إهانة سارة الدريس لمنتدى كويتيات!!!!

[a3gl-5bla]

السلام عليكم :edbf4317b9:

منتداي العزيز و مشرفاتنا الغاليات و بالاخص مشرفة book club الأخت الرآقيه Little Queen و عضواتنا اللي أحبهم :eh_s(7):

فقط توضيح للموضوع اللي صاير!! أول شي أحب اقول ان نيتي صافيه, و ما اقصد فيها تجريح لأي شخص و لا تربط عصاعص كللللللش

في موضوع انكتب عن اصدار سارة الدريس "يوم تبلى السرائر" و صارت فيه مناقشات و ابداء الرأي
و حق اللي ما شافه هذا اللنك

http://www.q8yat.net/showthread.php?t=679264

المهم دزيت هاللنك حق سارة الدريس بالفيس بوك للعلم اني مو ضايفتها!!اهيا ضافتني بعدين
و راح احط لكم كل شي صار بالضبط.. و للعلم ترا اهيا ما تدري ان انا أعقل خبله نفسها اللي راسلتها بالفيس بوك!! و ردها كان حداا......!!!

Manol Idrt September 15 at 4:12am
عفوا اخت ساره
دشي هالرابط و راح ينفعج ان شاء الله
موضوع انكتب في منتدى كويتيات و كتبوا عن اصدارج اليديد "يوم تبلى السرائر" و رايهم فيه

http://www.q8yat.net/showthread.php?t=679264
"يوم تبلى السرائر" رواية جديدة مثيرة للجدل للكاتبة سارة الدريس - منتديات كويتيات النسائية
www.q8yat.net
"يوم تبلى السرائر" رواية جديدة مثيرة للجدل للكاتبة سارة الدريس نادي الكتاب Book Club

‏الكاتبة سارة الدريس‏ September 15 at 7:09am
أهلين حبيبتي
اي شفت ، ما عندهم سالفة
و البنت اللي معلقة على كتاباتي شوفي نكها
أعقل خبلة!!
هذي ابذمتج أحد ياخذ منها كلام؟
و أكيد كتاباتي نفس الشي لأني أعدت طباعة الكتاب أكثر من مره
و هذا يوم تبلى السرائر نسخة معاد طباعتها
اما الكلام المرفق تحت غلاف الرواية
وين الإباحية اللي فيه؟!!
أما اللي تقول الكتاب مبين من عنوانه
هذي جاهله فعلا
لأن العنوان أيه كريمة!!!
أبذمتج هذي عقليات الكويتيات؟!!

Manol Idrt September 15 at 7:18am
عفوا بس انتي عندج اكثر من اصدار
اللي يقولونه ان رواياتج كلها خيانه و صايره جنها مسلسل لان استخدمتي نفس الاسامي
شوفي للأمانه انا ما قريت ولا اصدار من اصداراتج لاني مو وايد مع العربي
لكن اختي اللي اصغر مني عندها جميع اصداراتج حتى آخر واحد انا كنت يايبته هديه لها بعيد ميلادها لاني شفتها وايد متعلقه فيج
و يوم سألتها تقولي بس روايه وحده عجبتني لان اغلب محتوى الروايات عن خيانه و تمللت من الاسامي

خصوصا نصار

انا رايي انج تستخدمين اسماء اجنبيه يعني من باب التغيير فقط هذا اقتراح لا اكثر
و بالعكس مفروض تتقبلين الانتقادات برحابة صدر عشان جذي انا نسخت لج الرابط و تستفيدين

‏الكاتبة سارة الدريس‏ September 15 at 7:24am
هذا مو انتقاد بناء
اذا ما عجبها كتابي تقدر تقرا مقالاتي على الراي
انا كل احد من كل اسبوع اكتب بجريدة الراي
كل هذا ما عجبهم؟
مع اني بالجريدة لا اكتب اسامي ولا غيره

و اكيد نفس الاسامي
انا اقولج شغله
اول كتاب قصة مختلفه
بس الثاني و الثالث و الاخير نفس القصة
الفرق بس ان الثاني بالكويتي
الثالث فصحى
الاخير خذته دار الفكر العربي و اعادت طباعته

