بنــــت اختي ذبحتنننننني :(

[شذى2007]

لاياقلبي اللي سويتيه وربي اكبر غلط لالا تتمادى شنو تحبه خليها ماتشوفه شهر ولا حتى تسمع صوته وتشوفيين اذا ماصار عادي عندها

بس لازم امها توقفها وتغير رقمها

 

[أموت برزة عقاله]

رد : رد: بنــــت اختي ذبحتنننننني

تحاولين توصلين لراعي المحل و اتكلميينه باي طريقه
تقولينله عن الجلب الي يشتغل بالمحل
وان اذا شفتيه بالمحل مره ثانيه بتكلمين ادارة المجمع و الشرطه
و خلي امها بصوره و تصرفو بسرعه و لا توطوط صوووب المجمع كلششش

معاها بالحجي لا وسوووري بعد حبيبتي السوررين مع احترامي لهم معرووفة فالحين بالحجي الحلوووو

هاي ياهل ومراهقه تلاقينها حبته عشان شكله فانتي لازم تتدخلين وتقوللين لامها بس بصورة هاديه

او تروحين له وتهددينه ان يبتعد عنها

 

[zain 3la zain]

انصحووهــآإ والله يهديهــآإ .. ) ​

 

[Flower20]

رد : بنــــت اختي ذبحتنننننني

شفيها هذي
مراهقة ديروبالكم لا تنحرف
هددوها عشان تخاف

 

[انصاريه قمره]

انا ماراح اتكلم بالمثاليات لأن حتى السفيه بينصحج من تفاهة الموضوع وماقول الا مال راشدي على وجهج انتي وياها لا مستحى ولا حيا وعلى ماقال المثل جان تعرفون الامثال عميه تمشط مجنونه هذي انتي وبنت اختج خلف الله عليها مالقت خاله صاحيه لقت لها خاله يا ام علي وبعدين مالقت الا كويت عقد الا كلهااوسخ ناس وشغل مغازل اشكره وبلاوي زرقه والمسكينه مصدقه على بالها قيس وليلى العامريه ماقول الا مالومهملا قالو بنات الكويت فيهم وفيهم اذا انتي وبنت خالتج بتمثلون الكويت وا على الدنيا السلام وما ودي اكثر لأن لايعه جبدي من السالفه بس يحتم علي ضميري دامني مشتركه بالمنتدى لازم اقدم النصيحه حتى لو كانت جارحه
وليتها بجت على صلاة طافتها ولا صيام ماقضته اخ اخ ليتني اختج ولا لعطيج درس في حياتج ماتنسينه ولصار عمرج في العشرينات بتقولين الله يجزاج خير يا اختي خليتيني انتبه لنفسه والله يحفظج ولا يستلم امانته لا تجيبين العار لعيد لهلج وانتي يا الخاله يا الكبيره يا معلمه علمي اختج لاتنفضح السفيه مع الزلمه وابوها ان جان لها ابو صاحي بطلق اختج وتقعد هي وبنتها وزلمه معاكم تكدون عليه .




وللعلم قوليلها قولوا صبايا سوريا شقر وحمر وصفر علشان يطالع بنت اختج يااااااااااااااااااااااااحلوج انتي وياها

ومتأكده ان كلامي لايعجبج ولا يعجب الي مثلج لأنهم مانسنيتو على القيم والعادات عفوا بس هذا الي باين .

