رد : رد: &&** ............{{ تجمع أمهات مدرسة أجيال ثنائية اللغة }}..........**&&
حلو..أول سنة ولدي بكي جي ون من 4سنين كان عددهم بالصف مستحيل يعدي 20 طالب ألحين اللي أشوفه أكثر من 20وكانت السيطرة عليهم أسهل وإحتفالاتهم منظمة ومرتبة تفتح النفس وحتى أول يوم دراسي الإستقبال غير عن هالسنة والسنة الي طافت...ألحين في تراجع بمستواهم ما أقولج من الناحية التعليمية لأ لأن هذا يرجع للمدرس نفسه والمدرسن في بينهم فروقات فيهم المميز وفيهم العادي ومستحيل تلقين مدرسة كل مدرسينها ممتازين.... وإنت وحظج وين ولدج يطح بأي واحد فيهم...وحتى في الطابور يمكن لا حظتو هالشي هاليومين مافي سيطرة تااااامة آنا ذاك اليوم وديت ولدي وتميت معاه لحد ما قامو يبون يروحون الكلاس ومحد لاحظه من الزحمة وهو ما يدري وين الله قاطه وولا كرنيه مخلص ولا شي يعني لو ماني عنده ومضيع جان تخرع ولا عرف يقول هو بأي صف وبيعاف المدرسة بكبرها...والمدرسات مشو فاضطريت آخذه ووديه بإيدي....هذا غير الزحمة برا المدرس اللي تخليج تعافين العام الدراسي أكثر من عيالج....آنا يعجبني عددهم بالمراحل المتقدمة من مرحلة الإبتدائي يعني من gr3 طالع عددهم قليل ومرتبين أما الكيجي حدث ولا حرج...المفروض يلتزمون بعدد معين ما يتعدى 15_20 طالب بالصف النتايج بتكون أفضل بس هم المدرسة تبي الفلوووووووس....
1معلوماتج مو دقيقه من اول ما فتحت المدرسه عدد الطلبه 20 - 23
2 تقولين انتي ان كانت السيطره عليهم اسهل ،،كلامج غلط لنه عدد الطلبه في الصف اهوا اهوا ما تقير من ست سنوات .
3 انا ماني شايفه ان حفلات المدرسه تغيرت اللهم انهم كانو يسوون حفله قرقيعان وايد حلوه بعد الفطور ،، بس الحين رمضان صار بعطله الصيف فمايدش القرقيعان في حفلات المدرسه .
4 بالنسبه على الطابور ،، لي الحين الطلبه ما خذوا على الروتين وما حفظوا مكانهم فطبيعي يكون الطابور مو مرتب في البدايه .
5 انتي داشه مع ولدج الطابور ،، بصراحه انتي مو محترمه قوانين المدرسه ،، ترا وجود اولياء الامور في الطابور يسوي ربكه وحوسه .
6 تبين عدد الصف 15 روحي مدرسه احتياجات خاصه اهم بس اللي الطلبه بالصف 15 ،، يبا لا تسمعين كلامي انا روحي سألي المدارس الخاصه الثانيه وشوفي جم عددهم ،، ترا كل المدارس الخاصه جذي .
بنات ولي يعافيكم ترا ملينه من هالسوالف يعني الحين انا سألتكم عن هوايات عيالكم محد رد علي ،، نبي نتكلم بشي مفيد !!!!
