منتج اليوم المفضل ,, حياااااااكم مدمنات الميك اب {الجزء الاول}

[Alia]

رد: رد : منتج اليوم المفضل ,, حياااااااكم مدمنات الميك اب

مرحبا بناات

منتج اليوم المفضل - اللي شريته الاسبوع اللي طاف

اهوا :



اهوا يصير مرطب و حماية و توحيد لون ( في منه درجات انا خذيت الدرجة اللي نفس لون بشرتي )

طبعا في عضوة هني ذكرته بس العفو نسيت اسمها و انا على طوول رحت شريته يعطيها الف عافية والله :eh_s(7): - ليش اني ماحب كلش احط فاونديشن يمكن بس بالاعياد أحيانا - دايمن احط مرطب حق بشرتي و اهم شي عندي الكونسيلر و مكياج خفيف لعيني و روج ــــــــ > أموووت عالأرواج :hjy5jewf:

و السبب الوحيد اللي خلاني اشتريه اني مشتهية احط بلاشر بس انا ماحط لاني ما احط فاونديشن :eh_s(6):

و يعطيكم العافية عالموضوع واايد استفدت منه :rerrerek:​

عليج بالعافية حبيبتي :tek:

 

[Alia]

رد: رد : منتج اليوم المفضل ,, حياااااااكم مدمنات الميك اب

بتكلم عن اخر شي شريته بعد
اللي يحبون ستايل النو ميك اب




آولا آي شادو ميك اب فور ايفر ... كنت ابي لون نيود ما يبين وايد بس يعطي شاين خفيف ابي احطه على كامل الجفن المتحرك وتحت الحاجب احط شي افتح
المهم بعد ما نشفت ريج اللي بميك اب فور ايفر طحت على هاللون
رقم 125 ... يعطي لون طبيعي صج اغمج من جفني بشوي شوي .. بس لونه عجيب وطبيعي ولمعته خفيفه حيل اسم على مسمى ساتان
احطه بصبعي فوق الكونسيلر ويصير شي واذا كثرته منه على كسرة الجفن يعطي عمق حلو طبيعي ما كأني حاطه شي بس وايد يحلي العين



وهني الريفيو مبين رقم 125



على فكره انا بعد احب من ماك لون الفانيليا بس بط جبدي وايد ماااات وبنفس الوقت فاتح فهذا حبيته اكثر :eh_s(15):


ثانيا

البلاشر اللي يم الاي شادو
دريم موس رقم 25
طبيعي وحلو وهادي ... وحتى لو فوق البودره ترى ما يتجمع وايد مرن وفيه شويه لمعه خفيفه
اللي على اليسار





طبعا قبل عندي هاللون وللحين عندي ...





رقم 10 وايد بينك ولونه أقوى من اللي فوق حلو بس اللي تبي طبيعي تاخذ رقم 25

فوز حبيبتي عليج بالعافية شوقتيني من شرحج حق شادوو ميك اب فور ايفر:friends:

 

[Mrs_Orchidia]

رد: منتج اليوم المفضل ,, حياااااااكم مدمنات الميك اب

حلوووووووووووووووووووووووو بلش ميبيلين الوردي! انا عندي اللي على طبيعي .. و اموت عليه .. بس هذا ايينننننن



عليج بالعافيه فــــــوز

 

[FOZQ8]

رد : منتج اليوم المفضل ,, حياااااااكم مدمنات الميك اب

عاليه انشالله اذا جربتيه او من اي ماركه بس نفس اللون بيطلع حلو .. على فكره في نفسه تقريبا بس اغمج من اتي لودر بعدين بتكلم عنه
ولاحظت ان اغلب اللي في اليوتيوب الاسيويات يتعملون تقريبا هاللون او يميل للمشمشي الفاتح حيل على ترابي عشان يبين طبيعي وبنفس الوقت مايكون باهت محدد عدل


مس أوركيد اي الوردي يهبل يخليج مثل خدود اللعبه

 

[Alia]

رد: منتج اليوم المفضل ,, حياااااااكم مدمنات الميك اب

منتج اليوم المفضل

ملاحظة: منتجات اليوم تنفع لدوام ولوكات الصباح والعصاري:sfg:


1- Mac Creme Cup Lipstick

اللون هادي بيبي بنك على بيج ... بما انه الحمرة كريم شين لازم جم طبقة حسب الرغبة علشان تبين اكثر !:ssssso:

اللون واضح على براطمها مشالله:eh_s(20):

اللون واااااااااايد بنوتي وهادي

والحلو بالكريم شين اقدر اتحكم شكثر ابي الحمرة تكون خفيفة او ازيدها واثقلها

...


2- Mac Lust Lipgloss


هذا اللب جلووس .. احطه فوق كريم كب يهبببببببل مات مافيه لمعه يخلي اللون وردي اصلي انوووووثي :aha:

شوفوا يا بنات السواتجز هني :

http://karlasugar.net/2010/03/mac-lipglass/mac-lipglass-2-2/
..