اي كلامج لا يعجبها ولا يعجب الاغلبيه لانج ما عرفتي تتبعين اداب النصيحه شدعوه عليج مشتطه ؟؟ اذا اهي تقوولج الام عادي والبنت بكل وقااحه تقول حق امهاا بشووفه والام ما قصرت ماشالله ونعم الام زفتهاا بصراحه قويه اقول انا ما بحرق دمي وانتي هم ما تسوا عليج هالجم كلمه اللي قطيتهم ذنوب وسيئات علشان ناس باردين مو دارين وين ربج قااطهم
انا ما اقول الا الله يستر عليج وعلى بنت اختج يا صاحبه الموضوع ويهديكم للطريج المستقيم

 

[انصاريه قمره]

رد: رد : رد: بنــــت اختي ذبحتنننننني

روقي بس حبيبتي ..
بصراحة بنات مو معقولين انتوا ..!!
حاطين الرجال بذمتكم وعم تحكوا عن نية عاطلة ..
وبعدين يعني خير
ليش مو عاجبينكم السوريين وقاعدين على ذم فيهم ...
يعني الكويتيين أحسن ..!
نحن بيجوا عنا عالشام وبيأثروا على كل شي ومقعدينهم معنا باحترام وأدب ..
عيب التسخيف من بلد عربي متل اخوانكم ..!!!

حبيبتي انتي مسحيهاا بويهي مالج شغل فيهم اصلا بعض الكويتين مفشينا سواء بالديره ولا برا الديره ماكو ذووق بالمره لا ويبون الناس لي سافرواا يرحبوون ويهلون فيهم اي طل
دام انتوا هني يا السوري يا المصري يا الهندي عيييييب فشلتونا حسبي الله عليكم الحين تقولون هالسوري نصااب اخاف شبابنا مسكتين على الاقل هذاا غريب المصيبه باللي منج وفيج بس انتواا كله رافعين خشوومكم مادري على شنوو اوك كويتين ونحمدالله انه خلقنا كويتيين بس ما نرفع خشومنا على خلق الله
وانا اكرر اسفي لج يا اختي واحنا كلنا عرب ومسلمين واخوان

 

[♥ SWeeRa ♥]

رد : بنــــت اختي ذبحتنننننني

حبيبتي بنتكم ماتعرف انه عيب الوحده تتزوج غير كويتي
او عيب الوحده تتزوج غير الخليجي ..



اوكي سوري على عيني وراسي
بس ما اتزوجه
تصير سالفتها حجوه بحلوج الناس

 

[عاشقه رويشد]

شي ما ينسكت عليه كلش

كلمي اي احد خل يزفه كلميهااهيا اهيا بعز تغيراتها ومشاعرها بحكم عمرها مراهقه

 

[توتــه]

رد : بنــــت اختي ذبحتنننننني

يابنات انتبهوا من اللي يشتغلون بالمحلات والله جلاااااااااب

يغازلون الوحدة وكلام وصاخه مبين انه يتحرش

يمكن بنت اختج قالها كلام حلو يمدحها عشان تشتري من عنده وتعلقت فيه

وهو ماصدق على الله

ترى لساااااااانهم عسل وقلوبهم اسود من العباه

الله يعينكم عليها

 

[&& دعاء &&]

رد : بنــــت اختي ذبحتنننننني

الله يستر عليج وعليها !!

 

[انوار 1988]

رد : بنــــت اختي ذبحتنننننني

بقول لك شي اختى خلي امها تضربها وتحرمها من الطلعه وتحرمها من كل شي وخلى ابوها يشتكى عليه لن ذا طماع وعرف كيف يلعب بعقل مرهقه ماتعرف الصح من الغلط ويترحل من البلد تلقينو خاطب فى بلدو وجاى يدور اكل عيشو لازم تجلسين معا امها وابوها لن هذا صغير وراح يلعب بعقلها والله يستر لازم يرجعون يربونها يعطونها ضرب ويحرمونها من كل شي عشان تعرف ان الله حق وتحرم انها تكلم اى اجنبى من ذول العرب يحسبون كل خليجى تحت بيتو بترول والله يختى انى ابغاء اموت من حركات ذول العرب الى فى المحلات تقولين عارفك من 100 سنه واله مره مسحت الارض بوحد فى فيسس وجيت مره ثانيه ما لقيتو طردوه وهم لقو المرهقات يلعبون بعقلهم نصيحه لك لا تسكتين لها

 

[روح الدنيا]

بفهم اي نية صالحه تنوخذ من سوري مغازل ورعه توها عمرها 16


وصخ قذر ما همه و بايعها و قص عليهااا


حدث العاقل تكفوون حدث العاااقل !!

