تجمــــع خوات المــــعرس لسنة 2011 ..بالمـــــبارك !!

[غمزه وإبتسامه]

مووفقين

 

[أبله كويتيه]

رد : تجمــــع خوات المــــعرس لسنة 2011 ..بالمـــــبارك !!

بعد الاقبال الكبير على دراريع الدفعه الاولى

بنات يابنات قبل العيد وزحمة العيد واسعار العيد وغلا العيد

الي تبي دراريع قصيره وطويله


عندي حق بيت وحق استقبال وبدل حق طلعه


القصار فخام تقدرين تلبسينهم مع ليقنز وشيله وتطلعين

وتقدرين حق بيت واكو حق استقبال

الدراريع تطريز وشغل ايد ...

وبشرح لكم موديل كل دراعه بس اعذروني ماقدر احط لكم صوور ...

ماحب سالفة تبوق الموديلات

الي تبي تشووفهم تبلغني واوصلهم لي بيتها تشوفهم على راحتها واذا بتشتري حياها الله واذا ماتبي تشتري مو لازم ولا ابي حق توصيل


الدراعه الاولى طويله لونها بيج بعنابي مطرزه من تحت وعلى الجوانب والجم تلبس جميع القياسات لي xl والي تعجبها تظبطها بخياط بنص دينار ويخصرها لها على جسمها


الدراعه الثانيه بيج بأزرق مطرزه على شكل نجووم من تحت ومن الجم والخام شانتون الهندي


الدراعه الثالثه مو قصيره ولا طويله .. ثلاثة ارباع ... معاها حزام عالخصر مطرز بشكل دائري و من تحت الشغل وعلى الظهر شغل وعلى الجم شغل

تنلبس حق استقبال وحق طلعه مع ليقنز وحق بيت .. بمنتهى الفخامه

الرابعه دراعه قصيره لونها بيج مطرزه عند الصدر نااااااااعمه مطرزه تطريز خفيف على شل 7 من عند الصدر


الخامسه تنوره قصيره ابيض بذهبي .. مع بدي مستخدم بهالبدله خام شانتون ابيض والبدي دانتيل ذهبي وفوقه جاكيت مرصع بالكرستال والتطريز

الشغل كله ناعم بس الجاكيت فخم فخم فخم بالكرستال وبالشغل وبالشوارفسكي


السادسه همن تنوووره مع جاكيت لونها رصاصي وشغلها ابيض وكرستالها وشوارفسكي همن ابيض واللون صاير رمادي على ابيض والجاكين رمادي على الجم كرستال وعلى الصدر شوارفسكي

من الاخر شغل يرفع الراااااس



السابعه دراعه شكها وشغلها من ورا ومن جدام .. مو شغل هيلق كله شك وخرابيط عالفاضي لا يبه شغلي حلوو ومرتب والي خذا مني المره الي طافت يعرف شغلي

الي بتشوفها متأكده بتعجبها

الثامنه عباره عن بدلة كامله بنطرون افوايت وسيع مع مانتو طويل افوايت .. فيه غوله واقفه لونها سماوي والجم فيه سماوي وربطه ترنبط عالخصر سماويه
ومعاها ربطه حق الشعر همن سماويه ... البدله رووعه حق طلعه تلبسينها مع شيله وميك اب خفيف رووعه

والعرايس الي تبي تطلع مع ريلها ثاني ولا ثالث يوم عالعشا بره

وتبي تلبس بدله ماكو منها بسوق .. وفخمه ...

البدله تصلح حق حفله وحق استقبال ... بدال الخبه واللوعه .. سوي شعرج تسريحه
وحطي خطة كحل ومسكرا بدون شدو وحمره ورديه ناعمه ولبسيها ... شوفي الفخامه على اصولها وحري العذال
وكشخي جدام حمولتج خليهم ينصدمون من عروستهم

المهم يابنات عندي الثمنه والتاسعه والعاشره و و و و .. عندي 20 دراعه يعني لحقي او ماتلحقين حق مناسبتج او حق العيد

الدراريع جد شغل روعه واسعاري مو نار ولا غاليه نفس هالمعارض 120 و 70 وخامهم الله بالخير

اسعاري من 40 لي 50 لا اقل ولا اكثر

والي بتشوفهم بتعرف هالسعر ولا شي على فخامتهم

والتطريز والشغل والكرستال الي فيهم شي رزه

وخامهم شانتون وخام هندي

اكو قياسات من S لي xl

الي تبي حق الوالده ولا حق خالتها مووجود

والي عروس وتبي تكشخ جحدام حمولتها بدراريع وبدل مطرزه وتنانير قصيره مووجود

والي عندها استقبال وتبي تسوي تسرحه وميك اب نناعم وتبي بدله فخمه مووجود

والي تبي حق بيتها وريلها تكشخ همن مووجود

حياكم الله قبل العيد والزحمه واللويه

اخذيلج دراعه من الحين حطيها بكبت وريحي نفسج

وخلي السوق يصفط عاليمين

هذا رقمي

65755734
مسج بالعنوان وانا احدد لكم موعد وابلغكم


ومثل ماقتلكم الدراريع اييبها لي بيتكم تشوفونها على راحتكم ومابي حق توصيل اذا عجبج عليج بالعافيه واذا لا عادي نتشرف فيج

حياكم الله


السموحه المره الي طافت كتبت الرقم غلط .. قلبت اخر رقمين

رقمي الصح 65755734

 

[EL_dal3 kella]

حبيبتي ماتعرفين رقمهم عنوانهم شي شيااات :eh_s(15):

حبيبتي هــذآ رقمهم 55044061
ومكانهم : حــولي _شارع بن خلدون مجمع الحــدآد

وهذا كل اللي اعـــرفه ..