اللي عنده استفسار المفروض يسألني
لأني انا صاحبه الشأن و المعنية بالرد
اسأليهم عمرهم ناقشوني بشي؟
اهما اصلا ما يدرون ليش انا اعدت طباعة الكتاب
مشكورة حبيبتي
اهما مو منتقدين فكرة بالكتاب
و انتقادهم مو مبني على وعي للأسف
شوفي أول وحده
تقولج الكتاب باين من عنوانه؟!
مع ان عنوانه آيه
و أقصد فيها لما يكون البلاء بالنيه!
أما لما تقول لا ضجه ولا غيره مع اني ما قريته
ابذمتج وين الحكم الصحيح!!
انا شهرين اكتب بالراي
اراهنج اذا وحده من المتابعين اللي بالموقع قروا وحده فيهم

Manol Idrt September 15 at 7:31am
انزين ليش ما تسجلين بالموقع و تردين عليهم
صدقيني راح ينحرجون و راح يعتذرون لج رسمي
خليهم يعرفونج شخصيا و ككاتبه
و لا تتضايقين ترا كل اللي وصلوا للشهره له معجبين و منتقدين غير لما تكونين شخص عادي و علاقاتج محدوده, اما انتي الحين كاتبه فأكيد علاقاتج توسعت او الناس عرفوج اكثر, و كل واحد له ذوقه

و تعودي و استقبلي كل شي لان انتي مو سارة الدريس

انتي الكاتبة سارة الدريس

عرفتي الفرق

‏الكاتبة سارة الدريس‏ September 15 at 7:35pm
المشكلة انا ما اقدر أيي و أرد بدون دعوة
المسأله فيها قيود
تدرين وايد مواقع قالوا كلام اكثر من جذي بوايد
و اذا دخلت انا و رديت راح افتح على نفسي باب و يمكن احصل سب و أقلل من قيمتي
بس لما تييني دعوة من مشرف بالموقع اهني اهما يهتمون و يمسحون أي شي مسيء

انا أدري ان اذا كلمتهم راح اكسبهم
و تدرين ليش اهما يقولون اني ابالغ
لاني خليت البطل يخون البطله مع اختها
بس الحين لما شافوا زوارة خميس راح يتقبلون الشغلة هذي و صارت الفكرة مألوفة
بس انا لما كتبتها قبل سنتين الكل استغرب
و فوق هذا انا حاطه انها تعرف 5 رياييل كلهم سيئين
اهما يعتقدون اني حطيت رياييل سيئين لأن انا متشائمه
مع ان اللي أقصده ، ان اللي تمشي بطريج سيء شي طبيعي تصادف سيئين
مادري ليش الناس ما يتعمقون بالمعنى!
و يوم تبلى السرائر أقصد فيه ان لما يكون الفساد في نيتك ، داخلك ، من نفسك ، شلون تبي تنصلح حياتك و تكون سعيد فيها

بالعكس انا اتقبل رايهم ، و ودي ارد ، بس مشكلة لازم دعوة
و موقع كويتيات ولا مرة دزوا لي دعوة مع ان البنات يابوا طاريي وايد
بس تدرين المواقع الخليجية و السعودية تحديدا يدعمون الكاتب و يستضيفونه بلقاء يستمر 10 أيام
أما المواقع الكويتية لأ

Manol Idrt September 15 at 9:23pm
اخت سارة ان شاء الله راح اكلم مشرفة قسم نادي الكتاب عشان تعطيج دعوة للاشتراك بالمنتدى

و طبعا انا راسلت المشرفه العزيزة و دزتلي رساله و نسختها بالضبط و دزيتها حق سارة الدريس

Manol Idrt September 19 at 6:16am
تفضلي هذي الدعوه من مشرفة قسم نادي الكتاب بمنتدى كويتيات, اذا حابه طبعا
و انا اتمنى تشاركين فعلا و يشرفنا حضورج
--------------------------------------------------
عليكم السلام و رحمه الله و بركاته

اولا حبيبتي حياج الله ثاني شي
المنتدى مفتوح للكل و مو محتاج دعوه من احد عشان ينضم و يشترك فيه بامكانها الدخول و الاشتراك و المشاركه بكل حريه و لها كافه الحقوق كأي عضوة و محد بيسمح ابدا لأي عضوه بالتطاوله على اي عضوة اخرى مهما كانت ..