الله يهديييها


صراحه المووضوع صدمه و ردود البنات صدمه


طلعو من سالفة البنت و بدو يقلقسوون عن بعض الحمدلله و الشكر


يبا محد تكلم عن سووريا بس بالله هو سوري شتبونا نقول المصري


نناديه بكنيته السووري


اي نعم السوري قص على الورعه الغبيه


و اللي خالتها توديها للحرام بيدها


ياخي بدال ما تكسر خاطرج شوفي لج صرفه


خليها تقرا قرآن


امسكي قرآن و مسكيها بيدهااا قولي اقري و ادعي


امسكي سجادج و صلي و ادعيلها


الحب بلوه و يعمي والله يعمي


باجر عادي تنحاش معاه اذا الحب وصل اعلى من هالمواصيل


الله يهديها تداركو الوضع


المدارس جايه خلووها تنشغل فيها


الله المستعاان يالله انك تستر عليها و تبعد عيال الحرام عن دربها

 

[kut2101]

رد : بنــــت اختي ذبحتنننننني

صح علمي الكبار وقولي الموضوع جدي ترى
ولا البنيه عادي ترى تنحاش معاه اذ مثل ما قلتي من النوع
الجرئ والمغامر وتوها بعد بسن المراهقه ربي يهديها

 

[وردة زوجي]

رد : بنــــت اختي ذبحتنننننني

امبيه نبهيهااااااااااااا ولا تساعدينها نهائي
يسولفون الحريم عن وحده كبيره راحت تحجز دي جي حق عرس اختها بحولي
والخايس الاردني اخذ بياناتها وورقة العقد اللي بينهم وقام يدق عليها وهي متزوجه للعلم ويقول لها ياحلو عيونج ومن هالخرابيط وهي ضعيفة ايمان والريل لاهي عنها كلمته وصارت تسولف معاه واستغفر الله لعب بعقلها وسحرها تعطيه فلوس وتشتري بالهدايا وطلعات استغفر الله العلي العظيم واتوب اليه ربنا لا تواخذنا بما فعل السفهاء منا
بنااااااااااااااااااااااااااااات ديروا بالكم من الوافدين والله والله والله يقص عليكم بذمتكم اشيبي فيج يعني
ما شاف بنات ديرته يروح يحب منهم
وبعدين معروف انهم يركضون ورا المصاري يعني كلش ميت عليج
علمي بنت اختج
نسيت اقول لج نهايه القصه مالت المره الكبيره المتزوجه صار يهددها لانه مسجل لها صوتها وهي تكلمه وعنده لها ورقه على بياض وقايل لها عن بنات كويتيات يكلمهم اللي شرت له ثلاجه وداها الاردن واللي معطيته اجار شقته واللي تسلفه وتعطيه وروحوااااااااااااا يالمقصه
ترضين احد يقص عليج وبعدين منو حلل لج انج تودين البنت عنده ومنو حلل لكم تكلمون رياييل ووووووووووووع والله راح تنزلون روس اهلكم انتي خالتها المفروض قدوه باجر لو دروا اهلها بتحطج بويه المدفع وبتقول خالتي تدري وتوديني له
علمي اختج بالسالفه وخليها تروح له بالمحل تشرشحه هالنصاب ريال ويبجي قطيعه تقطعه وتقطع اشكاله
ملااااااااااااااااااااااحظه ياليت يحطون لنا قانون اي وافد يتعرض لمواطنه تنلغي اقامته مثل قطر ما شاء الله عليهم

 

[يبيلك قلب مايتعب]

رد : بنــــت اختي ذبحتنننننني

وااااي شلون تحبلها سوري ؟؟؟

بنت اختج يبيلها كف يصحيها من هالغفله !!! بس باين انها غرقانه لو تحاجينها من اليوم لسنه اليايه ماراح تقتنع هذي يبيلها قوة

