كلكم كتبتو مواعيد عرسكم عساها تحقق و تصير صج باذن الله
خلاص بكتب لكم كل التفاصيل عن عرسي
اتمنى عرسي يكون بتاريخ 17 / 12 / 2010 لان يوم ميلادي و راح ادخل ال 24 ان شاء الله اذا الله احيانا
طبها الصبح حالتي حالة من الربكه و البجي و الخوف بس اهم شي اتريق عدل و اشرب الشاي بالزعفران الي يعدل راسي و يروقني
المهم ابي عرسي يكون بصاله ملمومة و صغيرونه و فكرت قلت اخليها بصالة الزبن الي بالروضه عرس اختي كان فيها و كانت مو كبيرة و لا صغيرة حيل ملمومة و حلوة
نفنوفي الله اعلم من وين بشتريه بس يمكن من الاسطورة و الكوشه ابيها شازلونج و لونها يكون وردي او فواتح عشان احط حواليها ورد اسيوي وردي و ابيض و اكتب اسمي و اسم الحبيب ورا الكوشه على الطوفة تكون بخط عربي و حلو و ملون يمكن اخليه وردي بعد
طبعا الكراسي راح تكون باذن الله مدرجات لاني ما احب الطاولات ضيج و ما تشوفين الي يرقصون عشان لا عزمتكم الكل يشوفكم اشرايكم فيني اضبطكم
_03BA:
مكياجي بحطه يا بصالون ليلى هارموني لان مكياجها عجبني او بصالون العديلية مادري ليما الحين و التريحه ودي ودي اخلي شعري تسريحه رومانية و يحطون شعري على جنب و يصير شكلي ناعم بس انا عارفه ان بيقولون لي ما يصير لازم شعرج مرفوع و بينشبون ببلعومي بس هذا الي اتمناه
البوفيه مادري بصراحه اهلي هم الي بيختارون و الدي جي اسلامي و زفتي ابيها هب السعد مالت فطومه بس بدون موسيقى و طلعتي مع المعرس يا معيريس
و البخور ريحته بكل مكان من اجمل و نحط ستاند برى عند باب الصاله كلها علوج اشكال و الوان
السيارة عادية مابي ليموزين احب يكون عرسي بسيط
طبعا هذا كله حلم اني اختار و اسوي لان خواتي ماراح يخلوني بحالي صارلهم فترة يقولون لي الذوق السيلاني :krkrkr:
ما يعجبهم ذوقي بالمرة و اقولهم ذوقي و انا حرة :tomato2:
و اهما قايلين لي هم بيسوون كل شي قتلهم انتو سوو كل شي بس البدله انا اختارها بس انا عارفه هما البدلة ماراح اختارها الله يعيني بس على التجهيز
طبعا مهري اتمناه 6 الاف لان يالله يكفي امس اخترعت دشيت محل ذهب كنت مشتهيه سبحه ذهب قلت خل اسال بجم عشان المعاش الجاي اشتري تخيلو طلعت ب 572 قلت بالمشمش اشتريها لما يطيح سعر الذهب ان شاء الله افكر اشتري:denya:
