~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[بطة رشيقة]

مشكووورين مشكووورين بعد عمرى ما قصرتى حبيبتى ميزووو والورده مقبووله وشحلوووها دمها منج ...

تمتم حبيبتى والله ما قصرتى ... عسى ربى يوفقنا ولا يخسر تعبنا

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

بطبط .. ان شاء الله تضعفين على صحه و عافيه بدون هالعمليات .. هم انا ويهي طالعه لي جم نفره ما ادري الظاهر من التبربس اللي فااات .
الله يعين .

باسكر الحين و اشوفكم بالليل ان شاء الله .

الا جسوت و عنيد .. وينكم ان شاء الله ؟ ؟ ؟ ؟ ؟؟

 

[بطة رشيقة]

حياج الله وان شالله اشوفكم انا بعد بروح واشوفكم على خير بعد شوى

 

[mn.mn]

السلااااااااااااااااام عليكم

شلونكم وشخباركم ؟

نفسيتي تحت الصفر استغفر الله مادري شنو فيني

ان شاء الله من باجر ببدي عدل لاني صج مليت ولاعت جبدي من عمري

 

[just-me]

مساء الخير

ترا ماقريت اللي طافني

بس انا اوكي امس و اليوم و ماصمت وان شاء الله باجر اول يوم صيام باذن الله لان ذاك

اليوم صيامي خوروتي وفطرتني بنت ابليس تحبني ماتبيني اصوم

اقرا اللي طاف وارد ان شاء الله بس سؤال مخصوص حق زاجل

شريتي القاري ..؟؟؟ لان خاطري اكمل طقم الادوات الرياضية اللي عندي تدرين صاروا

جزء من الديكور

 

[mn.mn]

هلا والله جسوت

الله يابج تعالي بسولف شوي حايشتني غلقة مو طبيعية

ياربي مادري شسوي بعمري شايلة هم مادري ليش ؟؟؟؟

 

[mn.mn]

من لزم الاستغفار جعل الله له من كل ضيق مخرجا

استغفر الله الذي لا إله إلا هو الحي القيوم وأتوب إليه

 

[just-me]

منمن اسم الله عليج شفيج

 

[just-me]

ترا كلنا تحوشنا هالحالة اعوذ بالله من ابليس ذكري الله كلها خربطه هرمونات على غثا من الريل

والعيال .. انا اليوم متكارخة و هوشه شكبرها اخذت البنات و حمود و هجيت من البيت و رديت على اذا العشا

وتخيلي نومت حمود و كاني بالفراش

تعوذي من ابليس والله ماكو شي يسوا

 

[just-me]

بطه ضحكتيني على من تحت قوية لووووووووول الله يرزقج توم يارب

زاجل نعيما

زيون انا كليت بنك بيري اليوم لو ادري جان دقيت غايرتج

ميزو عادي تكتبين رد شطوله و يطير ياما صارت فيني

شوشو ردي بسرعه للريجيم عن اللعب تعوذي من ابليس

صبوحة متى تخلصين صيام

اثمان اشوه انج و قفتي صيام بالويك اند استانسي مع اليهال

عنيد وينج

بطه مره ثانية ... ليمن الحين مو عارفة شعلاقة الروضة بانج اكلتي

 

[just-me]

منمن تبين تكتبينلي على الخاص؟؟؟ وينج؟؟

 

[just-me]

من امس بلشت قطع النشويات ... لمدة شهر وبشوف وين باوصل

سمنانة حدي حدي حدي .. تدرون امس تفاجأت وزني 79.6 مع اني مخففه!!!

