.·:*¨`*:·. دوانيه المغتربات .·:*¨`*:·.

[ضي]

Om wahabi shlonch 7bebti?
Mj mj '9afetech embayen 3ndiii


Baji elbnat shlonkm?

 

[اختكم بالله]

هلا والله ضيونه شخبارج

 

[Frawlaah]

فروالة القهوة العربيه مايبلها شي ووايد سهلة تبين ادزلج ؟؟

والله يعينج على النقله انا من يقولي ريلي او يفكر ان ينقل يضيق خلقي ماحب شي اسمه نقله وشيلي وحطي اغراض ووايد لويه والتعب كله بيصير علينا بالشيل والحط بالمكان اليديد صج ان رياييلنا مايقصروون والله بس مو معقوله بيهد دراسته وبيقعد يرتب معاي فمن جذي انا مو حابه التنفل

كتبي الخطوات إهني خل الكل يستفيد شلون نضبطها ...

إيه انا بعد ما احب نقلة ومع ولدي العبثي فحدي أعصاب نا ارتب وأسنع وأحط أييي ألاقيه حاذف كل الأغراض برة الكارتون وااااااااي يصير فيني ودي أعضة كا أنواع الألعاب شريتله تصدقون ما يحب يلعب لازم يدور شي غلط يلعب فيه !

 

[Frawlaah]

أم وهابي ولدج نفس اسم ولدي بس إن شاء الله ولدج مو نفس ولدي شيطاااان جان أقوول كل وهابي شيطان

 

[اختكم بالله]

شلونج فراوله شخباركم مع النقل

 

[اختكم بالله]

بنات مج مج مابينت وينها وام كوشه بعد ؟

عسى المانع خير يارب

 

[q8_toffee]

هلا والله ضي انتي شلونج حبيبتي

فراواله انا اول شي اسخن الماي على الجولة وبعدها بالفنجان اخذ قهوة اواخليها تغلى مع الماي وبعدها اقصر على الجوله واحط معاها هيل وزعفران وقبل مااصبها بالدله انا احب اشخلها مااحب يطلع معاها اشياء بوقت الشرب هذا الشي راجعلج تبين تصبينها على طول بالدله
او تشخلينها

وبالعافيه

طبعا كل وحده تطبخها بطريقتها الخاصه في ناس تحط هيل وزعفران بالدله وبعدها تصب القهوة وفي ناس يحطون معاها مسمار وفي يحطون شويه معاها كوفي ميت او حليب قفشه صغيرة وهي تغلي

 

[ضي]

E5tna ana b5er 7bebti

Bs malal


Toffya ana b5er bs walla malal 7daa

Om wahabi sh9ar 3al pmessenger?

 

[ام كوشه منكووشه]

رد : .·:*¨`*:·. دوانيه المغتربات .·:*¨`*:·.

هاااااي بنااات

اشلونكم وشخباركم

فراوله الله يعينكم عالنقله ويسهل اموركم

فليجاويه اشلونج حبيبتي الله يهون عليج وتوالدين بالسلامه ان شاءالله

ام وهاابي سامز لازم تسوين بطاقه عضويه اب 40 دولار ولازم قبل لا تدخلين المحل يشوفونها عشان يعرفون انج مشتركه معاهم وهم لا بغيتي تحاسبين تورينهم اياها..

اختنا بشري عن ولدج اشلونه اليوم ان شاءلله صار احسن

 

[اختكم بالله]

هلا ام كوشه شلونج الحمدلله مستمره عالتمر

ضيونه حبيبتي اي والله ملل حده بس شنسوي

توفي الله ريحة القهوه واصله عندي


بنات مج مج مابينت ؟

 

[ام عبدالوهاب555]

اهلين ضيونة انتي شلونج؟
جنه عندك ولد؟شلونه؟


فراولة
ياحلوة الحمدلله ولدي هااادي ودععععععلة بس يمكن لان اسمه مو وهابي



واختكم بالله اليوم رحت بي جي اس بس ماعرفت طريقة التسجيل لعضويتهم ، يعني اهي كريدت كارد ادفع فيها ولا بس اوريهم؟ احترت؟ ما فهمت الموظفة ولا هي فهمتني!!حد الحوسة


مج مج معاي بلبي مسنجر بس مو بالقروب لان حده عاااادي على البي بي

 

[مجنونة حبه]

السلام عليكم
ولللوووووووووول ام وهابي صادتني عيل ليش ماتردين علي
سوري بس امس كنت طالعه عيد فكان عندي لوووووول
الله يعينج فراوله عالنقل واذا تبنين اي مساعده انا حاضر خبره عندي من كثر نقل والله يثبتنا عالمكان ولا يخلينا ننقل الي بعد التخرج وردتنا للكويت
عاد كنت بقولج على ولدج اسم الله عليه نفس بنتي حركيه زعوله وعنيدة ودلوعه ونجريه وتصارخ الي باخر مواقف السيارات يسمعها صج مو مبالغه وغير هذا بجايه درجه اولى واذا بجت شفتي الي شلون تقمت نفسها وما تقدر تتنفس وغير شذي للحين تتكلم ومرات مانفهمها يعني تسولف وماندريشنو تقول وهذا شي الي متعبني
ماابي الوم احد بس تعرفون اذا بنت الحفيدة وحيده بالعايله شلون تصير
المهم عاد قلت امريكا قلت ابي اعلمها واربيها صح من غير تدخل وديتها الطبيب وقتله البنت شذي واهو شافها انها نشيطه حيل لدرجه ماتعرف تقعد من غير حركه
قالي عادي وطبيعي تصرفها انا استغربت قالي من عمر سنتين الى 3 ومرات 4 تكون بهالحال ه ومن خلال تعاملي معاها بطريقه صح بانج تعلمينها صح والخطا بالبدايه راح تصعب عليج لما تتعود وتعلم
شنو صرت اسوي اعاقبها وستخدم النظرات الجديه اقعد واوصل نفس مستواها واكلمها وعيني بعينها واقولها شنو سوت وان هالشي غلط وبعدها اوديها بغرفتها اقولها لما تبجين واتخلصين اناديج وشذي كل ماسوت شي غلط او تبجي من غير سبب اساويها شذي وترا ما اخليها وايد بالغرفه يعني بو دقيقتين بس ابي احسسها بالغلط وان انا الام وانا الي اصدر او اعطي اوامر وان خزيت يعني ستوب وبعد ما تخلص من عقابها واناديها المها واقولها تعتذر وشذي
يعني احسن من ان اصارخ او اطقها لان ادري ما ينفع معاها بالعكس تعاند اكثر
وهذي طريقه تعلمتها من جوجو المربيه الي يحطونها بالتلفزيون واستفدت جم نقطه منها وسويته
فجربيه يمكن ينفع معاه واي مو كل شي يبيه تعطونه ياه لازم يتعلم استئذان وينطر الموافقه مافي شي يكسر الخاطر ويعطيج الويه الحزين لان هذا السلاح الفتاك لطفل يستخدمه حق اهله تراهم اذكيه وااااايد

