نماذج زوجية .. من الواقع المرير
السلام عليكم ورحمة الله وبركااته
شخباركم بنوتااات .. آنساااات ومداماااات :eh_s(7):
فديتكم احبكم كلكم :hjy5jewf:
هذا اول موضوع لي في هالقسم الي انا مسنتره فيه من زود الاكشن واللقافه :050103nbh_prv:
بكتب لكم اليوم نموذجين قاعده اشوفهم بحياتي وحوالي من القريب والبعيد << انزين وبعدين ؟ :080402ask_prv:
اول نموذج وراح احطه بطريقة مقتطفات مهمة :
اخت صديقتي . مواصفاتها :
بحكم معرفتي الشخصية فيها ما شااء الله عليها كل شي فيها حلو .. احسن شهادة ومثقفة وحلوة ومهتمه بنفسهاا .
نجي لزوجها .. تقريبا نفس المواصفات .. مثقف و وسيم واكبر من زوجته بسنتين , 3 !
طريقة ارتباطهم : كانوا يدرسون بجامعة وحدة وحاول يتقرب منها وصكته كف على محاولته ومن ثاني يوم راح يخطبها !
الحالة الي عايشينها:
الزوجة متعلقة بزوجها وتبيه دوم معاها ويهتم في البيت و العيال معاها يعني حاسة بنقص ولا كأنها متزوجه لانه غاسل ايده من كل شي ما عدا الفلوس !
الزوج منطلق كل همه طلعته و وناسته وربعه الي اصغر منه بسنيييييين وغير تصرفاته الطفولية . يعني الشخصيات عكس بعض تماما .
المشاكل ابتدت لما :
الزوجة لاحظت على الزوج اشيا غريبة مثل موبايله عليه قفل . تلفونات تالي الليل وهي نايمه بس تحس عليه يطلع من الغرفه لما يرن الموبايل . ومع الايام شافت مسجات ! لما كلمته و واجهته قام سوى فيلم هندي وكسر وصرخ وطلع من البيت .
مع الايام . اختها الوسطية كانت تبات عندهم . وهالاخت فاااضية يعني كله قاعدة بالصالة ومقابلة التي في وخاصة بالليل. وطبعا هو ما يصدق خبر يتسحب وينزل الصالة ويجلس معاها وطق سوالف وقرقة للصبح اهي غشمرة ماصخة اهو ضحك .. الخ .
الزوجة مع الايام كالعادة حست بزوجها فيه شي .. بيوم هو نزل للأخت الي سنترت عندهم وحلت لها الجلسة هناك . وطق سوالف .. نزلت الزوجة تتسحب تبي تلقط صوت ولا كلمة مني مناك . المهم شافت شي غلط . للعلم البيت موديله امريكي يعني الصالة وفيها المطبخ التحضيري والدرج قبالهم وكذا يعني وبما ان الوقت كان متأخر الانوار كانت طافية ما عدا نور المطبخ ونور التلفزيون الي يبين . المهم .. شافت الاخت جالسة على الكنبة والزوج واقف بالمطبخ يصلح كوفي. شوي الا الزوج التفت على الاخت وسوى حركة جد جد قذرة .. اشر على صدره ويقول لها فلانه ليش صدرك هالكبر وهو يسوي حركات بإيده ! والاخت كانت تضحك مستانسة على عمرها الخبله
ردة فعل الزوجة . راحت غرفة الملابس ركضة واخذت سير زوجها ونزلت ركض للصالة وطاحت في اختها ضرررب . والزوج يبي يمنعها مو قادر عليها اصلا حتى هو جاته كم ضربه . طبعا البيت كله تزلزل والعيال قاموا من النوم مفزوعين وطلعوا برى غرفهم منهارين من البكا والخوف ! ..
لما قدر الزوج يسيطر على الزوجة سحبها لغرفتهم وصارت حرب جديدة . المهم قال لها انا كنت اقول لها انا جوعاان بسوي لي اكل وانتي فسرتي حركتي غلط والف لها قصة قصتين وقال لها انتي مجنونة ومريضة وشكاكة وتفكيرك وسخ عشان كذا تتخيلين هالامور وهي ما هي موجودة .بس عقلك المريض يتخليها . وعدت الليلة على هالاساس انها تتخيل . من الصدمة المسكينة كذبت عيونها وصدقت كلامه .. اسهل لها !! مع العلم ان اختها اعترفت بالحقيقة لأختها الصغيرة الي هي صديقتي بإلي صار بس ما اعترفت لأختها الكبيره وقالت لها فعلا انتي تتخيلين .