 

[كارلوفي فاري]

بنات خدمة نايس للعصاير حيل حلوة وماتفشل وام محمد تضبط الشغل ويفترون لي اخر العرس وسعرها مناسب بحدود 700 دينار بس كل شي ويسون تلبيس الصواني نفس الكوشه
والله ماقصرت بعرسنا

 

[Xga6waX]

بناااااااااااااااااااااااااااااااااااااااااااااااااااااااااااااااااااااااااااااااات
النجده

عرس اخوي اخر 11 .. وماكو وقت ..

ابي بدله .. ابي مكان حق شعر وميك اب

تكفون لا تقولولي مكان يحط مكياج ناعم مثل طقة ليلى هارموني لانه بدعو فيني بالملجه ..
مابي مكياج الوان واشكال جنه لوحه فنيه .. ابي شي راقي ويبرز الويه يبين اني اخت معرس


بليييييييييييييييييييييييييز ساعدووووووني ابي بدله سنعه

 

[أم*سلمان]

السلام عليكم و حرمة الله و بركاته


اختي الكريمه


انا عندي 3 بــدل من اتيليه @@ أنجلوس @@ تصميم (( هيثم التونسي )) ..

والله ما ابي امدح بالبدل لكن و قسم بالله ان البدله كل من شافها جن عليها والله ان صرنا انا و خواتي حدييث المووسم ..

والبدل فخمه فخمه شويه عليها ..


وعلى فكره تصلح لثــلاث فئات بس <<< عرس اختج _ أخووج _ صباحية عروووس >>>

بس يعني حرام تلبسنها بعرس بعييييييييييييييييييد ..

والصور اعذروني

للاستفسار :: 67069609

 

[Xga6waX]

اوكي ممكن تقوليلي حتى لو عالخاص الوانهم وديزايناتهم عالاقل .. يمكن مو اللي ببالي

 

[^emy^]

سلام بنات

شلوووووووونكم


ابي اسالكم شنو البخور والمرشات الي تحطونهم بالعرس


حددددي دايخه عليهم ابي حق عرس اخووووي :fun:

احنا خذينا مرشات الشايع اسمه الف ورده ..من جمعيه الخالديه وااايد روووووووعه
والبخور من الشايع عجيب .. في كمبودي روحي شمي ريحته وادعي لي

 

[~*~الملكة~*~]

احنا خذينا مرشات الشايع اسمه الف ورده ..من جمعيه الخالديه وااايد روووووووعه
والبخور من الشايع عجيب .. في كمبودي روحي شمي ريحته وادعي لي

حبيبتي مشكوووره ماقصرتي

 

[Toulin RTN]

رد : تجمــــع خوات المــــعرس لسنة 2011 ..بالمـــــبارك !!

بالمباااااااااااااارك للجميع

 

[^emy^]

واي بنات باقي اسبوع بالضبط على عرس اخووي
بس الحمدلله خلصنا التجهيزات .. اللي تبي اكسسوارت تروح الفروانيه الحمرا مول والعربيد مسوين تنزيلات واكسسواراتهم روووعه

 

[EL_dal3 kella]

الله يوفقكم انشالله ايمي ..

 

[^emy^]

الله يوفقكم انشالله ايمي ..

يوفق الجميع حبيبتي :hjy5jewf:

 

[English.Teacher]

رد : تجمــــع خوات المــــعرس لسنة 2011 ..بالمـــــبارك !!

حياتي ايمي بالتوفيق ان شاء الله


يالله ياكريم في هالليلة المباركة وهالساعة المباركة انك تتمم عرس اخو ايمي على خير وتتم عليهم فرحتهم ويصير عرسهم مثل مايبون ومايتمنون

<< عشان تقول الملائكة ولك مثلها


الله يسعد معاريسكم ويوفقهم ويسخر لكم عروستكم << خوش دعوة

 

[خ ر ف ا ت السهر]

رد : تجمــــع خوات المــــعرس لسنة 2011 ..بالمـــــبارك !!

حياتي ايمي بالتوفيق ان شاء الله


يالله ياكريم في هالليلة المباركة وهالساعة المباركة انك تتمم عرس اخو ايمي على خير وتتم عليهم فرحتهم ويصير عرسهم مثل مايبون ومايتمنون

<< عشان تقول الملائكة ولك مثلها


الله يسعد معاريسكم ويوفقهم ويسخر لكم عروستكم << خوش دعوة

اميييييييييييييييييييين يااااااااااااااااااارب

وعسى يوفق الكل ويتمم عليهم على خير ومايخسر تعبهم

 

[يوزره]

رد : تجمــــع خوات المــــعرس لسنة 2011 ..بالمـــــبارك !!