ثانيا اذا كان الموضوع متعلق بآراء بعض البنات تجاه كتاباتها فهذا حق للبنات و لكل قارىء .. مثلما هناك حق للكاتب بأن يكتب ما يحلو له .. هناك حق للقارئ بأن يقرأ ما يحلو له و ان يعبر عن رأيه تجاه ما يقرأه هذا شي ما يزعل و انا وحده اكتب و اتلقى ردود فعل مدح و ردد فعل تذم في بعض الاحيان . و اتفق معاج و معاها ان هذي الردود تضايق لكن مع الوقت خلاص مفروض الكاتب يقتنع ان هذا حق للقراء و ما يزعل الكاتب ابدا

و اكررلج . اي عضوة رح تتعدى حدودها او تتطاول على اي عضوه ثانيه .. سواء كانت انتي او ساره او اي عضوة في هالمنتدى رح يتم اتخاذ اجراءات بحقها

لا تحاتون و حياج و حياها الله و انا اشجعها على هذه الخطوة و خليها تقرب و تتلامس مع القراء و تعرف ليش اهما "يتطاولون " مثل ما هي تظن .. و تسمع وجهات نظرهم عن قرب و تاخذ آرائهم . بالنهاية هذه الاراء اهي الي تساعد الكاتب انه يتطور في اسلوبه و افكاره و تفكيره

تحياتي و امنياتي الطيبه لك و لها و نتشرف باستضافتها في منتدانا الغالي

و شوفوا ردها الصاعق!! :eh_s(10):

‏الكاتبة سارة الدريس‏ September 19 at 7:25am
يا هلا و مرحبا
بعد قلبي مشكوره
يكفيني اهتمامج هذا
عسى الله لا يحرمني منج

بس بوريج شغلك بكلام مشرفة القسم
" لها كافه الحقوق كأي عضوة "

انا مو عضوه ، المفروض اكون ضيفه
انا غلط اروح و اكلم الناس و اداحرهم
بالمنتديات الادبيه الراقيه و اغلبها سعوديه ، يستضيفون الكاتب و انا مستضيفيني وايد و يكتبون تحت اسمي ضيف شرف
ما يقولون اللي يبي يسجل خل يسجل!!

(خليها تقرب و تتلامس مع القراء و تعرف ليش اهما "يتطاولون " مثل ما هي تظن )
هذي مشرفة القسم الظاهر تحسب انها ماشكة رابطة الأدباء ولا شنو
القارئ اهو اللي يسأل الكاتب
مو الكاتب يروح بنفسه للي يذمه!!
و انا واقف نجاحي على منتدى كويتيات؟
أغلبه ميك اب و ازياء و طبخات
و انا اسمع اراء الناس عن قرب لما ايوني المعرض
انتي عمرج شفتي شخصيه معروفه تروح حق اللي يسبونها و تقول لا تسبوني ولا تصرح بالصحافة أو بلقاء كامل في منتدى ؟

حبيبتي الله يسلمج و يخليج و يوفقج
والله انا مقدرة اهتمامج
و ماراح انسى لج هالشي
صج صج صج مشكوره
و لج مني اهداء كل كتبي بالمعرض ان شالله
صدقيني بعض الناس نفس هالطقة مو مثلي و مثلج يقدرون الناس و يعطونهم مكانتهم
خليها بمنتداها ، انا راح اوضح بلقاءات تلفزيونيه ان شالله قريب
ما راح احتاج هالمنتدى
انتي باهتمامج هذا كفيتي و وفيتي
و كافي علي اكسبج انتي اخت و صديقة

:050103nbh_prv:

و طبعا انا ما رديت عليها للحين!!

دزيت آخر رد لها حق مشرفتنا لتل كوين, و علقت على كلامها بالموضوع نفسه اللي باللنك فوق
و وصلتي رساله من عضوه الله يحفظها و اهيا حرصتني اني اكتب كل شي صار بيني و بين سارة و السبب اهوا: خلوني اقتبس لكم كلامها للأمانه افضل

حياتي


اسفه على اللقافه
بس انا وصلني شنو كان رد ساره الدريس
علينا و على مشرفة الساحه !


للامانه صعقت !
مو انصدمت لا

نا تكهربت
ما توقعت في وحده بهالغرور
و المشكل على كتابين كاتبتهم بالكويتي !!