** على فكرة .. الزوج والاخت الوسطية ما يعرفون ايش يعني صلاة . ربي لك الحمد والشكر . يعني لا خوف من الله ولا هم يحزنون.
المهم .. بعد ما مرت الايام .. الزوجة صادتها حالة نفسية وراحت لدكتور نفسي تتعالج وحالتها كل شوي ومن السئ الى الأسوأ لدرجة انها قامت تصيدها حالات انهيار عصبي وتاخذ حبوب مهدئة يعني جنت المسكينة ! وطبعا الزوج عااااايش حياته عالاآخر ولا هو بداري عن بيته ولا عن زوجته هالمسكينة. وبين فترة والثانية لما يشوفها تعبااانة وتنفعل في الكلام يقول لها ترى انتي تقرفيني سكتي لا اطلع من البيت . وهي بهالحالة يعاملهاا كذا !!
واكتشفت انها حامل. قام زوجها النذل تهاوش معاها ليش تحملين يكفي الي عندنا وانا ما ابي عيال اصلا .. كان عندهم بنتين بس !
والحين آخر التطورات .. الاخت الوسطية تزوجت وعقلت . الاخت الكبيره على حالها المسكينة صابره ومتحملة وكل يوم والثاني مكتشفة مصيبة جديدة من زوجها.. وصار عندها بنت ثالثة . الزوج . كل يوم احقر من الثاني . وكل يوم قصة وهوشة جديدة .. وبناتهم تعقدوا من زود الصراخ والمناجر. والله اعلم ايش ناوي يسوي فيها اكثر من الي سواه .
*************************************
نموذج ثاني :
بنت خالتي .. متزوجة ومرتاحة مع زوجها وطبعا الحياة الزوجية ما تخلى من المشاكل . وبما انها ساكنة مع حمولتها .. اول الايام كانت على وجهها البنت تطبخ لهم وتجلس معاهم وتسوي وتفعل وشايلة البيت على راسها . بدت المشاكل لما حماتها تطلقت من زوجها . وجات تسكن معاهم.
مرت الايام وصارت المشاكل التافهة .. الحماة حاطة دوبها من دوب البنت . وكل ما طبخت لهم شي راحت قالت لها الحماة وانتي جالسة في بيت ابوك تتلعبين بالمطبخ على كيفك ؟؟ والبنت مرة ترد ومرة تسكت . لحد ما صار موقف ان ولد الحماة داخل غرفة البنت من غير لا تدري ومخرب شغله عندها ولما عرفت بنت خالتي الي كانت بالمطبخ بوقتها راحت وقالت لزوجها عشان ما يصير بينها وبين اخته احتكاك وانه يوجه الكلام للولد على اساس انه خاله . راح الزوج وهاوش الولد وقال له تحمل تقرب مرة ثانية ومن هالكلام . بوقت ثاني من اليوم البنت كانت بغرفتها والزوج طلع بره عند الباب . استغلت الفرصة اخته وعلى بالها ان اخوها طلع .. راحت تهجمت على البنت .. انتي يا بنت الكــ... يلي مو متربية يالحقيرة و و و و انتي على بالك انتي جالسة ببيت ابوك وبكل جرأة كانت بتمد ايدها . وبنت خالتي تقول لها اكسري الشر واطلعي بره احسن لك . وهذيك ابد قاعدة تزيد .وطبعا هي شرانية محد يقدر عليها من امها وابوها .. الا الحمدلله على دخلة الزوج. راح سحبها من شعرها وقال لها احترمي نفسك ومن هالكلام .
** معلومة: الحماة هذي راعية سحور وطبوب .. وكانت مسوية طب لزوجها والحمدلله انقلب عليها وقال لها انتي طالق بالثلاث . طلق من صوب وتزوج ثاني يوم . حاولت تسحبه مرة ثانية صوبها وما قدرت.