مبروك التجمع وانا حابه فيدكم
شوفو انا عرس اخوي شهر 2 انشاء الله وحاجزين للصاله من كوش ومن مدخل من خالد المالج والحلو من مادري شنو الروضان حلو شغلها حييييييييييييييييييييييل والطقاقه جايبين زمرده والبوفيه والتقديم والجاي والقهوا والفلبينيات وكل شي بيكون مع الفندق
ووووووو بعد شنو نسيت المصوره كنت جايبه مصوره عاااااااااااديه من الوسيط تصور بنات خالتي واهلي ودخلة اخوي وهسوالف وفيديو وتصوير
و البخور كان معمول القرشي موطبيعي يعج بصاله كااااااااااااااااااااااك
وانصحكم ترشون كلونيا بدال المخلطات لين الكلونيا تحسسج بالعرس وريحتها ثابته حتى لو رقصو وعرقو الكلونيا تقطع الريحه وووو بعد شنو نسيت
وبس والمعاريس اثنين والمهابيل الفين وبصراحه انا احب بوفيه الشاميه نضيف وراقي وحلووو الوطنيه صاير اي شي اكله ووماله طعم بربسه
انا اللي لايعلى عليه وصج طعم وشكل الشاميه راقي يبيض الوجه

وسلامتجن ومبروكين يااااااااااااااااااارب واذا تبون طقاقات انا انصح بلهيب وزمرده ونور الشام وقطعععع

لايقصون عليكم موضي الشمراني ترا طقها خايس واذا مو مصدقيني احضرو لها عرس ترا مو اهي اللي تطق اطلع وحده من للي عندها تطق تصدع راسج وطقهم مو نفس الكويت فن لا جنهم بحوش يطقون بجدور يذكروني بعرس امي قبل الغزو كااااك
لا ويخرعون كلهم نينجا تخافين تقولين كلمه

واذا على السكر انا انصح تاخذون غند وبلا شغل تكشخ بالعروس ترا محد درا عنكم عرس وبيخلص اذا بيتكلمون والله بدلة فلانه حلوه هذ ام المعرس هذي اخته هذي اللي تطلقت العام هذي اللي توها منفس اي ذكرتيها هذي السوده شوفي شلون صارت بيضه كله حش بحش وانا بصراحه ماحب اروح عرس اعرفه احب اروح عروس معارفها عشان اشوف اهل المعرس وستانس ورد البيت
شبي بعروس القريبين الكل مزوم على الثاني تخافين حتى تنفرين وتمشين خشمج بكلينكس يضحكون عليج كااااااااااك

تقبلوو مروري ياحبيباتي

 

[^emy^]

رد: رد : تجمــــع خوات المــــعرس لسنة 2011 ..بالمـــــبارك !!

حياتي ايمي بالتوفيق ان شاء الله
يالله ياكريم في هالليلة المباركة وهالساعة المباركة انك تتمم عرس اخو ايمي على خير وتتم عليهم فرحتهم ويصير عرسهم مثل مايبون ومايتمنون
<< عشان تقول الملائكة ولك مثلها
الله يسعد معاريسكم ويوفقهم ويسخر لكم عروستكم << خوش دعوة

فديـــــتج حبيبتي مشكوووووووووووره على هالدعوووه وماتقصرين والله .. الله يوفقج دنيا واخره :tek:

 

[EL_dal3 kella]

رد : تجمــــع خوات المــــعرس لسنة 2011 ..بالمـــــبارك !!

يــآآآآرب تســعد كـــل اخوان العضوات اللي اشتـــركوا بالمــوضوع هذا ويوفقهم بالعرس ويوفق معاريسهم وعسى خـــير وبـــركة عــليهم وانشالله العرس يصـــير من احلى العـــروس ووجه مرة اخــوهم خـــير عليهم



قـــــولوا آمـــــــــ..يــــن​

 

[EL_dal3 kella]

رد : تجمــــع خوات المــــعرس لسنة 2011 ..بالمـــــبارك !!

ســلآم عــليكم بنـــوتآآآت ..

((إهــــــداااااااااااء))

طبـــعاً من بـــعد اذن صـــاحبة المــوضوع حبيت اني اصمم توقيـــع لتجمعنا هذا

وكـــل وحدة عرس اخوها بسنة 2011 ياريت انها تحط هالتــوقيع هذا عشان نحافظ عـــلى التجمع

وعسى تجمـــعنآ كله بالأفـــرآآآآح ..​

[/url][/IMG]

 

[أميره بحبي]

^emy^ الله يوفقكم ويتمم عليكم فرحتكم ويجمع بينهم وجها خير يارب ...~
اسبوع ماباقي شي ...~ < انا باقي 3 شهور ومجننه اخوي لووول....~