رد : عيد ميلاد زوجي ابي افكار
لأني ماره بنفس مرحلتج وحااسه فيج فبساعدج ..
-اول شي اهتمي بنفسج انتي قبل كل شي .. اشتريلج قميص نوم حلو اللي يحبه ريلج ! عاد اكيد انتي عارفه شنو يحب طويل قصير تور شفاف مشخل .. اشكال والوان عندج-حوالي 15 او 20 دينار هذا خلصنا منه !!
-سوي شعرج بالبيت اوفر لج اول شي استشوريه عقب سويه ستري مادري انا افضل ستريت خليه سيده وبف ناعم وقذله ..على حسب شعرج او حسب ريلج شنو يحب الكيرلي الويفي الستريت انتي اختاري .. الشعر ماخذه منج فلوس .. خنكمل
-اخذيلج شموع مثل ما قالت الاخت اللي قبلي وصفطيهم ورا بعض على حسب المكان او صفطيهم على شكل قلب الحب بكل مكان تقلينهم في من بو اميه وفيه بأيكيا
-عندج بحولي مال الأضواء اخذيلج هاذي الابجوره اللي اطله الوان او ليزر او قلوب في اشكال وااايد تره رخاص انتي كاسريهم بعد في ب 5 او 10 وطاااااالع تره مو مهم الكبر لأن بالظلمه كلشي راح يبين !
-سوري اذا كنت جريئه بس في رياييل يستانسون على هالشي لأن بيحسون بأهتمام (اشتري بوكسر نفس لون قميصج) تلقين بمحلات قمصان النوم-دبنهامز-اتش اند ام-وااايد اماكن اخذي شي ذرب قطن او ستان (عاد انتي قوليله بذرابه ودلع ونعومه) ابي اشوف هالبوكسر عليك
راح يستانس ..
................................................................................
-عالهديه شوفي ..اشتري بوك-ولاعه كشخه-قلم-يبله قماشة دشداشه زقرتيه-ميداليه حق السياره-بزمات..
انتي شوفي شنو عقلية ريلج في والله شباب يحبون البلاي ستيشن (اشتريله games)
في شباب يدخنون اخذي ولاعه كشخه او علبة زقاير كشخه
اذا ناقص ريلج تكريمن جوتي او نعال اشتريله
عشان ميزانيتج انا اقول عطر شرايج ؟؟ عندج عطر(silver cent) وااااو حده عجيب عندج (كريد-بليجر-كارولينا هوريرا-دنهل-جاجوار-جيس-هوت جيفنشي-بولجاري)
او دهن عود او بخور
اخذيله مثلا بيجامه من دينهاامز تلاه حلوووووووين حق البيت
......................................................................
وصلنا حق الكيكه : سابليه - لابجيت - الخباز - كيك اند بيك اخذي كيكه ياكلها ريلج يعني شوفي شنو يحب؟؟ كاكاو فانيليا ؟؟
واخذيلج صينية ميني فطاير لا تثقلون
وعندي لج فكره خطيييييييييييييره انا مجربته ومسويه جو بالغرفه
روحي محلات الألعاب مثل طقت الشناكل قولي له ابي بالونات وتفخيهم بغاز اهو ينفخهم لج ويخلهم عندج بالسياره 15 بالونه ب 5 شرايج هذا اللي بالجابريه وينزل من البالونات خيوط طووويله شوفي تاخذينهم توزعينهم بالدار ويطيرون اهما بالشقف فالخيوط راح تكون نازله شوي يعطي منظر عجيييييييييييييييب
وبعد روحي غيري كفر سريرج اخذيلج لون حلو وخلي البالونات نفس اللون
يعني اذا الكفر احمر وابيض - خلي 10 بالونات حمر و5 بيض
...
شغلي بالدار شوية اغاني رومانسيه
.. وعندي لج فكره انتي زهبي كلشي بشقتج وظبطي امورج- وشوفي عشان ميزانيتج حجزي مطعم اللي يحبه ريلج روحو تعشو ردي البيت قولي له لا تنزل طقلك فره بالطريج او روح قهوه او يقعد عند اهله كيفج عاد انتي طيري ظبطي نفسج لبسي كشخي تعطري ودقي عليه
سوي من اول ما يدش صوريه فيديو مثلا واهو داش الشقه ليما يدش الدار خليه يشوف الدار شنو مسويه من مفاجاءات عاد الباجي انتي كملي تعرفين شتسوين احم احم ...
ولا تعطينه الهديه .. خشيها حطيها مثلا تحت راسه عشان اول ما يقوم صبحي عليه وقولي له شوف تحت المخده .. مادري انتي كيفج
انا اعرف وحده حطت الهديه داااخل الكيكه
وخلته جدام اهله يقصها وتخيلي مو راضيه تنقص ولا يلاقي هديه الكل انصدم من الحركه يعني حركات واي استفسار انا حاضره