وطراقات علشان تتسنع مالت على حظها العوي اللي خلت هالمزايين الكويتين وحبت زلمه

قطع هالزلمات نصب وجذب وبوق عينك عين ؟؟

حدج غلطانه لا تتعاطفين معاها لاتحسسينها انها مسكينه وان الدنيا ضدها وانها على صح لأ؟؟

جعميها وخلاص الموضوع وصل عند حده قولي حق اختج انها مينونه وعايشه بعالم ثاني وممكن تغلط معاه

اذا سكتي على الموضوع !!

بتندمين لانج ماعطيتيها كف وماقلتي لاختج ؟؟

و راح يكون ذنبها برقبتج ؟؟؟

اذا اهي عايشه بغفله صحيها وترى موغلط انج تقولين لاختج الغلط انج شايفه الحرام والخراب وساكته اهي قاعده تضيع وانتي تشوفينها وتشجعينا
وتري الله بيحاسبج !!


حياتي من رأي منكر فليغيره ؟؟؟

وعسى الله يهديها

 

[ملكة بأخلاقي]

الله يهداها عاد كذا وحدة مروا علي نفس السالفه


شفيهم البنات ماظل بعقلهم شي


اقنعيها وفهميها وارسمي لها صوره عن حياتها شلون بتكون اذا خذت غير كويتي


الله يهداها ماتشوف الحريم الي ماخذين مو كويتي شلون متغربلين اهما وعيالهم

يالله اتحفظنا وتستر علينا وترزقنا بالزواج الصالح

 

[رمز الوفـا]

لازم تلحقين على بنت اختج وعلمي امها

 

[رحيل الشمس]

اول شي يا انصاريه قمره انا ماغلطت علشان اشيل ذنوب كامتها يعلم الله جني اكلم اختي لصغيره وظنتي مافي بين الخوات برستيج ولا رسميات وبعدين لاني مشتطه ولاشي لكن الموضوع احنا بنات الحمايل نشوف عار وبالنسبه لحرقة الدم مهو عيب لنقهرت على بنات ديرتي وهذا احساس الوطنيه مو ساديا وانتي بعد ما قصرتي فيهم انتبهي لكلامج انج حطيتي اهلها راضين على الوضع وعادي عندهم يعني مامعنى حديثك هل تشيرين او تقثفينهم بكلمة د................ث .

وبالنسبه لج يابعد عمري تحاتين انا والله قاعده ومرتاحه ولاني واقفه واكتب الكلام الي يطلع من القلب وعساه يدخل القلب يا سفن اب يارايق

وحنا ماقلنا شي غلط عن سوريا هذا الواقع يحبون المال وعموما الشعب العربي وهذا بعظمت السانهم نسمعه انتم عندكم فلوس وماتستاهلوها حسد وكوايته وما ادري ايش كلام كثير وظنتي مانفعلتي الا انا دسنا على الوتر الحساس

يا بنات حاسبوا على كلامكم لأن مليون بالميه معانا بنات مظروب جنبهم يعني الخوال من سوريا ولا مصر ولا عراق ولا ولا ولا فلازم نحاسب على مشاعرهم وكرر المقصد ضياع البنت المراهقه .

واحب اسمي عنوانها بنت ضاعت في عيون زلمه .

 

[رفاعيه]

لحقوا عالبنت قبل ماتضيع منكم وتندمون

 

[كشختي ماركه]

رد : بنــــت اختي ذبحتنننننني

لين الحين أهمـا في عمر الزهوور ولازم ماايفكروون بهالاشيااء
واذا عن السووري فهذا اكيد بيااخذ فلووسها كلها وبيقطها قطت الجلاب
وبعد انتي لازم مااتودينهاا اي مكاان حتى لو بجت جداامج شنوو تبين أختج
يغمى عليها لاقدر الله وقوولي حق أختج تدير باالها على بنتها
والله يعينكم