ما ادري اثر رجعي ماادري شالسالفة

 

[mn.mn]

جسوت مادري والله قلبي مقمووووووووت ومالي خلق شي طلعة وطالعة ومغيرة جو اليوم

بس مادري شفيني يمكن احاتي الياهال على ما يتعودون وخصوصا علاوي وايد بالي مشغول

عليه شلون بيدبر عمره عاد اهو منكسر وفقير خايفة عليه من هالصبيان لا يلعبون بحسبته عدل

ومن صوب ثاني ريلي مسافر هالاسبوع يعني بروحي بحوس مع هالياهال اودي وأييب غير المعاناة

معاهم على ما يتعودون على النظام اليديد والنومة اليديدة ومن صوب هالرجيم العلة اللي ماني عارفة شنو

اللي يريحني أتم على اللي وصلت وأطلق الرجيم ولا أرد أكمل وأقتنع باللي كنت دايما أبي اوصل له غير طبعا الفكرة اليديدة

اللي نطت ببالي مادري من وين وهي فكرة الحمال استغفر الله حايشتي اكتئاب جني صج الحين حملت خلاص وقاعدة

أحاتي الياهل شلون بخليه عند الخدامة وشلون برد على الواق والويق والمميات والحفاظات باختصار قاثة روحي بروحي

دبروني شسوي ؟ بروح اصلي العشا وأقرا شوي قرآن وأتعوذ من ابليس وأحمد ربي على الصحة والعافية

 

[just-me]

منمن.... شفيج ..؟؟ شنو هالكلام .. تعوذي من ابليس و ذكري الله هذا وسواس

قولي خير يصير خير ...كبريها تكبر و عظميها تعظم عليج ..الدنيا يبي لها قوة وقلب قوي

واذا على الحمال ماله داعي اذا الله كتب لج و الا موشرط يبتي بنت لازم لها اخت

الاوادم و الاهل يحنون وبس لاهم مجابلين و لامربين ولا تاعبين

انا عيزو يحنون علي يبي اخو حق حمود شكو واذا طلعت بنت ... واصلا شهالقاعدة الخرطي

الله يصلحهم ويحفظهم و يبعد عنهم عيال الحرام

وعلى علاوي قوي قلبج وان شاء الله يصير كل خير و الله يخلي لج ريلج كلهاجم يوم ويرد لكم بالسلامة

هيئي نفسج على كل شي بروحج .. هذا احنا يالحريم الله معطينا قوة تحمل والا جان ماخلانا نحمل ونولد و نربي

تحملي و هذي غلقة و وسواس اعوذ بالله

 

[ZajiL]

باك

شخباركم مس يو هههه

بطبط

حبيبتي تستاهلين الخير وعلى البركه على كاااارز فديت الي بروحون الروضه

زيوون

علييييييييج بالعافيه اهم شي الواحد يرتاح حق اكله ويعرف شنو يبي وهذا يعتبر شي زين بالدايت والانظمه
انه تاكلين شي تحبين ومستمتعه فيه مو مغصوبه عليه
وعلى كرستاس اهو زييييييين انا اول كله شامبووي تالي قعدة شكثر اجرب بس الحين برد لمال التساقط وربج كريم

ميزووو

ها شلووووووووون الفطور بشري

صبوحه

واخييييييرا مبروك عيل باجر بتعيدين عيدج مبارك ههه الفال لنا

تمتوووووم

بتشوفينها قرييييييييييييييب ان شاء الله

 

[just-me]

واذاعلى الريجيم لا تكدرين عمرج.. خليه بس تخفيف مو انفجاع نفس اللي قاعدين نسويه

احنا هذي مشكلتنا ..اما حياة تسر الحبيب او ميتة تكيد العدا ..ياريجيم و حرمان ومجاعة

والا مبلعة وكلشي جدامنا بناكله علبو خربنا الريجيم من باجر ببلش

شوفي انا مو قاعدة اقول جذي علبو باتفلسف لاحشا والله وانتي تعرفيني منمن

بس ابي اهونها عليج والله لو تدرين بحال غيرج تقولين انا بنعمة

وحتى انا لازم اقول هالشي حق روحي

 

[ZajiL]

جسوت ياقلبي انتي
لا والله انا توني اليوم يالله خلصت شغل المدرسه وخل تبدي الدوامات وتنزل المعاشات لاني على الحديده بعد
السفره وبشتري واحد بحيل الله


