تجمع British Playhouse Nursery

[MoonDiamond]

ابشرج مون دايموند راحت البقعه من التي شيرت الحمدالله وانا استغربت ان مو ملبسينه بس يالله عادي فدوه حق ولدي اهم شي مستانس بس بسالج اهم كل اشكثر ينزلون صور عيالنا ؟

زين يا معوده واي والله فداهم كل شي


وبخصوص الصور ام عبدالعزيز قالتلي اليوم بالليل راح تنزلهم

بس السمستر اللي طاف كان كل احد تنزل الصور

عاد يمكن هالسمستر كل خميس


حديييييييييييي ناطره الصور ابشوف عيالي

احلى وحده هذي بنتي

واحلى واحد هذا ولدي

لووووووووووووووووول

 

[MoonDiamond]

عاد اليوم عطونا فايلات فيها اوراق بخصوص الحضانه ومن هالسوالف
اللي ابعرفه الدفتر الطويل اللي اوراقه كلها مربعات

تتوقعون حق شنوووووووو؟

 

[um meshoooo]

هذا المذكره اليوميه اتوقع الي تكتب قيها التيجر ملاحظات انت تردين عليها لانه كاتبين بالاوراق نوت بوك احمر وهذا هووردي كل يوم لازم يروح الحضانه ويرجع

 

[ستارونا]

رد : تجمع British Playhouse Nursery

مرحبا بنات حبيت اشاركم لاني سجلت ولدي فيها هالسنه بصف الدولفين الصراحه الحضانه عاجبتني حيل بس ولدي ذابحني من البجي كل يوم لما اقطه الصبح انا عارفه راح يتعود مع الايام، عاد بس اطلع يسكت ولما ايي اخذه اراقبه اشوفه شيسوي والله مندمج ويلعب معاهم. الحضانه وايد زينه وقريبه يم مدرستي بس ياليت يطولون شوي بوقت الهده لان بيصير زحمه الاسبوع الياي.
الاوراق اللي عطونا اياها علشان نسجل ارقامنا للطوارئ ان شاءالله مايحتاجونها

 

[شوتايم]

ستار ونا حياج الله

ولدج نفس صف بنتي : )

انا عبيت الارواق المطلوبه وان شاء الله الاحد اردهم لهم ...


-------------------------

وناااسه قاعده انطر ام عبدالعزيز تنزل الصور بشوف بنوتي حدي متحمسه نايمه عالنت لي ساعتين انطر الصور:dddds:

 

[mrs-ss]

هاي بنات شلونكم ؟ مون دايموند شلونج ؟ ولدي اليوم داوم والحمدالله مابجى بالعكس كان مستانس كنت خايفه يسويلي نفس السنه اللي طافت

 

[ستارونا]

رد : تجمع British Playhouse Nursery

أهلين شوتايم .. يعني عيالنا زملاء ياحليلهم
انا ولدي مستانس بس يبجي كل يوم الصبح، لا وصلنا وبطلت له باب السياره، نط ورا ولما اروح له ورا ينط جدام، ينني ذبحني بالبجي
ادخله غصب واخليهم يمسكونه وانحاش، عاد اليوم خنت حيلي لما ركبت السياره لقيت دمعته على الكشن الجلد، كســـــــــــر خاطري !!
بس ميخالف لازم يدوام احسن له من قعدة البيت مجابل الخدم ...

 

[ستارونا]

رد : تجمع British Playhouse Nursery

تعالو صج بنات .. شسم موقع الصور؟ لان اسم الموقع اللي مكتوب بالاوراق اللي عطونا اياها موموجود بالنت،، فياليت اللي تعرف تحطه لنا ويعطيكم العافيه

 

[mrs-ss]

http://classic.kodakgallery.com/britishplayhouseq8

 

[شوتايم]

ستارونا

والله انا شاكه بواحد بصف بنوتي انه ولدج لانه دايم لما اصعد بنتي لصفها اشوفه يبجي بعدعمري يعور قلبي

ان شاء الله يتعود ومايبجي وصاجه احسن لهم من مقابل الخدم : )

هذا موقع صور الحضانه بس ماشوفهم نزلوا شي !!!

http://classic.kodakgallery.com/britishplayhouseq8

 

[شوتايم]

mrs-ss

سبقتيني

 

[ستارونا]

رد : تجمع British Playhouse Nursery

مشكوورين ماقصرتوو ... شوتايم ولدي اسمه فيصل وشعره ناعم .. اذا شفتيه يبجي ماعليج امر قوليله ماما بترجع لا تخاف ههههه
انا متعوده على عيالي، هذا الثالث والجعده الدلووع بس مقويه قلبي جدامه والا من داخلي رايحه فيها ...
يتعوود يتعوود ماعليه ( اطمن نفسي )
الموقع موراضي يتبطل عندي مادري ليش !!!

 

[mrs-ss]

ستارونا ماعليه كلها اسبوع وبيتعود انا كنت مثلج بس صمدت شهرين يالله تأقلم
شوتايم شلونج؟ بنتج مع ولدي بالترتلز

 

[شوتايم]

ايه جنه اسمه فيصل لاني سمعت مره المس تناديه تحاول تسكته

ولايهمج انا وبنتي راح نسكته ههههه اول يوم بالحضانه بنتي تشوف وحده تبجي موراضيه تسكت والمس تنادي الاطفال تقولهم ياله بننزل وقت

اللعب عاد بنتي تروح للبنت تقولها خلاص لاتبجين العاب العاب يعني بروح الالعاب هههههههه


غريبه موراضيه يبطل عندج عندي شغال !!!

 

[شوتايم]

ستارونا ماعليه كلها اسبوع وبيتعود انا كنت مثلج بس صمدت شهرين يالله تأقلم
شوتايم شلونج؟ بنتج مع ولدي بالترتلز

والله ماني متاكده اهي شنو بالضبط ترتلز او دولفين بس اهي صفها فوق و التيجر مالتهم الاجنبية المتينه

تتوقعين اي صف اهم :eh_s(10):

 

[ستارونا]

رد : تجمع British Playhouse Nursery

وييي ياحسرة قلبي عليك يافصوول ،، برووح ابووسه الحين واهوا نايم هههههه
ياحلات بنتج والله ، عيل وصيها على ولدي خليها تقوله العاب العاب نقازيه نطاطيه اي شي بس المهم تسكته
ياحلووو البنات والله الله يخليها لج يارب
عاد حطو صور يديده بالموقع؟

 

[ستارونا]

رد : تجمع British Playhouse Nursery

صف الدولفين اللي فيه مس بيكي المتينه فوق اهوا
الترتلز تحت للصغار ،، بنتج جم عمرها؟؟

 

[mrs-ss]

جم عمرها بنتج؟

 

[شوتايم]

اهاا بنتي طلعت مع فصول ولد ستاورنا بصف المس المتينه فوق مس بيكي :friends:

بنتي عمرها سنتين و9شهور تقريبا : )

 

[MoonDiamond]

ماشاء الله

متيمعين من وراي

وانا طاقتها نومه...