ارجووووووووووووج
لا تخلين البات ينخدعون
كشفي الحقيقه خلي يعرفون شنو راي ساره فينا يالكويتيات
لانها غلطت على الكل عامه و علينا احنا يا مرتادات قسم القراءه خاصه !!

عيب

تصير مثل اعلى او يتحذى فيه

عيب لو بنات تعلموا من اسلوبها ..
ارجوج نشري ردها الاخير


اترجاااااااااااااااااااااااااااااااااااااااااااااا ااااااج

و ردي لها كان

ان شاء الله
بس شنو اقدر اسوي يعني!!
انسخ كل رسايلها و احطها بالمنتدى و لا شنو!!
انا ابي الرساله توصلها شخصيا عشان تعرف حدودها

بس مشورتكم عفيا عشان اعرف اسوي الصح

و ردت علي

تبين احطه عنج ؟

و لا تبين تحطينه علشان تعرف انج انتي الي طبت فيج ؟


بكل بساطه


تكتبين موضوع فيه وصله الموضوع الي ردت عليه
و تقتبسين الي قالته
و تحطينه


و العنوان

راي ساره الدريس بالكويتيات
او حقيقة ساره الدريس
او اهانة ساره الدريس لنا

يعني اي عنوان جذب علشان يوصل لها
اهي تعرف بنات بالمنتدى

و اهي اكيد تتابع
لان هالشخصيه مو سويه
مستحيل تطوف اي كلمه

هذا كل شي بخصوص سارة الدريس
و ماراح اقول الكاتبه ساره الدريس, لان اهيا فعلا ما تستحق انها تكون كاتبه عالاسلوب و التفكير
و رأي بعض العضوات عجبني و حبيت انسخه اهني

العضوة ameeraaaaa

ليس كل من طبع كتابا اصبحا كاتبا
وليس كل من سطر جمل متراصة اضحي مؤلفا
الادب صنعة لا يجيدها الا القلة
وهذا الخط الذي يفرق بين ادباء كبار
ومجرد ناشرو كتاب
مجرد ان ارى مؤلفا لا يجيد استخدام الفاظا مهذبة ,, ويقلل من رأي قراءه ويستهين بهم
ويعتقد انه وصل الي القمة فأتيقن انه فارغ ووقتي اثمن من ان اضيعه علي اشخاص فارغين
نصيحة للبنات الحلوات ,, قراءة ما يضيف لثقافتها وعلمها ولتبتعد عن الادب الرخيص المبتذل فهو احقر انواع الكتابات
وارخصها والاتجاه لامهات الكتب

و كلامها عين العقل و ردها هذا بحد ذاته يقدر يخلي فم سارة الدريس مطبوق

تحياتي لكم و ترا ما بيني و بين سارة شي ابدا!! لكن انا كتبته رغبة للبعض و عشان نعرف حقيقتها و اهانتها للكويتيات و منتدانا و بالاخص انا "أعقل خبله"

و ترا انا عاجبني اسمي و اهيا ما أثرت فيني كلمتها ,و شخصية عزيزة معانا بالمنتدى و مشهورة تقووووول::

بالنسبه لنكج .. انا بصراحة عاجبني بليغ .. من ضمن كل الخبول بالدنيا .. انتي اعقل خبله

يعني .. حلو فيه تناقض و بنفس الوقت توافق

خليه احسن ماكو احلى من الخبال و الفصله والله لا تاخذين الحياه جد اوفر فصلي و ضحكي و استانسي مافيها شي

راح اطبق نصيحتج بحذافيرها ان شاء الله :eh_s(7):


و تحياتي لكم

أختكم: a3gl-5bla
:lololoe:

 

[a3gl-5bla]

بنات حبيت اوضح لكم شغله

ممكن تلاحظون في بعض ردودي حق سارة فيها تناقض شوي!!