3- Mac Blush Pinch Me

يهبل يهبببببببببببببببببل اي واحدة تحب ماك لازم يكون عندها هاللون وردي غامج ترى ماعرف اوصف كللش هههههههههه ومات مافيه لمعه شي بسيط لانه شير توون ..

 

[FOZQ8]

رد : منتج اليوم المفضل ,, حياااااااكم مدمنات الميك اب

عاليه انا عندي الكريم كب وعلى قوولتج تقدرين تتحكمين فيها .. انا اذا ابيها خفيفه اطبطب على شفايفي منها بس قبلها ارسم بووؤي كله بمحدد طبيعي
ذكرتيني بمحدد عندي !! يالله خوش حق المره اليايه اتكلم عنه

البلاشر شكله حلو بس شلون قامج يعني لونه اقوى من لون بلاشر بابل جم bubble gum ؟ اعتقد اسمه جذي عندي منه بس الاسم رايح وموذاكره اسمه عدل بس اعتقد بابل شي !!
عاد هذا اقوى لون عندي ماحط الوان قويه

 

[Mrs_Orchidia]

رد: منتج اليوم المفضل ,, حياااااااكم مدمنات الميك اب

مادام اغراضج عن الدوام .. عيل انا بحط بودرتي اللي صايرة استخدمها حق الكلية الصبح



اهي من ريميل .. و حدها رووووووووعة و تعطي تغطية بضمير .. و حلوة للي بشراتهم صافية او عيوبها خفيفة و مترطبة عدل

و احلى ما فيها انها تتحكم بالدهون بطريقة حلوة .. و الأحلى من هذا كله انها رخيييييييييصة .. بدون خصم ب3 دنانير يمكن!


تفضلوا صورتها

 

[FOZQ8]

رد : منتج اليوم المفضل ,, حياااااااكم مدمنات الميك اب

تعديل اسم البلاش اللي عندي Dollymix دورت درجته بموقعهم حدي دايخه من وين يبت البابل جم مشتهيه علج الظاهر ههه


أوركيد ,, احب البودرات والحين مستقره على ماك سكن فينش بس نجرب هذي دام فيها تغطيه قويه .. مع فرشه والا اسفنجه؟

 

[Alia]

رد: رد : منتج اليوم المفضل ,, حياااااااكم مدمنات الميك اب

تعديل اسم البلاش اللي عندي Dollymix دورت درجته بموقعهم حدي دايخه من وين يبت البابل جم مشتهيه علج الظاهر ههه


أوركيد ,, احب البودرات والحين مستقره على ماك سكن فينش بس نجرب هذي دام فيها تغطيه قويه .. مع فرشه والا اسفنجه؟

هلا فوز لالالا حبيبتي غير انا ماعرف اوصف عدل الالوان ههههههههه يعني مو وردي فاتح نفس بنك سوان ولا نفس دوولي مكس غير ... لونه طبيعي ومافيه لمعه شوفيه بالمحل انشالله يعجبج:eh_s(9):

اذا تسمحين اجاوب على سؤالج السكن فنش بالبرش طبيعيه اكثر والاسفجنه تصير اثقل

 

[Miss_Tiger79]

رد : منتج اليوم المفضل ,, حياااااااكم مدمنات الميك اب

فوز
البلشر رووووووووووعه
ودي فيه بس موقفه تشري الكبت طفح عندي

عاليا
عندي كريمات مو طبيعيه للبشره والايد والريول عجيبييييييييين صج
بس من الاردن من منتجات البحر الميت
صج تخلي الجلد ماشالله مثل نعومة بشره اليهال
بس اصورهم واحطهم بالموضوع ان شاءالله

 

[رفرف]

رد: منتج اليوم المفضل ,, حياااااااكم مدمنات الميك اب

شلونكم يا عسل ؟؟


بما ان فوز شيشتني عالشيمرات جان اطلع اللي عندي علشان اصدق انهم وايد ومااتهور واشتري ..
تذكرت شيمرات ديور حلوين ولمعتهم ذربة اموووت ع البيج اكثر شي وهم الوردي يهبل

http://www.coloruza.com/wp-*******/uploads/2009/01/dior-skin-shimmers.jpg[\img]


وماسكرتي حق الدوام

تراااااان .. ما تسوي شي (عيل ليش حاطتها ؟؟) لأنها تفرق الرموش وتعطيهم منظر حلو بس تبرزهم شوي لا يصيروم مغبرين وفاهين من الشدو يعني حلوة حق الصبح .. وهم ما تيبسهم خفيفة ما تحسون ان في طبقة على رموشكم ..
بس ماتكثف ولا تطول ولا تسوي شي حدها حق الدوام .. خاصة انا رموشي الحمدلله طوال وحلوة فمن احط ماسكرا قوية يبينون اوفر مو حلو مع النوميكب .. يعني اللي رموشها حلوة وبس تبي تبرزهم تستخدمها ..
يعني مادري شلون اوصفها احسها حلوة لأن انا هذا اللي يصلحلي مو من زينها (جني طيحت حظها !!)