طيب مع الايام .. صارت مشاكل كبيره بين البنت وزوجها ومو عارفين ليش انقلب حالهم فجأة . وبعدها بكم يوم .. قامت البنت فتحت غطا الموبايل على اساس انها بتغير الشريحة برقم ثاني . وشافت تحت البطارية بالضبط ورقة ضعيييفة حييييل ومرسوم عليها شغلات غريبة ومكتوب عليها كلام بالمقلوب . عرفت ان هذا سحر او عمل . اول شي سوته انها ورت زوجها . وبعدها على طول حرقته . !! وسبحان الله من بعدها مشاكلهم اختفت تدريجيا وتغير الحال .
بالرغم من انها حييييييييييل طيبة وخدومة ومرة مصلية ومسمية وخايفة ربها وقارية كتابها ودايم تحب تساعد غيرها وعمرها ما طلعت منها كلمة غلط وخاصة على حمولتها. ولكن لهاللحظة ما تدري وش هو السبب الي خلاهم فجأة وبسبب بنتهم الي ما فيها ذرة سنع يقلبون عليها . ولكن الحمدلله ان الزوج عارف القصة وفاهمها . ولانها مظلومة ودايم كانت تقول حسبنا الله ونعم الوكيل . مع الايام ... و اللهم لا شماته . اكتشفوا بعد سنة وشوي من طلاق الحماة انها استغفر الله العظيم حامل . ومع الوقت اكتشفوا انها حامل من المشعوذ الي يسوي لها الطبوب والاعمال وطبعا هو انحاش ولا احد يعرف له مكان . ربي يستر علينا دنيا وآخره . والله يبعد هالاشكال عنا وعن دروب المسلمين . وسبحان الله يمهل ولا يهمل .
*****************************************
النموذجين فيهم عبرة .. وفيهم خوف من الحوبة . وفيه اشيا كثيره الوحدة ممكن تتعض منها ! وفيها مآسي وسلبيات كثيره .
برايكم .. تشوفون ان تصرف الزوجتين وردة افعالهم في النموذجين صح ؟ لو تصرفوا بطريقة ثانية شنو ممكن تكون النتيجة ؟
السلام عليكم ورحمة الله وبركااته
شخباركم بنوتااات .. آنساااات ومداماااات :eh_s(7):
فديتكم احبكم كلكم :hjy5jewf:
هذا اول موضوع لي في هالقسم الي انا مسنتره فيه من زود الاكشن واللقافه :050103nbh_prv:
بكتب لكم اليوم نموذجين قاعده اشوفهم بحياتي وحوالي من القريب والبعيد << انزين وبعدين ؟ :080402ask_prv:
اول نموذج وراح احطه بطريقة مقتطفات مهمة :
اخت صديقتي . مواصفاتها :
بحكم معرفتي الشخصية فيها ما شااء الله عليها كل شي فيها حلو .. احسن شهادة ومثقفة وحلوة ومهتمه بنفسهاا .
نجي لزوجها .. تقريبا نفس المواصفات .. مثقف و وسيم واكبر من زوجته بسنتين , 3 !
طريقة ارتباطهم : كانوا يدرسون بجامعة وحدة وحاول يتقرب منها وصكته كف على محاولته ومن ثاني يوم راح يخطبها !
الحالة الي عايشينها:
الزوجة متعلقة بزوجها وتبيه دوم معاها ويهتم في البيت و العيال معاها يعني حاسة بنقص ولا كأنها متزوجه لانه غاسل ايده من كل شي ما عدا الفلوس !
الزوج منطلق كل همه طلعته و وناسته وربعه الي اصغر منه بسنيييييين وغير تصرفاته الطفولية . يعني الشخصيات عكس بعض تماما .
المشاكل ابتدت لما :
الزوجة لاحظت على الزوج اشيا غريبة مثل موبايله عليه قفل . تلفونات تالي الليل وهي نايمه بس تحس عليه يطلع من الغرفه لما يرن الموبايل . ومع الايام شافت مسجات ! لما كلمته و واجهته قام سوى فيلم هندي وكسر وصرخ وطلع من البيت .