انا تعمدت اسوي هالشي عشان مابي احسسها ان انا من منتقدينها, و اكبر دليل انها خصتني انا بالذات و مع ذلك ما همني ردها ابدا لان من متى نحكم عالشخص من النك نيم!! هذي و اهيا بنفسها قالت لا تحكمون عالكتاب اذا مو قارينه للحين ;/



انا صح ان نكي أعقل خبله, لكن للفصلات time و لوقت الجد time

:]

 

[بنوتة طموحة]

أولا ألف شكر لج يا أعقل وأحلى خبلة بالكون

ثانيا أنا أغلب كتابات الشباب ما أقراهم ومن ضمنهم سارة الدريس

ثالثا واللي يحق لي أتكلم عنه هو منتدانا الغالي هذا المنتدى خط أحمر محد يتكلم عنه بحرف

منتدانا فعلا نسائي لكن عالم النساء مو بس طبخ وأزياء

منتدانا علم وثقافة وشغل وتجارة يعني كامل والكامل الله

لكن قالوها اللي ما يعرفك ما يثمنك

وبالنهاية أكرر شكري الجزيل لج لأنج كشفتي لنا زيف كاتبات الألفية الثالثة

 

[~ miss NERD ~]

تبين الصراحه
اول مره اسمع فيها
الحمد لله و الشكر .. في احد بــ هالعقليه !
و تقول الكاتبه ساره >_< !
بس مابي اطب فيها مالي خلق و ما يشرفني الصراحه
مشكوره حبيبتي أعقل خبله

 

[بهبهانيه]

رد : إهانة سارة الدريس لمنتدى كويتيات!!!!

ضيفة شرف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله شي يضحك نزار قباني ما سواها
والله التواضع حلو يا ناس
ومشكوره الغالييه الف شكر على طرحك للموضوع
بس هي ما تستحق منج هالأهتمام
لأنها لو بتفكر شوي بتلاقي انو اكبر شرف لها انج اهتميتي فيها
وراسلتيها ودعيتيها للنادي

 

[مجنونه خالد]

اول مـــــــــره اسمع فيها

لاتعلييييييييييق

 

[*غرور انثى*]

رد : إهانة سارة الدريس لمنتدى كويتيات!!!!

ههههههههههههه

زين سويتي فيها الحين ماراح تهديج كل كتبها

 

[غزاله شارده]

رد : إهانة سارة الدريس لمنتدى كويتيات!!!!

منو ساره الدريس؟؟؟؟؟؟؟؟؟

 

[that night]

رد : إهانة سارة الدريس لمنتدى كويتيات!!!!

لوووووووووووووووووول شتطلع هذي ماعرفها ضيفه الشرف و ما شاء الله على اسلوبها حده راقي

 

[معابر الذكرى]

رد : إهانة سارة الدريس لمنتدى كويتيات!!!!

البنت في ردودها تعبير صريح عن رايها..وهذا يحسب لها
ومن الملخص اسلوبها مبين فيه سلاسه فالسرد

لكن ارجع لنقطة الخلاف الي اهي العنوان..بعدين التاثر بطريقة بعض الكتاب الي يندمج في وصف تفاصيل معينه اختصارها وترك امرها لمخيلة القارئ اجدى..

نعم واعترف خطا فادح ان احكم على كتاب لم اقرأه..لكن الملخص كان نبذه دسمه عن المحتوى..

مبين ان الكاتبه للحين تشق طريقها في عالم الادب وللحين ما تمكنت من اساليب المداهنه والكلك والتزلف..وهم ارجع واقول نقطه تحسب لها
ويبقى احترام النقد ايا يكن الا ان كان جارح لها ككيان فنعم وقتها ما الومها ان ترفعت عن الرد لكن ان كان راي حر المقصود فيه ابداء راي فالكتاب حتى لو كان قاسي..فمسالة القبول امر مفروغ منه..لكن انا للحين مستغربه طريقتها بالرد !!!!
ارجع لمسالة وجودها لتجيب على اسئلة البنات فالمنتدى..ما اشجعها على هالخطوه الا ان كانت واثقه انها بامكانها احتواء كل النقد..لان الكتاب من بس العنوان والملخص فتح ابواب النقد..ويمكن النقد الجارح جدا فلا الوم الكاتبه من ناحية التردد وذلك حفظا لشخصها..وانا ضد النقد لمجرد النقد او التجريح.


الغاليه اعقل خبله يعجبني انج تعبرين عن رايج بكل صراحه..وعلى فكره الصوره الرمزيه رهيبه امووووووت بالقطاوه.

