عندي 3 بنات والرابعه بالطريج :)

[*ريما*]

رد : عندي 3 بنات والرابعه بالطريج

والله ياحلو البنات
وكلهم نعمة من عند رب العالمين
لاتضايقين نفسك
كلام الناس عمرة مايخلص
ان شاء الله تولدين بالسلامة

 

[الحل السهل]

رد : عندي 3 بنات والرابعه بالطريج

اللة يخليلج بناتج ويرزقج الولد الصالح اختى جابت 4بنات وزوجها عندة الامر عادي وام زجها ماتقولها الى يم البنات كثرتي علينا البنات وولدى بزوجة مرة تجيبلة ولد وسبحان اللة السنة الي توفت فية ا م زوجها حملت اختى وجابت الولد---- اللة يرحمها اللة قادرعلى كل شي

 

[*الجادل*]

عااادي حبوووبه الكلام يمالج بتسمعين انتي دخلي من اذن وطلعي من الاذن الثانيه ... لاتتضايقين واهم مادروا

والبنات ياحلو نفعتهم اذا كبروا

انا بعد ام زوجي تقولي نبي ولد مانبي بنت ... بس اقول لها منو اللي يقابلج ويقعد عندج... تقول البنات .. اقووول ياحلوهم

والله البنت اذا هداها ربي افضل من الولد بألف مره

انتي ماراح تردين الكلام .. بس بإيدج تطنشين وتخلينه مايأثر فيج

 

[نورهـ]

قوليلها هذا ظهر ولدج مو ظهري وهو اللي يحمل مب انا

واحنا راضين بعطايا الرحمن ماعلينا من احد

والله يخليهم لج يارب ويصلحهم

 

[مضيعة برقعها]

أهم شئ الصحة والعافيه والله يسهل عليج ولادتج
والرزق من رب العالمين سواء بنت أو ولد

 

[%ورد طايفي%]

الحمدلله على عطية الرحمن وغيرج يسافر ويسوي العمليات عشان الضنى

 

[Ooاحلى عروسoO]

الله يخليهم لج

 

[sondos]

رد : عندي 3 بنات والرابعه بالطريج

ياحلووو البنات .......الناس تتمنى الضنى وماتتشرط على بنت ولا ولد

قوليلها كل شى بيد رب العالميين والبطن اللى تييب البنت تييب الولد

 

[لوليتا الدلوعه]

قولي الحملله اهم شي تكون بصحه وعافيه ..
امي تقول مابعز الام ويقوم بها الا بنتها ..

ربي يحفظ بناتك وتقومين بالسلامه

 

[احبة ولكن]

رد : عندي 3 بنات والرابعه بالطريج

حمدي ربج بالنعمة الي انتي فيهااا واقتنعي بلي ربج قاسمة لج والبنات حلوين انا ااتمنى يكون عندي بنات وااايد يملوون لي البيت وينورونة وينورون حياااتي واللة لايحرمنا من الصبيان بعد بس مثل ماانتي عارفة الصبي مسيرة بياخذ مرتة بيطير فيها والبنت بتاخذ ريلهااا وبتييج ومحد راح يحس فيج كثر بناتج اللة يحفظهم ويسنر عليهم ومدام انج اتحملين انشاللة مثل مايبتي البنت بتييبين الولد

 

[قلبي كريستال]

بعد قلبي انا عندي بنتين و حامل سويت سونار و ما سألت شنو البيبي
المهم انا هم خالتي نفس السالفه نبي ولد نبي ولد مع انهم بنتين بس
حاولت افهمها انه هالشي رزق من رب العالمين يهب لمن يشاء الذكور ولمن يشاء اناث و يجعل من يشاء عقيم
بس ما اقتنعت
حاولت افهمها ان تحديد نوع الجنين من الرجل
بس ما اقتنعت
و مرات تقول ابي ازوج ولدي
حاولت افهمها ان البنت هي اللي تقوم باهلها لما يكبرون
وفي ناس من جماعتنا عندهم ولدين و سبع بنات امهم مثل الملكه و بناتها يدارونها
و في ناس من جماعتنا عندهم بنت وحده و ثمان صبيان البنت تزوجت و الام مثل الخدامه حق الصبيان
كل ما تجيهم خدامه تنحاش من كثر الشغل و عندها جنه وحده هم انحاشت من كثر الشغل