مع الايام . اختها الوسطية كانت تبات عندهم . وهالاخت فاااضية يعني كله قاعدة بالصالة ومقابلة التي في وخاصة بالليل. وطبعا هو ما يصدق خبر يتسحب وينزل الصالة ويجلس معاها وطق سوالف وقرقة للصبح اهي غشمرة ماصخة اهو ضحك .. الخ .
الزوجة مع الايام كالعادة حست بزوجها فيه شي .. بيوم هو نزل للأخت الي سنترت عندهم وحلت لها الجلسة هناك . وطق سوالف .. نزلت الزوجة تتسحب تبي تلقط صوت ولا كلمة مني مناك . المهم شافت شي غلط . للعلم البيت موديله امريكي يعني الصالة وفيها المطبخ التحضيري والدرج قبالهم وكذا يعني وبما ان الوقت كان متأخر الانوار كانت طافية ما عدا نور المطبخ ونور التلفزيون الي يبين . المهم .. شافت الاخت جالسة على الكنبة والزوج واقف بالمطبخ يصلح كوفي. شوي الا الزوج التفت على الاخت وسوى حركة جد جد قذرة .. اشر على صدره ويقول لها فلانه ليش صدرك هالكبر وهو يسوي حركات بإيده ! والاخت كانت تضحك مستانسة على عمرها الخبله
ردة فعل الزوجة . راحت غرفة الملابس ركضة واخذت سير زوجها ونزلت ركض للصالة وطاحت في اختها ضرررب . والزوج يبي يمنعها مو قادر عليها اصلا حتى هو جاته كم ضربه . طبعا البيت كله تزلزل والعيال قاموا من النوم مفزوعين وطلعوا برى غرفهم منهارين من البكا والخوف ! ..
لما قدر الزوج يسيطر على الزوجة سحبها لغرفتهم وصارت حرب جديدة . المهم قال لها انا كنت اقول لها انا جوعاان بسوي لي اكل وانتي فسرتي حركتي غلط والف لها قصة قصتين وقال لها انتي مجنونة ومريضة وشكاكة وتفكيرك وسخ عشان كذا تتخيلين هالامور وهي ما هي موجودة .بس عقلك المريض يتخليها . وعدت الليلة على هالاساس انها تتخيل . من الصدمة المسكينة كذبت عيونها وصدقت كلامه .. اسهل لها !! مع العلم ان اختها اعترفت بالحقيقة لأختها الصغيرة الي هي صديقتي بإلي صار بس ما اعترفت لأختها الكبيره وقالت لها فعلا انتي تتخيلين .
** على فكرة .. الزوج والاخت الوسطية ما يعرفون ايش يعني صلاة . ربي لك الحمد والشكر . يعني لا خوف من الله ولا هم يحزنون.
المهم .. بعد ما مرت الايام .. الزوجة صادتها حالة نفسية وراحت لدكتور نفسي تتعالج وحالتها كل شوي ومن السئ الى الأسوأ لدرجة انها قامت تصيدها حالات انهيار عصبي وتاخذ حبوب مهدئة يعني جنت المسكينة ! وطبعا الزوج عااااايش حياته عالاآخر ولا هو بداري عن بيته ولا عن زوجته هالمسكينة. وبين فترة والثانية لما يشوفها تعبااانة وتنفعل في الكلام يقول لها ترى انتي تقرفيني سكتي لا اطلع من البيت . وهي بهالحالة يعاملهاا كذا !!
واكتشفت انها حامل. قام زوجها النذل تهاوش معاها ليش تحملين يكفي الي عندنا وانا ما ابي عيال اصلا .. كان عندهم بنتين بس !
والحين آخر التطورات .. الاخت الوسطية تزوجت وعقلت . الاخت الكبيره على حالها المسكينة صابره ومتحملة وكل يوم والثاني مكتشفة مصيبة جديدة من زوجها.. وصار عندها بنت ثالثة . الزوج . كل يوم احقر من الثاني . وكل يوم قصة وهوشة جديدة .. وبناتهم تعقدوا من زود الصراخ والمناجر. والله اعلم ايش ناوي يسوي فيها اكثر من الي سواه .