وعزيزتي رغم انج بطريقه يمكن تكونين ساهمتي باعطاء مو بس الكاتبه هم بعد غيرها جرعه من الواقعيه..الا اني اشوف انه ما كان لازم تحطين ردودها ..فاهمه انج حطيتيها عشان ما يقولون تتبلى عالكاتبه من عندها..لكن يبقى ان الكاتبه لما ارسلت الردود كانت واثقه ان الكلام راح يظل بينج وبينها وكان الاصح انه يبقى تحت هالصفه..وارجو انج تتقبلين رايي بسعة صدر

 

[معكرونه أسبكتى يم يم]

رد : إهانة سارة الدريس لمنتدى كويتيات!!!!

منو هذى مااعرفها ..................؟؟؟؟

 

[ChoCoLate.Latte]

رد : إهانة سارة الدريس لمنتدى كويتيات!!!!

البنت في ردودها تعبير صريح عن رايها..وهذا يحسب لها
ومن الملخص اسلوبها مبين فيه سلاسه فالسرد

لكن ارجع لنقطة الخلاف الي اهي العنوان..بعدين التاثر بطريقة بعض الكتاب الي يندمج في وصف تفاصيل معينه اختصارها وترك امرها لمخيلة القارئ اجدى..

نعم واعترف خطا فادح ان احكم على كتاب لم اقرأه..


ويبقى احترام النقد ايا يكن الا ان كان جارح لها ككيان
..ما اشجعها على هالخطوه الا ان كانت واثقه انها بامكانها احتواء كل النقد..


.

مـــع احتــرامي الشــديد للكاتبه ساره الدريس ،، ولو انـي مـا اعرفها ،،، لكـن صـراحه العنـوان انـا شدنـي لاني اهتم بالمنتدى وليس فقط كعضوه جديده في هذا المنتدى ولكن من المتابعيين للمنتــدي من زمــــــان ،،

اولا حبـيت اعلـق على شغله صغيره انا قريتها في بدايه الموضوع لان وايد تهمني صراحه ،، والي اهي

البنت اللي معلقة على كتاباتي شوفي نكها
أعقل خبلة!!
هذي ابذمتج أحد ياخذ منها كلام؟

لا يمـكن لاي انسان ان يحكم على اي شخص من اسمه او لقبه ،، فهذا غير صحيح ،،، يعني لو انا باخذ على النك
جان انا الحين في قسم الطبخ والمأكولات ولان نكـي Chocolate.Latte
اللقب مجرد لقـب لا يعبر عن شخصيه اي انسان ،، الانسان بشخصيته وعقله وتفكيره ،، لكـن يمكن يكون قصدها شي ثاني
او كـانت تتغشمر ،، الله اعلم صراحه مابي اظـن

لـكن اما على بقيه الموضوع انا اوافق اختـي معابر الذكرى فـي اكثر من نقطه ذكرتها ،،

اولا : لا تحكـم على الكتـاب من غلافه او من عنوانه او نحكم على كـتاب احنا ماقريناه
ثانيا : يجـب احترام وتقبل النقد سواء كان نقد جيد او سيء ،، كل انسان له وجهه نظره وله راييه ،،
لـكن في حدود حق كل شي ان مايوصل النقد الي تجريح الشخص مهما كان هذا انسان وله مشاعره واحاسيسه
،، واكيد مثل ماانا اضايق اهيا راح تتضايق فـمثـل مـاانا كقارئه لازم اتقــبل كتابات الكاتب ، ايضا
على الكاتب تقبل نصائح او نقد القراء
اخيران صراحه انا مع اختـي ،، الرد على النقـد يحتاج شجاعه وثقه يـعنـي النـاس اطبـاع يمـكن في من يتقبل الرد ويناقش
ويتفاعل ،، لكـن في نـاس اطباعهم وللاسف التجريح ،،، فاذا كان عند الشخص الشجاعه الثقه والصبر والتحمل ،، فليش لاء
بالعكس انا اشجع على هالخطوه ،،

النـقاش والحوار شي مهم في الحياه لان يوضح نقاط من الممكن ان احنا مانعرفها او نخطأ فيهـا ،،

سامحوني اذا طولت وايد :eh_s(8):

:eh_s(15)::eh_s(15):

​

 

[~ تريآق]

رد : إهانة سارة الدريس لمنتدى كويتيات!!!!