منمن

لاتحاتين وايد خليها على الله صدقيني ربي يهونها من عنده اهم شي تعوذي من ابليس
وان شاء الله علاوي ماعليه شر الابلات مايقصرون بالمدرسه صدقيني انا ولدي جذي فهود فقير حده
ولا يعرف ياخذ حقه بس الحمدلله اول شهر تغير 180 درجه
وبالنسبه للحمال لاطولينها وهي قصيره والله يامنمن متحسفه قد شعر راسي على الفجات الي بين عيالي
عندي كل الاجزاء وكل واحد صوب تمنتي بس الفتره الزمنيه سنتين 3 بالكثير
صدقيني اليهال حلوين وماتعرفين قيمتهم الا لمه تكبرين ويكبرون معاااااااااج
انا ولدي الحين احسه كبر فجأه وصار ريال وحدي مستانه انه ربي بسرعه رزقني ولد تدرين الحين بديت افكر
اسافر معاه ويكون محرمي وترى ماطلع من غيره الجمعيه يساعدني وشيل وشقل كل مكان ماخذته
احسه رفيجي صدقيني العيال على كبر موشي دامج الحين بقوتج ونشاطج ييبي
وبنتج كبرت مو صغيره على ماتيبيلها بتكون اكبر بعد
وترى ربي يعييييييين انا ترى كنت قمة الضياع ياهلين مو واحد اسم الله عليهم والله كنت اقول حق حماتي
احسن اني بجحيم ماله اول ولا تالي بس سبحان الله ربي ماقصر معاي وكاكبر ولدي والحين خفت الحنه
والرنه صج يبيلهم مجابل بس اهون من اول ماولدة
تووكلي على الله وعقدي النيه ترى العمر يركض باجر حلاته تضعفين وتروحين وتسافرين ويكونون اهما معتمدين على نفسهم
مو بالربعييييييييين وعندج واق وييييييييق
عسى الله يهون عليييييييييييج يارب ويخفف عنج ويهدي بالج

 

[just-me]

منمن الله يفرج همج ويوسع سدرج

زاجل الله يبلغج بعييلج و تفرحين فيهم معاريس

 

[ْ{صبّوحه}ْ]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلاااااام عليكن

اسم الله عليج منمن الله يبعد عنج الوسوااس و الغلقة ، أكره شي عندي لما تصير معاي نفس الحالة و حتى مو أتضايق بس أنا لا حتى زوقو أضايقه معاي بضيقتي .. وي وي وي الله يبعد عنج الحزن و الغم و الهم ياا بعدنا كلنا :eh_s(7):

-----

واااااااااااي اليوووووووم حدي حدي حدي مستاانسة ، خلصت صيامي يااااااي ، و زوقو ودّاني صحارى و اشتريت psp معاه شريطين بس مو شي ، جااان أشتري شريط harry potter
لوول .. الحين أتريّا اللعبة بالجرّاجة :wqedqw: .. و بعد كليت كيكة كانت في خاطري لما رحت اهناااك
و رجعت البيت و جهزت ملابس زوقو حق الدوام كويتهم و رتبتهم له ، و غسلت الصحوون اللي بالمطبخ
و الحين ييت أكلمكم يا أحلى شلّة :eh_s(7):

و بعد خاطري آكل من براااا .. بشوف شنهي الاحوال :eh_s(10):

 

[mn.mn]

بعد عمري والله ما قصرتوا لا خلا ولا عدم

الحمد الله الحين شوي صرت أحسن وصج ما عندي سالفة قاثة روحي من غير داعي

اللهم ما أمسى بي من نعمة أو بأحد من خلقك فمنك وحدك لا شريك لك فلك الحمد ولك الشكر

بروح الحين اتسدح بالدار وأشوف لي فلم تالي احط راسي وانام تصبحون على خير ونشوفكم باجر