*************************************
نموذج ثاني :
بنت خالتي .. متزوجة ومرتاحة مع زوجها وطبعا الحياة الزوجية ما تخلى من المشاكل . وبما انها ساكنة مع حمولتها .. اول الايام كانت على وجهها البنت تطبخ لهم وتجلس معاهم وتسوي وتفعل وشايلة البيت على راسها . بدت المشاكل لما حماتها تطلقت من زوجها . وجات تسكن معاهم.
مرت الايام وصارت المشاكل التافهة .. الحماة حاطة دوبها من دوب البنت . وكل ما طبخت لهم شي راحت قالت لها الحماة وانتي جالسة في بيت ابوك تتلعبين بالمطبخ على كيفك ؟؟ والبنت مرة ترد ومرة تسكت . لحد ما صار موقف ان ولد الحماة داخل غرفة البنت من غير لا تدري ومخرب شغله عندها ولما عرفت بنت خالتي الي كانت بالمطبخ بوقتها راحت وقالت لزوجها عشان ما يصير بينها وبين اخته احتكاك وانه يوجه الكلام للولد على اساس انه خاله . راح الزوج وهاوش الولد وقال له تحمل تقرب مرة ثانية ومن هالكلام . بوقت ثاني من اليوم البنت كانت بغرفتها والزوج طلع بره عند الباب . استغلت الفرصة اخته وعلى بالها ان اخوها طلع .. راحت تهجمت على البنت .. انتي يا بنت الكــ... يلي مو متربية يالحقيرة و و و و انتي على بالك انتي جالسة ببيت ابوك وبكل جرأة كانت بتمد ايدها . وبنت خالتي تقول لها اكسري الشر واطلعي بره احسن لك . وهذيك ابد قاعدة تزيد .وطبعا هي شرانية محد يقدر عليها من امها وابوها .. الا الحمدلله على دخلة الزوج. راح سحبها من شعرها وقال لها احترمي نفسك ومن هالكلام .
** معلومة: الحماة هذي راعية سحور وطبوب .. وكانت مسوية طب لزوجها والحمدلله انقلب عليها وقال لها انتي طالق بالثلاث . طلق من صوب وتزوج ثاني يوم . حاولت تسحبه مرة ثانية صوبها وما قدرت.
طيب مع الايام .. صارت مشاكل كبيره بين البنت وزوجها ومو عارفين ليش انقلب حالهم فجأة . وبعدها بكم يوم .. قامت البنت فتحت غطا الموبايل على اساس انها بتغير الشريحة برقم ثاني . وشافت تحت البطارية بالضبط ورقة ضعيييفة حييييل ومرسوم عليها شغلات غريبة ومكتوب عليها كلام بالمقلوب . عرفت ان هذا سحر او عمل . اول شي سوته انها ورت زوجها . وبعدها على طول حرقته . !! وسبحان الله من بعدها مشاكلهم اختفت تدريجيا وتغير الحال .
بالرغم من انها حييييييييييل طيبة وخدومة ومرة مصلية ومسمية وخايفة ربها وقارية كتابها ودايم تحب تساعد غيرها وعمرها ما طلعت منها كلمة غلط وخاصة على حمولتها. ولكن لهاللحظة ما تدري وش هو السبب الي خلاهم فجأة وبسبب بنتهم الي ما فيها ذرة سنع يقلبون عليها . ولكن الحمدلله ان الزوج عارف القصة وفاهمها . ولانها مظلومة ودايم كانت تقول حسبنا الله ونعم الوكيل . مع الايام ... و اللهم لا شماته . اكتشفوا بعد سنة وشوي من طلاق الحماة انها استغفر الله العظيم حامل . ومع الوقت اكتشفوا انها حامل من المشعوذ الي يسوي لها الطبوب والاعمال وطبعا هو انحاش ولا احد يعرف له مكان . ربي يستر علينا دنيا وآخره . والله يبعد هالاشكال عنا وعن دروب المسلمين . وسبحان الله يمهل ولا يهمل .
*****************************************
النموذجين فيهم عبرة .. وفيهم خوف من الحوبة . وفيه اشيا كثيره الوحدة ممكن تتعض منها ! وفيها مآسي وسلبيات كثيره .
برايكم .. تشوفون ان تصرف الزوجتين وردة افعالهم في النموذجين صح ؟ لو تصرفوا بطريقة ثانية شنو ممكن تكون النتيجة ؟
التعديل الأخير:
