصير لج وله انشالله وترى اهم شي اهم شي صحتج وراحتج امانه لاتضغطين على نفسج خلج على راحتج الروايه مو طايره اهم شي الي تكتب الروايه والله تراج غاليه وشكرا انج كتبتي هل بارت وانتي بهل ظروف:balo:​

 

[يا حبي الأول]

رد : روايتي الاولى ( بدايه حبنا فرحه و نهايه قصتي وياك .. ) !!

انا توني اقرا الروايه .... حور ما كان ذنبهاا شي سوت الي قال لهاا جابر سويه و جابر تسرع شوي لو قال لهاا تطلع لهم اي شي يعنى مريضه تعبانه اي شي ... ههههههههههههههههه لو انا مكانهاا اكسر ريلي ... بس الله الي كاتبه بيصيررر واتمنى اذا خذت جابر ولا غير يوفقهاا و يرضيهااا رب العباد

 

[Last !i Queen]

رد : روايتي الاولى ( بدايه حبنا فرحه و نهايه قصتي وياك .. ) !!

كــفـيتي و وفيـتي حـبيبتي

 

[marshmallow]

مشكوره على البارت ناطرين التكمله حبي

 

[سفرجل]

فديييييييييييييييييييييييييييييييييييييييييييييييييييييييييييتج ياحووووووووور على اسم بنتي
الله يحفظكم ههههههه

كملي توني اشووف قصتج وسهرانه عليها
حبيبتي اتهبللللللللين حبيتج