كل هذا وخالتي ما اقتنعت





تعرفون شنو سويت فيها و اسكتت عني لا و صارت تقول لاي احد البنات نعمه







قلت لها خاله انا ابي احمل قوليلي شلون حملتي بولد عشان اسوي مثلج واجيب ولد
جان تقول رزق من الله
هوهوهوهوهوهوهو
مدام تعرفين انه رزق من الله ليش منشفه ريجي



سوري طولت
ان شاء الله يرزقنا اجمعين الذريه الصالحه

 

[_Pure_]

الله يباركلج فيهم و يخليهم لج و يرزقج برهم
و يقومج انتي و بنتج بالسلامه

 

[moraje3a]

الله يخليهم لج
يا حلو البنات ودلعهم الله يجعلهم من الصالحات البارات بأهلهن وصج مثل ما قالت وحده من الخوات كافي دخلتهن عليج البات ما يلونج حتى اذا تزوجواا حواليج بس الولد من يتزوج يطير بسلامته

 

[اللهم الجنة]

مرة كبيرة عطيها على قد عقلها

 

[mo0on-q8]

وازين البنات وياحلاتهم ..
الحمدلله بنت رابعه خير ونعمه اهم شي صحتها وانها تكون طبيعيه
مافيها الا العافيه ..
ادري همن انتي ودج بالولد وهذا مو بأيدج بأيد ربج
بس الواحد يسعى .. روحي سوي طريقة الولد مع الغسول
ولاتنسين الدعاء والاستغفار .. وربي ان شاء الله بيرزقج ..

 

[Tosta M7mSha]

كل شي نعمه من الله انا عندي بنوته وصبيان الله يحفظهم وكانوا قايلينلي بحمالي الاخير ان في بنوته اكييييد وسبحان الله طلع ولد تحول باخر الشهر السابع اشلون ما ادري لووول بس البنات والله يهبلون ماعليج من حجي الناس اهم شي انتي وزوجج مقتنعين وراضين بقسمة ربكم وكل شي حلو ماتدرين الي ميتين على الصبي ولا عندهم صبي ومستانسين فيه ويتشيحطوون شنو راح يصير عقب يمكن وجوده من عدمه اما البنت توقف مع امها وابوها غييير بس عيى الله يجعلهم ن الذريه الصالحه هذا الي نقوله ولا تكدرين خاطرج

 

[زوجي توأم روحي]

حبيبتى يا ما راح تسمعين وتسمعين وغصبن عليج راح تتأثرين أو زوجج يتأثر
لان احنا بشر

لكن

والله والله والله البنات نعمة كبيرة من رب العالمين
وحتى لو الله ان شاء الله ارزقج بولد
يظل للبنت نكهة خاصة سبحان الله

وقولى آمين ربى يرزقج ويرزق كل وحدة تبى الولد توم اصبيان

 

[مس عسولة]

رد : عندي 3 بنات والرابعه بالطريج

بنات سوو حمية الولد الغذائية بعد اللة سبحانة ناس وايد ضبطت معاهم انا عندي بنت والثانية بالطريج عند د ماجدة اليتامى اودشو موقع د نجيب لويس بقوقل وراح تلاقون كل شي الاكل الاعنماد ع البوتاسيوم والصوديوم وتحديد يوم الجماع بشرايح بالصيدلية الكشف عن التبويض امها كلير بلو وغسول قلوي

 

[*Little**Angel*]

والله يا ختج الناس ما يعجبها العجب
اهم شي راحتج ونفسيتج سمعي وقطي بحر

واحمدي ربج عالنعمه وادعي ربج يرزقج بالولد الصالح ان شاء الله

 

[ملكه الحطب]

هذي امي ماجابت الولد الا بعد 5 بنات والله يالولد هذا ماينفع كلششش ومطلع عينها من كل صوب وابوي زعلان عليه مايكلمه من شهور وهو ولا بالبال قلت لج قصه حياتي هههههههههه

وحماتي ماشاء الله عندها 5 صبيان وميته على البنت وماتقدر اتحمل الحين تخيلي ؟