[img]http://www.graziadaily.co.uk/pub/21publish/beauty/maxfactor-mascara.jpg[\img]


وحمرتي الحبيييييبة .. أحلى حمرة بيج عندي وعشرة عمر اول حمرة شريتها من ماك وكلما تخلص ارد اشتريها .. cherish
لونها حلو مو بيج النيوود اللي يخلي الوحدة جنها عطشانة او بالعة براطمها .. لا هذا بيج حلو فيه لووون ..


[img]http://www.temptalia.com/images/spring2010/mac_cherish002.jpg


http://www.temptalia.com/images/spring2010/mac_cherish003.jpg[\img]


[COLOR="Red"][B]أحلى شي ان صوري كلها ما طلعت ... سوو سيرج احسن لوول[/B][/COLOR]

 

[BaiTotia]

رد : منتج اليوم المفضل ,, حياااااااكم مدمنات الميك اب

فوز

أركانسل تنباع بمراكز التجميل؟

اليوم بغيت أتهور وأدش بودي شوب بس مسكت عمري لأن قايله هالجم يوم ماني شاريه مكياج لازم أصير قد كلمتي هههههه

والشدو إينن ماشاالله وفور إيفر شدواتهم مو صج كنت مخططه أسويلي باليت منهم أبي حق اللوكات النيود سوالف بني وبيج

علوشه

الماسكرا مجربتها مع وايد ماسكرات بس تلزق أحط هذي فوقها تمشطها

وهي بروحها كافيه تهبل

وكريم كب أحبها هالحمرا تيننننننننن ساعات أشتهي أخلطها مع محدد أغمج همن تطلع حلوه

والبلش بجربه إن شاالله وايد حلو

رفرف

الحمرة حلوه أغمج من هوني لوف؟؟؟؟

روعة الأمومه

أسيتي لودر ماركة ممتااازة:weight_lift: بس هذا مايدهن البشرة؟ أويل فري؟

 

[Mrs_Orchidia]

رد: منتج اليوم المفضل ,, حياااااااكم مدمنات الميك اب

فــــــوز .. دوللي مكس عندي اياه .. و هذا اسميه My baby
أموووت عليه .. لونه مو صج



البودرة مع الاسفنجة احسن

 

[BaiTotia]

رد : منتج اليوم المفضل ,, حياااااااكم مدمنات الميك اب

منتج اليوم

expensive pink eyeshadow- mac

أهوا الصغيرون اللي عاليمين

لونه مشمشي يعطي على ذهبي خفيف (ماحس إن له علاقه بالبينك ولا اسم على مسمى هههههههه)

ووايد ناعم يصلح حق كل يوم أو الصبح

 

[Mrs_Orchidia]

رد: منتج اليوم المفضل ,, حياااااااكم مدمنات الميك اب

expensive pink عجييييييييييييييب!!!!


امبي حده حده حلو! عليج بالعافيه حبيبتي

 

[لعبة ايام]

رد : منتج اليوم المفضل ,, حياااااااكم مدمنات الميك اب

موضوع

حلو وقيم لي عودة عيوني

 

[BaiTotia]

رد : منتج اليوم المفضل ,, حياااااااكم مدمنات الميك اب

الله يعافيج حبيبتي مس أوركيدا

 

[Alia]

رد: منتج اليوم المفضل ,, حياااااااكم مدمنات الميك اب

صباح القشطة على اللي يحبوون المكياج

 

[Alia]

رد: منتج اليوم المفضل ,, حياااااااكم مدمنات الميك اب

مادام اغراضج عن الدوام .. عيل انا بحط بودرتي اللي صايرة استخدمها حق الكلية الصبح



اهي من ريميل .. و حدها رووووووووعة و تعطي تغطية بضمير .. و حلوة للي بشراتهم صافية او عيوبها خفيفة و مترطبة عدل

و احلى ما فيها انها تتحكم بالدهون بطريقة حلوة .. و الأحلى من هذا كله انها رخيييييييييصة .. بدون خصم ب3 دنانير يمكن!


تفضلوا صورتها

هلا مس اوركيد ودي اجربها انشالله بشتريها لانه اتوقع انا الوحيدة بالكويت ماعندي هالبودرة كلمن يمدحها:gathering:

 

[Alia]

رد: رد : منتج اليوم المفضل ,, حياااااااكم مدمنات الميك اب

موضوع

حلو وقيم لي عودة عيوني

حياج الله حبيبتي:eh_s(17):