شنو الكتب الي راح تاخذونها من معرض الكتاب..........؟

[life1]

قوة


بنات خنفيد و نستفيد


شنو الكتب الي راح تاخذونها من المعرض.............؟



بالنسبه لي....


-كتب العريفي...استمتع بحياتك

-كتب الثويني

-كتب ابراهيم الفقي...النجاح و هالسوالف

-فيه مجموعة كتب....52 فكره رائعه فيه جم شغله ابالي واهم عباره عن مجموعه من الكتب:

-52 فكره رائعه لطول العمر
-52 فكره رائعه للبعد عن التوتر
-52 فكره رائعه لحياه سعيده
.............


اممممممممممممممممم


اذا اتذكرت اقولكم

:eh_s:

 

[سراب فوفو]

رد : شنو الكتب الي راح تاخذونها من معرض الكتاب..........؟

ودى اروح معرض الكتاب

متى المعرض تاريخ جم ؟

شوقتيني حق كتاب ابراهيم الفقي...النجاح

 

[dяέἆᶆ qûếếἦ]

انا كل سنة احط لسته معينة ومو الكل القاهم مع الاسف

هالسنة :عروس المطر / بثينة العيسى..
ثلاثية احلام مستغانمي ذاكرة الجسد ,فوضى الحواس ,عابر سرير ..

رواية زويا اميرة روسية ///إن شاءالله القاها لان خالصة
الغريبة لـمليكة اوفقير مو اكيد لاني حاليا اقرأ لها السجينة اذا عجبني بشتري الغريبة
كتاب طارق سويدان عن اليهود .اليهود الموسوعة المصورة امدحته لي رفيجتي
ورواية نجيب محفوظ ثرثرة فوق النيل هذا الكتاب قصته قصة تضحك ههههههههههههه شفت مسلسل ساهر الليل وتحطت يوم ناصر يهدية لؤلؤة وقررت اشترية خصوصا انه لنجيب محفوظ الي ماقريت له شيء
كتاب علم نفس بس للحين مو عارفة شنو ؟؟

وهيثم بودي مو قاريه له شي كلش وابي اقرأ له بس مو عارفة احلى شي كتبة شنو ؟؟
وهذيل للحين .. ويعطيج العافية ع الموضوع الي جاء بوقته اذكر العام عضوة نزلت موضوع مشابه وحيل استفدت واخذت بعض اسامي الكتب من اهني اي ماعندج فكرة متى يفتح اي تاريخ ؟؟..ومشكورة

 

[بنوتة طموحة]

أنا عن نفسي أبي رواية كبرياء وهوى لـــ جين أوستن

وأبي كتاب المثقفون العرب واسرائيل لــ جلال أمين

عرضه العوضي ببرنامج بيني وبينكم برمضان مضمونه وايد حلو

وضاع ديني لــ جيفري لانغ هم اهو من ضمن الكتب اللي عرضهم العوضي

ووااايد بعد إذا تكرتهم بكتبهم

وأتمنى البنات يشاركونا علشان نستفيد من بعض

 

[دلع السلاطين]

مافي شي بمخي
بس ان شاءلله نلاقي كتب حلووه

 

[أم روعة]

انا بعد مازهبت اللسته
مع اني قايله ما اراح اشتري اي كتاب الا لما اقرا كل الكتب اللي عندي ,عندي فوق الاربعين كتاب للحين ما قريتهم
المشكله ما اقدر اقاوم المعرض

 

[Kadin Cligin]

رفيلو كتب احلام مستغانمي ذاكرة الجسد وعابر سرير ممنوعة بالكويت


**

ولستتي للحين ماجهزت واجد كتب صراحة وكل يوم اضيف كتب بزهبها قبل المعرض باسبوع واحطها اهني

والمعرض للي سألوا تاريخ 13-10

 

[miss-zozo]

رد : شنو الكتب الي راح تاخذونها من معرض الكتاب..........؟

انا ناوية علي :1) كبرياء وهوى لـ جين اوستن
2) اعترافات غايشا لـ ارثر غولدن
وبــــــــــــــس

 

[كلي أنوثة]

كتب احلام مستغانمي موجودة بالعجيري و زويا موجودة بجرير توني رايحة و شايفتها وايد نسخ
انا ودي كتب عن الشرق الاقصى و خصوصا الصين عن عاداتهم و تقاليدهم و افكارهم الي شوي غريبه مثل الفنغ شوي و ماحددت شنو بشتري بالضبط بس احب اول شي اروح مكتبة العبيكان لان ترجمتهم للكتب وايد احسن من جرير و ايضا بشوف الدار العربية للعلوم و دار الانتشار و الساقي

 

[نـ(المطيري)ـازكـ]

انا والله مو حاطة شي ببالي

بس ان شاء الله (( ما اخذ روايات)) لان عقب الرواية الاخيرة المنتظر كرهت كل الروايات لاني مافهمت منها شي ..

امممممم ابي شغلات ثقافية عن الشعوب وعن السياسة نوعا ما

اممممم ابي شي عن حياه هتلر .. نزلتة عندي بس افضل اني اشتري كتاب ..

 

[:: Diva ::]

الي تحب الرعب لا تطوف كتابي

 

[أنثى اليمامة]

رد : شنو الكتب الي راح تاخذونها من معرض الكتاب..........؟

غريبة ليش ذاكرة الجسد ممنوع بالكويت ...! أنا قريت الكتاب من على النت ما فيه أي شي بالعكس من أروع الكتب الي قريتها و أثرت فيني كثير ... وما فيه أي شي ... عادي جداً ... روايه روووعه وانصح الكل يقراها

عابر سرير ما قرأته للحين بس بقراه هو وفوضى الحواس ...

بالنسبة لمعرض الكتاب للحين مو حاطه شي معين ببالي بس أبي اشتري
مائة عام من العزلة .... وابي اشتري رواية أنا كارنينا

 

[miss_math]

رد : شنو الكتب الي راح تاخذونها من معرض الكتاب..........؟

مملكة البنغال لـ محمد الداود ..

ذكرات سمين سابق .. لـ تركي الدخيل

هكذا هزموا اليأس لـ سلوى العضيدان ..هذا الكتاب شريته من فترة وما قريته وشافته خالتي وعجبها وعطيتها أياه

افتح النافذة ثمة ضوء .. لخالد منيف ..

رواية طريق الحب لـ محمد الداود ..

http://www.mdawood.com/blog/wp-*******/uploads/2010/01/Love-Path-Small-181x300.jpg

 

[:: Diva ::]

كعادة كل سنه
احط الفليسات بالجيب
و افتر و اي شي تطيح عيني علي ما عندي و يجذب اخذه


ان شالله بحط لكم موضوع عن مشترياتي


اممممممم اول شي اسويه اروح رابطة الادبا و اشتري كل الاصدارات اليدييده
كلها بدون استثناااء

و عقب افتر بالصالة الدور الكويتيه و انتقل للمصريه و اللبنانيه
اخر شي الاطفال


هالسنه عاد الاطفال يدييد علي
ابي كتب حق ولدي

 

[أم وهابي]

بنات طهران


عجيب قريت مقتطفات منه


المنتظر قريته ما فهمت شى

 

[راعية الطويلة]

رد : شنو الكتب الي راح تاخذونها من معرض الكتاب..........؟

كتب وايد بخاطري

منها كتب الشيخ علي الطنطاوي رحمه الله

و رواية ماجدولين اللي ترجمها لللعربية المنفلوطي

و كتاب نساء أهل البيت للأستاذ أحمد خليل جمعة

و الذاكرة عامرة بالكتب الكثيرة

و إن شاء الله

نروح المعرض ​

 

[dadomi]

رد : شنو الكتب الي راح تاخذونها من معرض الكتاب..........؟

ام وهابي اسم الكتاب بنات ايران ويسلمو على الموضوع الحلو

 

[miss_math]

رد : شنو الكتب الي راح تاخذونها من معرض الكتاب..........؟

ديفا حبيبتي نزلتِ كتاب ؟

عالبركة ..

شنو اسمه علشان نشتريه .. وننقده بعد ههههههههه

 

[~ miss NERD ~]

في كتاب عن مقتبسات علي بن ابي طالب رضي الله عنه نسيت اسمه ان شاء الله بدوره
و بعد كتاب رواية السهره الاخيره
و مادري وايد كتب في بالي بس نسيتهم >_<

 

[a3gl-5bla]

تصدقون اغلب الكتب اللي ذكرتوهم شايفتهم من اسبوع يوم كنت بدبي بمكتبة كانكونيا الشهيره

و اللي تحب احلام مستغانمي خل تقرا ايدد كتاب لها اسمه نسيان كوم
وااااااااااااااايد حلو بس طوفي اللي ما يعجبج لانها متكلمه عن اشياء دينيه حرام و اهيا محللتها و عندها نوع من الاباحيه شوي

انا شبعانه كتب و عندي كتب وايد مو قاريتهم للحين

بس لاااااااازم اروح معرض الكتاب و لاااااااااازم اشتري!! مادري ليش فيني هالطبع احب اكود الكتب و امسكلي اكثر من كتاب اقراه بنفس الوقت و آخر شي ما اكمل ولا واحد فيهم ;/
طبعا مو دايما.. بس هذا وضعي حاليا خصوصا ان الدوام بدا