رد : الحمدلله سويت عمليتي الثانية شفط الظهر كله والزنود والخواصر وحقن المؤخرة مرفق ب
حمدالله على سلامتج
وزنج 66 بس زندج كبير ؟؟ وشلون ريلج عصاقيل ؟؟ انتي تقريبا نفس وزني بس انا ماعندي زنود بس كرش صغير هههههههه
حبيت اسالج انتي قبل لاتسوين الشفط جم كان وزنج ؟؟ وجم كلفتج العمليه ؟؟
حقن المؤخره بالدهن مايسبب ترهل يعني المؤخره ماتفش بعدين وتنزل ؟ انا سمعت واايد بنات يقولون مو شي الحقن بالدهون ؟؟
جم كلفتج حقن المؤخره ؟ اذا انا بسوي حقن لازم تشفط مني ؟؟ وشلون تكون العمليه تخدير موضعي وبنفس اليوم اطلع عادي ؟
اسفه عالاسال بس ودي اسوي ؟
هلا وغلا حبيبتي زقرتيه تو ما نور الموضوع
أنا وزني قبل العمليه كان 69 وعلى طول أول ما طلعت ورديت البيت وصل 74 وهذا بسبب تجمع السوائل ومع الوقت ينزل
بخصوص الزنود أنا جم مره أوصل وزني 66 لكن الزنود ماكو يتغيرون وايد ، ومو غريبه أن يكون لي زنود وأنتي لأ وأحنا نفس الوزن والسبب :
أن الأجسام 3 أنواع من حيث توزيع الدهون وخلقتها في جسم التفاحه اللي يكون عرض من فوق ورشاقه أو ضعف من تحت
وفي جسم الكمثرى اللي ضعف من فوق وعرض من تحت
وفي جسم الساعة الرمليه اللي متوازن بين فوق وتحت وهذا الجسم لو تضعفين أو تزيدين فهو يزيد ويضعف بتوازن عكس التفاحه والكمثرى
وأنا اللي سويته إني عصرت التفاحه وسويت موازنه مع الجزء اللي فوق
عرفتي
العملية الأخيرة كلفتني 800 بس بصراحه مستشفى السلام أسعارهم نااار أنا بس قعدت يومين خذو مني 860
بخصوص الحقن أنا وايد سألت عن الحقن أأمن طريقه بالدهون لأنه منج وفيج لكن هالطريقه ما تثبت في الحقنه الأولى يعني جسمج يمتص 40 % منها سألت الدكتورة شنو الحل وأنا مابي سيليكون ومواد ثانيه قالت هذي الدهون مع الوقت تصير مثل الشعيرات الدموية اللي تثبت بالمكان يعني المتبقي من الدهون اللي هو 60 % يبقى وكل ما حقنتي كل ما نسبة الإمتصاص تقل أنا حقنتها لثالث مره وماشالله تبارك الرحمن لي اليوم ما فشت نهائيا وأكبر من كل مرة ولا أحس أنها طاحت أو تشوهت
يصير تسويتها حقن موضعي بس عن نفسي ما تحملت العوار أحسن شي بنج عام
وفي مواد تحقن في المؤخره لكن الأأمن الدهون اللي تكون من جسمج وأي سؤال أنا حاضرة