 

[مجنونة حبه]

اشلونج اختكم شخبارج وشنو امسويه وزين المطر ياكم الله يديمها من نعمه عاد احنا برد حلو مو شديد
شلونج ام كوشه شخبارج وشنو جديدج
ضيون اشلونج عاد ما ابي اقول بس بنات طباخ ضيون عجيب طافكم المموش ريحته واصله عندي لووووول
توفي شلونج ادري تعبتي ما قدرتي اتضيفيني بس حاولي لازم في طريقه
عاد اتصدقين توفي صح كلامج احنا بالكويت نظام تعليمنا بريطاني
بس نصيحه طالعوا برامج امريكيه في للاطفال والكبار يعلمونج القواعد وقنوات اهي pbs kid and sprout

 

[Filakawyia]

مشكورين بنات عالدعوات الحلوة

اي والله كلامهم غير عن اللي تعلمناه

لان مدرساتنا كويتيات و مصاروه

لو اييبون لنا امريكيات او بريطانيات مثل الخاص احسن نتعلم عدل

مدارسنا لا امريكي ولا بريطاني . . . امريكي كويتي

شوفوا الفرق بالحجي . . نتحجى انجليزي بس الاسلوب و النطق كويتي ماكو فايدة لووووول

اهمه عندهم اسلوب غييييير بالحجي

و نطق الاحرف بعد غير

r - l - a - t

هالاحرف جني قاعده اتعلمها من يديد لان غييييييييير

بنات ادعولي بقدم توفل يوم السبت . . . عشان اذا نويت اكمل دراستي الا كل شي زاهب

 

[q8_toffee]

ضي ولدج شلونه مع الحضانه اليديده ؟ انشاءالله استهل عليها واندمج معاهم ؟؟

فلجاويه الله يوفقج انشاءالله علميني على توفل انا خذيت دورة بالصيف لمه رديت الكويت ولى الحين ماقدمت توفل ودي اجرب اقدم امتحان اهني

اختكم عليج بالعافيه وانشاءالله تكونين استانستي بطلعتج وغيرتي جوو

 

[ام عبدالوهاب555]

نداااااء الى ضيون

ضروري ابي طريقة المموش الي تسوينه اهني
احس طريقة الكويت ما تضبط!

شريت الماش وكاهو ناطرك بالكبت متحسفة اطبخة ابي طريقة مضمونة

 

[ام عبدالوهاب555]

وينكم بنات؟


الي عندها عيال شرايكم
بال flu shut
تنفع؟ودي اجربها تدرون مو متعودين على بردهم وساعات اخاف؟ كمو جربت؟



احس اقول معلومات وأسال واااايد
ماتلحقون علي!!

تبوني أبطأ ولا زين؟؟؟

 

[q8_toffee]

وينكم بنات؟


الي عندها عيال شرايكم
بال flu shut
تنفع؟ودي اجربها تدرون مو متعودين على بردهم وساعات اخاف؟ كمو جربت؟



احس اقول معلومات وأسال واااايد
ماتلحقون علي!!

تبوني أبطأ ولا زين؟؟؟

اخذي راحتج ام عبدالواهاب

مااقدر افيدج والله لان ماعندي عيال بس ترى عادي انا بس اول سنه خذيتها وبعدين ماقمت اخذها عادي بردهم عادي مو نفسنا بالكويت صج ان ثلج وهوا وبرد بس تحملينه بالبس والتدفي كلش يصير اوكي انشاءالله وكل اماكنهم الداخليه دافيه فلاتحاتين انشاءالله

 

[مجنونة حبه]

السلام ام عبد الوهاب
تبين الصراحه ماعطيت حق عيالي ولا ابي عطيهم ياها الله ايعوزنا لها
ترا اقولج شي الغيال اهني مايمرضون وايد لان جوهم يختلف صج بارد بس مو نفس الكويت اهني الجو من غير مبالغه نظيف عن جد نظيف اما الكويت ماله داعي اقول بس انتوا عارفين شذي لما ترحون اي طبيب لازم يعرف اي دوله انتوا سافرتوا فيها هل من دول ريسك كونتري ع الاسف اكويت من ضمنها بسبب حرب وتلوث لانها قريبه من صين

ام وهابي لووووول ريلي صار يعرف المموش وانتي تقولين ماتعرين بس ماعليه بالغربه راح اتعلمج

 

[اختكم بالله]

شلووووونكم بنات

شخباركم