آآآهم شي تبغ تحت اسمها ضيفة شرف .. أين التوآضع !!

عآآآد كلش من أهمية كتبها ابن حزم الاندلسي على غفلة

أنا لستُ من عُشاق الروايات العربية .. لكنني أقدِّر وبكل قواي الكتب الأدبـــية الرآقية وليست تلك المبتذلة

ومن مقدمتها في كتابها هذا .. يظهر لي أنه مبتذل .. لا أحب ولا أرتاح وأنا اقرأ كتبا فيه بعض الإيحاءات وان كانت مجرد صفحة

وتكفيني هذه الصفحة .. وإن طهرت بقية الصفحآت فلقد لوثتها وانتهى

فلتحتفظ بما تكتبه لنفسها

على قولتنا خله يطيح بجبدها

يعطيتش العافيه أعقل خبله ..

والله يخليتش وكل البنات

 

[& شرطان الذهب &]

رد : إهانة سارة الدريس لمنتدى كويتيات!!!!

خليها تسترييييييييييييييح

 

[طرفة عين]

الله يهدي

 

[a3gl-5bla]

أولا ألف شكر لج يا أعقل وأحلى خبلة بالكون

ثانيا أنا أغلب كتابات الشباب ما أقراهم ومن ضمنهم سارة الدريس

ثالثا واللي يحق لي أتكلم عنه هو منتدانا الغالي هذا المنتدى خط أحمر محد يتكلم عنه بحرف

منتدانا فعلا نسائي لكن عالم النساء مو بس طبخ وأزياء

منتدانا علم وثقافة وشغل وتجارة يعني كامل والكامل الله

لكن قالوها اللي ما يعرفك ما يثمنك

وبالنهاية أكرر شكري الجزيل لج لأنج كشفتي لنا زيف كاتبات الألفية الثالثة

مشكورة على ردج حبيبتي
و غيرتج على منتدى كويتيات و فعلا منتدى كويتيات شامل كل الجوانب مو بس على قولتها طبخ و ميك اب!!

 

[a3gl-5bla]

تبين الصراحه
اول مره اسمع فيها
الحمد لله و الشكر .. في احد بــ هالعقليه !
و تقول الكاتبه ساره >_< !
بس مابي اطب فيها مالي خلق و ما يشرفني الصراحه
مشكوره حبيبتي أعقل خبله

الله يهديها و يهدي الجميع
و زين تسوين لا اطبين بأحد كلش

 

[a3gl-5bla]

رد: رد : إهانة سارة الدريس لمنتدى كويتيات!!!!

ضيفة شرف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله شي يضحك نزار قباني ما سواها
والله التواضع حلو يا ناس
ومشكوره الغالييه الف شكر على طرحك للموضوع
بس هي ما تستحق منج هالأهتمام
لأنها لو بتفكر شوي بتلاقي انو اكبر شرف لها انج اهتميتي فيها
وراسلتيها ودعيتيها للنادي

على قولتج التواضع حلو
و من تواضع لله رفعه
و ما انوجد غرور الا من نقص

حياج حبيبتي و ثنكس عالرد

 

[a3gl-5bla]

رد: رد : إهانة سارة الدريس لمنتدى كويتيات!!!!

ههههههههههههه

زين سويتي فيها الحين ماراح تهديج كل كتبها

لول بكل الاحوال ماراح آخذهم

 

[:: Diva ::]

اختي ساره
يعني كل الي طبعتيه

كتابين بس
الاول بالعاميه و انتي وصفتيه بـ " سالفه "
و الثاني بالعاميه عقب اعدتي طباعته بالفصحى و اخيرا بتردين تطبعين بدار نشر ثانيه !
الكتاب الثاني واحد و له 3 اسماء !



و جذي تتعاملين مع الناس ؟
اش حال يوصلون عشر كتب !!!



من تواضع للناس رفعه

و هالكويتيات الي على قولتج بس طبخ و ميكياج هم سبب نشر روايتج بفيرجن
بل هم سبب انتشار كتابج

رايهم ما يعجبج خلاص وسعي صدرج
لان ارضاء الناس غايه لا تدرك

مو تغلطين !!
و ابي دعوه رسميه و ابي ضيف شرف !!!



عجبي